 | ຫວຽດນາມ ຍາມໃດກໍ່ຖືເປັນສຳຄັນ ແລະ ປາດຖະໜາຢາກເພີ່ມທະວີການຮ່ວມມືຫຼາຍຝ່າຍ ກັບໂປໂລຍ |
| ຫວຽດນາມ ຍາມໃດກໍ່ຖືເປັນສຳຄັນການຮັກສາ ແລະ ເສີມຂະຫຍາຍສາຍພົວພັນແບບພິເສດ ຫວຽດນາມ - ລາວ |
ຕາມທ່ານ ບຸ່ຍແທງເຊີນ ແລ້ວ, ນີ້ແມ່ນຈຸດປະສົງທີ່ພາວະວິໄສ, ເລືອກເປັນຍຸດທະສາດ ແລະ ບຸລິມະສິດແຖວໜ້າໃນນະໂຍບາຍການຕ່າງປະເທດເປັນເອກະລາດ, ເປັນເຈົ້າຕົນເອງ, ການຫັນເປັນຫຼາຍຝ່າຍ ແລະ ການຫັນເປັນຄວາມຫຼາກຫຼາຍຂອງ ຫວຽດນາມ.
 |
| ທ່ານຮອງນາຍົກລັດຖະມົນຕີ, ລັດຖະມົນຕີວ່າການກະຊວງການຕ່າງປະເທດ ຫວຽດນາມ ບຸ່ຍແທງເຊີນ ໄດ້ຕ້ອນຮັບທ່ານເອກອັກຄະລັດຖະທູດວິສາມັນຜູ້ມີອຳນາດເຕັມແຫ່ງສປ ຈີນ ປະຈຳ ສສ ຫວຽດນາມ ແຮ່ເວີຍ. |
ທ່ານ ບຸ່ຍແທງເຊີນ ໄດ້ສະເໜີໃຫ້ທ່ານເອກອັກຄະລັດຖະທູດ ແຮ່ເວີຍ ແລະ ສະຖານທູດຈີນ ປະຈຳ ຫວຽດນາມ ຊຸກຍູ້ໃຫ້ບັນດາອົງການທີ່ກ່ຽວຂ້ອງຂອງຈີນ ສົມທົບກັນຢ່າງແໜ້ນແຟ້ນກັບບັນດາກະຊວງ, ຂະແໜງການ ແລະ ທ້ອງຖິ່ນຂອງຫວຽດນາມ ເພື່ອຜັນຂະຫຍາຍການປະຕິບັດຄວາມຮັບຮູ້ ແລະ ຂໍ້ຕົກລົງລວມຂັ້ນສູງຢ່າງປະສິດທິຜົນ, ຮັກສາ ແລະ ເສີມຂະຫຍາຍມູນເຊື້ອອັນດີງາມຂອງບັນດາເຄື່ອນໄຫວການພົບປະ, ແລກປ່ຽນລະຫວ່າງການນຳຂັ້ນສູງ ແລະ ທຸກຂັ້ນຂອງສອງພັກ ແລະ ສອງປະເທດ.
ຊຸກຍູ້ບັນດາຂົງເຂດຮ່ວມມືຕົວຈິງໃຫ້ບັນລຸໄດ້ບັນດາໝາກຜົນກວ່າອີກ, ນຳມາເຊິ່ງຜົນປະໂຫຍດທີ່ແທດຈິງໃຫ້ປະຊາຊົນສອງປະເທດ; ຍູ້ແຮງການພົບປະແລກປ່ຽນປະຊາຊົນ, ຮັດແໜ້ນພື້ນຖານສັງຄົມອັນໝັ້ນຄົງ, ສ້າງກຳລັງແຮງໃໝ່ໃຫ້ແກ່ການພັດທະນາການພົວພັນຫວຽດນາມ - ຈີນ. ສືບຕໍ່ຮັກສາການສົມທົບກັນ, ການຮ່ວມມືຢ່າງແໜ້ນແຟ້ນ ແລະ ສະໜັບສະໜູນເຊິ່ງກັນ ແລະ ກັນໃນບັນດາກົນໄກ ແລະ ເວທີປາໄສຫຼາຍຝ່າຍ; ສົມທົບກັນໃນການຄຸ້ມຄອງຊາຍແດນທາງບົກ ແລະ ພ້ອມກັນຮັກສາສັນຕິພາບ ແລະ ຄວາມເປັນປົກກະຕິຢູ່ທະເລ ໃຫ້ເປັນຢ່າງດີ.
ສະເໜີ 2 ຝ່າຍປະຕິບັດບັນດາຄວາມຮັບຮູ້ລວມຂັ້ນສູງຢ່າງເຂັ້ມງວດ, “ຂໍ້ຕົກລົງກ່ຽວກັບບັນດາຫຼັກການພື້ນຖານຊີ້ນຳ ເພື່ອແກ້ໄຂບັນດາບັນຫາທາງທະເລລະຫວ່າງຫວຽດນາມ - ຈີນ”; ຈັດການບັນຫາເຮືອຫາປາ, ຊາວປະມົງຢ່າງເໝາະສົມ; ວາງຕົວເອງໃຫ້ຢູ່ໃນຖານະຂອງກັນ, ເຄົາລົບບັນດາສິດ ແລະ ຜົນປະໂຫຍດທີ່ຖືກຕ້ອງຕາມກົດໝາຍ, ຊອບທຳຂອງກັນ ແລະ ກັນ, ແກ້ໄຂການຂັດແຍ້ງກັນ, ຄວາມບໍ່ລົງຮອຍກັນໂດຍສັນຕິວິທີ, ເໝາະສົມກັບກົດໝາຍສາກົນ ໃນນັ້ນມີ UNCLOS 1982.
 |
| ທີ່ການຕ້ອນຮັບ, ທ່ານຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ ຫວຽດນາມ ບຸຍແທງເຊີນ (ທາງຂວາ) ໄດ້ເຈລະຈາກັບທ່ານເອກອັກຄະລັດຖະທູດວິສາມັນຜູ້ມີອຳນາດເຕັມແຫ່ງ ສປ ຈີນ ປະຈຳ ສສ ຫວຽດນາມ ແຮ່ເວີຍ. |
ທ່ານເອກອັກຄະລັດຖະທູດ ແຮ່ເວີຍ ໄດ້ສະແດງຄວາມເປັນກຽດທີ່ໄດ້ຮັບດຳລົງຕຳແໜ່ງໜ້າທີ່ອັນສຳຄັນເປັນເອກອັກຄະລັດຖະທູດຈີນ ປະຈຳ ຫວຽດນາມ ໃນສະພາບການພົວພັນຄູ່ຮ່ວມມືຍຸດທະສາດຮອບດ້ານຈີນ - ຫວຽດນາມ ພວມກ້າວເຂົ້າສູ່ຍຸກສະໄໝໃໝ່, ສ້າງປະຊາຄົມແບ່ງປັນອະນາຄົດທີ່ມີຄວາມໝາຍຍຸດທະສາດ. ທ່ານເອກອັກຄະລັດຖະທູດ ແຮ່ເວີຍ ຢືນຢັນຈະມານະພະຍາຍາມຊຸກຍູ້ການຜັນຂະຫຍາຍບັນດາຂໍ້ຕົກລົງ ແລະ ຄວາມຮັບຮູ້ລວມຂັ້ນສູງ, ຕັ້ງໜ້າປະກອບສ່ວນເຂົ້າໃນການສ້າງປະຊາຄົມແບ່ງປັນອະນາຄົດລະຫວ່າງຈີນ -ຫວຽດນາມ ທີ່ມີຄວາມໝາຍຍຸດທະສາດໃນການພັດທະນາຢ່າງບໍ່ຢຸດຢັ້ງ ແລະ ມີປະສິດທິຜົນ, ນຳມາເຊິ່ງຜົນປະໂຫຍດທີ່ແທດຈິງໃຫ້ແກ່ປະຊາຊົນສອງປະເທດ.
 | ຫວຽດນາມ ຍາມໃດກໍ່ຖືເປັນສຳຄັນ ແລະ ໃຫ້ຄວາມບູຣິມະສິດສູງຕໍ່ການພົວພັນກັບ ປະເທດກຳປູເຈຍ ຍສໝ - ຫວຽດນາມ ໄດ້ປາດຖະໜາຢາກນຳການພົວພັນຖານ ບ້ານໃກ້ເຮືອນຄຽງຢ່າງມິດຕະພາບແບບດັ້ງເດີມທີ່ດີ, ການຮ່ວມມືແບບຍືນຍົງ ແລະ ໝັ້ນຄົງກັບປະເທດກຳປູເຈຍ ໃຫ້ນັບມື້ນັບແທດກັບຕົວຈິງ ແລະ ມີປະສິດທິຜົນ ເພື່ອຜົນປະໂຫຍດຂອງປະຊາຊົນສອງປະເທດ. |
 | ຫວຽດນາມ ຍາມໃດກໍ່ຖືເປັນສຳຄັນ ແລະ ສະໜັບສະໜູນລະບົບການຄ້າຫຼາຍຝ່າຍກັບ WTO ຍສໝ - ຫວຽດນາມຢຶດໝັ້ນຕໍ່ນະໂຍບາຍເປີດປະຕູ, ເຊື່ອມໂຍງເຂົ້າກັບສາກົນ, ແມ່ນ ສະມາຊິກທີ່ຕັ້ງໜ້າ ແລະ ມີຄວາມຮັບຜິດຊອບຂອງ WTO, ຍາມໃດກໍ່ຖືເປັນສຳຄັນ ແລະ ສະໜັບສະໜູນລະບົບການຄ້າຫຼາຍຝ່າຍກັບ WTO. |
ແທັງຮັ່ງ
