 |
ພາບປະກອບ
ລາຍການແສງສະຫວ່າງແຫ່ງຄວາມໄວ້ວາງໃຈ ແມ່ນ ລາຍການສັນລະເສີນກ່ຽວກັບ ອຸດົມການ ແລະ ເຈດຕະນາ; ຂອງຄວາມຕ້ອງການສໍາລັບເອກະລາດ ແລະ ເສລີພາບ... ລາຍການໄດ້ທົບທວນຄືນໄລຍະເວລາຜ່ານມາ 90 ປີຂອງພັກ; ໃຫ້ກຽດໃຫ້ແກ່ບັນດາຄະນະພັກ, ອົງການຈັດຕັ້ງພັກແລະ ສະມາຊິກພັກທີ່ດີເດັ່ນໃນການກໍ່ສ້າງ ແລະ ປ້ອງກັນ ປະເທດຊາດໃນປະຈຸບັນ. ພິເສດ, ດ້ວຍຄວາມໝາຍຂອງຄວາມກະຕັນຍູຕໍ່ບັນດານັກຮົບປະຕິວັດ, ໃນຂອບເຂດຂອງລາຍການຈະມີປະມານ 2.000 ຄົນ ຈູດທຽນຢູ່ສຸສານ ຮ່າງເຢືອງ - ໂກນດາວ. ກະຊວງວັດທະນະທຳ, ກິລາ ແລະ ທ່ອງທ່ຽວໃຫ້ຮູ້ວ່າ: ລາຍການສະແດງສິລະປະພິເສດລະດູໃບບານໃໝ່ ຈະໄດ້ຈັດຂຶ້ນໃນຕອນກາງຄືນຂອງວັນທີ 2 ກຸມພາ ທີ່ໂຮງລະຄອນໃຫຍ່ຮ່າໂນ້ຍ ແລະ ຖ່າຍທອດສົດທາງ VTV1. ລາຍການໄດ້ແບ່ງອອກເປັນ 3 ພາກດ້ວຍບັນດາທຳນອງດົນຕີ ແລະ ເຕັ້ນລຳ ເພື່ອຍ້ອງຍໍສັນລະເສີນພັກ, ລຸງໂຮ່ ແລະ ປະເທດຊາດ.
ກຳລັງແຮງຂອງພັກກອມມູນິດຫວຽດນາມ ກໍ່ເລີ່ມມາຈາກແຫຼ່ງກຳລັງແຮງຕົ້ນຕໍ່ຂອງຊາດ. ຍ້ອນເຫດນັ້ນ, ການປັບປຸງ ແລະ ເສີມຂະຫຍາຍ ກຳລັງແຮງແຫ່ງຄວາມມະຫາສາມັກຄີທົ່ວປວງຊົນທັງຊາດ ແມ່ນເນື້ອໃນທີ່ສຳຄັນໃນແນວທາງການປະຕິວັດຂອງພັກໃນຕະຫຼອດ 90 ປີທີ່ຜ່ານມາ. ກອງປະຊຸມໃຫ່ຍທົ່ວປະເທດ ຄັ້ງທີ 12 ຂອງພັກກອມມູນິດຫວຽດນາມ ໄດ້ຢືນຢັນວ່າ: “ມະຫາສາມັກຄີທົ່ວປວງຊົນທັງຊາດ ແມ່ນແນວທາງຍຸດທະສາດຂອງການປະຕິວັດຫວຽດນາມ, ແມ່ນກຳລັງໜູນ ແລະ ແມ່ນແຫຼ່ງກຳລັງອັນໃຫ່ຍຫຼວງໃນການສ້າງສາ ແລະ ປົກປັກຮັກສາປະເທດຊາດ.” ທ່ານຮອງສາດສະດາຈານ, ປະລິນຍາເອກ ບຸ່ຍຊວັນດຶກ, ພະແນກກົດໝາຍ, ມະຫາວິທະຍາໄລ ດ້າຍນາມ ຊີ້ແຈ້ງວ່າ: ພາລະກິດການປະຕິວັດຫວຽດນາມ ໂດຍພັກກອມມູນິດຫວຽດນາມ ນຳພາ ແມ່ນພາລະກິດທີ່ບໍ່ສາມາດຕັດແຍກອອກຈາກການສະໜັບສະໜູນ, ການປະກອບສ່ວນຂອງປະຊາຊົນໄດ້. ນັບແຕ່ເມື່ອພັກກອມມູມິດໄດ້ຮັບການສ້າງຕັ້ງຂຶ້ນ ແລະ ປະທານໂຮ່ຈີມິນ ນຳພາການປະຕິວັດຫວຽດນາມ ມາຮອດປະຈຸບັນ, ກຳລັງແຮງແຫ່ງຄວາມມະຫາສາມັກຄີທົ່ວປວງຊົນທັງຊາດ ໄດ້ຮັບການເສີມຂະຫຍາຍນັບມື້ນັບສູງກ່ວາອີກ ຍ້ອນມີການປະສົມຢ່າງກົມກຽວລະຫວ່າງບັນດາມູນເຊື້ອອັນລ້ຳຄ່າຂອງຊາດ ແລະ ການກຳນົດທິດວິທະຍາສາດຂອງລັດທິມາກ-ເລນິນ ແລະ ແນວຄິດໂຮ່ຈີມິນ ກ່ຽວກັບມະຫາສາມັກຄີທົ່ວປວງຊົນທັງຊາດ.
（ໄຊພອນ）
