 | ຮ່າໂນ້ຍ ລອດເຂົ້າບັນຊີລາຍຊື່ບັນດາສະຖານທີ່ທ່ອງທ່ຽວທີ່ດີທີ່ສຸດໃນໂລກ |
| ຮ່າໂນ້ຍ - ວຽງຈັນ (ລາວ) : ແບ່ງປັນປະສົບການໃນວຽກງານກວດກາພັກ |
ຈຸດໝາຍປາຍທາງຂອງນັກທ່ອງທ່ຽວພາຍໃນ ແລະ ສາກົນ
ໂດຍແບ່ງປັນກ່ຽວກັບວິວັດການສ້າງ ແລະ ພັດທະນາໃນການທ່ອງທ່ຽວຂອງທົ່ວປະເທດ ເວົ້າລວມ, ຮ່າໂນ້ຍ ເວົ້າສະເພາະ, ທ່ານ ໂດ໊ດິງເກືອງ ຮອງປະທານສະມາຄົມການທ່ອງທ່ຽວ ຮ່າໂນ້ຍ ໃຫ້ຮູ້ວ່າ ກ່ວາເຄິ່ງສະຕະວັດກ່ອນ, ຄຸນລັກສະນະຂອງຂະແໜງການທ່ອງທ່ຽວບໍ່ທັນໄດ້ມີຄວາມເປັນອັນໜຶ່ງດຽວເທົ່າກັບປະຈຸບັນ.
ພາຍຫຼັງສັນຍາປາຣີໄດ້ລົງນາມໃນປີ 1973, ພາກເໜືອບໍ່ມີສົງຄາມອີກ ໃນເວລານັ້ນ ນັກທ່ອງທ່ຽວສາກົນທີ່ເຂົ້າມາ ຫວຽດນາມ ແມ່ນບັນດາຄະນະການທູດ, ຊາວຫວຽດນາມຢູ່ຕ່າງປະເທດ ສະນັ້ນ ຕ້ອງການຄົນທີ່ມີຄວາມຮູ້ໜ້ອຍໜຶ່ງກ່ຽວກັບການທ່ອງທ່ຽວ ເພື່ອພານັກທ່ອງທ່ຽວໄປທ່ອງທ່ຽວ.
ໃນໄລຍະປີ 1980 - 1990, ເມື່ອຫວຽດນາມ ມີການພົວພັນອັນໃກ້ຊິດກັບບັນດາປະເທດສັງຄົມນິຍົມ, ເມື່ອນັ້ນ ການເດີນທາງໄປທ່ອງທ່ຽວຍັງ ລັດເຊຍ, ເຢຍລະມັນ ຖັດຈາກນັ້ນແມ່ນໄປຍັງ ໂປແລນ, ເຊັກໂກ... ຫາກໍ່ເລີ່ມເປັນໜໍ່ແໜງ, ເປັນຂີດໝາຍ ໄລຍະທີ່ມີຕະຫຼາດນັກທ່ອງທ່ຽວສາກົນ.
ພາຍຫຼັງ 1 ທົດສະວັດແຫ່ງການສ້າງຕັ້ງ ແລະ ພັດທະນາ, ຂະແໜງການທ່ອງທ່ຽວ ຫວຽດນາມ ແລະ ນະຄອນຫຼວງນັບມື້ນັບໄດ້ຮັບການຢືນຢັນທີ່ຕັ້ງ, ພາບພົດ, ຍີ່ຫໍ້ໃນພາກພື້ນ ກໍ່ຄືໃນໂລກ. ບັນດາອົງການ, ນັກຊ່ຽວຊານ, ຫົວໜ່ວຍວິສາຫະກິດບໍລິການທ່ອງທ່ຽວສາກົນສືບຕໍ່ສະເໜີ, ເຊີດຊູຮ່າໂນ້ຍ ໃນບັນດາລາງວັນທີ່ມີຊື່ສຽງ, ຂອບຂະໜາດໃນ ພາກພື້ນ ແລະ ສາກົນ.
ໃນປີ 2024, ຮ່າໂນ້ຍ ໄດ້ຮັບ 3 ລາງວັນຈາກ World Travel Awards ລວມມີ: “ຈຸດໝາຍປາຍທາງການທ່ອງທ່ຽວນະຄອນແຖວໜ້າ ຂອງອາຊີ” (Asia's Leading City Destination), “ຈຸດໝາຍປາຍທາງການທ່ອງທ່ຽວນະຄອນໃນການພັກຜ່ອນໄລຍະສັ້ນແຖວໜ້າ ຂອງອາຊີ” (Asia's Leading City Break Destination) ແລະ “ຈຸດໝາຍປາຍທາງວັດທະນະທຳແຖວໜ້າ ຂອງຫວຽດນາມ" (Vietnam’s Leading City Cultural Destination). ພື້ນຖານການທ່ອງທ່ຽວທາງອອນໄລແຖວໜ້າຂອງໂລກ Tripadvisor ໄດ້ເຊີດຊູຮ່າໂນ້ຍ ເປັນ “ຈຸດໝາຍປາຍທາງແຖວໜ້າຂອງໂລກ 2024” ແລະ “ຈຸດໝາຍປາຍທາງອາຫານທີ່ໜ້າສົນໃຈທີ່ສຸດໃນໂລກ 2024”.
 |
| ນັກທ່ອງທ່ຽວໄປທັດສະນະ ນະຄອນ ຮ່າໂນ້ຍ. ຮູບພາບ: ຈ໋ຽນກົງ |
ຂໍ້ມູນຈາກພະແນກການທ່ອງທ່ຽວ ຮ່າໂນ້ຍ ໃຫ້ເຫັນວ່າ ໄລຍະ 2016 – 2018, ຈຳນວນນັກທ່ອງທ່ຽວມາຮ່າໂນ້ຍ ບັນລຸລະດັບເຕີບໂຕສະເລ່ຍ 10,2%/ປີ, ໃນນັ້ນອັດຕາເຕີບໂຕຂອງນັກທ່ອງທ່ຽວສາກົນຂຶ້ນເຖິງ 22,5%/ປີ. ພາຍຫຼັງກວ່າ 2 ປີທີ່ການເຄື່ອນໄຫວເກືອບຢຸດສະງັກ ຍ້ອນ “ການສັ່ນສະເທືອນຄັ້ງໃຫຍ່” ຂອງລະບາດ ໂຄວິດ-19, ໃນປີ 2023 ຫວຽດນາມ ແມ່ນປະເທດທຳອິດຢູ່ເຂດອາຊີຕາເວັນອອກສ່ຽງໃຕ້ ທີ່ໄດ້ເປີດປະຕູຢ່າງເປັນທາງການ, ຍົກເລີກບັນດາຂໍ້ຈຳກັດເຂົ້າເມືອງກ່ຽວຂ້ອງເຖິງ ໂຄວິດ-19 ຢ່າງສິ້ນເຊີງ ແລະ ຟື້ນຟູການເຄື່ອນໄຫວທ່ອງທ່ຽວ.
ນີ້ແມ່ນຂີດໝາຍທີ່ສຳຄັນ, ເປັນຂີດໝາຍການເລີ່ມຕົ້ນໃຫ້ວິວັດການຟື້ນຟູ ແລະ ພັດທະນາຂອງຂະແໜງການທ່ອງທ່ຽວ ຫວຽດນາມ. ຍ້ອນແນວນັ້ນ ໃນປີ 2023, ຂະແໜງການທ່ອງທ່ຽວນະຄອນຫຼວງ ໄດ້ຕ້ອນຮັບແຂກທ່ອງທ່ຽວ 24 ລ້ານເທື່ອຄົນ, ໃນນັ້ນ ມີນັກທ່ອງທ່ຽວສາກົນ 4 ລ້ານກວ່າເທື່ອຄົນ. ແຕ່ຕົ້ນປີມາຮອດປະຈຸບັນ ຂະແໜງການທ່ອງທ່ຽວ ຮ່າໂນ້ຍ ໄດ້ຕ້ອນຮັບນັກທ່ອງທ່ຽວ 18,95 ລ້ານເທື່ອຄົນ, ເພີ່ມຂຶ້ນ 12,3% ເມື່ອທຽບໃສ່ໄລຍະດຽວກັນຂອງປີ 2023. ໃນນັ້ນ, ນັກທ່ອງທ່ຽວສາກົນບັນລຸ 3,94 ລ້ານເທື່ອຄົນ, ເພີ່ມຂຶ້ນ 42% ເມື່ອທຽບໃສ່ໄລຍະດຽວກັນຂອງປີ 2023.
ເມື່ອໄຈ້ແຍກສາຍເຫດທີ່ເຮັດໃຫ້ການທ່ອງທ່ຽວ ຮ່າໂນ້ຍ ກາຍເປັນຈຸດໝາຍປາຍທາງຂອງນັກທ່ອງທ່ຽວ ພາຍໃນ, ສາກົນ, ທ່ານ ຫງວຽນແມ້ງຖານ ປະທານສະມາຄົມການທ່ອງທ່ຽວ ຮ່າໂນ້ຍ ໃຫ້ຮູ້ວ່າ: ຫວ່າງມໍ່ໆມານີ້, ນະຄອນຮ່າໂນ້ຍ ໄດ້ຍູ້ແຮງການລົງທຶນຍົກລະດັບພື້ນຖານວັດຖຸ, ສົ່ງເສີມວິສາຫະກິດສ້າງ tour ໃໝ່ ໂດຍຜ່ານການຂຸດຄົ້ນຄວາມສາມາດບົ່ມຊ້ອນທ່າແຮງ ຂອງນະຄອນຫຼວງ.
ປີ 2016, ຄະນະພັກ ນະຄອນຮ່າໂນ້ຍ ໄດ້ປະກາດໃຊ້ມະຕິຕົກລົງເລກທີ 06-NQ/TU ລົງວັນທີ 26 ມິຖຸນາ 2016 ກ່ຽວກັບການພັດທະນາການທ່ອງທ່ຽວ ນະຄອນຫຼວງຮ່າໂນ້ຍ ໄລຍະ 2016 - 2020 ແລະ ຊຸມປີຕໍ່ໄປ, ໃນນັ້ນກຳນົດ “ສ້າງບາດກ້າວບຸກທະລຸໃນການພັດທະນາຮອບດ້ານການທ່ອງທ່ຽວ ຂອງນະຄອນຫຼວງຮ່າໂນ້ຍ ທັງຂອບຂະໜາດ ແລະ ທັງຄຸນນະພາບການບໍລິການ, ຮັບປະກັນຄວາມຍືນຍົງ; ຜະລິດຕະພັນການທ່ອງທ່ຽວທີ່ມີຄຸນນະພາບສູງ, ຫຼາກຫຼາຍ, ມີຍີ່ຫໍ້, ມີການແກ່ງແຍ້ງແຂ່ງຂັນ; ເຂັ້ມໄປດ້ວຍສີສັນວັດທະນະທໍາແຫ່ງຊາດ, ເປັນມິດກັບສິ່ງແວດລ້ອມ; ເຮັດໃຫ້ຮ່າໂນ້ຍ ກາຍເປັນຈຸດໝາຍປາຍທາງທີ່ມີຄວາມດຶງດູດ, ມີຖານັນດອນ ແລະ ສົມຄວນເປັນສູນການທ່ອງທ່ຽວຂອງພາກພື້ນ ແລະ ທົ່ວປະເທດ” - ທ່ານ ຫງວຽນແມ້ງຖານ ກ່າວ.
ປະຕິບັດແຜນນະໂຍບາຍນີ້, ໃນຊຸມປີຜ່ານມາ, ວຽກງານດຶງດູດແຫຼ່ງກຳລັງສັງຄົມລົງທຶນພັດທະນາລະບົບພື້ນຖານວັດຖຸເຕກນິກ ໃນຂະແໜງການທ່ອງທ່ຽວ ຮ່າໂນ້ຍ ໄດ້ຮັບຄວາມເອົາໃຈໃສ່. ຕາມນັ້ນແລ້ວ, ຮ່າໂນ້ຍ ສົ່ງເສີມບັນດານັກລົງທຶນສ້າງຕັ້ງບັນດາເຂດບໍລິການທ່ອງທ່ຽວທີ່ຄົບວົງຈອນ, ໂຄງການບໍລິການທີ່ມີຂອບຂະໜາດໃຫຍ່, ບັນດາສູນການຄ້າ, ການບັນເທິງທີ່ມີຄຸນນະພາບສູງ.
ດ້ວຍຄວາມຕັດສິນໃຈທີ່ຖືກຕ້ອງນີ້, ແຕ່ປີ 2016 ຮອດປະຈຸບັນ, ຮ່າໂນ້ຍ ໄດ້ຜັນຂະຫຍາຍຫຼາຍໂຄງການພັດທະນາພື້ນຖານວັດຖຸເຕັກນິກ, ຜະລິດຕະພັນການທ່ອງທ່ຽວລົງທຶນເຂົ້າໃນໂຄງການອະນຸລັກຮັກສາ, ເສີມຂະຫຍາຍຄຸນຄ່າຂອງໝູ່ບ້ານອາຊີບເຄື່ອງປັ້ນດິນເຜົາ ບາດຈ່າງ ແລະ ຕ່ຳແຜ່ນແພໄໝ ວ້ານຝຸກ ກາຍເປັນຈຸດຫມາຍປາຍທາງການທ່ອງທ່ຽວທີ່ບັນລຸມາດຕະຖານສາກົນ; ໂຄງການເຂດທ່ອງທ່ຽວ, ບັນເທີງ ແລະ ຕົວເມືອງນິເວດ ຕວນເຈົ່າ (ກ໋ວກອວາຍ)... ມາຮອດປະຈຸບັນ, ຮ່າໂນ້ຍ ມີສະຖານທີ່ພັກເຊົາ 3.760 ແຫ່ງ ດ້ວຍ 71.246 ຫ້ອງ; ໃນນັ້ນ, ມີ 606 ໂຮງແຮມ ແລະ ເຂດເຮືອນຢູ່ ເຊິ່ງໄດ້ຮັບການຈັດອັນດັບແຕ່ 1 – 5 ດາວ.
ສຸມໃສ່ຕະຫຼາດລູກຄ້າເປົ້າຫມາຍ
ເພື່ອຍູ້ໄວຂະບວນການຟື້ນຟູ, ເລັ່ງລັດການພັດທະນາການທ່ອງທ່ຽວແບບຍືນຍົງ ຕາມຈິດໃຈຂອງມະຕິຕົກລົງ 82/NQ-CP ລົງວັນທີ 18 ພຶດສະພາ 2023 ຂອງລັດຖະບານ, ຂະແໜງການທ່ອງທ່ຽວ ຮ່າໂນ້ຍ ພວມຍູ້ແຮງການຂຸດຄົ້ນບັນດາຕະຫຼາດສາກົນ ໃນນັ້ນ ສຸມໃສ່ເຂົ້າບັນດາຕະຫຼາດເປົ້າໝາຍເຊັ່ນ: ເອີຣົບ, ອາຊີເຫນືອ, ຈີນ, ອິນເດຍ ...
ໂດຍເປັນຫົວໜ່ວຍທີ່ໄດ້ຕ້ອນຮັບແຂກມາຈາກຕະຫຼາດຈີນ ເປັນເວລາຫຼາຍປີ, ທ່ານນາງ ໂງທິລານເຟືອງ ຫົວໜ້າບໍລິສັດຫຸ້ນສ່ວນການທ່ອງທ່ຽວສາກົນ ກິມລຽນ ໄດ້ແບ່ງປັນວ່າ, ແຂກທ່ອງທ່ຽວຈີນ ມັກເດີນທາງເປັນຄະນະຫຼາຍຄົນ ແລະ ໄດ້ຈ່າຍເປັນຈຳນວນຫຼາຍໃຫ້ສຳລັບອາຫານການກິນ, ການລົງຕົວຈິງວັດທະນະທຳ, ການບັນເທີງ, ການຄ້າ, ຊອກຫາໂອກາດການຮ່ວມມື ສະນັ້ນ ຈະຢູ່ພັກເຊົາເປັນເວລາດົນ.
“ນີ້ແມ່ນໜຶ່ງໃນບັນດາຕະຫຼາດເປົ້າໝາຍຂອງການທ່ອງທ່ຽວ ຫວຽດນາມ ໃນໄລຍະຈະມາເຖິງ, ສະນັ້ນ, ຂະແໜງການທ່ອງທ່ຽວຕ້ອງສ້າງບັນດາຜະລິດຕະພັນທີ່ຕິດພັນກັບບັນດການລົງຕົວຈິງທີ່ເປັນເອກະລັກສະເພາະ, ພິເສດແມ່ນບັນດາຮູບແບບສິລະປະບັນເທີງ, ການສະແດງ show ເພື່ອຍູ້ແຮງການຂຸດຄົ້ນເສດຖະກິດກາງຄືນ. ນອກຈາກນັ້ນ, ອາດຈະເປີດກວ້າງການເຊື່ອມຕໍ່ບັນດາເສັ້ນທາງໃນເຂດຕົວເມືອງກັບບັນດາຈຸດຢູ່ເຂດຊານເມືອງ ເພື່ອແກ່ຍາວເວລາການພັກເຊົາຂອງແຂກທ່ອງທ່ຽວ ຢູ່ຮ່າໂນ້ຍ” - ທ່ານນາງ ໂງທິລານເຟືອງ ໄດ້ສະເໜີ.
ທ່ານຫົວໜ້າບໍລິສັດຫຸ້ນສ່ວນລົງທຶນການທ່ອງທ່ຽວ ຮ່າໂນ້ຍ (Hanoi Tourism) ຫຍື້ທິເງິ່ນ ກໍ່ໃຫ້ຮູ້ວ່າ ປະຈຸບັນບັນດາຄູ່ຮ່ວມມື ສ.ເກົາຫຼີ ຢາກ “ຈັບມື” ກັບບັນດາວິສາຫະກິດ ຫວຽດນາມ ເພື່ອພານັກທ່ອງທ່ຽວ ສ.ເກົາຫຼີ, ຈີນ ມາຮ່າໂນ້ຍ ຜ່ານ tour ເສັ້ນທາງລະຫວ່າງ 3 ປະເທດ. ເຂົາເຈົ້າຫວັງວ່າ ຢູ່ຮ່າໂນ້ຍ ຈະມີບັນດາບ່ອນຊື້ຜະລິດຕະພັນກະເສດທີ່ມີຄຸນນະພາບສູງ ເພື່ອເຮັດຂອງຕ້ອນຂອງຝາກ. ຮ່າໂນ້ຍ ມີສິນຄ້າ OCOP ຫຼາຍປະເພດ ທີ່ຕອບສະໜອງໄດ້ຄວາມຕ້ອງການຂອງລູກຄ້າ ສ.ເກົາຫຼີ, ຈີນ, ແຕ່ນະຄອນກໍ່ຕ້ອງສ້າງບັນດາຈຸດການຄ້າທີ່ໄດ້ມາດຕະຖານ, ຕັ້ງຢູ່ໃນຈຸດທີ່ສະດວກ.
ຄາດຄະເນກ່ຽວກັບຕະຫຼາດທ່ອງທ່ຽວສາກົນ ໃນຊຸມປີຈະມາເຖິງ, ບັນດານັກຊ່ຽວຊານທ່ອງທ່ຽວ ພິນິດໄສວ່າ ໃນສະພາບປະຈຸບັນ, ເມື່ອສ່ວນຫຼາຍບັນດາປະເທດປະສົບກັບຄວາມຫຍຸ້ງຍາກຫຼາຍຢ່າງ ຍ້ອນວິກິດການເສດຖະກິດ,ການເມືອງ ເຮັດໃຫ້ນັກທ່ອງທ່ຽວ ເອີຣົບ ມີທ່າອ່ຽງຈຳກັດການໄປທ່ອງທ່ຽວ ສະນັ້ນ ການດຶງດູດບັນດາຕະຫຼາດທີ່ພົ້ນເດັ່ນຄືຕາເວັນອອກກາງ, ອິນເດຍເປັນທິດທາງທີ່ມີຄວາມສາມາດເປັນໄປໄດ້.
ໃນຊຸມປີມໍ່ໆມານີ້, ຈຳນວນແຂກທ່ອງທ່ຽວ ອິນເດຍ ມາຫວຽດນາມ ຍາມໃດກໍ່ຮັກສາຢູ່ລະດັບປົກກະຕິ, ປະມານ 140.000 – 150.000 ເທື່ອຄົນ/ປີ, ເປັນໜຶ່ງໃນບັນດາຕະຫຼາດ 10 ແຫ່ງທີ່ສົ່ງນັກທ່ອງທ່ຽວມາຫວຽດນາມ ຫຼາຍທີ່ສຸດ. ສຳລັບຕະຫຼາດຕາເວັນອອກກາງ, ເຖິງວ່າພຽງແຕ່ຢຸດຢູ່ໃນລະດັບນັກທ່ອງທ່ຽວ 20.000 - 30.000 ຄົນຕໍ່ປີ, ແຕ່ກໍ່ແມ່ນລູກຄ້າທີ່ມີລະດັບລາຍຈ່າຍສູງ ແລະ ຈຳນວນແຂກຄາດວ່າຈະມາຫວຽດນາມ ເມື່ອໄດ້ເຂົ້າເຖິງຂໍ້ມູນຂ່າວສານຫຼາຍຂຶ້ນ.
ຕີລາຄາສູງຄວາມສຳຄັນຂອງການດຶງດູດນັກທ່ອງທ່ຽວສາກົນມາຮ່າໂນ້ຍ, ທ່ານຫົວໜ້າພະແນກການທ່ອງທ່ຽວ ຮ່າໂນ້ຍ ດັ້ງເຮຶອງຢ່າງ ໃຫ້ຮູ້ວ່າ ໃນໄລຍະຈະມາເຖິງ, ພະແນກຈະສຸມໃສ່ບັນດາວິທີການແກ້ໄຂ ເພື່ອດຶງດູດແຂກທ່ອງທ່ຽວຈາກຕະຫຼາດໃໝ່, ສ້າງຜະລິດຕະພັນ “3 ປະເທດ ໜຶ່ງຈຸດໝາຍປາຍທາງ”ລວມມີ : ຫວຽດນາມ, ລາວ, ກຳປູເຈຍ, ໃນນັ້ນ ມີສູນດຶງດູດການທ່ອງທ່ຽວແມ່ນ ຮ່າໂນ້ຍ. ນອກຈາກນີ້, ພະແນກກໍ່ຈະຍູ້ແຮງການປະສານກັບບໍລິສັດການບິນ Emirates ຂອງ ດູບາຍ ໃນການພາແຂກຈາກຕາເວັນອອກກາງມາຍັງ ຮ່າໂນ້ຍ.
ເພື່ອເພີ່ມການລົງຕົວຈິງ, ສົ່ງເສີມໃຫ້ນັກທ່ອງທ່ຽວສາກົນມາໃຊ້ຈ່າຍນັ້ນ, ການທ່ອງທ່ຽວ ຮ່າໂນ້ຍ ຈະສືບຕໍ່ຜັນຂະຫຍາຍການສ້າງ,ພັດທະນາ tour ວັດທະນະທຳທີ່ຕິດພັນກັບມໍລະດົກ - ຮ່ອງຮອຍ, ໝູ່ບ້ານອາຊີບຈຳນວນໜຶ່ງຕາມເສັ້ນທາງ ແທງຈີ - ເທືອງຕິ໋ນ - ຝູ໋ຊວຽນ ແລະ ເສັ້ນທາງ ແທັງອວາຍ - ອຶ໋ງຮວາ - ໝີ໊ດືກ. ພ້ອມກັນນັ້ນ, ກໍ່ຍູ້ແຮງການພັດທະນາບັນດາຜະລິດຕະພັນການທ່ອງທ່ຽວທາງແມ່ນ້ຳເຊື່ອມຕໍ່ບັນດາຈຸດໝາຍປາຍທາງລຽບຕາມແມ່ນ້ຳແດງ, ແມ່ນ້ຳ ດ໋ວງ, ເຮັດສຳເລັດເສັ້ນທາງທ່ອງທ່ຽວ ເຈືອງເຢືອງໂດ້ - ບາດຈ່າງ - ຫໍວິຫານ ຈື້ດົງຕື້...
ວຽກງານໂຄສະນາເຜີຍແຜ່ ໃນພື້ນຖານດິຈິຕອນ ກໍ່ໄດ້ຖືເປັນສຳຄັນໃນການສື່ສານຮູບພາບຈຸດໝາຍປາຍທາງ, ຜະລິດຕະພັນການທ່ອງທ່ຽວໃໝ່ ຂອງນະຄອນຫຼວງ ໃນບັນດາຊ່ອງທາງສື່ມວນຊົນພາຍໃນ ແລະ ສາກົນ. ຮ່າໂນ້ຍ ພະຍາຍາມຫັນປ່ຽນບັນດາຮູບແບບການສື່ສານພື້ນຖານດີຈີຕອນ, ເຄືອຂ່າຍສັງຄົມ ເພື່ອເຜີຍແຜ່ ແລະ ດຶງດູດນັກທ່ອງທ່ຽວເຂົ້າມານະຄອນຫຼວງ ດ້ວຍຂໍ້ຄວາມທີ່ລຸລ່ວງວ່າ: “ຮ່າໂນ້ຍ - ມາເພື່ອຮັກ” ແລະ “ຮ່າໂນ້ຍ - ຈຸດໝາຍປາຍທາງການທ່ອງທ່ຽວທີ່ປອດໄພ, ເປັນມິດ, ມີຄຸນນະພາບ ແລະ ດຶງດູດໃຈ”.
 | ງານແຂ່ງຂັນເທັນນິດ ມິດຕະພາບ 2024: ກິລາເຊື່ອມຕໍ່ຊາວຮ່າໂນ້ຍ ກັບເພື່ອນມິດສາກົນ ຍສໝ - ວັນທີ 22 ກັນຍາ, ຢູ່ຮ່າໂນ້ຍ, ສະຫະພັນບັນດາອົງການມິດຕະພາບນະຄອນຫຼວງຮ່າໂນ້ຍ ໄດ້ສົມທົບກັບພະແນກວັດທະນະທຳ ແລະ ກິລາຮ່າໂນ້ຍ ຈັດຕັ້ງພິທີເປີດງານແຂ່ງຂັນເທັນນິດມິດຕະພາບ 2024. ການເຄື່ອນໄຫວເພື່ອແນໃສ່ສ້າງເງື່ອນໄຂໃຫ້ບັນດານັກການທູດທີ່ເຮັດວຽກຢູ່ຮ່າໂນ້ຍ ໄດ້ມີໂອກາດພົບປະ,ແລກປ່ຽນກັບພະນັກງານທີ່ເຮັດວຽກງານການທູດປະຊາຊົນ ແລະ ຂະແໜງວັດທະນະທຳ, ກິລາຂອງນະຄອນຫຼວງ. |
 | ຍສໝ - Festival ຊາວໜຸ່ມສາກົນ ຄັ້ງທີ III ປີ 2024 ດ້ວຍການເຂົ້າຮ່ວມຂອງຊາວໜຸ່ມປະມານ 5.000 ຄົນ, ຄາດວ່າຈະດຳເນີນໃນວັນທີ 14 ກັນຍາ ຢູ່ເຂດຖະໜົນຄົນຍ່າງ ເຈີ່ນເຍີນຕົງ ແລະ ເຂດອ້ອມແອ້ມ (ຕາແສງ ຫງວຽນຢູ, ເມືອງ ຮາຍບາຈື່ງ, ນະຄອນ ຮ່າໂນ້ຍ). |
ແທັງຮັ່ງ
