 | ຫ້ອງຮຽນພາສາຫວຽດນາມ ຢູ່ໃນອຸມົງລີ້ໄພທີ່ Odessa (ອູແກຣນ) |
| ການຮ່ວມມືດ້ານເສດຖະກິດ ຫວຽດນາມ - ສິງກະໂປ: ກຳລັງໜູນຈາກການຫັນເປັນດິຈິຕອນ ແລະ ເສດຖະກິດສີຂຽວ |
 |
| ບັນຍາກາດທີ່ກອງປະຊຸມສຳມະນາ. |
ຕາມນັກຂ່າວຫວຽດນາມ ປະຈຳ ນິວຢອກ ແລ້ວ, ກ່າວຄຳປາໄສໃນພິທີໄຂ, ທ່ານປະທານຄະນະກຳມະການທີ 2 Muhammad Abdul Muhith ເນັ້ນໜັກວ່າ ຄະນະກຳມະການທີ 2 ຕ້ອງສຸມໃສ່ປະຕິບັດບັນດາເປົ້າໝາຍການກະທຳຂອງຂໍ້ຕົກລົງເພື່ອອະນາຄົດ, ໃນນັ້ນ ມີການຮັບມືກັບການປ່ຽນແປງຂອງດິນຟ້າອາກາດ, ຊຸກຍູ້ການພັດທະນາແບບຍືນຍົງ ແລະ ປະຕິຮູບໂຄງສ້າງການເງິນສາກົນ. ຢູ່ກອງປະຊຸມສຳມະນາລວມພາຍຫຼັງພິທີໄຂ, ບັນດາປະເທດໄດ້ແບ່ງປັນຄວາມຄິດເຫັນ ກ່ຽວກັບບັນດາຄວາມຫຍຸ້ງຍາກ, ສິ່ງທ້າທາຍສະຫຼັບກັນສຳລັບການປະຕິບັດ ໂຄງການດຳເນີນງານ 2030 ກ່ຽວກັບການພັດທະນາແບບຍືນຍົງ, ຮຽກຮ້ອງຕ້ອງສົມທົບກັນ ເພື່ອແກ້ໄຂບັນດາສິ່ງທ້າທາຍໃນດ້ານເສດຖະກິດ, ການເງິນ, ດິນຟ້າອາກາດ, ການຫລຸດຜ່ອນຄວາມທຸກຍາກ...
ກ່າວຄຳປາໄສທີ່ກອງປະຊຸມສຳມະນາ, ທ່ານ ເອກອັກຄະລັດຖະທູດ ດັ້ງຮວ່າງຢ່າງ, ຫົວໜ້າຄະນະຜູ້ປະຈຳການຫວຽດນາມ ປະຈຳ ສປຊ, ໄດ້ສະແດງຄວາມວິຕົກກັງວົນວ່າ ເມື່ອຄາດວ່າມີປະມານ 80% ບັນດາເປົ້າໝາຍພັດທະນາແບບຍືນຍົງປະເຊີນໜ້າກັບຄວາມສ່ຽງທີ່ຈະບໍ່ສາມາດບັນລຸໄດ້ຕາມເວລາກຳນົດ ຍ້ອນວ່າຜົນກະທົບຂອງຄວາມເຄັ່ງຕຶງດ້ານການເມືອງ, ວິກິດການດ້ານມະນຸດສະທຳ, ສິ່ງທ້າທາຍກ່ຽວກັບສະພາບອາກາດ ແລະ ຄວາມບໍ່ສະເໝີພາບທີ່ເພີ່ມຂຶ້ນ. ເຖິງຢ່າງໃດກໍ່ຕາມ, ປະຊາຄົມສາກົນໄດ້ສະແດງໃຫ້ເຫັນຄຳໝັ້ນສັນຍາຢ່າງເຂັ້ມແຂງໃນການປະຕິບັດ ໂຄງການດຳເນີນງານປີ 2030 ກ່ຽວກັບການພັດທະນາແບບຍືນຍົງ ຢູ່ກອງປະຊຸມສຸດຍອດ ໃຫ້ແກ່ການພັດທະນາແບບຍືນຍົງປີ 2023 ແລະ ການຮັບຮອງເອົາສົນທິສັນຍາເພື່ອອະນາຄົດ ຫວ່າງມໍ່ໆນີ້.
 |
| ທ່ານ ເອກອັກຄະລັດຖະທູດ ດັ້ງຮວ່າງຢ່າງ, ຫົວໜ້າຄະນະຜູ້ປະຈຳການຫວຽດນາມ ປະຈຳ ສປຊ, ກ່າວຄຳປາໄສທີ່ກອງປະຊຸມສຳມະນາລວມ. |
ໃນສະພາບການນັ້ນ, ທ່ານ ເອກອັກຄະລັດຖະທູດ ດັ້ງຮ່ວາງຢ່າງ ໄດ້ສະເໜີບາງຂົງເຂດເຄື່ອນໄຫວຈຸດສຸມ ເພື່ອບັນລຸການພັດທະນາແບບຍືນຍົງ. ກ່ອນອື່ນໝົດ, ຕ້ອງປະຕິຮູບໂຄງສ້າງການເງິນສາກົນ, ໃນນັ້ນມີບັນດາລະບອບລະບຽບການການເງິນສາກົນ ແລະ ບັນດາທະນາຄານພັດທະນາຫຼາຍຝ່າຍ ເພື່ອຮັບປະກັນການເຂົ້າຮ່ວມປະກອບສ່ວນຂອງບັນດາປະເທດພວມພັດທະນາໃນການຄຸ້ມຄອງເສດຖະກິດທົ່ວໂລກ. ບັນດາປະເທດຄວນສືບຕໍ່ເພີ່ມທະວີຄວາມຍືນຍົງຂອງພື້ນຖານເສດຖະກິດ ໂດຍຜ່ານບັນດານະໂຍບາຍເສດຖະກິດຢ່າງມີປະສິດທິຜົນ ແລະ ການສະໜັບສະໜູນຈາກບັນດາຄູ່ຮ່ວມມືສາກົນ ເພື່ອຮັບປະກັນການເງິນໃຫ້ແກ່ການພັດທະນາ, ຍາດແຍ່ງເອົາຜົນປະໂຫຍດຈາກການພັດທະນາວິທະຍາສາດ, ເຕັກໂນໂລຊີ, ການປ່ຽນແປງໃໝ່, ປັນຍາປະດິດ, ໃນນັ້ນມີການປະຕິບັດຂໍ້ຕົກລົງດີຈີຕອນທົ່ວໂລກຢ່າງມີປະສິດທິຜົນ.
ທີສອງ, ຕ້ອງຍູ້ແຮງການກະທຳກ່ຽວກັບດິນຟ້າອາກາດໂດຍຜ່ານການປະຕິບັດບັນດາຄຳໝັ້ນສັນຍາ ແລະ ເພີ່ມທະວີການເງິນສຳລັບດິນຟ້າອາກາດ; ການຫັນປ່ຽນໄປສູ່ພະລັງງານທົດແທນແມ່ນເສັ້ນທາງຈຳເປັນ ເພື່ອຫຼຸດຜ່ອນການປ່ອຍອາຍພິດເຮືອນແກ້ວ ແລະ ສ້າງອະນາຄົດທີ່ຍືນຍົງກວ່າ. ຫວຽດນາມ ຊົມເຊີຍການໜູນຊ່ວຍຂອງ ສປຊ ແລະ ບັນດາຄູ່ຮ່ວມມືສາກົນໃນການປະຕິບັດການພົວພັນຄູ່ຮ່ວມມື ກ່ຽວກັບການຫັນປ່ຽນພະລັງງານຍຸຕິທຳ ແລະ ຮຽກຮ້ອງເພີ່ມທະວີການໜູນຊ່ວຍໃຫ້ບັນດາປະເທດພວມພັດທະນາ.
ທີສາມ, ຕ້ອງເອົາໃຈໃສ່ເຖິງການຫລຸດຜ່ອນຄວາມທຸກຍາກ ແລະ ຮັບປະກັນຄວາມໝັ້ນຄົງດ້ານສະບຽງອາຫານໃຫ້ແກ່ທຸກຄົນ ໂດຍຜ່ານການຊຸກຍູ້ກະສິກຳແບບຍືນຍົງ, ການຫັນຕົ້ນໄມ້ປູກເປັນຫຼາຍຮູບແບບ ແລະ ຮັບປະກັນຕ່ອງໂສ້ການສະໜອງສະບຽງອາຫານ, ກໍ່ຄືທັງເພີ່ມທະວີການລົງທຶນດ້ານການສຶກສາ, ສ້າງວຽກເຮັດງານທຳ.
ທ່ານ ເອກອັກຄະລັດຖະທູດ ດັ້ງຮວ່າງຢ່າງ ກໍ່ສະແດງຄວາມສາມັກຄີກັບບັນດາປະເທດທີ່ດ້ອຍພັດທະນາທີ່ສຸດ, ບັນດາປະເທດພວມພັດທະນາທີ່ບໍ່ມີທະເລ ແລະ ໝູ່ເກາະນ້ອຍ, ພ້ອມກັນນັ້ນ ກໍ່ຮຽກຮ້ອງໃຫ້ເພີ່ມທະວີການປະຕິບັດ ລາຍການກະທຳທີ່ຈັດແບ່ງໃຫ້ບັນດາປະເທດດັ່ງກ່າວນີ້.
ປະຈຸບັນ ຫວຽດນາມ ຢືນອັນດັບທີ 55 ໃນຈຳນວນ 166 ປະເທດກ່ຽວກັບຄວາມຄືບໜ້າໃນການປະຕິບັດບັນດາເປົ້າໝາຍພັດທະນາແບບຍືນຍົງ, ແຕ່ຍັງຕ້ອງໄດ້ເຮັດຫຼາຍວຽກງານ ເພື່ອສ້າງໂຄງປະກອບພື້ນຖານເສດຖະກິດຄືນໃໝ່, ຫຼຸດຜ່ອນຜົນກະທົບຈາກການປ່ຽນແປງຂອງດິນຟ້າອາກາດ ແລະ ໄພທຳມະຊາດ. ຫົວໜ້າຄະນະຜູ້ຕາງໜ້າປະຈຳການຫວຽດນາມ ປະຈຳ ສປຊ ເນັ້ນໜັກເຖິງຄວາມຈຳເປັນຕ້ອງເພີ່ມທະວີການພົວພັນຄູ່ຮ່ວມມືໃນການສະໜອງດ້ານການເງິນເພື່ອພັດທະນາ, ຖ່າຍທອດເຕັກໂນໂລຊີ. ຫວຽດນາມ ພ້ອມແລ້ວທີ່ຈະຮ່ວມມືກັບບັນດາຄູ່ຮ່ວມມືທີ່ກ່ຽວຂ້ອງມຸ່ງໄປເຖິງອະນາຄົດແບບຍືນຍົງ ແລະ ບໍ່ປະໃຜໄວ້ຢູ່ທາງຫຼັງ.
 | ການສົມດຸນລະຫວ່າງການພັດທະນາການທ່ອງທ່ຽວ ແລະ ການອະນຸລັກມໍລະດົກວັດທະນະທໍາ ຫວຽດນາມ - ຍີ່ປຸ່ນ ຍສໝ - ການສຳມະນາດ້ານການທ່ອງທ່ຽວລະຫວ່າງ ຫວຽດນາມ -ຍີ່ປຸ່ນ ຄັ້ງທີ 2 ໂດຍມີຫົວຂໍ້ວ່າ “ການສົມດຸນລະຫວ່າງການພັດທະນາການທ່ອງທ່ຽວ ແລະ ການອະນຸລັກມໍລະດົກວັດທະນະທໍາ ຫວຽດນາມ - ຍີ່ປຸ່ນ ຮ່ວມມືມຸ່ງໄປເຖິງການທ່ອງທ່ຽວແບບຍືນຍົງ” ຈັດຂຶ້ນໃນວັນທີ 2 ຕຸລາ ຢູ່ນະຄອນຫຼວງ ຮ່າໂນ້ຍ. |
 | ຍສໝ - ຊຸມຊົນຊາວ ຫວຽດນາມ ຢູ່ຮຸ່ງກາຣີ ໄດ້ບໍລິຈາກເງິນປະມານ 44,000 ເອີໂຣ (ເທົ່າກັບປະມານ 1,2 ຕື້ ດົງ) ເພື່ອຊ່ວຍເຫຼືອພີ່ນ້ອງທີ່ໄດ້ຮັບຜົນກະທົບຈາກພາຍຸ ຍາກີ ຢູ່ບ້ານເກີດເມືອງນອນ. |
ແທັງຮັ່ງ
