ການນໍາອົງການໄອຍະການປະຊາຊົນສູງສຸດ ຫວຽດນາມ ຕ້ອນຮັບຄະນະຜູ້ແທນອົງການໄອຍະການປະຊາຊົນ ນະຄອນຫຼວງວຽງຈັນ, ສປປ ລາວ

ຍສໝ - ຕອນບ່າຍວັນທີ 2 ຕຸລາ, ຢູ່ສໍານັກງານໃຫຍ່ອົງການ, ສະຫາຍ ຫງວຽນກວາງຢຸງ, ຮອງຫົວໜ້າອົງການໄອຍະການປະຊາຊົນສູງສຸດ ຫວຽດນາມ ໄດ້ໃຫ້ການຕ້ອນຮັບຄະນະຜູ້ແທນອົງການໄອຍະການປະຊາຊົນ ນະຄອນຫຼວງວຽງຈັນ, ສປປ ລາວ ໂດຍ ສະຫາຍ ຄຳສຸກ ແສງມີໄຊ, ຫົວໜ້າອົງການໄອຍະການປະຊາຊົນ ນະຄອນຫຼວງວຽງຈັນ ເປັນຫົວໜ້າຄະນະ ເນື່ອງໃນໂອກາດມາຢ້ຽມຢາມ ແລະ ເຮັດວຽກ ຢູ່ ສສ ຫວຽດນາມ.

	ລາວ: ນະຄອນຫຼວງວຽງຈັນ ແລະ ຫຼວງພະບາງ ກະກຽມຮັບມືກັບໄພນໍ້າຖ້ວມ ເນື່ອງຈາກລະດັບນໍ້າຂອງແມ່ນໍ້າຂອງເພີ່ມຂຶ້ນສູງ
	ສະພາຜູ້ແທນປະຊາຊົນ ນະຄອນຫຼວງຮ່າໂນ້ຍ ແລະ ນະຄອນຫຼວງວຽງຈັນ ລາວ ເພີ່ມທະວີການຮ່ວມມື

ເຂົ້າຮ່ວມການຕ້ອນຮັບ ຍັງມີຕາງໜ້າການນຳຂອງບາງພາກສ່ວນທີ່ຂຶ້ນກັບອົງການໄອຍະການປະຊາຊົນສູງສຸດ; ຫົວໜ້າ ແລະ ພະນັກງານລັດຖະກອນຈຳນວນໜຶ່ງຂອງອົງການໄອຍະການປະຊາຊົນ ນະຄອນຮ່າໂນ້ຍ.

ບັນຍາກາດທີ່ການຕ້ອນຮັບ

ການກ່າວຄໍາປາໄສໃນພິທີຕ້ອນຮັບ, ຕາງໜ້າໃຫ້ການນໍາອົງການໄອຍະການປະຊາຊົນສູງສຸດ ຫວຽດນາມ, ສະຫາຍ ຫງວຽນກວາງຢຸງ, ຮອງຫົວໜ້າ ອົງການໄອຍະການປະຊາຊົນສູງສຸດ ໄດ້ສະແດງຄວາມຍິນດີຕ້ອນຮັບ ຄະນະຜູ້ແທນອົງການໄອຍະການປະຊາຊົນ ນະຄອນຫຼວງວຽງຈັນ ທີ່ມາຢ້ຽມຢາມລາວ ແລະ ເຮັດວຽກຢູ່ຫວຽດນາມ.

ໂດຍຫວນຄືນບາງຈຸດສຳຄັນກ່ຽວກັບການພົວພັນມິດຕະພາບທີ່ຍິ່ງໃຫ່ຍ, ຄວາມສາມັກຄີແບບພິເສດ ແລະ ການຮ່ວມມືຮອບດ້ານທີ່ສຸດ ລະຫວ່າງ 2 ປະເທດ ລາວ - ຫວຽດນາມ ໃນຊຸມປີທີ່ຜ່ານມາ, ສະຫາຍ ຫງວຽນກວາງຢຸງ ຮອງຫົວໜ້າອົງການໄອຍະການປະຊາຊົນສູງສຸດ ກ່າວວ່າ, ບົນພື້ນຖານການຮ່ວມມືມິດຕະພາບທີ່ອັນດີງາມ ລະຫວ່າງ 2 ປະເທດ, ການພົວພັນລະຫວ່າງອົງການໄອຍະການປະຊາຊົນສູງສຸດຂອງ 2 ປະເທດ ກໍ່ໄດ້ຮັບການເພີ່ມທະວີຢ່າງບໍ່ຢຸດຢັ້ງ ແລະ ໄດ້ຮັບໝາກຜົນແທດຈິງຫຼາຍຢ່າງ.

ການປະຕິບັດຂໍ້ຕົກລົງຮ່ວມມືສະບັບໃໝ່, ເຊິ່ງໄດ້ລົງນາມລະຫວ່າງຫົວໜ້າອົງການໄອຍະການປະຊາຊົນສູງສຸດຂອງ 2 ປະເທດໃນປີ 2022, ອົງການໄອຍະການປະຊາຊົນສູງສຸດຂອງ 2 ປະເທດ ໄດ້ປະສານສົມທົບກັນຈັດຕັ້ງຄະນະຈຳນວນໜຶ່ງໄປຢ້ຽມຢາມ, ເຮັດວຽກ ແລະ ແລກປ່ຽນບົດຮຽນປະສົບການໃນວຽກງານໄອຍະການ.

ຄຽງຂ້າງນັ້ນ, ການນຳອົງການໄອຍະການປະຊາຊົນສູງສຸດ 2 ຊາດ ລາວ - ຫວຽດນາມ ຍາມໃດກໍ່ເອົາໃຈໃສ່ ແລະ ສ້າງເງື່ອນໄຂໃຫ້ແກ່ອົງການໄອຍະການປະຊາຊົນທ້ອງຖິ່ນຂອງບັນດາແຂວງທີ່ມີຊາຍແດນຮ່ວມ ລາວ - ຫວຽດນາມ ແລະ ອົງການໄອຍະການປະຊາຊົນບັນດາແຂວງ, ນະຄອນທີ່ມີເງື່ອນໄຂຄ້າຍຄືກັນຂອງ 2 ປະເທດ ເປີດກວ້າງການພົວພັນຮ່ວມມື, ແລກປ່ຽນເຊິ່ງກັນ ແລະ ກັນກ່ຽວກັບວຽກງານວິຊາສະເພາະ, ໃນນັ້ນ ມີອົງການໄອຍະການປະຊາຊົນ ນະຄອນຮ່າໂນ້ຍ ແລະ ອົງການໄອຍະການປະຊາຊົນ ນະຄອນຫຼວງວຽງຈັນ.

ໂດຍສະແດງຄວາມຊົມເຊີຍວຽກຄະນະຜູ້ແທນອົງການໄອຍະການປະຊາຊົນ ນະຄອນຫຼວງວຽງຈັນ ທີ່ມາຢ້ຽມຢາມ, ເຮັດວຽກ ແລະ ແລກປ່ຽນວິຊາສະເພາະກັບອົງການໄອຍະການປະຊາຊົນ ນະຄອນຮ່າໂນ້ຍ ໃນຄັ້ງນີ້, ສະຫາຍ ຫງວຽນກວາງຢຸງ ຮອງຫົວໜ້າອົງການໄອຍະການປະຊາຊົນສູງສຸດ ຢືນຢັນວ່າ: ການຢ້ຽມຢາມ ແລະ ປະຕິບັດງານແມ່ນຜົນສໍາເລັດຂອງການຮ່ວມມືຢ່າງແໜ້ນແຟ້ນ, ມີປະສິດທິຜົນລະຫວ່າງອົງການໄອຍະການປະຊາຊົນນະຄອນຫຼວງຂອງ 2 ປະເທດໃນໄລຍະທີ່ຜ່ານມາ; ເໝາະສົມຕາມເນື້ອໃນຈິດໃຈຂອງຂໍ້ຕົກລົງການຮ່ວມມືລະຫວ່າງ ອົງການໄອຍະການປະຊາຊົນສູງສຸດຂອງ 2 ປະເທດທີ່ໄດ້ລົງນາມໃນປີ 2022, ບົດບັນທຶກກອງປະຊຸມຂອງອົງການໄອຍະການປະຊາຊົນ ບັນດາແຂວງທີ່ມີຊາຍແດນຮ່ວມ ລາວ - ຫວຽດນາມ ຄັ້ງທີ 7 ແລະ ແຜນນະໂຍບາຍຂອງການນຳ ອົງການໄອຍະການປະຊາຊົນສູງສຸດຂອງ 2 ປະເທດ ກ່ຽວກັບການເພີ່ມທະວີການຮ່ວມມືໂດຍກົງ ລະຫວ່າງ ອົງການໄອຍະການປະຊາຊົນທ້ອງຖິ່ນ.

Đồng chí Nguyễn Quang Dũng, Phó Viện trưởng VKSND tối cao tiếp đồng chí Khamsouk Sengmixay, Viện trưởng VKSND Thủ đô Viêng Chăn, nước CHDCND Lào. ສະຫາຍ ຫງວຽນກວາງຢຸງ, ຮອງຫົວໜ້າສະຖາບັນອົງການໄອຍະການປະຊາຊົນສູງສຸດ ຕ້ອນຮັບ ສະຫາຍ ຄຳສຸກ ແສງມີໄຊ ຫົວໜ້າສະຖາບັນ ອົງການໄອຍະການປະຊາຊົນ ນະຄອນຫຼວງວຽງຈັນ, ສປປ ລາວ.

ສະຫາຍ ຫງວຽນກວາງຢຸງ, ຮອງຫົວໜ້າອົງການໄອຍະການປະຊາຊົນສູງສຸດ ຕ້ອນຮັບ ສະຫາຍ ຄຳສຸກ ແສງມີໄຊ ຫົວໜ້າອົງການໄອຍະການປະຊາຊົນ ນະຄອນຫຼວງວຽງຈັນ, ສປປ ລາວ.

ຕາມທີ່ ສະຫາຍ ຫງວຽນກວາງຢຸງ ຮອງຫົວໜ້າອົງການໄອຍະການປະຊາຊົນສູງສຸດແລ້ວ, ການຮັກສາການພົບປະແລກປ່ຽນເປັນປະຈໍາ ລະຫວ່າງ ອົງການໄອຍະການປະຊາຊົນ ນະຄອນຮ່າໂນ້ຍ ແລະ ອົງການໄອຍະການປະຊາຊົນ ນະຄອນຫຼວງວຽງຈັນ ຈະຊ່ວຍຮັກສາ ແລະ ເພີ່ມທະວີການການເຄື່ອນໄຫວຮ່ວມມືຕໍ່ສູ້, ຕ້ານອາດຊະຍາກຳຂ້າມຊາດໃຫ້ຫຼາຍກວ່າອີກ, ພິເສດແມ່ນອາດຊະຍາກຳກ່ຽວກັບຢາເສບຕິດ, ການຄ້າມະນຸດ; ປະກອບສ່ວນຮັກສາຄວາມປອດໄພທາງດ້ານການເມືອງ ແລະ ຄວາມເປັນລະບຽບຮຽບຮ້ອຍທາງສັງຄົມໃນບໍລິເວນ 2 ນະຄອນ.

ສະຫາຍ ຫງວຽນກວາງຢຸງ ຮອງຫົວໜ້າອົງການໄອຍະການປະຊາຊົນສູງສຸດ ເຊື່ອໝັ້ນວ່າ ໃນໄລຍະຈະມາເຖິງ, ນໍ້າໃຈມິດຕະພາບການຮ່ວມມືແບບພິເສດ ລະຫວ່າງ ລາວ - ຫວຽດນາມ ເວົ້າລວມ ແລະ ການຮ່ວມມື ລະຫວ່າງ ອົງການໄອຍະການ 2 ປະເທດ ເວົ້າສະເພາະ ຈະໄດ້ຮັບການປັບປຸງຢ່າງບໍ່ຢຸດຢັ້ງ ແລະ ນັບມື້ນັບມີການພັດທະນາເຂັ້ມແຂງຂຶ້ນຕື່ມ.

ກ່າວຄຳເຫັນໃນພິທີຕ້ອນຮັບ, ສະຫາຍ ຄຳສຸກ ແສງມີໄຊ, ຫົວໜ້າອົງການໄອຍະການປະຊາຊົນ ນະຄອນຫຼວງວຽງຈັນ, ຕາງໜ້າໃຫ້ຄະນະສະແດງຄວາມຍິນດີທີ່ໄດ້ມາຢ້ຽມຢາມ ແລະ ເຮັດວຽກຢູ່ອົງການໄອຍະການປະຊາຊົນສູງສຸດຫວຽດນາມ.

Đồng chí Nguyễn Quang Dũng, Phó Viện trưởng VKSND tối cao cùng thành viên hai Đoàn chụp ảnh lưu niệm. ສະຫາຍ ຫງວຽນກວາງຢຸງ ຮອງຫົວໜ້າສະຖາບັນ ອົງການໄອຍະການປະຊາຊົນສູງສຸດ ພ້ອມດ້ວຍບັນດາສະມາຊິກ 2 ຄະນະໄດ້ຖ່າຍຮູບທີ່ລະນຶກຮ່ວມກັນ.

ສະຫາຍ ຫງວຽນກວາງຢຸງ ຮອງຫົວໜ້າອົງການໄອຍະການປະຊາຊົນສູງສຸດ ຫວຽດນາມ ພ້ອມດ້ວຍບັນດາສະມາຊິກ 2 ຄະນະໄດ້ຖ່າຍຮູບທີ່ລະນຶກຮ່ວມກັນ.

ໂດຍແຈ້ງໝາກຜົນການເຄື່ອນໄຫວຈໍານວນໜຶ່ງທີ່ຈັດຂຶ້ນຢູ່ ນະຄອນຫຼວງວຽງຈັນ ເມື່ອບໍ່ດົນມານີ້, ທ່ານ ຄຳສຸກ ແສງມີໄຊ, ຫົວໜ້າອົງການໄອຍະການປະຊາຊົນນະຄອນຫຼວງວຽງຈັນ ກໍ່ໄດ້ແຈ້ງໃຫ້ການນຳອົງການໄອຍະການປະຊາຊົນສູງສຸດ ຊາບກ່ຽວກັບຈຸດປະສົງ ແລະ ເນື້ອໃນການປະຕິບັດງານໃນຄັ້ງນີ້ຂອງຄະນະຢູ່ຫວຽດນາມ ແມ່ນແນ່ໃສ່ສືບຕໍ່ເພີ່ມທະວີ, ຜັນຂະຫຍາຍບັນດາການເຄື່ອນໄຫວຮ່ວມມືຕາມຂໍ້ຕົກລົງຮ່ວມມືທີ່ໄດ້ລົງນາມ ລະຫວ່າງ ອົງການໄອຍະການປະຊາຊົນສູງສຸດຂອງ 2 ປະເທດ.

ທ່ານ ຄຳສຸກ ແສງມີໄຊ ຫົວໜ້າອົງການໄອຍະການປະຊາຊົນນະຄອນຫຼວງວຽງຈັນ ເຊື່ອໝັ້ນວ່າ: ໃນໄລຍະຈະມາເຖິງ, ການພົວພັນຮ່ວມມື ລະຫວ່າງ ຂະແໜງອົງການໄອຍະການປະຊາຊົນ 2 ປະເທດ, ເວົ້າລວມ ແລະ ລະຫວ່າງອົງການໄອຍະການປະຊາຊົນ ນະຄອນຮ່າໂນ້ຍ ແລະ ອົງການໄອຍະການປະຊາຊົນ ນະຄອນຫຼວງວຽງຈັນ ເວົ້າສະເພາະ ຈະນັບມື້ນັບໄດ້ຮັບການເພີ່ມທະວີ, ປັບປຸງ ແລະ ພັດທະນາຂຶ້ນກວ່າເກົ່າ.

ຕຳຫຼວດນະຄອນໂຮ່ຈີມິນ ເຮັດວຽກກັບຄະນະຜູ້ແທນກອງບັນຊາການ ປກສ ນະຄອນຫຼວງວຽງຈັນ

ຍສໝ - ບົນພື້ນຖານການພົວພັນແບບພິເສດນັ້ນ, ຕຳຫຼວດນະຄອນໂຮ່ຈີມິນ ແລະກອງບັນຊາການ ປກສ ນະຄອນຫຼວງວຽງຈັນ ໄດ້ມີການພົບປະແລກປ່ຽນ, ໜູນຊ່ວຍ, ແບ່ງປັນບົດຮຽນ, ຮັບປະກັນສະຖຽນລະພາບດ້ານການເມືອງ, ປົກປັກຮັກສາເອກະລາດ, ອະທິປະໄຕຂອງສອງປະເທດ, ປະຊາຊົນສອງປະເທດ.

ລັດຖະບານ ສປປ.ລາວ ອະນຸຍາດການລົງທຶນ ຢູ່ ສປປ.ລາວ ເປັນປົກກະຕິ ໃນໄລຍະໂຄວິດ-19 ຮອບໃໝ່ນີ້

ທ່ານນາງ ຄຳຈັນ ວົງແສນບຸນ ຮອງລັດຖະມົນຕີ ກະຊວງແຜນການ ແລະ ການລົງທຶນ (ຜທ) ໄດ້ລາຍງານ ໃນວັນທີ 10 ພຶດສະພາ 2021 ທີ່ກະຊວງສາທາລະນະສຸກ, ກ່ຽວກັບການຈັດຕັ້ງປະຕິບັດ ການອໍານວຍຄວາມສະດວກ ໃຫ້ນັກລົງທຶນທັງພາຍໃນ ແລະ ຕ່າງປະເທດ ໃນໄລຍະການແຜ່ລະບາດ ຂອງພະຍາດໂຄວິດ-19 ຮອບໃໝ່ນີ້ວ່າ: ການຈັດຕັ້ງປະຕິບັດ ວຽກງານສົ່ງເສີມການລົງທຶນ ແມ່ນຍັງດໍາເນີນໄປຕາມກົນໄກປົກກະຕິ, ...

ທອງມີ ສີຫາວົງ