| ແຂວງດົ່ງນາຍ ແລະ ແຂວງຈໍາປາສັກ (ລາວ) ແລກປ່ຽນປະສົບການໃນການເຄື່ອນໄຫວສະພາປະຊາຊົນ | |
| ຫວຽດນາມ - ລາວ ເພີ່ມທະວີການແລກປ່ຽນປະສົບການ ໃນການເຄື່ອນໄຫວຂອງສະພາແຫ່ງຊາດ ແລະ ສະພາປະຊາຊົນ |
ໃນກອງປະຊຸມພົບປະນັ້ນ, ຮອງປະທານຜູ້ປະຈຳການສະພາຜູ້ແທນປະຊາຊົນນະຄອນຫຼວງຮ່າໂນ້ຍ, ທ່ານ ນາງ ຟຸງຖິຮົ່ງຮ່າໃຫ້ຮູ້ວ່າ: ຍາມໃດ ຮ່າໂນ້ຍ ກໍໃຫ້ບູລິມະສິດສູງແກ່ວຽກງານພົວພັນຮ່ວມມືກັບບັນດາທ້ອງຖິ່ນຂອງລາວ ໂດຍສະເພາະແມ່ນກັບນະຄອນຫຼວງ ວຽງຈັນ.
ທ່ານ ນາງ ຟຸງຖິຮົ່ງຮ່າ ໄດ້ສະແດງຄວາມປາຖະໜາຢາກໃຫ້ສອງຝ່າຍສືບຕໍ່ເພີ່ມທະວີການພົບປະ, ແລກປ່ຽນຄະນະຜູ້ແທນບັນດາຂັ້ນ; ພິຈາລະນາຄວາມສາມາດໃນການໜູນຊ່ວຍເຊິ່ງກັນ ແລະ ກັນໃນວຽກງານບຳລຸງສ້າງພະນັກງານ, ຍົກສູງຄຸນນະພາບຂອງບຸກຄະລາກອນ; ຄົ້ນຄ້ວາ ແລະ ຜັນຂະຫຍາຍບັນດາຮູບແບບ, ກົນໄກແລກປ່ຽນຂໍ້ມູນຂ່າວສານນຳກັນເປັນແຕ່ລະໄລຍະ, ແບ່ງປັນບົດຮຽນປະສົບການໃນວຽກງານການສ້າງລະບຽບກົດໝາຍ ແລະ ວຽກງານຕິດຕາມກວດກາ...
ທ່ານ ນາງ ລຳພອຍ ສີອັກຄະຈັນ ຮອງປະທານສະພາຜູ້ແທນປະຊາຊົນນະຄອນຫຼວງວຽງຈັນ ໃຫ້ຮູ້ວ່າ: ສະພາຜູ້ແທນປະຊາຊົນນະຄອນຫຼວງວຽງຈັນ ຫວັງວ່າຈະໄດ້ຮັບການສືບຕໍ່ຊ່ວຍເຫຼືອ ແບ່ງປັນຈາກສະພາຜູ້ແທນປະຊາຊົນຮ່າໂນ້ຍກ່ຽວກັບບົດຮຽນໃນການກວດສອບ ກວດກາການຜັນຂະຫຍາຍບັນດາໂຄງການລົງທຶນໃຫ່ຍ, ບົດຮຽນໃນການສ້າງມະຕິຂອງສະພາປະຊາຊົນ ແລະ ເອກະສານລະບຽບກົດໝາຍ. ວຽກງານຂົນຂວາຍ, ໂຄສະນາ, ຕິດຕາມກວດກາການຜັນຂະຫຍາຍລະບຽບກົດໝາຍ ແລະ ແຜນພັດທະນາເສດຖະກິດ-ສັງຄົມຂອງທ້ອງຖິ່ນ.
 |
| ທ່ານ ນາງ ລຳພອຍ ສີອັກຄະຈັນ - ຮອງປະທານສະພາຜູ້ແທນປະຊາຊົນນະຄອນຫຼວງວຽງຈັນ |
ເພື່ອເຮັດໃຫ້ຄະນະຜູ້ແທນສະພາປະຊາຊົນນະຄອນຫຼວງວຽງຈັນ ມີຄວາມເຂົ້າໃຈແຈ້ງກວ່າຕໍ່ກັບເນື້ອໃນທີ່ສົນໃຈໃນການພົບປະຄັ້ງນີ້, ຫົວໜ້າຄະນະເສດຖະກິດງົບປະມານຂອງສະພາຜູ້ແທນປະຊາຊົນນະຄອນຫຼວງ ຮ່າໂນ້ຍ, ທ່ານ ນາງ ໂຮ່ເວິນງາ ໄດ້ສະເໜີແບ່ງປັນບົດຮຽນກ່ຽວກັບການກວດກາ, ຕິດຕາມການຜັນຂະຫຍາຍບັນດາໂຄງການລົງທຶນໃຫ່ຍ ຢູ່ບໍລິເວນນະຄອນຫຼວງໃຫ້ຄະນະຜູ້ແທນສະພາປະຊາຊົນນະຄອນຫຼວງວຽງຈັນ ໄດ້ຮັບຊາບ, ຫົວໜ້າຄະນະລະບຽບກົດໝາຍຂອງສະພາປະຊາຊົນນະຄອນຫຼວງ ຮ່າໂນ້ຍ ທ່ານ ຢຸຍຮ່ວາງເຢືອງ ກໍໄດ້ແລກປ່ຽບບົດຮຽນກ່ຽວກັບການສ້າງຮ່າງມະຕິຂອງສະພາປະຊາຊົນ ແລະ ເອກະສານລະບຽບກົດໝາຍຕ່າງໆ ທີ່ກ່ຽວຂ້ອງກັບສິດຮັບຜິດຊອບຂອງຕົນ.
ພາຍຫຼັງກອງປະຊຸມພົບປະ, ສອງຝ່າຍຈະສືບຕໍ່ເອົາໃຈໃສ່ຊຸກຍູ້ສາຍພົວພັນມິດຕະພາບ, ການຮ່ວມມືກັນບົນຈິດໃຈເສີມຂະຫຍາຍໝາກຜົນການຮ່ວມມືທີ່ມີຢູ່ແລ້ວນັ້ນໃຫ້ເລິກເຊິ່ງກ່ວາເກົ່າ, ເປີດກ້ວາງຮູບແບບ ແລະ ເນື້ອໃນການຮ່ວມມືແບບໃໝ່ ເພື່ອຕອບສະໜອງຄວາມຮຽກຮ້ອງຕ້ອງການ, ຄວາມມຸ່ງມາດປາຖະໜາ ແລະ ສອດຄ່ອງກັບກຳລັງຄວາມສາມາດຂອງແຕ່ລະຝ່າຍ.
ນະໂອກາດນີ້, ຄະນະຜູ້ແທນສະພາປະຊາຊົນນະຄອນຫຼວງຮ່າໂນ້ຍ ແລະ ຄະນະຜູ້ແທນສະພາປະຊາຊົນນະຄອນຫຼວງວຽງຈັນ ໄດ້ເຊັນຂໍ້ຕົກລົງການຮ່ວມມື ໄລຍະ2023-2025. ໃນນັ້ນ ໄດ້ເລັ່ງໃສ່ 3 ເນື້ອໃນໃຫ່ຍຕົ້ນຕໍຄື: ສອງຝ່າຍຈະພິຈາລະນາກ່ຽວກັບການຜັດປ່ຽນກັນເປັນເຈົ້າພາບຈັດກອງປະຊຸມແລກປ່ຽນຄະນະຜູ້ແທນລະດັບສູງ ແລະ ຄະນະວິຊາການ ເພື່ອເພີ່ມທະວີການພົວພັນມິດຕະພາບການຮ່ວມມື, ແບ່ງປັນບົດຮຽນໃນວຽກງານສ້າງກົດໝາຍ, ວຽກງານຕິດຕາມກວດກາ ແລະ ການຈັດຕັ້ງເຄື່ອນໄຫວຂອງສະພາປະຊາຊົນຂັ້ນທ້ອງຖິ່ນ, ສະພາປະຊາຊົນນະຄອນຫຼວງຮ່າໂນ້ຍ ຈະພິຈະລະນາການໜູນຊ່ວຍຂັດຕັ້ງການບຳລຸງສ້າງ, ຝຶກອົບຮົມວິຊາການໄລຍະສັ້ນໃຫ້ຄະນະຜູ້ແທນປະຊາຊົນນະຄອນຫຼວງວຽງຈັນ, ສອງຝ່າຍຄົ້ນຄ້ວາກົນໄກການສົມທົບກັນ, ແບ່ງປັນຂໍ້ມູນຂ່າວສານກ່ຽວກັບວິຊາສະເພາະ, ວິຊາການໃນຂະບວນວິວັດແຫ່ງການຮ່ວມມື ເພື່ອຍົກສູງຄຸນນະພາບການເຄື່ອນໄຫວຂອງອົງການປະຊາຊົນເລືອກຕັ້ງຂອງທ້ອງຖິ່ນຕ່າງໆຕື່ມອີກ.
| ຍູ້ແຮງການຮ່ວມມືຢູ່ທ້ອງຖິ່ນລະຫວ່າງ ຮ່າໂນ້ຍ ແລະ ວຽງຈັນ | |
| ຊຸກຍູ້ການຮ່ວມມືຫຼາຍດ້ານລະຫວ່າງ ຫວຽດນາມ ແລະ ອານເຊຣີ |
ລູກເມືອງພວນ
