| ໂຮງຮຽນວິທະຍາໄລໄທງວຽນ: ສະເຫຼີມສະຫຼອງ 45 ປີແຫ່ງວັນມູນເຊື້ອ | |
| ມະຫາວິທະຍາໄລຮິໂຣຊິມາຂອງຍີ່ປຸ່ນໄດ້ເປີດສາຂາຢູ່ໄທງວຽນ |
ໜຶ່ງໃນບັນດາອົງການບໍ່ຂຶ້ນກັບລັດຖະບານຕ່າງປະເທດ ທີ່ເຄື່ອນໄຫວຢູ່ ໄທງວຽນ ທີ່ໄດ້ສ້າງໃຫ້ຂີດໝາຍຫຼາຍຢ່າງ ແມ່ນອົງການຈັດຕັ້ງ KFHI ຂອງ ສ.ເກົາຫຼີ. ດ້ວຍເວລາເຄື່ອນໄຫວທີ່ມີໄລຍະຍາວ (ປະມານ 14 ປີ), ອົງການນີ້ ໄດ້ຜັນຂະຫຍາຍຫຼາຍໂຄງການທີ່ນຳມາເຊິ່ງປະສິດທິຜົນທີ່ແທດຈິງ.
ປະຈຸບັນ, KFHI ພວມປະຕິບັດ 6 ໂຄງການຢູ່ບັນດາເມືອງ ຝູເລືອງ, ຫວໍ້ຫຍ່າຍ, ດົ່ງຮີ, ດ້ວຍຫຼາຍເນື້ອໃນຄື: ໜູນຊ່ວຍເດັກນ້ອຍ, ການຫັນເປັນສຸມໃສ່ມຸ່ງໄປເຖິງເດັກນ້ອຍ (CFCT) ໄລຍະ 2020-2029… ຕາມນັ້ນແລ້ວ, ບັນດາໂຄງການໜູນຊ່ວຍການລົງທຶນພື້ນຖານວັດຖຸ, ອຸປະກອນໂຮງຮຽນ, ໂຄງການກໍ່ສ້າງສາທາລະນະ, ງົວພັນໃຫ້ປະຊາຊົນ. ສະເພາະໃນປີ 2023, ມູນຄ່າການປ່ອຍເງິນຂອງ KFHI ໃຫ້ແກ່ ໄທງວຽນ ບັນລຸໄດ້ເກືອບ 350.000 USD.
ຫຼື ຄືອົງການ Global Civic Sharing (GCS) - ສ.ເກົາຫຼີ ໄດ້ລົງທຶນກວ່າ 285.000 USD ເພື່ອປະຕິບັດໂຄງການບ້ານແຫ່ງຄວາມຫວັງ ໄລຍະທີ 2 ຢູ່ຕາແສງ ຝູໂດ່ (ຝູເລືອງ), ເພື່ອໜູນຊ່ວຍປະຊາຊົນຜູ້ທຸກຍາກ ໄດ້ຮັບເງິນກູ້ເພື່ອຊື້ຄວາຍ, ງົວພັນ... ອ້າຍ ຮວ່າງວັນຍີ້ງ, ຊາວຕາແສງ ຝູໂດ່ ເວົ້າວ່າ: ໂຄງການນີ້ ໄດ້ຊ່ວຍໃຫ້ບັນດາຄອບຄົວທຸກຍາກໃນຕາແສງ ໄດ້ຮັບເງິນກູ້ດ້ວຍອັດຕາດອກເບ້ຍຕໍ່າເພື່ອຊື້ຄວາຍ, ງົວແມ່ພັນ. ຈາກນັ້ນ ກໍສ້າງກຳລັງຜັກດັນໃຫ້ປະຊາຊົນ ເປັນເຈົ້າການຜ່ານຜ່າຫຼຸດພົ້ນອອກຈາກຄວາມທຸກຍາກ, ມີການດຳລົງຊີວິດຢ່າງເປັນປົກກະຕິ.
ນອກຈາກບັນດາລາຍການ, ໂຄງການທີ່ໄດ້ຮັບການໜູນຊ່ວຍຈາກບັນດາອົງການບໍ່ຂຶ້ນກັບລັດຖະບານຕ່າງປະເທດທີ່ມາຈາກ ສ.ເກົາຫຼີ ແລ້ວ, ໄທງວຽນ ຍັງໄດ້ຮັບຫຼາຍໂຄງການຈາກບັນດາປະເທດຄື ອັງກິດ, ເຢຍລະມັນ, ອາເມລິກາ, ໂຮນລັງ, ໄທ... ເຊັ່ນໂຄງການເພີ່ມທະວີກຳລັງຄວາມສາມາດຂອງລະບົບສາທາລະນະສຸກ ກ່ຽວກັບການເບິ່ງແຍງໂດຍອີງໃສ່ປະຊາຄົມ ເພື່ອຈັດການສະພາວະຊຶມເສົ້າຢ່າງມີປະສິດທິຜົນຂອງອົງການ BasicNeeds ທີ່ມາຈາກປະເທດ ອັງກິດ.
 |
| ໂດຍຜ່ານໂຄງການເພີ່ມທະວີກຳລັງຄວາມສາມາດຂອງລະບົບສາທາລະນະສຸກ ກ່ຽວກັບການເບິ່ງແຍງອີງໃສ່ປະຊາຄົມ ເພື່ອຈັດການສະພາວະຊຶມເສົ້າຢ່າງມີປະສິດທິຜົນຂອງອົງການ BasicNeedsທີ່ມາຈາກປະເທດ ອັງກິດ, ປະຊາຊົນນະຄອນ ໄທງວຽນ ໄດ້ຊອກເຫັນ "ແກ່ນແນວພັນ" ແຫ່ງຄວາມສຸກອີກເທື່ອຫນຶ່ງ. |
ໂດຍປະຕິບັດເປົ້າໝາຍການເບິ່ງແຍງສຸຂະພາບໃນປະຊາຄົມ, ໃນປີ 2023, ໂຄງການໜູນຊ່ວຍ ໄທງວຽນ ດ້ວຍຍອດຈຳນວນເງິນກວ່າ 26.000 USD. ທ່ານໝໍ ຫງວຽນຕ໋ຽນຢຸງ, ຜູ້ອຳນວຍການໂຮງໝໍສຸຂະພາບຈິດແຂວງ, ຫົວໜ້າຄະນະຄຸ້ມຄອງໂຄງການ ແບ່ງປັນວ່າ: ໂດຍໄດ້ຮັບການປະຕິບັດແຕ່ປີ 2020, ມາຮອດປະຈຸບັນ, ໂຄງການ ໄດ້ເປີດກ້ວາງຢູ່ 15 ຕາແສງໃນບໍລິເວນນະຄອນ ໄທງວຽນ. ໂດຍຜ່ານການຜັນຂະຫຍາຍໂຄງການ, ຄົນເຈັບນັບຮ້ອຍຄົນ ໄດ້ຮັບການປິ່ນປົວທາງດ້ານຈິດໃຈ ສະນັ້ນ ສຸຂະພາບຈິດຂອງເຂົາເຈົ້າ ກໍ່ມີການປ່ຽນແປງຢ່າງຕັ້ງໜ້າ. ຜູ້ທີ່ເປັນໂລກຊຶມເສົ້າຫຼາຍຄົນ ກໍ່ບໍ່ໜ້າອາຍເມື່ອໄປຫາບັນດາທ່ານໝໍ ເພື່ອຮັບຄຳແນະນຳການປິ່ນປົວ. ພະນັກງານແພດ ກໍ່ຝຶກຝົນວິຊາສະເພາະຢ່າງຕັ້ງໜ້າ ເພື່ອປະຕິບັດໜ້າທີ່ທີ່ໄດ້ຮັບມອບໝາຍໃຫ້ເປັນຢ່າງດີ.
ຕົວຈິງໄດ້ສະແດງໃຫ້ເຫັນວ່າ ບັນດາລາຍການ, ໂຄງການໂດຍອົງການບໍ່ຂຶ້ນກັບລັດຖະບານ ຜັນຂະຫຍາຍຢູ່ ໄທງວຽນ ໄດ້ນຳມາເຊິ່ງປະສິດທິຜົນທີ່ແທດຈິງ, ປະກອບສ່ວນພັດທະນາເສດຖະກິດ - ສັງຄົມຂອງທ້ອງຖິ່ນ. ຫຼາຍລາຍການ, ໂຄງການທີ່ມີຄວາມໝາຍໄດ້ມຸ່ງໄປເຖິງກຸ່ມຄົນທີ່ບໍ່ມີທ່າແຮງໃນສັງຄົມເຊັ່ນ ແມ່ຍິງ, ເດັກນ້ອຍ, ຊົນເຜົ່າສ່ວນໜ້ອຍ, ຄອບຄົວທຸກຍາກທີ່ປະສົບກັບຄວາມຫຍຸ້ງຍາກ... ບາງໂຄງການອາສາສະໝັກສອນພາສາ ອັງກິດ, ພາສາ ເກົາຫຼີ ຂອງອາສາສະໝັກຕ່າງປະເທດກໍ່ປະກອບສ່ວນໜູນຊ່ວຍຍົກສຸງລະດັບດ້ານພາສາຕ່າງປະເທດ, ຕອບສະໜອງຄວາມຕ້ອງການເຊື່ອມໂຍງໃນໄລຍະການເຊື່ອມໂຍງສາກົນ.
ເພື່ອສືບຕໍ່ຍົກສູງປະສິດທິຜົນວຽກງານລະດົມ, ການຕ້ອນຮັບ, ຄຸ້ມຄອງ ແລະ ນຳໃຊ້ບ້ວງຊ່ວຍເຫຼືອຂອງອົງການບໍ່ຂຶ້ນກັບລັດຖະບານຕ່າງປະເທດ, ໃນເວລາຈະມາເຖິງ, ໄທງວຽນ ຈະສືບຕໍ່ເພີ່ມທະວີ ແລະ ເປີດກ້ວາງການຮ່ວມມື, ລະດົມແຫຼ່ງໜູນຊ່ວຍໃຫ້ສູງສຸດ ດ້ວຍທິດນຳສຸມໃສ່ບັນດາຂົງເຂດ, ເນື້ອໃນບຸລິມະສິດເພື່ອຮັບໃຊ້ໃຫ້ເປົ້າໝາຍພັດທະນາເສດຖະກິດ - ສັງຄົມຂອງແຂວງ. ແນະນຳໃຫ້ທັນເວລາ, ໜຸມຊ່ວຍບັນດາອົງການ, ຫົວໜ່ວຍໃນແຂວງອີງໃສ່ການວາງແຜນຜັງພັດທະນາເສດຖະກິດ - ສັງຄົມຂອງແຂວງ, ຂົງເຂດຄຸ້ມຄອງຂອງແຕ່ລະຂະແໜງການ, ທ້ອງຖິ່ນ ເພື່ອສ້າງການຮຽກຮ້ອງການຊ່ວຍເຫຼືອຈາກອົງການບໍ່ຂຶ້ນກັບລັດຖະບານຕ່າງປະເທດ ຢ່າງເປັນເຈົ້າການ; ປະຕິບັດກົນໄກປະສານງານລະຫວ່າງຂະແໜງການໃຫ້ດີກວ່າເກົ່າ...
ມິງດຶກ
