ມອບທຶນການສຶກສາ Vallet ໃຫ້ແກ່ນັກຮຽນ ແລະນັກສຶກສາ 212 ຄົນຢູ່ 3 ແຂວງພາກກາງ ຫວຽດນາມ

07:00 | 08/09/2024

ຍສໝ - ຫວ່າງແລ້ວນີ້, ອົງການຈັດຕັ້ງສະມາຄົມວິທະຍາສາດ ແລະ ການສຶກສາ “ພົບປະຫວຽດນາມ” ໄດ້ຈັດພິທີມອບທຶນສຶກສາ Vallet - ທຶນການສຶກສາຄວາມສາມາດໃຫ້ນັກຮຽນ, ນັກສຶກສາທີ່ທຸກຍາກ 212 ຄົນທີ່ຜ່ານຜ່າຄວາມຫຍຸ້ງຍາກ ແລະ ຮຽນເກັ່ງຢູ່ 3 ແຂວງ ກວາງບີງ, ກວາງຈີ ແລະ ຮ່າຕິ້ງ ດ້ວຍມູນຄ່າເກືອບ 3,5 ຕື້ດົ່ງ.

	ກອງບັນຊາການທະຫານຊາຍແດນຫວຽດນາມ ມອບທຶນການສຶກສາ ແລະງົວພັນໃຫ້ປະຊາຊົນຢູ່ເຂດຊາຍແດນ ຫວຽດນາມ - ລາວ
	ຊາວຫວຽດນາມ ແຕ່ລະຄົນຢູ່ ລາວ ຕ້ອງແມ່ນນັກການທູດ ເພື່ອພັດທະນາ ແລະ ຍົກສູງ ສາຍພົວພັນແບບພິເສດ ລະຫວ່າງ ຫວຽດນາມ - ລາວ ຢ່າງບໍ່ຢຸດຢັ້ງ

ການມອບຄັ້ງນີ້ມີນັກຮຽນ, ນັກສຶກສາ 212 ຄົນທີ່ມາຈາກ 3 ແຂວງທີ່ໄດ້ຮັບທຶນສຶກສາ Vallet ດ້ວຍຈຳນວນຄ່າໃຊ້ຈ່າຍເກືອບ 3,5 ຕື້ດົ່ງ. ໃນນັ້ນ, ແຂວງ ຮ່າຕິ້ງ ມີ 45 ຄົນໄດ້ຮັບທຶນສຶກສາ, ດ້ວຍຍອດມູນຄ່າການສຶກສາເກືອບ 790 ລ້ານດົ່ງ; ແຂວງ ກວ໋າງບິ່ງ ມີ 126 ຄົນ, ດ້ວຍຍອດມູນຄ່າກວ່າ 2 ຕື້ດົ່ງ; ແຂວງກວາງຈີ ມີ 41 ຄົນໄດ້ຮັບທຶນສຶກສາ, ດ້ວຍຍອດມູນຄ່າການສຶກສາກວ່າ 700 ລ້ານດົ່ງ; ແຕ່ລະທຶນແມ່ນ 29 ລ້ານດົ່ງ/ນັກສຶກສາ 1 ຄົນ ແລະ 15 ລ້ານດົ່ງ/ນັກຮຽນຄົນ (ເພີ່ມຂຶ້ນ 1 ລ້ານດົ່ງ ເມື່ອທຽບໃສ່ສົກຮຽນ 2023-2024).

GS Trần Thanh Vân - Chủ tịch Hội Khoa học và Giáo dục “Gặp gỡ Việt Nam” và Cộng sự trao học bổng cho SV Đại học Quảng Bình và Đại học Hà Tĩnh - (Ảnh: qbu.edu.vn). ສາດສະດາຈານ ເຈີ່ນແທງເວີ່ນ, ປະທານສະມາຄົມວິທະຍາສາດ ແລະການສຶກສາ “ພົບປະກັບຫວຽດນາມ” ພ້ອມດ້ວຍຄະນະ ໄດ້ມອບທຶນການສຶກສາໃຫ້ນັກສຶກສາມະຫາວິທະຍາໄລກວາງບິ່ງ ແລະ ມະຫາວິທະຍາໄລຮ່າຕິ້ງ - (ພາບ: qbu.edu.vn).

ສາດສະດາຈານ ເຈີ່ນແທງເວີ່ນ, ປະທານສະມາຄົມວິທະຍາສາດ ແລະ ການສຶກສາ “ພົບປະຫວຽດນາມ” ພ້ອມດ້ວຍຄະນະ ໄດ້ມອບທຶນການສຶກສາໃຫ້ນັກຮຽນ, ນັກສຶກສາມະຫາວິທະຍາໄລກວາງບິ່ງ ແລະ ມະຫາວິທະຍາໄລຮ່າຕິ້ງ - (ພາບ: qbu.edu.vn).

ສາດສະດາຈານ ເຈິນແທ່ງເວີ່ນ, ປະທານສະມາຄົມວິທະຍາສາດ ແລະ ການສຶກສາ “ພົບປະຫວຽດນາມ” ຫວັງວ່າ ທຶນການສຶກສາຈະແມ່ນແຫຼ່ງກຳລັງໃຈອັນໃຫຍ່ຫຼວງ, ໃຫ້ເດັກນ້ອຍມີປີກບິນຂຶ້ນສູງ ແລະ ບິນໄກກວ່າເກົ່າໃນເສັ້ນທາງການສຶກສາຂອງເຂົາເຈົ້າ ໃນອະນາຄົດຈະເປັນຄົນມີຄວາມສາມາດ ແລະ ອຸທິດປະກອບສ່ວນເພື່ອປະເທດຊາດ.

ທ່ານ ປອ Esperan Padonou ຜູ້ອໍານວຍການກອງທຶນການສຶກສາ Vallet ໃຫ້ຮູ້ວ່າ ກອງທຶນຍັງຈະສືບຕໍ່ພ້ອມກັບຫວຽດນາມ ໃນການມອບທຶນການສຶກສາທີ່ມີຄວາມໝາຍໃຫ້ນັກຮຽນ, ນັກສຶກສາທຸກຍາກທີ່ຜ່ານຜ່າຄວາມຫຍຸ້ງຍາກ, ຮຽນເກັ່ງຢູ່ເຂດຕົວເມືອງ ແລະ ເຂດພູດອຍ, ເຂດຫ່າງໄກສອກຫຼີກ, ຊາຍແດນ, ໝູ່ເກາະ, ເຂດຊົນເຜົ່າສ່ວນໜ້ອຍ...

ທຶນການສຶກສາ Vallet ມອບໂດຍນັກວິທະຍາສາດຝຣັ່ງ - ສາດສະດາຈານ. Odon Vallet ສ້າງຕັ້ງອົງການ Vallet ແລະ ໄດ້ບໍລິຈາກຊັບສິນສ່ວນໃຫຍ່ຂອງຕົນໃຫ້ແກ່ອົງການນີ້ ເພື່ອມອບທຶນການສຶກສາໃຫ້ບັນດານັກຮຽນ, ນັກສຶກສາທີ່ມີຜົນການຮຽນດີເດັ່ນແຕ່ມີສະພາບການຫຍຸ້ງຍາກຂອງບັນດາໂຮງຮຽນມັດທະຍົມ ແລະ ມະຫາວິທະຍາໄລຢູ່ ຝະລັ່ງ, ເຢຍລະມັນ ແລະ ຫວຽດນາມ.

ດ້ວຍການເຄື່ອນໄຫວຢ່າງຕໍ່ເນື່ອງໃນໄລຍະ 25 ປີຜ່ານມາ (1999-2024) ມູນນິທິທຶນການສຶກສາ Vallet ແລະ ອົງການ “ພົບປະຫວຽດນາມ” ໄດ້ມອບ 50.000 ທຶນການສຶກສາໃຫ້ນັກຮຽນ, ນັກສຶກສາດີເດັ່ນໃນທົ່ວປະເທດ ດ້ວຍມູນຄ່າທັງໝົດແມ່ນ 500 ຕື້ດົ່ງ. ສະເພາະໃນສົກຮຽນ 2024-2025 ມີນັກສຶກສາ ແລະ ນັກຮຽນ, ນັກຄົ້ນຄວ້າໃນທົ່ວປະເທດ 2.000 ກວ່າຄົນ ໄດ້ຮັບທຶນສຶກສາກວ່າ 40 ຕື້ດົ່ງ.