 | ສູນວັດທະນະທຳຈີນຢູ່ຮ່າໂນ້ຍ: ຊຸກຍູ້ການແລກປ່ຽນວັດທະນະທຳ ແລະ ສິລະປະຫວຽດນາມ - ຈີນ |
| ຫວຽດນາມ ສືບຕໍ່ວິວັດການຮຽກຮ້ອງຄວາມຍຸຕິທຳໃຫ້ຜູ້ປະສົບເຄາະຮ້າຍຈາກທາດພິດສີສົ້ມ/ດີໂອຊິນ |
ຢູ່ແຂວງ ແທງຮ໋ວາ, ວັນທີ 10 ກັນຍາ, ປະຊາຊົນບ້ານ ຫງອກເຈີ້ມ (ຕາແສງ ທັງລອງ, ເມືອງ ນົງກົ໋ງ) ໄດ້ບໍລິຈາກ, ສະໜັບສະໜູນເງິນ, ຫໍ່ເຂົ້າຕົ້ມ 700 ອັນ ພ້ອມກັບໝີ່ສຳເລັດຮູບ, ນົມຫຼາຍຮ້ອຍກ່ອງ ເພື່ອມອບໃຫ້ປະຊາຊົນຢູ່ເຂດປະສົບໄພນ້ຳຖ້ວມຢູ່ເມືອງ ຈ້າມເຕົ່າ, ແຂວງ ອຽນບ໋າຍ. ຄາດວ່າ ເຄື່ອງຊ່ວຍເຫຼືອດັ່ງກ່າວຈະຖືກສົ່ງໄປໃນຕອນບ່າຍວັນທີ 11 ກັນຍາ.
ຢູ່ແຂວງ ເງະອ່ານ, ຫຼາຍທ້ອງຖິ່ນກໍ່ໄດ້ຕອບສະໜອງຂະບວນການຊ່ວຍເຫຼືອຢ່າງຕັ້ງໜ້າ. ທ່ານນາງ ຫງວຽນທິວິງ, ປະທານຄະນະກຳມະການແນວໂຮມປະເທດຊາດ ຫວຽດນາມ ຕາແສງ ຫວໍ້ລຽດ (ເມືອງ ແທງເຈືອງ) ໃຫ້ຮູ້ວ່າ ຕາແສງ ໄດ້ປຸກລະດົມໃຫ້້ປະຊາຊົນຫໍ່ເຂົ້າຕົ້ມ 900 ອັນ ແລະ ບໍລິຈາກບັນດາເຄື່ອງຂອງທີ່ຈຳເປັນ ເພື່ອສົ່ງໃຫ້ຄະນະຊ່ວຍເຫຼືອແຂວງ. ການຫໍ່ເຂົ້າຕົ້ມຖືກຈັດຕັ້ງຢ່າງເຂັ້ມງວດເພື່ອຮັບປະກັນໃຫ້ເຂົ້າຕົ້ມຮັກສາຄຸນນະພາບໃນຕະຫຼອດໄລຍະການຂົນສົ່ງ.
 |
| ປະຊາຊົນເມືອງ ກີແອງ (ຮ່າຕິ້ງ) ຫໍ່ປາແຫ້ງໜູນຊ່ວຍປະຊາຊົນເຂດປະສົບໄພນ້ຳຖ້ວມ. (ພາບ: Dan Tri) |
ຢູ່ແຂວງ ຮ່າຕິ້ງ, ຄະນະຕາແສງ ກີຟູ (ເມືອງ ກີແອງ) ໄດ້ປຸກລະດົມບັນດາໜ່ວຍຊາວໜຸ່ມເກັບອາຫານທະເລແຫ້ງຄື ປາ, ປາມຶກ ເພື່ອສົ່ງໃຫ້ປະຊາຊົນບັນດາແຂວງພາກເໜືອ. ຂອງຂວັນເຫຼົ່ານີ້ບໍ່ພຽງແຕ່ອຸດົມສົມບູນດ້ວຍຄຸນຄ່າທາງໂພຊະນາການເທົ່ານັ້ນ, ແຕ່ຍັງງ່າຍຕໍ່ການຮັກສາໄວ້ໃນສະພາບທີ່ຫຍຸ້ງຍາກ. ສະມາຊິກຄະນະຕາແສງ ຍັງໄດ້ຮຽກຮ້ອງໃຫ້ບໍລິຈາກເງິນສົດເພື່ອສະໜັບສະໜູນເພີ່ມເຕີມ.
ນອກນັ້ນ, ຢູ່ແຂວງ ກວາງບິ່ງ, ມີກຸ່ມອາສາສະໝັກຢູ່ເມືອງ ເລຖຸຍ ລວມມີ ຊາວໜຸ່ມບັນດາໝູ່ບ້ານທະເລ, ລອຍນ້ຳເກັ່ງ, ມີປະສົບການຫຼາຍດ້ານໃນການກູ້ໄພໃນແມ່ນ້ຳພ້ອມດ້ວຍເຮືອຫາປານ້ອຍ 4 ລຳ ໄດ້ອອກໄປເພື່ອໜູນຊ່ວຍປະຊາຊົນ ໄທງວຽນ. ເປັນໜ້າສົນໃຈ ແມ່ນບໍລິສັດລົດເມຫຼາຍແຫ່ງຢູ່ແຂວງ ກວາງບິ່ງ ໄດ້ສະໜອງປີ້ຟຣີສໍາລັບອາສາສະຫມັກ ແລະ ການຊ່ວຍເຫຼືອໃນການຂົນສົ່ງສິນຄ້າຊ່ວຍເຫຼືອໄປພາກເໜືອ.
 |
| ປະຊາຊົນ ດານັງ ໄດ້ຫໍ່ເຂົ້າຕົ້ມຕະຫຼອດຄືນເພື່ອສົ່ງໄປເຂດປະສົບໄພນ້ຳຖ້ວມທາງພາກເໜືອ. (ພາບ: Dan Viet) |
ຢູ່ນະຄອນ ດານັງ, ປະຊາຊົນຍັງໄດ້ຫໍ່ເຂົ້າຕົ້ມຢ່າງວ່ອງໄວເພື່ອສົ່ງໄປຊ່ວຍເຫຼືອ. ຢູ່ເມືອງ ງູ້ແຮງເຊີນ, ທ່ານ ເລແທງລອງ ພ້ອມກັນກຸ່ມອາສາສະໝັກໄດ້ປຸງແຕ່ງ ແລະ ຫໍ່ເຂົ້າຕົ້ມ 1.000 ອັນ ເພື່ອມອບໃຫ້ປະຊາຊົນຢູ່ພາກເໜືອ. ຄາດວ່າ ຈະຖືກສົ່ງໄປໃນຕອນບ່າຍວັນທີ 11 ກັນຍາ, ໂດຍມີຄ່າໃຊ້ຈ່າຍທັງໝົດມາຈາກຜູ້ອຸປະຖຳ ແລະ ປະຊາຊົນໂດຍສະໝັກໃຈ.
ຈາກພາກໃຕ້, ບັນດາການເຄື່ອນໄຫວຊ່ວຍເຫຼືອໄດ້ດໍາເນີນໄປຢ່າງກະຕືລືລົ້ນ. ທ່ານ ຮວ່າງແອງຕ໋ວນ, ຜູ້ກໍ່ຕັ້ງຮູບແບບ ATM ເຂົ້າ, ໃຫ້ຮູ້ວ່າ ໄດ້ສົ່ງເສື້ອຊູຊີບ 1.000 ໂຕ ແລະ ເຮືອຈັກ ໃຫ້ຄະນະຊາວໜຸ່ມນະຄອນຮ່າໂນ້ຍ ເພື່ອສົ່ງໃຫ້ບັນດາແຂວງທີ່ໄດ້ຮັບຜົນກະທົບ. ທ່ານ ໂດ້ແຄງດົງ ຈາກນະຄອນ ຖູດຶກ (ນະຄອນ ໂຮ່ຈີມິນ) ກໍ່ໄດ້ສົ່ງເສື້ອຊູຊີບ 800 ໂຕ ແລະ ປະຈຸບັນພວມສົມທົບກັບກຸ່ມອາສາສະໝັກເພື່ອໄປຊ່ວຍເຫຼືອໂດຍກົງ.
 |
ເສື້ອຊູຊີບຂອງກຸ່ມ Saigon Night ໄດ້ເຕົ້າໂຮມຢູ່ທ່າອາກາດສະຍານສິນຄ້າ ເພື່ອອອກເດີນທາງໄປພາກເໜືອໃນຕອນບ່າຍວັນທີ 10 ກັນຍາ. (ພາບ: Thanh Nien) |
ນອກຈາກນັ້ນ, ກຸ່ມອາສາສະມັກ Saigon Night ກໍ່ຊື້ເສື້ອຊູຊີບ 1.500 ໂຕ ເພື່ອສົ່ງໄປພາກເໜືອຢ່າງທັນທີ. ນີ້ຖືວ່າເປັນເຄື່ອງໃຊ້ທີ່ຈໍາເປັນທີ່ສຸດໃນໄລຍະທີ່ສໍາຄັນນີ້.
ຕອນບ່າຍວັນທີ 10 ກັນຍາ, ຄະນະກຳມະການສູນກາງແນວໂຮມປະເທດຊາດ ຫວຽດນາມ ໄດ້ຈັດຕັ້ງພິທີປຸກລະດົມການໜູນຊ່ວຍປະຊາຊົນທີ່ໄດ້ຮັບຄວາມເສຍຫາຍຍ້ອນພະຍຸເລກທີ 3. ອຳນາດການປົກຄອງ ແລະ ປະຊາຊົນນະຄອນ ໂຮ່ຈີມິນ ໄດ້ບໍລິຈາກ 120 ຕື້ດົ່ງ, ໃນຂະນະນັ້ນ, ແຂວງ ບິ່ງເຢືອງ ຍັງໄດ້ຫັກເງິນຈາກກອງທຶນຊ່ວຍເຫຼືອ 10 ຕື້ດົ່ງ ເພື່ອແບ່ງເບົາຄວາມຫຍຸ້ງຍາກໃຫ້ແກ່ປະຊາຊົນບັນດາແຂວງພາກເໜືອ.
ຢູ່ໃນສື່ມວນຊົນສັງຄົມອອນລາຍ, ການຮຽກຮ້ອງຫຼາຍໆຄັ້ງເພື່ອຊ່ວຍເຫຼືອພີ່ນ້ອງຮ່ວມຊາດໃນເຂດນໍ້າຖ້ວມທາງເຫນືອໄດ້ຖືກເຜີຍແຜ່ຢ່າງກວ້າງຂວາງ. ໃນການຕອບກັບ, ນັບຮ້ອຍຄະນະຊ່ວຍເຫຼືອຈາກບັນດາແຂວງ, ນະຄອນໄດ້ອອກເດີນທາງຢ່າງວ່ອງໄວ, ຂົນສົ່ງເຄື່ອງຂອງ ແລະ ບໍ່ລັງເລທີ່ຈະເຂົ້າເຂດປະສົບໄພນ້ຳຖ້ວມ, ຢູ່ຄຽງຂ້າງກັບປະຊາຊົນເພື່ອຜ່ານຜ່າຄວາມຫຍຸ້ງຍາກ.
ບັນດາສ່ວນບຸກຄົນ, ວິສາຫະກິດ ແລະ ໜ່ວຍອາສາສະໝັກຈາກ ຮ່າໂນ້ຍ ກໍ່ຄືບັນດາແຂວງພາກກາງ ແລະ ພາກໃຕ້ ໄດ້ຈັດຕັ້ງບັນດາ “ຖ້ຽວລົດ 0 ດົງ” ຢ່າງຮີບດ່ວນ, ນຳເຄື່ອງຊ່ວຍເຫຼືອໄປໃຫ້ບັນດາທ້ອງຖິ່ນທີ່ປະສົບໄພນ້ຳຖ້ວມ.
 | OneSky ໜູນຊ່ວຍການເບິ່ງແຍງ, ການສຶກສາເດັກຂັ້ນອະນຸບານຢູ່ບັນດາເຂດ-ກຸ່ມອຸດສາຫະກຳຢູ່ ກວາງນາມ. ຍສໝ - ຄະນະກຳມະການປະຊາຊົນແຂວງ ກວາງນາມ ຫາກໍອອກມະຕິສະບັບເລກທີ 1517/QD-UBND ລົງໃນວັນທີ 24 ມິຖຸນາ 2024 ອະນຸມັດບ້ວງເງິນໜູນຊ່ວຍກວ່າ 4,3 ຕື້ດົ່ງ ຈາກໂຄງການໜູນຊ່ວຍການເບິ່ງແຍງ, ການສຶກສາເດັກຂັ້ນອະນຸບານຢູ່ບັນດາເຂດອຸດສາຫະກຳ, ກຸ່ມອຸດສາຫະກຳໃນແຂວງ ກວາງນາມ ໂດຍອົງການ OneSky ອຸປະຖຳ. |
 | ຮ່າໂນ້ຍ, ຫາຍຟ່ອງ ແບ່ງປັນປະສົບການໃນດ້ານການທູດປະຊາຊົນ ຍສໝ - ສະຫະພັນບັນດາອົງການມິດຕະພາບນະຄອນ ຮ່າໂນ້ຍ ແລະ ສະຫະພັນບັນດາອົງການມິດຕະພາບນະຄອນ ຫາຍຟ່ອງ ຫາກໍມີການພົບປະ, ແລກປ່ຽນແຜນການຮ່ວມມືລະຫວ່າງ 2 ຫົວໜ່ວຍ. |
ມີງດຶກ
