ເປົ້າໝາຍ ແລະ ໝາກຜົນຂອງໂຄງການ ແມ່ນໜູນຊ່ວຍຍົກສູງຄຸນນະພາບການລ້ຽງດູ, ເບິ່ງແຍງ, ການສຶກສາໃຫ້ແກ່ເດັກໃນເກນອາຍຸອະນຸບານທີ່ເປັນລູກຫຼານຂອງກຳມະກອນຢູ່ບັນດາເຂດອຸດສາຫະກຳ, ກຸ່ມອຸດສາຫະກຳບົນບໍລິເວນ 7 ເມືອງ, ຕາແສງ, ນະຄອນຂອງແຂວງ ກວາງນາມ.
ດ້ວຍຍອດຈຳນວນທຶນກວ່າ 4,3 ຕື້ດົ່ງ, ເທົ່າກັບ 182.495 USD ແລະ ເວລາປະຕິບັດແຕ່ເດືອນມິຖຸນາ 2024 ຫາ ເດືອນ ກໍລະກົດ 2026. ໃນບໍລິເວນບັນດາເມືອງ, ຕາແສງ, ນະຄອນຄື: ດ້າຍລົກ, ຢູຍຊວຽນ, ດ້ຽນບ່ານ, ແທງບິ່ງ, ເກວເຊີນ, ຝູນິງ ແລະ ຕ່າມກີ.
 |
| ໂຄງການໂດຍອົງການ OneSky ອຸປະຖຳເພື່ອຍົກສູງຄຸນນະພາບການລ້ຽງດູ, ເບິ່ງແຍງ, ການສຶກສາໃຫ້ແກ່ເດັກໃນເກນອາຍຸອະນຸບານທີ່ເປັນລູກຫຼານຂອງກຳມະກອນຢູ່ບັນດາເຂດອຸດສາຫະກຳ, ກຸ່ມອຸດສາຫະກຳບົນບໍລິເວນ 7 ເມືອງ, ຕາແສງ, ນະຄອນຂອງແຂວງ ກວາງນາມ. - (ພາບ: : https://onesky.org). |
ຄະນະກຳມະການປະຊາຊົນແຂວງ ກວາງນາມ ຍັງໄດ້ມອບໝາຍໃຫ້ພະແນກສຶກສາ ແລະ ບຳລຸງສ້າງ ສົມທົບກັນເພື່ອສ້າງແຜນການເຄື່ອນໄຫວລະອຽດ ແລະ ຜັນຂະຫຍາຍບັນດາການເຄື່ອນໄຫວ ເພື່ອຮັບປະກັນໃຫ້ຖືກກັບເນື້ອທີ່ໄດ້ຮັບການອະນຸມັດ; ປະຕິບັດລະບຽບການຂອງລັດຢ່າງເຂັ້ມງວດກ່ຽວກັບການຮັບ, ຄຸ້ມຄອງ ແລະ ນຳໃຊ້ບ້ວງຊ່ວຍເຫຼືອລ້າ ທີ່ບໍ່ຂຶ້ນກັບການຊ່ວຍເຫຼືອພັດທະນາຢ່າງເປັນທາງການຂອງບັນດາອົງການ, ອົງການຈັດຕັ້ງ, ບຸກຄົນຕ່າງປະເທດທີ່ມອບໃຫ້ແກ່ ຫວຽດນາມ.
ພ້ອມກັນນັ້ນ, ກໍ່ເຄົາລົບບັນດາກົດລະບຽບກ່ຽວກັບການປະຕິບັດສິດທິຂອງເດັກ, ສິດສ່ວນຕົວຂອງເດັກຕາມຂໍ້ກຳນົດຂອງກົດໝາຍວ່າດ້ວຍເດັກ ແລະ ດຳລັດ ສະບັບເລກທີ 56/2017/NĐ-CP ລົງວັນທີ 9 ພຶດສະພາ 2017 ຂອງລັດຖະບານ ກຳນົດລະອຽດກ່ຽວກັບບາງຂໍ້ກົດຫມາຍວ່າດ້ວຍເດັກນ້ອຍ.
ໂດຍໄດ້ຮູ້ວ່າ OneSky ເປັນອົງການບໍ່ຂຶ້ນກັບລັດຖະບານ ທີ່ໄດ້ສ້າງຕັ້ງຂຶ້ນໃນປີ 1998. ດ້ວຍພາລະກຳປົດລັອກຄວາມສາມາດບົ່ມຊ້ອນທີ່ຊ້ອນແຝງພາຍໃນເດັກນ້ອຍທີ່ຖືກຄວາມສ່ຽງງ່າຍ, OneSky ໄດ້ອອກແບບ ແລະ ຜັນຂະຫຍາຍບັນດາໂຄງການການສຶກສາຂັ້ນອະນຸບານ ໂດຍນຳໃຊ້ວິທີການສິດສອນແບບຕອບສະໜອງໃຫ້ກັບຊຸມຊົນ ແລະກຸ່ມຊາວໜຸ່ມໃນຮົງກົງ, ຈີນ, ມົງໂກລີ ແລະ ຫວຽດນາມ.
ພິເສດ, ໃນໄລຍະ 2018-2022, ມີໂຄງການໜູນຊ່ວຍການເບິ່ງແຍງ, ການສຶກສາເດັກອະນຸບານຢູ່ບັນດາເຂດອຸດສາຫະກຳ ໂດຍໄດ້ຈັດຕັ້ງຢູ່ 4 ແຂວງຄື: ຫາຍເຢືອງ, ດານັງ, ກວາງນາມ, ກວາງງາຍ. ສິ້ນສຸດໂຄງການ ໄດ້ມີຮາກຖານການສຶກສາຂັ້ນອະນຸບານເອກະຊົນ 1.581 ແຫ່ງທີ່ໄດ້ຮັບການຝຶກອົບຮົມ; ມີເດັກນ້ອຍອະນຸບານ 39,479 ຄົນໄດ້ຮັບຜົນປະໂຫຍດຈາກໂຄງການນີ້.
 | ອົງການ Sunflower Mission ໄດ້ໜູນຊ່ວຍກວ່າ 4,2 ຕື້ດົ່ງເພື່ອສ້າງໂຮງຮຽນຢູ່ Giong Rieng (ກຽນຢາງ) ຍສໝ - ສະຫະພັນບັນດາອົງການມິດຕະພາບແຂວງ ກຽນຢາງ ຫາກໍສົມທົບກັບຄະນະກຳມະການປະຊາຊົນເມືອງ Giong Rieng ໄດ້ຈັດຕັ້ງພິທີເປີດ, ມອບ ແລະ ນຳໃຊ້ກິດຈະກຳຫ້ອງຮຽນຢູ່ໂຮງຮຽນປະຖົມ ລອງແທ້ງ 2, ຕາແສງ ລອງແທ້ງ, ເມືອງ Giong Rieng (ແຂວງ ກຽນຢາງ). |
 | ຫວຽດນາມ ສະເໜີໃຫ້ UNCTAD ສືບຕໍ່ໜູນຊ່ວຍບັນດາປະເທດພວມພັດທະນາ ຍສໝ - ເວທີປາໄສການນຳທົ່ວໂລກເນື່ອງໃນໂອກາດສະເຫຼີມສະຫຼອງ 60 ປີແຫ່ງວັນສ້າງຕັ້ງກອງປະຊຸມສະຫະປະຊາຊາດ (ສປຊ) ກ່ຽວກັບການຄ້າ ແລະ ການພັດທະນາ (UNCTAD) ໄດ້ດຳເນີນຢູ່ສຳນັກງານ ສປຊ ທີ່ນະຄອນ Geneva, ສະວິດ ແຕ່ວັນທີ 12 – 13 ມິຖຸນາ, ຕາມເວລາທ້ອງຖິ່ນ. |
ມິງດຶກ
