ໃນຂອບເຂດການຢ້ຽມຢາມທາງລັດຖະກິດ ຫວຽດນາມ, ວັນທີ 11 ກັນຍາ ຢູ່ຮ່າໂນ້ຍ, ທ່ານເລຂາທິການໃຫຍ່ຄະນະບໍລິຫານງານສູນກາງພັກປະຊາຊົນປະຕິວັດລາວ, ປະທານປະເທດ ສປປ ລາວ ທອງລຸນ ສີສຸລິດ ໄດ້ມີການພົບປະກັບບັນດາອະດີດທະຫານອາສາສະໝັກ, ນັກຊ່ຽວຊານຫວຽດນາມ ແລະ ລຸ້ນໜຸ່ມ ຫວຽດນາມ - ລາວ.
ລາຍການໂດຍກະຊວງປ້ອງກັນປະເທດ, ຄະນະພົວພັນຕ່າງປະເທດສູນກາງ ແລະ ສະຫະພັນບັນດາອົງການມິດຕະພາບ ຫວຽດນາມ ສົມທົບກັນຈັດຕັ້ງ.
 |
| ທ່ານເລຂາທິການໃຫຍ່, ປະທານປະເທດລາວ ທອງລຸນ ສີສຸລິດ ກ່າວຄຳປາໄສທີ່ການພົບປະ. (ພາບ: Dinh Hoa) |
ທ່ານເລຂາທິການໃຫຍ່, ປະທານປະເທດລາວ ຢັ້ງຢືນວ່າ ສາຍພົວພັນແບບພິເສດນີ້ໄດ້ກາຍເປັນສັນຍາລັກທີ່ມີໜຶ່ງບໍ່ມີສອງແຫ່ງຄວາມສາມັກຄີສາກົນ, ເປັນຊັບສິນລວມອັນລ້ຳຄ່າຂອງສອງຊາດ, ໄດ້ກັ່ນຕອງດ້ວຍ 4 ຄຳວ່າ “ນ້ຳໃຈ”: ນ້ຳໃຈສະຫາຍ, ນ້ຳໃຈສາມັກຄີ, ນ້ຳໃຈອ້າຍນ້ອງ, ນ້ຳໃຈເພື່ອນມິດ.
ທ່ານກ່າວແຈ້ງວ່າ “ນ້ຳໃຈສະຫາຍແມ່ນການກັ່ນຕອງໃນອຸດົມການຂອງພວກເຮົາ: ອຸດົມການປະຕິວັດ, ອຸດົມການສັງຄົມນິຍົມ ແລະ ອຸດົມການກອມມູນິດ. ຄວາມສາມັກຄີແບບພິເສດ ໄດ້ສະແດງອອກຜ່ານການຮ່ວມສຳພັນສູ້ຮົບ, ເມື່ອຊັບສິນ, ຊີວິດ, ເລືອດເນື້ອຂອງປະຊາຊົນສອງປະເທດເສຍສະຫຼະເພື່ອກັນຢ່າງບໍ່ມີເງື່ອນໄຂ. ນ້ຳໃຈອ້າຍນ້ອງແມ່ນການຫຸ້ມຫໍ່, ການຊ່ວຍເຫຼືອເຊິ່ງກັນ ແລະ ກັນ ກໍ່ຄືອະດີດເລຂາທິການໃຫຍ່, ທ່ານ ຫງວຽນຟູ໋ຈ້ອງ ເຄີຍກ່າວວ່າ: “ລາວ-ຫວຽດນາມ ແມ່ນພີ່ນ້ອງຮ່ວມທ້ອງດຽວ”.
ໂດຍສະແດງຄວາມຮູ້ສຶກຕື້ນຕັນໃຈ ແລະ ຄວາມເອກອ້າງທະນົງໃຈກ່ຽວກັບການປະກອບສ່ວນ, ການເສຍສະຫຼະອັນໃຫຍ່ຫຼວງຂອງບັນດາທະຫານອາສາສະໝັກ ແລະ ນັກຊ່ຽວຊານຫວຽດນາມ ຢູ່ລາວ, ທ່ານເລຂາທິການໃຫຍ່, ປະທານປະເທດ ລາວ ທອງລຸນ ສີສຸລິດ ໄດ້ຫວນຄືນບັນດາຮູບພາບຂອງທະຫານລາວ ແລະ ຫວຽດນາມ ໄດ້ຢືນຄຽງບ່າຄຽງໄຫຼ່, ຂຸມຕະຄອງດຽວກັນ, ຜ່ານທຸກຜ່ານສຸກຮ່ວມກັນ, ເຂົ້າເມັດຫັກ, ຜັກເສັ້ນໜຶ່ງກໍ່ແບ່ງກັນກິນ, ເສຍສະຫຼະໃຫ້ກັນ ເພື່ອນຳເອົາເອກະລາດ, ອິດສະລະພາບໃຫ້ປະເທດຊາດ ແລະ ຄວາມຜາສຸກ, ອີ່ມໜຳສຳລານໃຫ້ແກ່ປະຊາຊົນສອງປະເທດ.
“ບໍ່ມີໄຊຊະນະໃດໃນດິນແດນລາວ ຈະບໍ່ມີຂີດໝາຍຂອງທະຫານອາສາສະໝັກ ຫວຽດນາມ”, ທ່ານເລຂາທິການໃຫຍ່, ປະທານປະເທດລາວ ເນັ້ນໜັກ, ພ້ອມທັງສະແດງຄວາມຂອບໃຈຢ່າງເລິກເຊິ່ງຕໍ່ການໜູນຊ່ວຍ, ຊ່ວຍເຫຼືອຢ່າງຊອບທຳ, ຈິງໃຈທີ່ຫວຽດນາມ ໄດ້ມອບໃຫ້ລາວ ໃນຕະຫຼອດໄລຍະປະຫວັດສາດ.
ໃນຄຳປາໄສ, ທ່ານເລຂາທິການໃຫຍ່, ປະທານປະເທດລາວ ໄດ້ຮຽກຮ້ອງໃຫ້ປະຊາຊົນສອງປະເທດ, ພິເສດແມ່ນລຸ້ນໜຸ່ມ ຕ້ອງຮັບຮູ້ຢ່າງຈະແຈ້ງເຖິງຄຸນຄ່າອັນລ້ຳຄ່າຂອງສາຍພົວພັນນີ້, ພ້ອມກັນນັ້ນ ກໍ່ສືບຕໍ່ເພີ່ມພູນຄູນສ້າງ, ປັບປຸງ ແລະ ປົກປັກຮັກສາສາຍພົວພັນມິດຕະພາບລະຫວ່າງສອງປະເທດ ນັບມື້ນັບໃຫ້ຍິ່ງໃຫຍ່ກ່ວາ, ພິເສດກ່ວາຢ່າງບໍ່ຢຸດຢັ້ງ, ບໍ່ໃຫ້ກຳລັງສັດຕູທຳລາຍໄດ້.
 |
| ທ່ານ ພົນຈັດຕະວາ ຮວິ່ງດັກເຮືອງ, ວິລະຊົນກຳລັງປະກອບອາວຸດປະຊາຊົນ, ຫົວໜ້າຄະນະຕິດຕໍ່ພົວພັນທົ່ວປະເທດ ອະດີດທະຫານອາສາສະໝັກ ແລະ ຊ່ຽວຊານທະຫານຫວຽດນາມ ຢູ່ລາວ ກ່າວຄຳປາໄສທີ່ການພົບປະ. (ພາບ: Dinh Hoa) |
ທ່ານພົນຈັດຕະວາ ຮວິ່ງດັກເຮືອງ ເນັ້ນໜັກວ່າ “ທຸກໄຊຊະນະຂອງທະຫານອາສາສະໝັກ ຫວຽດນາມ ຢູ່ລາວ ກໍ່ແມ່ນໄຊຊະນະຂອງທັງສອງປະເທດຊາດ, ຖືກຕາມຄຳທີ່ປະທານ ໂຮ່ຈີມິນ ໄດ້ສອນວ່າ: “ຊ່ວຍເພື່ອນມິດແມ່ນຊ່ວຍຕົນເອງ”. ແລະ ໃນທົ່ວປະເທດລາວ, ບໍ່ມີບ່ອນໃດທີ່ບໍ່ມີຮອຍຕີນຂອງທະຫານອາສາສະໝັກ ຫວຽດນາມ, ບໍ່ມີໄຊຊະນະໃດທີ່ບໍ່ຕິດພັນກັບການເສຍສະຫຼະ ແລະ ການປະກອບສ່ວນຂອງທະຫານອາສາສະໝັກ ຫວຽດນາມ”.
ທ່ານພົນຈັດຕະວາ ຮວິ່ງດັກເຮືອງ ໄດ້ແບ່ງປັນວ່າ ບັນດາທະຫານອາສາສະໝັກ ແລະ ຊ່ຽວຊານຫວຽດນາມ ຢູ່ລາວ ມີຄວາພາກພູມໃຈ ແລະ ເອກອ້າງທະນົງໃຈຕໍ່ບັນດາຜົນງານອັນໃຫຍ່ຫຼວງທີ່ສອງພັກ, ສອງລັດ ແລະ ປະຊາຊົນສອງປະເທດ ບັນລຸໄດ້ໃນໄລຍະມໍ່ໆມານີ້; ຍິນດີຕໍ່ການພັດທະນາອັນດີງາມຂອງສາຍພົວພັນສາມັກຄີແບບພິເສດ ຫວຽດນາມ - ລາວ ໃນທຸກຂົງເຂດ ແລະ ນັບມື້ນັບກ້າວເຂົ້າສູ່ລວງເລິກ, ແທດຈິງ.
ຜູ້ຕາງໜ້າຂອງອະດີດນັກສຶກສາຫວຽດນາມ ຢູ່ລາວ, ທ່ານ ຫງວຽນຕ໋ຽນຫງອກ ມີຄວາມຮູ້ສຶກຕື້ນຕັນໃຈເມື່ອແບ່ງປັນກ່ຽວກັບເວລາຮ່ຳຮຽນຢູ່ລາວ. ເຖິງວ່າປະສົບກັບຄວາມຫຍຸ້ງຍາກຫຼາຍຢ່າງ ແຕ່ພັກ, ລັດລາວ ຍາມໃດກໍ່ໃຫ້ບຸລິມະສິດດ້ານວັດຖຸ ແລະ ຄວາມອົບອຸ່ນຄື “ລູກຫຼານໃນຄອບຄົວດຽວກັນ”, ລະດົມບັນດານັກສຶກສາຫວຽດນາມ ຢູ່ລາວ ມີເງື່ອນໄຂຮ່ຳຮຽນທີ່ດີ ເພື່ອຮັບໃຊ້ປະເທດຊາດ ແລະ ປະຊາຊົນສອງປະເທດໃນອະນາຄົດ.
ທ່ານ ຟ້າມວັນເລືອງ, ຮອງຫົວໜ້າສາຂາສະມາຄົມມິດຕະພາບ ຫວຽດນາມ-ລາວ, ສຳນັກຂ່າວສານຫວຽດນາມ ໄດ້ຫວນຄືນບັນດາຄວາມຊົງຈຳທີ່ຫນ້າຈົດຈໍາໃນຊຸມປີທີ່ດຳລົງຊີວິດ ແລະ ເຮັດວຽກຢູ່ໃນລາວ, ພິເສດໃນສະໄໝສົງຄາມຕໍ່ຕ້ານ ອາເມລິກາ ຢ່າງດຸເດືອດ ເພື່ອກອບກູ້ປະເທດ. ທ່ານໄດ້ສະແດງຄວາມຂອບອົກຂອບໃຈຢ່າງເລິກເຊິ່ງຕໍ່ປະຊາຊົນລາວ, ບັນດາຜູ້ທີ່ຖືທ່ານ ແລະ ເພື່ອຮ່ວມກົມກອງແມ່ນລູກຫລານຄອບຄົວຂອງຕົນເອງ, ເປັນຫຼັກຖານພະຍານໃຫ້ສາຍພົວພັນທີ່ຊື່ສັດ, ບໍລິສຸດ, ຫາຍາກລະຫວ່າງປະຊາຊົນສອງປະເທດ.
 | ພຸດທະສາສະນິກກະຊົນ ຫວຽດນາມ ຢູ່ລາວ ຮັກສາມູນເຊື້ອຮັກແພງຄົນອື່ນຄືຮັກແພງຕົນເອງ ຍສໝ - ການຊ່ວຍຄົນທຸກຍາກ, ຜູ້ມີປະສົບການປະສົບກັບຄວາມຫຍຸ້ງຍາກ ຫຼື ປິ່ນປົວໃຫ້ແກ່ຄົນເຈັບພະຍາດປະສາດ ແມ່ນການເຄື່ອນໄຫວທຳການກຸສົນເປັນປະຈຳຂອງບັນດາພຸດທະສາສະນິກກະຊົນ ກໍ່ຄືປະຊາຄົມຊາວຫວຽດນາມ ທີ່ພວມດຳລົງຊີວິດ ແລະ ເຮັດວຽກຢູ່ປະເທດລ້ານຊ້າງ. |
 | ຫວຽດນາມ ແລະ ລາວສືບຕໍ່ຮັກສາບັນດາການຢ້ຽມຢາມ, ພົບປະຂັ້ນສູງ ຕອນບ່າຍວັນທີ 17 ກໍລະກົດ, ຢູ່ຮ່າໂນ້ຍ, ພາຍຫຼັງພິທີຕ້ອນຮັບຢ່າງເປັນທາງການ, ທ່ານນາງຮອງປະທານປະເທດ ຫວໍທິແອັງຊວັນ ໄດ້ພົບປະເຈລະຈາກັບທ່ານຮອງປະທານປະເທດ ລາວ ບຸນທອງ ຈິດມະນີ. |
ມີງດຶກ
