ປະທານສະພາແຫ່ງຊາດຫວຽດນາມ ພົບປະເຈລະຈາກັບທ່ານປະທານາທິບໍດີສະຫະພັນລັດເຊຍ

	ປະທານສະພາແຫ່ງຊາດຫວຽດນາມ ຕ້ອນຮັບຮອງປະທານສະພາແຫ່ງຊາດລາວ
	ປະທານສະພາແຫ່ງຊາດຫວຽດນາມ ອວຍພອນປະທານສະພາແຫ່ງຊາດທານຊາເນຍ

ໂດຍສືບຕໍ່ການຢ້ຽມຢາມ ສະຫະພັນລັດເຊຍ ຢ່າງເປັນທາງການ, ຕອນບ່າຍວັນທີ 10 ກັນຍາ, ຢູ່ວັງ Kremlin, ນະຄອນຫຼວງ ມົດສະກູ, ທ່ານປະທານສະພາແຫ່ງຊາດ ຫວຽດນາມ ເຈິ່ນແທັງເໝິນ ໄດ້ພົບປະເຈລະຈາກັບທ່ານປະທານາທິບໍດີສະຫະພັນລັດເຊຍ Vladimir Putin. ທ່ານປະທານາທິບໍດີ Vladimir Putin ໄດ້ຕີລາຄາສູງຄວາມໝາຍ ແລະ ໝາກຜົນການຢ້ຽມຢາມຂອງທ່ານປະທານສະພາແຫ່ງຊາດ ເຈິ່ນແທັງເໝິນ; ສະເໜີໃຫ້ 2 ອົງການນິຕິບັນຍັດຂອງ 2 ປະເທດສືບຕໍ່ເພີ່ມທະວີການຮ່ວມມືລັດຖະສະພາ, ປະກອບສ່ວນຊຸກຍູ້ການພົວພັນຄູ່ຮ່ວມມືຍຸດທະສາດຮອບດ້ານລະຫວ່າງ 2 ປະເທດໃຫ້ແທດຈິງ, ມີປະສິດທິຜົນ; ທ່ານຢືນຢັນວ່າ ຈະສະໜັບສະໜູນ 2 ອົງການນິຕິບັນຍັດຂອງ 2 ປະເທດຜັນຂະຫຍາຍບັນດາຂໍ້ຕົກລົງທີ່ໄດ້ລົງນາມ.

ທ່ານປະທານສະພາແຫ່ງຊາດ ຫວຽດນາມ ເຈິ່ນແທັງເໝີ້ນ ໄດ້ພົບປະເຈລະຈາກັບທ່ານປະທານາທິບໍດີສະຫະພັນລັດເຊຍ Vladimir Putin. ພາບ: TTXVN

ກ່ອນໜ້ານັ້ນ, ທ່ານປະທານສະພາແຫ່ງຊາດ ເຈິ່ນແທັງເໝິນ ໄດ້ຕ້ອນຮັບປະທານພັກກອມມູນິດສະຫະພັນ ລັດເຊຍ ແລະ ປະທານພັກ “ປະເທດ ລັດເຊຍ ຍຸຕິທຳ - ບັນດາຜູ້ຮັກຫອມຊາດ - ເພື່ອຄວາມເປັນຈິງ”; ຕ້ອນຮັບຜູ້ຕາງໜ້າສະມາຄົມມິດຕະພາບ ລັດເຊຍ - ຫວຽດນາມ ແລະ ສະມາຄົມນັກຮົບເກົ່າ ລັດເຊຍ ເຄີຍສູ້ຮົບຢູ່ ຫວຽດນາມ; ຕ້ອນຮັບກຸ່ມບໍລິສັດໃຫຍ່ຈຳນວນໜຶ່ງຂອງ ລັດເຊຍ.

ກ່ອນໜ້ານັ້ນ, ວັນທີ 9 ກັນຍາ, ຢູ່ສໍານັກງານຂອງສະພາຕໍ່າ ສະຫະພັນລັດເຊຍ, ທ່ານ Vyacheslav Victorovich Volodin ປະທານສະພາຕໍ່າ ສະຫະພັນລັດເຊຍ ໄດ້ເປັນປະທານພິທີຕ້ອນຮັບ ແລະມີການພົບປະສອງຝ່າຍກັບທ່ານ ເຈິ່ນແທັງເໝິນ, ປະທານສະພາແຫ່ງຊາດຫວຽດນາມ.

ທ່ານ Vyacheslav Victorovich Volodin ປະທານສະພາຕໍ່າ ສະຫະພັນລັດເຊຍ ຕ້ອນຮັບທ່ານ ເຈິ່ນແທັງເໝິນ, ປະທານສະພາແຫ່ງຊາດຫວຽດນາມ. ພາບ: TTXVN

ທີ່ການພົບປະສອງຝ່າຍ, ການນໍາສອງທ່ານໄດ້ແຈ້ງໃຫ້ກັນຊາບກ່ຽວກັບສະພາບການພົວພັນຂອງແຕ່ລະປະເທດ ແລະສະພາແຫ່ງຊາດສອງປະເທດ. ສອງຝ່າຍໄດ້ປຶກສາຫາລື ແລະເຫັນດີເປັນເອກະພາບຕໍ່ມາດຕະການຕ່າງໆເພື່ອແນໃສ່ຍູ້ແຮງ ແລະເປີດກວ້າງການຮ່ວມມືໃຫ້ເໝາະສົມກັບມູນເຊື້ອ ແລະສາຍພົວພັນຄູ່ຮ່ວມມືຍຸດທະສາດຮອບດ້ານ ຫວຽດນາມ-ສະຫະພັນລັດເຊຍ; ສົມທົບກັນຈັດຕັ້ງການເຄື່ອນໄຫວສະເຫຼີມສະຫຼອງວັນສ້າງຕັ້ງສາຍພົວພັນທາງການທູດ ຄົບຮອບ 75 ປີ ໃນປີ 2025.

ສອງຝ່າຍເຫັນດີເປັນເອກະສັນນໍາກັນວ່າ, ໃນການພົວພັນຮ່ວມມືສອງຝ່າຍ, ການຮ່ວມມືລະຫວ່າງລັດຖະສະພາແມ່ນເສົາຄ້ຳສຳຄັນທີ່ສຸດ, ເຊິ່ງໄດ້ຮັບການປັບປຸງຢ່າງບໍ່ຢຸດຢັ້ງ ແລະ ພັດທະນາອັນດີງາມ; ສອງຝ່າຍໄດ້ປຶກສາຫາລື, ສົມທົບກັນເປັນປະຈໍາ, ຕັ້ງໜ້າສະໜັບສະໜູນ ເຊິ່ງກັນ ແລະກັນຢູ່ບັນດາເວທີປາໄສລັດຖະສະພາຫຼາຍຝ່າຍໃນພາກພື້ນ ແລະສາກົນ. ການນໍາສອງທ່ານເຫັນດີເປັນເອກະພາບທີ່ຖືວ່າ, ປະຈຸບັນ, ກົນໄກຮ່ວມມືຂອງຄະນະກຳມະການຮ່ວມມືລະຫວ່າງລັດຖະສະພາ ລະຫວ່າງສະພາແຫ່ງຊາດຫວຽດນາມ-ສະພາຕໍ່າສະຫະພັນລັດເຊຍ ແມ່ນກົນໄກຮ່ວມມືທຳອິດ ແລະສູງສຸດຂອງສະພາແຫ່ງຊາດຫວຽດນາມ ກັບອົງການນິຕິບັນຍັດຂອງປະເທດອື່ນ. ສອງຝ່າຍໄດ້ຈັດຕັ້ງວາລະປະຊຸມ 2 ຄັ້ງ ປະສົບຜົນສໍາເລັດ. ໃນຂອບເຂດການຢ້ຽມຢາມຄັ້ງນີ້, ສອງຝ່າຍຈະພ້ອມກັນເປັນປະທານວາລະປະຊຸມ ຄັ້ງທີ 3 ເພື່ອແນໃສ່ກວດກາຄືນ, ໜູນຊ່ວຍ ແລະແກ້ໄຂສິ່ງກີດຂວາງເພື່ອຊຸກຍູ້ການພົວພັນຮ່ວມມືນີ້ໃຫ້ພັດທະນາແຂງແຮງກວ່າ, ສົມກັບການພົວພັນຄູ່ຮ່ວມມືຍຸດທະສາດຮອບດ້ານ ຫວຽດນາມ - ລັດເຊຍ ໃນສະພາບການໃໝ່.

ໄປຄຽງຄູ່ກັບກົນໄກຮ່ວມມືລະຫວ່າງລັດຖະສະພາທີ່ມີຢູ່ແລ້ວລະຫວ່າງຫວຽດນາມ-ສະຫະພັນລັດເຊຍ, ທ່ານ Vyacheslav Victorovich Volodin ໄດ້ສະເໜີໃຫ້ສອງຝ່າຍສືບຕໍ່ຄົ້ນຄວ້າ, ເປີດກວ້າງ ແລະສ້າງຕັ້ງກົນໄກຮ່ວມມືໃໝ່, ປະກອບສ່ວນເຂົ້າໃນການປັບປຸງ ແລະເຮັດໃຫ້ການພົວພັນຄູ່ຮ່ວມມືຍຸດທະສາດຮອບດ້ານລະຫວ່າງສະຫະພັນລັດເຊຍ ແລະຫວຽດນາມ ເລິກເຊິ່ງກ່ວາອີກ.

ສ່ວນທ່ານ ເຈິ່ນແທັງເໝິນ ສະເໜີວ່າສອງຝ່າຍສືບຕໍ່ເພີ່ມທະວີການແລກປ່ຽນຄະນະຜູ້ແທນຂັ້ນສູງ, ເພີ່ມທະວີການເຄື່ອນໄຫວຮ່ວມມືລະຫວ່າງບັນດາອົງການຂອງສະພາແຫ່ງຊາດ, ກຸ່ມສະມາຊິກລັດຖະສະພາມິດຕະພາບ, ກຸ່ມສະມາຊິກລັດຖະສະພາໜຸ່ມ, ກຸ່ມສະມາຊິກລັດຖະສະພາຍິງ ແລະບັນດາສະມາຊິກສະພາແຫ່ງຊາດຂອງສອງປະເທດ; ເພີ່ມທະວີການແລກປ່ຽນ ແລະແບ່ງປັນບົດຮຽນດ້ານນິຕິບັນຍັດ, ອັບເດັດຂໍ້ມູນຂ່າວສານກ່ຽວກັບການເຄື່ອນໄຫວລັດຖະສະພາຂອງແຕ່ລະປະເທດ...

ໃນຂອບເຂດການຢ້ຽມຢາມສະຫະພັນລັດເຊຍ ຢ່າງເປັນທາງການ, ຕອນບ່າຍວັນທີ 9 ກັນຍາ, ຢູ່ມົດສະກູ ໄດ້ດໍາເນີນວາລະປະຊຸມ ຄັ້ງທີ 3 ຂອງຄະນະກໍາມະການຮ່ວມມືລະຫວ່າງລັດຖະສະພາ ລະຫວ່າງສະພາແຫ່ງຊາດຫວຽດນາມ ກັບສະພາຕໍ່າສະຫະພັນລັດເຊຍ.

ກ່າວຄຳເຫັນໄຂວາລະປະຊຸມ, ທ່ານ Vyacheslav Victorovich Volodin ໃຫ້ຮູ້ວ່າ: ວາລະປະຊຸມຄັ້ງນີ້ ເພື່ອແນໃສ່ປຶກສາຫາລືມາດຕະການຕ່າງໆເພື່ອພັດທະນາການພົວພັນຮ່ວມມືລະຫວ່າງສອງປະເທດ. ກ່ຽວກັບດ້ານເສດຖະກິດ, ສອງປະເທດສູ້ຊົນບັນລຸວົງເງິນການຄ້າ 15 ຕື້ USD ໃນປີ 2030. ສະນັ້ນ, ວາລະປະຊຸມຄັ້ງນີ້, ພ້ອມກັບວາລະປະຊຸມຄັ້ງທີ 4 ຂອງຄະນະກໍາມາທິການຮ່ວມມືລະຫວ່າງລັດຖະສະພາ ເຊິ່ງຈະຈັດຕັ້ງຢູ່ຫວຽດນາມ ແມ່ນສຸມໃສ່ ແກ້ໄຂຫຼາຍບັນຫາ, ຄື: ເພີ່ມທະວີວົງເງິນການຄ້າ, ການຮ່ວມມືດ້ານການເງິນ, ສາທາລະນະສຸກ, ກະສິກຳ, ວິທະຍາສາດ ແລະ ເຕັກໂນໂລຢີ, ວັດທະນະທຳ; ການທ່ອງທ່ຽວ.

ສ່ວນທ່ານ ເຈີ່ນແທັງເໝິນ ຖືວ່າ ວາລະປະຊຸມຄັ້ງທີ 3 ຂອງຄະນະກຳມາທິການຮ່ວມມືລະຫວ່າງລັດຖະສະພາ ລະຫວ່າງສະພາແຫ່ງຊາດຫວຽດນາມ - ສະພາຕໍ່າ ສະຫະພັນລັດເຊຍ ແມ່ນສຳຄັນທີ່ສຸດເພື່ອໃຫ້ສອງຝ່າຍຊຸກຍູ້ການຮ່ວມມືຢ່າງແໜ້ນແຟ້ນກ່ວາອີກໃນໄລຍະຈະມາເຖິງ. ທ່ານ ເຈີ່ນແທັງເໝິນ ເນັ້ນໜັກວ່າ: “ຄຽງຄູ່ກັບຂົງເຂດຮ່ວມມືທີ່ເປັນມູນເຊື້ອ, ສອງຝ່າຍຈະແລກປ່ຽນ, ປຶກສາຫາລືບັນດາຂົງເຂດຮ່ວມມືໃນໄລຍະຈະມາເຖິງ, ຄື: ການສົ່ງອອກຜະລິດຕະພັນກະເສດ, ການຂົນສົ່ງທາງອາກາດ, ເສດຖະກິດດີຈີຕອນ, ການຄຸ້ມຄອງດ້ານໄຊເບີ, ຊັບສິນທາງປັນຍາ, ການປົກປ້ອງຂໍ້ມູນຜູ້ຊົມໃຊ້, ເຕັກໂນໂລຢີຂໍ້ມູນຂ່າວສານ, ການຫັນບໍລິຫານສາທາລະນະເປັນດີຈີຕອນ, ການສື່ສານຫຼາຍປະເພດ, ກິລາປັນຍາ, ການສຶກສາດີຈີຕອນ, ພະລັງງານສະອາດ, ນິວເຄຼຍ ເພື່ອຈຸດປະສົງສັນຕິພາບ.

ເລຂາທິການ​ໃຫຍ່, ປະທານ​ປະ​ເທດ ໂຕເລີມ ມອບຂໍ້ຕົກລົງແຕ່ງຕັ້ງ​ເອກ​ອັກຄະ​ລັດຖະທູດ ຫວຽດນາມ ປະຈຳ ລາວ ຍສໝ - ທ່ານ​ເລຂາທິການ​ໃຫຍ່, ປະທານ​ປະ​ເທດ ໂຕເລີມ ໄດ້ມອບຂໍ້ຕົກລົງແຕ່ງຕັ້ງ​ເອກ​ອັກຄະ​ລັດຖະທູດຜູ້ມີອຳນາດເຕັມແຫ່ງ​ສາ​ທາ​ລະ​ນະ​ລັດ ສັງ​ຄົມ​ນິ​ຍົມ ​ຫວຽດ​ນາມ ປະ​ຈຳ ສ​ປ​ປ ລາວ.

ເລຂາທິການໃຫຍ່, ປະທານປະເທດຫວຽດນາມ ສົນທະນາທາງໂທລະສັບ ແລະສົນທະນາທາງໄກ ກັບການນໍາ ສ.ເກົາຫຼີ, ຍີ່ປຸ່ນ ຍສໝ - ທ່ານເລຂາທິການໃຫຍ່, ປະທານປະເທດ ໂຕເລິມ ຊົມເຊີຍບັນດາຜົນງານທີ່ປະເທດ ສ.ເກົາຫຼີ ບັນລຸໄດ້ໃນໄລຍະຜ່ານມາ, ໃນນັ້ນມີການຟື້ນຟູເສດຖະກິດ, ປັບປຸງລະບົບຕ່ອງໂສ້ການສະໜອງ; ຕີລາຄາສູງການພົວພັນ ຫວຽດນາມ-ສ.ເກົາຫຼີ ໃນ 32 ປີຜ່ານ ມາ ໄດ້ຮັບການພັດທະນາຢ່າງວ່ອງໄວໃນທຸກຂົງເຂດ, ໂດຍສະເພາະແມ່ນພາຍຫຼັງສອງຝ່າຍ ຍົກລະດັບການພົວພັນຂຶ້ນເປັນຄູ່ຮ່ວມມືຍຸດທະສາດຮອບດ້ານ; ເນັ້ນໜັກວ່າ ພັກ, ລັດຫວຽດນາມ ຍາມໃດກໍຖືເປັນສໍາຄັນການພົວພັນຮ່ວມມືມິດຕະພາບກັບ ສ.ເກົາຫຼີ.