![]() | ສປປ.ລາວ ໄດ້ຕີລາຄາສູງການຮ່ວມມືກັບຫວຽດນາມໃນຂົງເຂດວິທະຍາສາດ, ເຕັກໂນໂລຊີ ແລະ ປ່ຽນໃໝ່ປະດິດສ້າງ |
![]() | ວິທະຍາຄານການແພດທະຫານຫວຽດນາມ - ລາວ ຮ່ວມມືບຳລຸງສ້າງ, ຄົ້ນຄວ້າວິທະຍາສາດ |
ຕາມທ່ານສາດສະດາຈານ ເຈິນແທງເວີນ, ປະທານສະມາຄົມວິທະຍາສາດພົບປະ ຫວຽດນາມ, ຜູ້ອຳນວຍການສູນສາກົນວິທະຍາສາດ ແລະ ການສຶກສາລະຫວ່າງຂະແໜງການ (ICISE) ແລ້ວ, VSOP ໄດ້ຈັດຕັ້ງແຕ່ລະປີ ໂດຍສະມາຄົມວິທະຍາສາດການພົບປະ ຫວຽດນາມ ແລະ ICISE ເພື່ອເຊື່ອມຕໍ່ນັກສຶກສາ ແລະ ນັກຄົ້ນຄວ້າໜຸ່ມທີ່ມີຄວາມຫຼົງໄຫຼກ່ຽວກັບຟີຊິກສາດ ເພື່ອເຂົ້າເຖິງ ແລະ ອັບເດດບັນດາວິທີການຄົ້ນຄ້ວາໃຫມ່ໃນຟີຊິກ.
![]() |
ທ່ານສາດສະດາຈານ ເຈິນແທງເວີນ ກ່າວຄຳປາໄສທີ່ VSOP30. |
ໂຮງຮຽນໄດ້ຮັບການສ້າງຂຶ້ນໃນປີ 1994 ເພື່ອສ້າງເງື່ອນໄຂໃຫ້ນັກສຶກສາ ຫວຽດນາມ ໄດ້ຮໍ່າຮຽນ ແລະ ສຳຜັດການຄົ້ນຄວ້າກັບນັກສຶກສາສາກົນ ແລະ ບັນດານັກວິທະຍາສາດຊັ້ນນຳໃນຂະແໜງການຄົ້ນຄວ້າຕາມຫົວຂໍ້ຂອງແຕ່ລະຫ້ອງຮຽນ. ຈາກພື້ນຖານດັ່ງກ່າວ, ນັກສຶກສາມີໂອກາດຊອກຫາທຶນການສຶກສາລະດັບປະລິນຍາເອກ ແລະ ຫຼັງມະຫາຢູ່ບັນດາມະຫາວິທະຍາໄລ, ສະຖາບັນຄົ້ນຄວ້າທີ່ກ້າວໜ້າທົ່ວໂລກ, ປະກອບສ່ວນເພີ່ມທະວີກຳລັງຄົ້ນຄວ້າຟີຊິກສາດພື້ນຖານຂອງ ຫວຽດນາມ.
VSOP30 ສະໜອງຊຸດການບັນລະຍາຍກ່ຽວກັບຟິຊິກຂອງອານຸພາກ ແລະ ສະສານມືດ ທິດສະດີ ແລະ ການທົດລອງຕົວຈິງ. ນອກຈາກພື້ນຖານຄວາມຮູ້ຂອງທິດສະດີພາກສະຫນາມກວນເຕີມ, ຕົວແບບມາດຕະຖານ (SM), ການບັນລະຍາຍຍັງປະກອບມີ: ທິດສະດີນອກເໜືອຕົວແບບມາດຕະຖານ, ທິດສະດີສະສານມືດ, ບັນດາວິທີການທົດລອງຕົວຈິງສໍາລັບການຄົ້ນຄວ້າເຄື່ອງຕຳອານຸພາກ ແຮັກລອນ ຂະໜາດໃຫຍ່ (LHC), ແບບວິທີການ Monte Carlo ແລະ ການຮຽນຮູ້ເຄື່ອງຈັກ (ML).
ພິເສດ, ນັກຮຽນມີໂອກາດທີ່ຈະເຂົ້າເຖິງບັນດາຫົວຂໍ້ການຄົ້ນຄວ້າທີ່ພວມດໍາເນີນໂດຍຄູອາຈານ. ການບັນລະຍາຍທັງໝົດໄດ້ຖືກອອກແບບເພື່ອເຊື່ອມຕໍ່ຄວາມຮູ້ພື້ນຖານທີ່ສະໜອງໃຫ້ໃນລະດັບມະຫາວິທະຍາໄລໄປສູ່ລະດັບສູງ, ວິທີການຄົ້ນຄວ້າ ແລະ ໂດຍສະເພາະແມ່ນວິທີການຄິດໄລ່ ແລະ ການວິເຄາະຂໍ້ມູນແມ່ນໄດ້ຖ່າຍທອດຕົວຈິງໃນທຸກຫຼັກສູດ.
![]() |
ໂຮງຮຽນ ຫວຽດນາມ ກ່ຽວກັບ Neutrinos ຄັ້ງທີ 8. |
ໃນວັນດຽວກັນ, ສະມາຄົມວິທະຍາສາດການພົບປະ ຫວຽດນາມ ແລະ ICISE ໄດ້ເປີດສະຫຼອງໂຮງຮຽນ ຫວຽດນາມ ກ່ຽວກັບ Neutrinos (VSON8) ຄັ້ງທີ 8 ດ້ວຍການເຂົ້າຮ່ວມຂອງນັກວິທະຍາສາດ, ນັກຄົ້ນຄວ້າ ແລະ ນັກຮຽນ 32 ຄົນທີ່ມາຈາກ ຍີ່ປຸ່ນ, ຈີນ, ອິນເດຍ, ອີຕາລີ, ອັງກິດ ແລະ ຫວຽດນາມ.
ໂຮງຮຽນ ຫວຽດນາມ ກ່ຽວກັບ Neutrinos ໄດ້ຈັດຕັ້ງຄັ້ງທຳອິດໃນປີ 2017 ດ້ວຍການຊ່ວຍເຫຼືອຈາກບັນດານັກຊ່ຽວຊານດ້ານຟີຊິກສາດ Neutrinos ຊັ້ນນຳຈາກປະເທດ ຍີ່ປຸ່ນ. ໂຮງຮຽນໄດ້ດຶງດູດບັນດານັກຮຽນມາຈາກ ເອີຣົບ, ອາເມລິກາ, ຍີ່ປຸ່ນ, ອິນເດຍ ແລະ ບັນດາປະເທດອາຊີຕາເວັນອອກສຽງໃຕ້.
ດ້ວຍພື້ນຖານຄວາມຮູ້ກ່ຽວກັບ Neutrino ຈາກຫ້ອງຮຽນກ່ອນນີ້, ນັກສຶກສາ ຫວຽດນາມ ແລະ ຕ່າງປະເທດຫຼາຍຄົນໄດ້ມີໂອກາດສືບຕໍ່ການຄົ້ນຄວ້າ, ຍາດໄດ້ໃບປະກາດສະນີຍະບັດລະດັບປະລິນຍາເອກໃນຂົງເຂດ Neutrino ແລະ ໄດ້ປະກອບສ່ວນຕົວຈິງໃຫ້ແກ່ປະຊາຄົມວິທະຍາສາດສາກົນ.
![]() | ເພີ່ມທະວີການຮ່ວມມືຄົ້ນຄວ້າວິທະຍາສາດນິຕິບັນຍັດ ຫວຽດນາມ-ລາວ ຍສໝ - ທີ່ການເຮັດວຽກ, ສອງຝ່າຍກໍໄດ້ແລກປ່ຽນ ແລະແບ່ງປັນບົດຮຽນຕົວຈິງໃນຂົງເຂດທີ່ຕ່າງຝ່າຍຕ່າງມີຄວາມສົນໃຈ. |
![]() | ທ່ານເອກອັກຄະລັດຖະທູດ ບຸຍວັນຫງີ້ ໄດ້ມີການເຮັດວຽກກັບອະດີດສະມາຊິກສະພາສູງ, ຮອງລັດຖະມົນຕີຜູ້ປະຈຳການ ກະຊວງວິທະຍາສາດ, ເຕັກໂນໂລຊີ ແລະ ການປ່ຽນແປງໃໝ່ ບຣາຊິນ. ຍສໝ - ວັນທີ 21 ພະຈິກນີ້ (ຕາມເວລາທ້ອງຖິ່ນ), ທ່ານເອກອັກຄະລັດຖະທູດ ຫວຽດນາມ ປະຈຳ ບຣາຊິນ ບຸຍວັນຫງີ້ ໄດ້ມີການປຶກສາຫາລື ແລະ ເຮັດວຽກກັບທ່ານ Inácio Arruda, ອະດີດສະມາຊິກສະພາສູງ, ຮອງລັດຖະມົນຕີຜູ້ປະຈຳການ ກະຊວງວິທະຍາສາດ, ເຕັກໂນໂລຊີ ແລະ ການປ່ຽນແປງໃໝ່ ບຣາຊິນ (MCTI), ພ້ອມທັງເປັນປະທານສະມາຄົມມິດຕະພາບ ... |
ມິງດຶກ