ເຕັມໄປດ້ວຍສາຍຈິດມິດໃຈແຫ່ງການແຮກສ່ຽວກຸ່ມບ້ານເຂດຊາຍແດນແທງຮວ໊າ-ຫົວພັນ

	ກອງບັນການທະຫານຊາຍແດນແຂວງເຊີນລາ ແລະ ກອງຮ້ອຍທະຫານຊາຍແດນ 231, ປກຊ ແຂວງ ຫົວພັນ ຈັດກອງປະຊຸມສ່ອງແສງ
	ກອງບັນຊາການທະຫານແຂວງ ຫົວພັນ ໄປອວຍພອນປີໃຫ້ຫວຽດ ໃຫ້ແກ່ ກອງບັນຊາການທະຫານແທັງຫວ໋າ

ພາຍຫຼັງ 10 ກວ່າປີທີ່ຜັນຂະຫຍາຍການປະຕິບັດຮູບແບບ “ແຮກສ່ຽວບ້ານ-ບ້ານ” ຢູ່ເຂດຊາຍແດນ ແທງຮວ໊າ - ຫົວພັນ, ໄດ້ຢືນຢັນລັກສະນະຖືກຕ້ອງໃນວຽກງານການທູດປະຊາຊົນ ສ້າງຂີດໝາຍພິເສດກ່ຽວກັບນ້ຳໃຈສາມັກຄີ, ມິດຕະພາບທີ່ເປັນມູນເຊື້ອລະຫວ່າງຫວຽດນາມ - ລາວ ທີ່ສະໜິດຕິດພັນຢູ່ເຂດຊາຍແດນປະເທດຊາດ.

ຄວາມສະໜິດຕິດພັນຢູ່ເຂດຊາຍແດນ

ນັບແຕ່ວັນ “ແຮກສ່ຽວ” ລະຫວ່າງບ້ານ ແກ້ວ, ຕາແສງ ບ້າດມອດ (ເທື່ອງຊວນ) ແລະບ້ານທ່າເລົ່າ, ກຸ່ມບ້ານໂພນໄຊ, ເມືອງຊຳໃຕ້, ແຂວງຫົວພັນ (ສປປ ລາວ), ປະຊາຊົນສອງບ້ານຢູ່ເຂດຊາຍແດນຍິ່ງມີຄວາມສະໜິດຕິດພັນບໍ່ພຽງແຕ່ສະແດງໃຫ້ເຫັນຜ່ານການກະທໍາ, ສຽງເວົ້າເທົ່ານັ້ນ ຫາກຍັງຜ່ານບັນດາວຽກງານລະອຽດ ແລະແທດຈິງ ຄື ຊ່ວຍເຫຼືອກັນໃນຍາມປະສົບກັບຄວາມຫຍຸ້ງຍາກ; ແບ່ງປັນບົດຮຽນປະສົບການໃນການພັດທະນາເສດຖະກິດ, ລົບລ້າງຄວາມອຶດຫິວ ແລະຫຼຸດຜ່ອນຄວາມທຸກຍາກ; ຮ່ວມແຮງຮ່ວມໃຈປົກປັກຮັກສາເສັ້ນຊາຍແດນ ແລະຫຼັກໝາຍຊາຍແດນ... ອີກດ້ວຍ.

ທ່ານ ອິນປານ ທິດເທົາປຸ້ງ, ຢູ່ບ້ານທ່າເລົ່າ, ກຸ່ມບ້ານໂພນໄຊ ຍັງຄົງຈື່ຈຳພິທີແຮກສ່ຽວລະຫວ່າງ 2 ບ້ານ ທ່າເລົ່າ-ແກ້ວ ທີ່ຈັດຂຶ້ນໃນວັນທີ 28 ພຶດສະພາ 2014. ໃນ 13 ເນື້ອໃນທີ່ໄດ້ລົງນາມນັ້ນ, ທ່ານ ອິນປານ ທິດເທົາປຸ້ງ ຍາມໃດກໍ່ຈື່ຈຳເຖິງຂໍ້ກຳນົດສ້າງເງື່ອນໄຂໃຫ້ປະຊາຊົນສອງປະເທດໄປມາຫາສູ່ກັນ, ຢ້ຽມຢາມຍາດຕິພີ່ນ້ອງ ແລະແລກປ່ຽນສິນຄ້າ; ຊ່ວຍເຫຼືອກັນລົບລ້າງຄວາມອຶດຫີວ, ຫຼຸດຜ່ອນຄວາມທຸກຍາກ, ພັດທະນາການຜະລິດສ້າງເສດຖະກິດຄອບຄົວ ຈາກນັ້ນຍົກສູງຊີວິດທາງດ້ານວັດຖຸ ແລະຈິດໃຈໃຫ້ປະຊາຊົນ.

ທ່ານ ອິນປານ ທິດເທົາປຸ້ງ, ອາຍຸ 69 ປີ, ໃຫ້ຮູ້ວ່າ, ຫວຽດນາມ ຄືດັ່ງບ້ານເກີດເມືອງນອນແຫ່ງທີສອງຂອງຕົນ, ເພາະວ່າພໍ່ຂອງລາວໄດ້ເອົາເມຍ ແມ່ນຄົນຫວຽດນາມຢູ່ເທດສະບານເທື່ອງຊວນ. ສອງຄົນດໍາລົງຊີວິດຢູ່ນຳກັນມາໄດ້ສິບກວ່າປີ ແຕ່ບໍ່ມີລູກ, ຈາກນັ້ນພໍ່ຂອງລາວໄດ້ກັບເມືອທຳມາຫາກິນຢູ່ບ້ານເກີດ. ເຖິງແມ່ນວ່າທັງສອງບໍ່ໄດ້ຢູ່ຮ່ວມກັນອີກ, ແຕ່ ສອງຄອບຄົວຍັງໄປມາຫາສູ່ກັນເປັນປະຈໍາ, ສະນັ້ນຍິ່ງມີຄວາມສະໜິດຕິດພັນກວ່າ.

ທ່ານ ອິນປານ ທິດເທົາປຸ້ງ ມີລູກ 4 ຄົນ, ໃນນັ້ນ 2 ຄົນໄດ້ຮຽນຢູ່ຫວຽດນາມ ພາຍຫຼັງກັບເມືອປະເທດ, ໄດ້ມີວຽກເຮັດງານທຳເປັນປົກກະຕິຢູ່ນະຄອນຫຼວງວຽງຈັນ. ແຕ່ລະປີ, ລູກ 2 ຄົນເຄີຍຮ່ວມກັບຄະນະປະຕິບັດງານຂອງ ສປປ ລາວ ໄປຫວຽດນາມ ເຂົ້າຮ່ວມຊຸດຝຶກອົບຮົມ ເພື່ອຍົກສູງລະດັບວິຊາສະເພາະ.

ນັບດົນນານມາແລ້ວ, ທ່ານ ອິນປານ ທິດເທົາປຸ້ງ ໄດ້ສະໜິດຕິດພັນກັບເທື່ອງຊວນ, ເພາະວ່າລາວເປີດຮ້ານຂາຍເຄື່ອງຢູ່ທີ່ນີ້. ໃນສິບປີຜ່ານມາ, ເດືອນລະເທື່ອ, ລາວໄດ້ມາເທດສະບານ ເທື່ອງຊວນ ເພື່ອຊື້ເຄື່ອງຂອງມາຮັບໃຊ້ປະຊາຊົນໃນບໍລິເວນ. ລາວເວົ້າວ່າ, ຊາວໃນໝູ່ບ້ານຂອງລາວ ນິຍົມສິນຄ້າຂອງຫວຽດນາມ ຫຼາຍເພາະທັງມີຄຸນນະພາບດີທັງມີລາຄາຖືກ.

ຄ້າຍທະຫານຊາຍແດນບ້າດມອດ ຊ່ວຍເຫຼືອນ້ອງ ບູນຊູ ຢູ່ບ້ານທ່າເລົ່າ, ກຸ່ມບ້ານໂພນໄຊ, ເມືອງຊໍາໃຕ້. ພາບ: truyenhinhthanhhoa.vn

ສາຍຈິດມິດໃຈຢູ່ເຂດຊາຍແດນກໍ່ໄດ້ສະແດງໃຫ້ເຫັນຜ່ານການຊ່ວຍເຫຼືອນ້ອງ ບູນຊູ ເລື່ອງບູນມາ, ອາຍຸ 11 ປີຢູ່ບ້ານທ່າເລົ່າ, ກຸ່ມບ້ານໂພນໄຊ, ເມືອງຊໍາໃຕ້. ຄອບຄົວຂອງນ້ອງມີປະສົບກັບຫຍຸ້ງຍາກເປັນພິເສດ, ທັງພໍ່ແມ່ເປັນຄົນພິການປາກກືກ ຫູໜວກ ມາແຕ່ກຳເນີດ, ແລະເຈັບປ່ວຍເປັນປະຈຳ, ບໍ່ສາມາດອອກແຮງງານໄດ້... ຄອບຄົວຂາດເຂີນທຸກຢ່າງ, ສະນັ້ນ ບູນຊູ ຢືນຕໍ່ໜ້າຄວາມສ່ຽງຈະຕ້ອງປະຮຽນ. ເຖິງຢ່າງໃດກໍ່ຕາມ, ດ້ວຍການແບ່ງປັນຂອງສາຂາສະມາຄົມແມ່ຍິງ ແຮກສ່ຽວບ້ານແກ້ວ ໄດ້ມອບປື້ມ ແລະອຸປະກອນການຮຽນໃຫ້ນ້ອງ; ເດືອນ ມັງກອນ 2023, ຄ້າຍທະຫານຊາຍແດນບ້າດມອດ ໄດ້ຊ່ວຍເຫຼືອນ້ອງ ບູນຊູ ເງິນ 500.000 ດົ່ງ/ເດືອນ ຈົນຮອດ ມ7 ຕາມໂຄງການ “ຊ່ວຍນ້ອງໄປໂຮງຮຽນ” ສິ່ງດັ່ງກ່າວໄດ້ສ້າງຄວາມໄວ້ເນື້ອເຊື່ອໃຈ ແລະຄວາມມຸ່ງຫວັງ ເພື່ອໃຫ້ນ້ອງປະຕິບັດຄວາມໃຝ່ຝັງຂອງຕົນ.

ທ່ານ ຮຸ່ງນາຄອນ ສີຄຳ, ນາຍບ້ານທ່າເລົ່າ, ກຸ່ມບ້ານໂພນໄຊ, ເມືອງຊຳໃຕ້, ໃຫ້ຮູ້ວ່າ: ທ່າເລົ່າກັບບ້ານແກ້ວ ມີສາຍພົວພັນສະໜິດຕິດພັນມາແຕ່ດົນນານ. ສະນັ້ນ, ພໍ່ແມ່ປະຊາຊົນເຄີຍພົບປະແລກປ່ຽນ, ຢ້ຽມຢາມຍາດຕິພີ່ນ້ອງ, ແລະໜູນຊ່ວຍແນະນຳວິທີທໍາມາຫາກິນ, ພ້ອມກັນຮັກສາຄວາມໝັ້ນຄົງ, ຄວາມເປັນລະບຽບຮຽບຮ້ອຍຢູ່ເຂດຊາຍແດນເປັນປະຈໍາ. ຍາມໃດຊາວບ້ານທ່າເລົ່າຕ້ອງການຄວາມຊ່ວຍເຫຼືອອັນໃດເພື່ອນມິດຫວຽດນາມ ກໍ່ໃຫ້ການຊ່ວຍເຫຼືອຢ່າງສຸດຈິດສຸດໃຈ. ສິ່ງດັ່ງກ່າວຍິ່ງເຮັດໃຫ້ປະຊາຊົນສອງບ້ານມີຄວາມສະໜິດຕິດພັນກວ່າອີກ.

ທ່ານ ວີວັນຊ໊າງ, ເລຂາໜ່ວຍພັກ, ນາຍບ້ານແກ້ວ, ຕາແສງ ບ້າດມອດ ກໍ່ຢືນຢັນວ່າ: ພາຍຫຼັງ 10 ປີແຫ່ງການແຮກສ່ຽວ, ຄູ່ບ້ານແກ້ວ-ທ່າເລົ່າ ຍັງຄົງຮັກສາສາຍພົວພັນທີ່ດີ; 2 ຝ່າຍຈັດຕັ້ງການປະຊຸມແລກປ່ຽນວຽກງານປະຈໍາໄລຍະ; ...

ສ້າງພື້ນຖານໃນຈິດໃຈປະຊາຊົນ

ໂດຍແມ່ນກົມກອງທີ່ຕັ້ງທັບຢູ່ຕາແສງບ້າດມອດ, ຄ້າຍທະຫານຊາຍແດນບ້າດມອດ ໄດ້ຮັບໜ້າທີ່ຄຸ້ມຄອງ ແລະປົກປັກຮັກສາເສັ້ນຊາຍແດນຍາວ 17.492 ກິໂລແມັດ ດ້ວຍ 7 ຫຼັກໝາຍຊາຍແດນ ແລະ 2 ຫຼັກໝາຍຊາຍແດນຕິດຈອດກັນ; ໃນບໍລິເວນຕາແສງມີ 4 ບ້ານຊາຍແດນຕິດກັບ 5 ບ້ານຂອງກຸ່ມບ້ານໂພນໄຊ, ເມືອງຊຳໃຕ້, ແຂວງຫົວພັນ.

ໃນຫຼາຍປີຜ່ານມາ, ຄ້າຍທະຫານຊາຍແດນບ້າດມອດ ໄດ້ປຸກລະດົມການຊ່ວຍເຫຼືອກໍ່ສ້າງເຮືອນແຫ່ງສາຍຈິດມິດໃຈໃຫ້ບັນດາຄອບຄົວປະສົບກັບຄວາມຫຍຸ້ງຍາກຢູ່ບ້ານທ່າເລົ່າ; ຮັບອຸປະກາລະນັກຮຽນລາວ; ໜູນຊ່ວຍຊີມັງ, ອຸປະກອນການແພດ... ກົມກອງກໍ່ໄດ້ສົມທົບກັບບ້ານບ້າດມອດ ເພື່ອໜູນຊ່ວຍ, ຊ່ວຍເຫຼືອປະຊາຊົນ 2 ບ້ານ ພັດທະນາ ເສດຖະກິດ, ລົບລ້າງຄວາມອຶດຫິວ ແລະຫຼຸດຜ່ອນຄວາມທຸກຍາກ; ຊ່ວຍເຫຼືອປະຊາຊົນຜ່ານຜ່າຜົນຮ້າຍຢ້ອນຫຼັງຈາກໄພທຳມະຊາດ;...

ກົມກອງກໍ່ໄດ້ປະຕິບັດທິດນໍາ “3 ຕິດແທດ, 4 ພ້ອມ” ກັບປະຊາຊົນເປັນຢ່າງດີ, ຊ່ວຍເຫຼືອປະຊາຊົນສອງຟາກຊາຍແດນສ້າງຮູບແບບຫາເງິນລ້ຽງຊີບແບບຍືນຍົງ; ພ້ອມທັງ, ປຸກລະດົມບັນດາການຂະບວນການ “ທົ່ວປວງຊົນເຂົ້າຮ່ວມການປົກປັກຮັກສາຄວາມໝັ້ນຄົງປະເທດຊາດ”, ປົກປັກຮັກສາຊາຍແດນແຫ່ງຊາດ, ກໍ່ສ້າງຮາກຖານໃຫ້ໝັ້ນຄົງເຂັ້ມແຂງໃນຈິດໃຈປະຊາຊົນ...

ທ່ານພັນຕີ ເຈິ່ນວັນສີ໊, ຮອງຫົວໜ້າການເມືອງຄ້າຍທະຫານຊາຍແດນບ້າດມອດ ໃຫ້ຮູ້ວ່າ: ເລື່ອງແຮກສ່ຽວບ້ານ-ບ້ານ 2 ຟາກຊາຍແດນແມ່ນ ແຜນນະໂຍບາຍທີ່ຖືກຕ້ອງ, ຢັ້ງຢືນຖານະ, ບົດບາດອັນໃຫຍ່ຫຼວງຂອງມະຫາຊົນໃນພາລະກິດສ້າງສາ ແລະປົກປັກຮັກສາອະທິປະໄຕຄວາມໝັ້ນຄົງຢູ່ເຂດຊາຍແດນແຫ່ງຊາດ. ຮູບແບບແຮກສ່ຽວໄດ້ກາຍເປັນແບບຢ່າງທີ່ພົ້ນເດັ່ນ, ປະກອບສ່ວນເພີ່ມພູນຄູນສ້າງຄວາມສາມັກຄີ, ມິດຕະພາບແທງຮວ໊າ - ຫົວພັນ ໃນໄລຍະພັດທະນາໃໝ່.

ອາດຢັ້ງຢືນໄດ້ວ່າ ຮູບແບບແຮກສ່ຽວນີ້ໄດ້ ແລະພວມສ້າງຄວາມສະໜິດຕິດພັນ, ນຳມາເຊິ່ງຄວາມອີ່ມໜໍາສໍາລານ, ຄວາມສຸກໃຫ້ແກ່ປະຊາຊົນຢູ່ເຂດຊາຍແດນ. ນັ້ນກໍ່ແມ່ນພະຍານຫຼັກຖານທີ່ມີຊີວິດຊີວາໃຫ້ສາຍພົວພັນມິດຕະພາບທີ່ເປັນມູນເຊື້ອ, ຄວາມສາມັກຄີແບບພິເສດ, ສັດຊື່ບໍລິສຸດລະຫວ່າງປະຊາຊົນສອງປະເທດ ຫວຽດນາມ - ລາວ.