| ທ່ານ ບໍ່ວຽງຄຳ ວົງດາລາ ປະທານສະມາຄົມມິດຕະພາບ ລາວ - ຫວຽດນາມ ໄດ້ຮັບນາມມະຍົດເປັນສາດສະດາຈານກິດຕິມະສັກ | |
| ທ່ານ ເຈີ່ນຮິວຟຸກ ຮັກສາຕຳແໜ່ງປະທານສະມາຄົມມິດຕະພາບ ຫວຽດນາມ - ອາເມລິກາ ຢູ່ນະຄອນດ່າໜັງ |
 |
| ຕາງໜ້າສະມາຄົມນັກຂ່າວແຂວງ ວິ້ງຟຸກ ມອບຂອງທີ່ລະນຶກໃຫ້ບັນດາສະມາຊິກຄະນະປະຕິບັດງານຂອງສະມາຄົມນັກຂ່າວໄທ. (ພາບ: ວາລະສານກໍ່ສ້າງພັກ) |
ຕາມທ່ານ ຫງວຽນດິ່ງບ່າງ ປະທານສະມາຄົມນັກຂ່າວແຂວງ ວິ້ງຟຸກ ກ່າວວ່າ: ການມາຢ້ຽມຢາມສະແດງໃຫ້ເຫັນເຖິງຄວາມສົນໃຈຂອງສະມາຄົມນັກຂ່າວໄທ ທີ່ມີຕໍ່ແຂວງວິ້ງຟຸກ, ສະມາຄົມນັກຂ່າວ ແລະ ບັນດາສຳນັກງານໜັງສືພິມຂອງແຂວງ, ກໍ່ຄືການພົວພັນຮ່ວມມື ມິດຕະພາບທີ່ດີ ລະຫວ່າງ ບັນດາສໍານັກງານສື່ມວນຊົນ 2 ປະເທດ ໄທ - ຫວຽດນາມ.
ທ່ານ ຫງວຽນດິ່ງບ່າງ ໄດ້ນຳສະເໜີບາງຈຸດໂດຍສັງເຂບ, ສິ່ງທີ່ພົ້ນເດັ່ນກ່ຽວກັບປະຫວັດສາດ, ພູມສາດ, ພາລະກິດການພັດທະນາເສດຖະກິດ - ສັງຄົມຂອງແຂວງ; ການພົວພັນຮ່ວມມື, ມິດຕະພາບລະຫວ່າງ ໄທ ແລະ ແຂວງວິ້ງຟຸກ. ປີ 2016, ສະມາຄົມມິດຕະພາບ ຫວຽດນາມ - ໄທ ແຂວງວິ້ງຟຸກ ໄດ້ຮັບການສ້າງຕັ້ງຂຶ້ນ. ແຂວງຍາມໃດກໍ່ຍັງຮັກສາການພົວພັນອັນດີງາມກັບສະຖານທູດໄທ ແລະ ຫ້ອງການສົ່ງເສີມການລົງທຶນໄທ ປະຈຳຮ່າໂນ້ຍ...
ທ່ານ ຫງວຽນດິ່ງບ່າງ ຫວັງວ່າ ຂໍ້ມູນຂ່າວສານຕ່າງໆ ກ່ຽວກັບວິ້ງຟຸກ, ໂອກາດການຮ່ວມມືດ້ານການລົງທຶນຢູ່ແຂວງ ວິ້ງຟຸກ ຈະໄດ້ຮັບການແຈ້ງຈາກບັນດາເພື່ອນຮ່ວມງານໄທ, ໂຄສະນາຢ່າງກວ້າງຂວາງ, ປະກອບສ່ວນຊຸກຍູ້ການພົວພັນຮ່ວມມື, ມິດຕະພາບ, ດຶງດູດເອົາການລົງທຶນ ລະຫວ່າງວິ້ງຟຸກ ແລະ ໄທ. ຜ່ານນັ້ນ ກໍ່ໜູນຊ່ວຍການເຊື່ອມໂຍງໃຫ້ແຂວງວິ້ງຟຸກ ສ້າງຕັ້ງການພົວພັນຮ່ວມມືມິດຕະພາບກັບບາງທ້ອງຖິ່ນຂອງໄທ.
ໃນກອງປະຊຸມ, ທ່ານ ຫງວຽນແມັງຕ໋ວນ ຮອງອຳນວຍການຜູ້ຮັບຜິດຊອບສະຖານີວິທະຍຸກະຈາຍສຽງ ໂທລະພາບ ແຂວງ ວິ້ງຟຸກ ໄດ້ແນະນຳບາງຈຸດໂດຍສັງເຂບ, ບັນຫາພົ້ນເດັ່ນກ່ຽວກັບລະບົບການຈັດຕັ້ງ, ບັນດາຫ້ອງການ ຄະນະວິຊາສະເພາະຂອງສະຖານີ. ໃນຂະນະດຽກັນ, ກໍ່ໄດ້ຍົກໃຫ້ເຫັນຂໍ້ສະດວກ ແລະ ຂໍ້ຫຍຸງຍາກຕ່າງໆໃນການເຄື່ອນໄຫວສື່ມວນຊົນຂອງແຂວງ ວິ້ງຟຸກ ເວົ້າລວມ ແລະ ສະຖານີຂອງສະຖານີວິທະຍຸກະຈາຍສຽງ ໂທລະພາບແຂວງ ເວົ້າສະເພາະ ໃນວຽກງານຖະແຫຼງຂ່າວ, ໂຄສະນາເຜີຍແຜ່, ຮັບໃຊ້ວຽກງານການເມືອງຂອງທ້ອງຖິ່ນ ແລະ ປະຊາຊົນໃນສະພາບການໃໝ່.
ທ່ານ ຫງວຽນແມັງຕ໋ວນ ຫວັງວ່າສະມາຄົມນັກຂ່າວໄທ ຈະແບ່ງປັນບົດຮຽນພາກປະຕິບັດໃນຂົງເຂດສື່ມວນຊົນຂອງ 2 ປະເທດ ເພື່ອໃຫ້ສາມາດຮຽນຮູ້, ເພີ່ມເຕີມບົດຮຽນປະສົບການໃໝ່ໃຫ້ກັນຫຼາຍຂຶ້ນຕື່ມໃນອາຊີບຂ່າວ, ແນໃສ່ເພື່ອຮັບໃຊ້ໃຫ້ດີທີ່ສຸດກັບຄວາມຮຽກຮ້ອງຕ້ອງການຂອງຜູ້ອ່ານຢູ່ທ້ອງຖິ່ນ.
 |
| ຄະນະຜູ້ປະຕິບັດງານສະມາຄົມນັກຂ່າວໄທ ໄດ້ໄປຢ້ຽມຢາມໂຮງພິມຂອງໜັງສືພິມ ວິ້ງຟຸກ. (ພາບ: ສໍານັກຂ່າວຫວຽດນາມ) |
ທ່ານ ນາງ Norrinee Ruangnoo ປະທານ ສະມາຄົມນັກຂ່າວໄທ ຢືນຢັນວ່າ: ການເດີນທາງມາເຮັດວຽກໃນຄັ້ງນີ້ ແມ່ນໂອກາດເພື່ອໃຫ້ບັນດາສໍານັກງານສື່ມວນຊົນ 2 ປະເທດໄດ້ແລກປ່ຽນ, ຮຽນຮູ້ປະສົບການເຊິ່ງກັນແລະກັນ, ຊອກຮູ້ວິທີການໃໝ່, ສ້າງສັນ ແລະ ມີປະສິດທິຜົນໃນຂົງເຂດສື່ມວນຊົນ ແລະ ການສື່ສານ. ບັນດາສະມາຊິກໃນສະມາຄົມນັກຂ່າວໄທ ຈະແບ່ງປັນຄວາມຫຍຸ້ງຍາກ ພ້ອມກັບປະສົບການຕ່າງໆ ແລະ ວິທີການເຮັດສະເພາະຂອງສື່ມວນຊົນໄທ ໃນຍຸກດິຈິຕອນ.
ໃນໂອກາດນີ້, ທ່ານ ນາງ Norrinee Ruangnoo ໄດ້ແນະນໍາບາງແຂວງ, ນະຄອນຂອງໄທ ທີ່ມີຫຼາຍຈຸດຄ້າຍຄືກັນ ເຊິ່ງ ວິ້ງຟຸກ ສາມາດມຸ່ງໄປເຖິງການລົງນາມໃນສາຍພົວພັນແຮກສ່ຽວ. ພາຍຫຼັງການເດີນທາງມາເຮັດວຽກຢູ່ ວິ້ງຟຸກ, ສະມາຄົມນັກຂ່າວໄທ ຈະມີການເຄື່ອນໄຫວທີ່ລະອຽດ ແນໃສ່ການຊຸກຍູ້ເຜີຍແຜ່ພາບພົດຂອງດິນແດນ ແລະ ປະຊາຊົນ ວິ້ງຟຸກ ໃຫ້ແກ່ປະຊາຊົນ, ວິສາຫະກິດຂອງ ໄທ; ປະກອບສ່ວນຍົກສູງຄວາມເຂົ້າໃຈ, ນໍ້າໃຈມິດຕະພາບ ແລະ ເພີ່ມພູນຄູນສ້າງສາຍພົວພັນອັນດີງາມລະຫວ່າງ 2 ປະເທດ.
ທອງມີ ສີຫາວົງ
