ກອງປະຊຸມໃຫຍ່ໄດ້ກຳນົດວ່າ ໃນອາຍຸການ 2024 - 2029 ຈະສືບຕໍ່ເຄື່ອນໄຫວໂດຍມີເປົ້າໝາຍໃນການກໍ່ສ້າງ, ປັບປຸງ ແລະເພີ່ມທະວີການນໍ້າໃຈມິດຕະພາບ, ການພົວພັນຮ່ວມມື ແລະຄວາມເຂົ້າໃຈເຊິ່ງກັນ ແລະ ກັນລະຫວ່າງປະຊາຊົນນະຄອນດ່າໜັງ ຕໍ່ກັບປະຊາຊົນອາເມລິກາ ໃຫ້ຫຼາຍຂຶ້ນກວ່າເກົ່າ.
ກອງປະຊຸມໃຫຍ່ໄດ້ເລືອກຕັ້ງຄະນະບໍລິຫານງານສະມາຄົມ ສະໄໝທີ VI ໄລຍະ 2024 – 2029, ລວມມີ 17 ທ່ານ. ທ່ານຮອງສາດສະດາຈານ, ປອ ເຈີ່ນຮຸຍຟຸກ ອຳນວຍການມະຫາວິທະຍາໄລພາສາຕ່າງປະເທດ, ມະຫາວິທະຍາໄລ ດ່າໜັງ ໄດ້ຮັບການເລືອກຕັ້ງໃຫ້ດຳລົງຕຳແໜ່ງປະທານສະມາຄົມ.
 |
| ຄະນະບໍລິຫານງານສະມາຄົມມິດຕະພາບຫວຽດນາມ - ອາເມລິກາ ນະຄອນດ່າໜັງ ສະໄໝທີ VI, ໄລຍະ 2024-2029 ໄດ້ຈັດຂຶ້ນແລ້ວ. (ພາບ: DAFO) |
ທ່ານ ຫງວຽນຫງັອກບິ່ງ ປະທານສະຫະພັນບັນດາອົງການມິດຕະພາບ ນະຄອນດ່າໜັງ ສະເໜີວ່າ: ໃນອະນາຄົດອັນໃກ້ນີ້ ສະມາຄົມຕ້ອງສືບຕໍ່ປ່ຽນແປງໃໝ່ເນື້ອໃນ ແລະ ວິທີການຈັດຕັ້ງເຄື່ອນໄຫວ; ອີງໃສ່ການວາງແຜນນະໂຍບາຍ, ທິດທາງການພົວພັນລະຫວ່າງ ຫວຽດນາມ ແລະ ອາເມລິກາ, ການຄົ້ນຄວ້າ ແລະ ຈັດຕັ້ງເຄື່ອນໄຫວການຕ່າງປະເທດປະຊາຊົນກັບ ອາເມລິກາ.
ເຕົ້າໂຮມ ແລະ ຍາດແຍ່ງເອົາການປະກອບສ່ວນຂອງປະຊາຊົນຜູ້ທີ່ເຄີຍທີ່ໄດ້ດຳລົງຊີວິດ, ສຶກສາຮ່ຳຮຽນ, ຄົ້ນຄວ້າ, ມີຄວາມເຂົ້າໃຈກ່ຽວກັບອາເມລິກາ ເພື່ອເປີດກ້ວາງ, ເຊື່ອມໂຍງຄູ່ຮ່ວມມື ແລະ ເປັນຂົວເຊື່ອມຕໍ່ກ່ຽວກັບການເຄື່ອນໄຫວແລກປ່ຽນມິດຕະພາບ ລະຫວ່າງປະຊາຊົນນະຄອນດ່າໜັງ ກັບປະຊາຊົນ ອາເມລິກາ. ດ້ວຍເຫດນີ້ຈິ່ງປະກອບສ່ວນປັບປຸງ, ພັດທະນາ ແລະ ເຮັດໃຫ້ການພົວພັນກັບບັນດາທ້ອງຖິ່ນຂອງ ອາເມລິກາ ເຊິ່ງນະຄອນດ່າໜັງ ໄດ້ ແລະ ກໍາລັງຮັກສາສາຍພົວພັນໄວ້ ມີຄວາມເລິກເຊິ່ງກວ່າເກົ່າ; ເປັນຂົວເຊື່ອມຕໍ່ໃຫ້ແກ່ບັນດາການເຄື່ອນໄຫວຮ່ວມມື, ການລົງທຶນຂອງ ອາເມລິກາ ຢູ່ດ່າໜັງ, ໂດຍສະເພາະແມ່ນໃນຂົງເຂດການທ່ອງທ່ຽວ, ການຄ້າ ແລະ ການສຶກສາ.
ຕາມບົດລາຍງານທີ່ໄດ້ນຳສະເໜີຢູ່ກອງປະຊຸມໃຫຍ່ແລ້ວ, ໃນອາຍຸການ 2019 - 2024 ສະມາຄົມມິດຕະພາບ ຫວຽດນາມ - ອາເມລິກາ ນະຄອນດ່າໜັງ ໄດ້ຕັ້ງໜ້າປະສານສົມທົບກັບບັນດາອົງການທີ່ກ່ຽວຂ້ອງ ແລະ ບັນດາຄູ່ຮ່ວມມື ອາເມລິກາ ຈັດຕັ້ງບັນດາການເຄື່ອນໄຫວມິດຕະພາບທີ່ມີຄວາມໝາຍສຳຄັນຄື: ລະດົມຂົນຂວາຍສະມາຄົມນັກສຶກສາຫວຽດນາມ ຂອງມະຫາວິທະຍາໄລແຫ່ງຊາດ California, Fullerton (ອາເມລິກາ) ບໍລິຈາກປຶ້ມກະຕູນພາສາອັງກິດ 150 ຫົວ ແລະ ຈັດຕັ້ງບັນດາໂຄງການມອບປຶ້ມຕໍາລາ ແລະ ສ້າງແຮງບັນດານໃຈໃນການຮຽນພາສາອັງກິດໃຫ້ແກ່ເດັກນ້ອຍຢູ່ໂຮງຮຽນມັດທະຍົມ ຟູດົງ, ນະຄອນດ່າໜັງ; ລະດົມຂົນຂວາຍອົງການນັກຮົບເກົ່າອາເມລິກາ ເພື່ອສັນຕິພາບ(VFP - ອາເມລິກາ) ສະໜັບສະໜູນງົບປະມານການສ້ອມແປງເຮືອນຂອງຄອບຄົວຜູ້ປະສົບເຄາະຮ້າຍຈາກທາດພິດສີສົ້ມທີ່ພົບຄວາມຫຍຸ້ງຍາກຢູ່ຕາແສງ ຮົ່ວມິນ, ເມືອງ ລຽນຈ້ຽວ ດ້ວຍມູນຄ່າເງິນສະໜັບສະໜູນ 96,6 ລ້ານດົ່ງ; ປະສານສົມທົບກັບມະຫາວິທະຍາໄລພາສາຕ່າງປະເທດ - ມະຫາວິທະຍາໄລ ດ່າໜັງ ຈັດຕັ້ງພິທີສະເຫຼີມສະຫຼອງ 25 ປີແຫ່ງວັນສ້າງຕັ້ງພົວພັນການທູດ ຫວຽດນາມ ແລະ ອາເມລິກາ.
ສະມາຄົມກໍ່ຍັງໄດ້ລະດົມຫ້ອງການພາສາອັງກິດເຂດ (Region English Language Office - RELO) ແລະ ສະຖານກົງສຸນໃຫຍ່ອາເມລິກາ ປະຈຳນະຄອນໂຮ່ຈີມິນ ອຸປະຖໍາຊຸດຮຽນພາສາອັງກິດເພື່ອການສື່ສານ ລະດັບຂັ້ນຕົ້ນ ຕາມຮູບແບບອອນໄລໃຫ້ແກ່ບັນດາພະນັກງານ, ລັດຖະກອນ, ຊາວຜູ້ອອກແຮງງານ, ສະມາຊິກສະມາຄົມຢູ່ນະຄອນດ່າໜັງ, ປະກອບສ່ວນຊ່ວຍເຫຼືອນັກຮຽນຍົກສູງຄວາມສາມາດໃນການນໍາໃຊ້ພາສາຕ່າງປະເທດ, ຮັບໃຊ້ໃຫ້ແກ່ການເຮັດວຽກເປັນຢ່າງດີທີ່ສຸດ, ຕອບສະໜອງຄວາມຮຽກຮ້ອງຕ້ອງການໃໝ່ໃນທ່າອ່ຽງການເຊື່ອມໂຍງສາກົນຂອງບັນດາອົງການ, ໜ່ວຍງານ ແລະ ອົງການຈັດຕັ້ງໃນບໍລິເວນນະຄອນ.
ທອງມີ ສີຫາວົງ
