 | ປະທານປະເທດ ໂຕເລີມ ມາຮອດນະຄອນຫຼວງວຽງຈັນ, ຢ້ຽມຢາມທາງລັດຖະກິດແຫ່ງ ສປປ ລາວ |
| ທ່ານລັດຖະມົນຕີ ໂຕເລີມ ຮັບຕ້ອນທ່ານ ເອກອັກຄະລັດຖະທູດວິສາມັນຜູ້ມີອໍານາດເຕັມແຫ່ງ Israel ປະຈໍາ ສສ ຫວຽດນາມ |
ໂທລະເລກຊົມເຊີຍຂອງ ສະຫາຍເລຂາທິການໃຫຍ່, ປະທານປະເທດ ຈີນ ສີຈິ້ນຜິງ ຂຽນວ່າ: “ຂ້າພະເຈົ້າດີໃຈຫຼາຍທີ່ໄດ້ຮັບຂ່າວວ່າ ສະຫາຍໄດ້ຖືກເລືອກຕັ້ງເປັນເລຂາທິການໃຫຍ່ ຄະນະບໍລິຫານງານສູນກາງ ພັກກອມມູນິດ ຫວຽດນາມ. ຕາງໜ້າໃຫ້ຄະນະບໍລິຫານງານສູນກາງພັກກອມມູນິດ ຈີນ ແລະ ໃນນາມຂ້າພະເຈົ້າເອງ, ຂ້າພະເຈົ້າຂໍສະແດງຄວາມຍິນດີຢ່າງສຸດໃຈມາຍັງສະຫາຍ”.
 |
| ບັນດາການນຳພັກ ແລະ ລັດ ຊົມເຊີຍ ສະຫາຍກຳມະການກົມການເມືອງ, ປະທານປະເທດ ໂຕເລີມ ທີ່ໄດ້ຮັບເລືອກຕັ້ງເປັນເລຂາທິການໃຫຍ່ ຄະນະບໍລິຫານງານສູນກາງ ພັກກອມມູນິດ ຫວຽດນາມ ຊຸດທີ 13. |
ສະຫາຍເລຂາທິການໃຫຍ່, ປະທານປະເທດ ຈີນ ສີຈິ້ນຜິງ ເຊື່ອໝັ້ນວ່າ ພາຍໃຕ້ການຊີ້ນຳນຳພາອັນກ້າແກ່ນຂອງສູນກາງ ພັກກອມມູນິດ ຫວຽດນາມ, ທົ່ວພັກ ແລະ ທົ່ວປວງຊົນ ຫວຽດນາມ ຈະບັນລຸໄດ້ບັນດາຈຸດໝາຍ ແລະ ໜ້າທີ່ ເຊິ່ງກອງປະຊຸມໃຫຍ່ຄັ້ງທີ 13 ຂອງພັກກອມມູນິດ ຫວຽດນາມ ໄດ້ວາງອອກ, ຊຸກຍູ້ຢ່າງໝັ້ນຄົງວຽກງານກະກຽມໃຫ້ແກ່ກອງປະຊຸມໃຫຍ່ຄັ້ງທີ 14, ມຸ່ງໄປເຖິງ “ສອງເປົ້າໝາຍ 100 ປີ” ແຫ່ງການສ້າງຕັ້ງພັກ ແລະ ສ້າງຕັ້ງປະເທດຊາດຢ່າງບໍ່ຢຸດຢັ້ງ.
ຈົດໝາຍຊົມເຊີຍຂອງ ທ່ານປະທານາທິບໍດີ ລັດເຊຍ Vladimir Putin ຂຽນວ່າ: “ສະຫາຍ ໂຕເລີມ ທີ່ເຄົາລົບຮັກ! ຂໍຊົມເຊີຍດ້ວຍຄວາມຍິນດີຢ່າງສຸດໃຈເນື່ອງໃນໂອກາດທີ່ສະຫາຍໄດ້ຮັບເລືອກຕັ້ງເປັນເລຂາທິການໃຫຍ່ ຄະນະບໍລິຫານງານສູນກາງ ພັກກອມມູນິດ ຫວຽດນາມ”.
ທ່ານປະທານາທິບໍດີ ລັດເຊຍ ປາດຖະໜາວ່າ 2 ຝ່າຍຈະສືບຕໍ່ “ດຳເນີນການເຈລະຈາທີ່ມີລັກສະນະສ້າງສັນ ແລະ ພ້ອມກັນຮ່ວມມືໃນບັນດາເນື້ອໃນຂອງການດຳເນີນງານ 2 ຝ່າຍ ແລະ ສາກົນ”. ທ່ານອວຍພອນໃຫ້ ສະຫາຍເລຂາທິການໃຫຍ່, ປະທານປະເທດ ໂຕເລີມ ປະສົບຜົນສຳເລັດໃນບັນດາການເຄື່ອນໄຫວຂອງພັກ ແລະ ລັດ.
ໃນຈົດໝາຍ, ໂທລະເລກຊົມເຊີຍ, ສະຫາຍປະທານພັກກອມມູນິດສະຫະພັນ ລັດເຊຍ Gennady Zyuganov ເນັ້ນໜັກວ່າ: ສະຫາຍ ໂຕເລີມ ໄດ້ຮັບເລືອກຕັ້ງໃຫ້ດຳລົງຕຳແໜ່ງສູງສຸດຂອງພັກ ແມ່ນໝາກຜົນແຫ່ງຄວາມມານະພະຍາຍາມ ແລະ ການອຸທິດຕົນໃນຫຼາຍປີເພື່ອຜົນປະໂຫຍດຂອງປະເທດຊາດ ແລະ ປະຊາຊົນ. ສະຫາຍ Zyuganov ໄດ້ສະແດງຄວາມເຊື່ອໝັ້ນຢ່າງເລິກເຊິ່ງວ່າ ພາຍໃຕ້ການນຳພາຂອງສະຫາຍ ໂຕເລີມ, ພັກກອມມູນິດ ຫວຽດນາມ, ມໍລະດົກອັນຍືນຍົງຂອງປະທານ ໂຮ່ຈີມິນ ຈະສືບຕໍ່ການປະຕິຮູບເຊິ່ງ ສະຫາຍອະດີດເລຂາທິການໃຫຍ່ ຫງວຽນຟູ໋ຈ້ອງ ແລະ ປະຊາຊົນ ຫວຽດນາມ ທັງໝົດໄດ້ດຳເນີນ ເພື່ອປະຕິບັດມະຕິກອງປະຊຸມໃຫຍ່ຄັ້ງທີ 13 ຂອງພັກກອມມູນິດ ຫວຽດນາມ ຢ່າງສຳເລັດຜົນ.
ສະຫາຍເລຂາທິການໃຫຍ່ ຄະນະບໍລິຫານງານສູນກາງ ພັກປະຊາຊົນປະຕິວັດ ລາວ ທອງລຸນ ສີສຸລິດ ໄດ້ສົ່ງຈົດໝາຍຊົມເຊີຍເຖິງ ສະຫາຍເລຂາທິການໃຫຍ່ ໂຕເລີມ. ເນື້ອໃນຂອງຈົດໝາຍມີຕອນຂຽນວ່າ:
“ໂດຍຕາງໜ້າຄະນະບໍລິຫານງານສູນກາງ ພັກປະຊາຊົນປະຕິວັດ ລາວ, ໃນນາມຂ້າພະເຈົ້າເອງ, ຂ້າພະເຈົ້າຂໍເປັນກຽດ ແລະ ຊົມເຊີຍສະຫາຍຢ່າງສຸດອົກສຸດໃຈທີ່ສະຫາຍໄດ້ຮັບເລືອກຕັ້ງເປັນເລຂາທິການໃຫຍ່ ຄະນະບໍລິຫານງານສູນກາງພັກກອມມູນິດ ຫວຽດນາມ ທີ່ກອງປະຊຸມຄະນະບໍລິຫານງານສູນກາງພັກກອມມູນິດ ຫວຽດນາມ ຊຸດທີ XIII ວັນທີ 3 ສິງຫາ.
ຂ້າພະເຈົ້າເຊື່ອໝັ້ນວ່າ ພາຍໃຕ້ການຊີ້ນຳທີ່ຖືກຕ້ອງ, ປີຊາສາມາດ ແລະ ສະຫຼາດສ່ອງໃສຂອງພັກກອມມູນິດ ຫວຽດນາມ ນຳພາໂດຍສະຫາຍ, ປະຊາຊົນ ຫວຽດນາມ ອ້າຍນ້ອງຈະສືບຕໍ່ຍາດໄດ້ບັນດາຜົນງານໃຫຍ່ຫຼວງກວ່າອີກໃນພາລະກິດແຫ່ງການປ່ຽນແປງໃໝ່, ຈັດຕັ້ງປະຕິບັດມະຕິກອງປະຊຸມໃຫຍ່ຄັ້ງທີ 13 ຂອງພັກກອມມູນິດ ຫວຽດນາມ ຢ່າງສຳເລັດຜົນ.
ຂ້າພະເຈົ້າຢືນຢັນວ່າ ຈະຄຽງບ່າຄຽງໄຫຼ່ກັບສະຫາຍ ແລະ ບັນດາການນຳຂອງພັກ ແລະ ລັດ ຫວຽດນາມ ສືບຕໍ່ປັບປຸງ ແລະ ເພີ່ມພູນຄູນສ້າງສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະ ການຮ່ວມມືຮອບດ້ານລະຫວ່າງ ລາວ - ຫວຽດນາມ, ຫວຽດນາມ - ລາວ ໃຫ້ນັບມື້ນັບພັດທະນາເຂົ້າສູ່ລວງເລິກ, ມີປະສິດທິຜົນໃນທຸກຂົງເຂດ ເພື່ອແນໃສ່ນຳມາເຊິ່ງຜົນປະໂຫຍດຕົວຈິງໃຫ້ແກ່ປະຊາຊົນສອງປະເທດ, ພ້ອມທັງປະກອບສ່ວນພັດທະນາເພື່ອສັນຕິພາບ, ສະຖຽນລະພາບ, ການຮ່ວມມື ແລະ ການພັດທະນາໃນພາກພື້ນ ແລະ ໃນໂລກ.
ພະມະຫາກະສັດ ກຳປູເຈຍ Norodom Sihamoni ແລະ ສະຫາຍປະທານພັກປະຊາຊົນ ກຳປູເຈຍ Hun Sen ໄດ້ສົ່ງຈົດໝາຍ ແລະ ໂທລະເລກຊົມເຊີຍ ສະຫາຍເລຂາທິການໃຫຍ່, ປະທານປະເທດ ໂຕເລີມ. ພະມະຫາກະສັດ ກຳປູເຈຍ Norodom Sihamoni ເຊື່ອໝັ້ນວ່າ ພາຍໃຕ້ການນຳພາທີ່ປີຊາສາມາດຂອງ ສະຫາຍເລຂາທິການໃຫຍ່ ໂຕເລີມ, ສາທາລະນະລັດ ສັງຄົມນິຍົມ ຫວຽດນາມ ຈະຍາດໄດ້ໄຊຊະນະອັນໃຫຍ່ຫຼວງຫຼາຍຢ່າງ ແລະ ພັດທະນາຢ່າງວ່ອງໄວໃນທຸກຂົງເຂດ, ຮັກສາທີ່ຕັ້ງບົດບາດສຳຄັນໃນພາກພື້ນ ແລະ ໃນໂລກ.
ຈົດໝາຍຊົມເຊີຍຂອງຜູ້ນຳປະຕິວັດ ກູບາ, ສະຫາຍພົນເອກ Raúl Castro Ruz ແລະ ສະຫາຍເລຂາຜູ້ທີໜຶ່ງພັກກອມມູນິດກູບາ, ປະທານປະເທດ ສາທາລະນະລັດ ກູບາ Miguel Díaz-Canel Bermúdez ຂຽນວ່າ: “ຕາງໜ້າຄະນະບໍລິຫານງານສູນກາງພັກກອມມູນິດ ກູບາ, ພວກຂ້າພະເຈົ້າຂໍສົ່ງຄຳອວຍພອນຢ່າງສຸດອົກສຸດໃຈເນື່ອງໃນໂອກາດສະຫາຍໄດ້ຮັບເລືອກຕັ້ງເປັນເລຂາທິການໃຫຍ່ ຄະນະບໍລິຫານງານສູນກາງ ພັກກອມມູນິດ ຫວຽດນາມ.
ພວກຂ້າພະເຈົ້າເຊື່ອໝັ້ນວ່າ, ພາຍໃຕ້ການຊີ້ນຳທີ່ສ່ອງໃສຂອງສະຫາຍ, ພັກກອມມູນິດ ຫວຽດນາມ ຈະສືບຕໍ່ນຳພາປະຊາຊົນ ຫວຽດນາມ ເສີມຂະຫຍາຍບັນດາໄຊຊະນະອັນສະຫງ່າລາສີໃນການຕໍ່ສູ້ຍາດເອົາເອກະລາດ ແລະ ພັດທະນາປະເທດຊາດ.
ໂທລະເລກຊົມເຊີຍຂອງ ສະຫາຍເລຂາທິການໃຫຍ່ພັກແຮງງານ ສປປ ເກົາຫຼີ Kim Jong Un ຂຽນວ່າ: “ໂດຍໄດ້ຮັບຂ່າວວ່າ ສະຫາຍໄດ້ຮັບການເລືອກຕັ້ງເປັນເລຂາທິການໃຫຍ່ ຄະນະບໍລິຫານງານສູນກາງ ພັກກອມມູນິດ ຫວຽດນາມ, ຂ້າພະເຈົ້າກໍ່ຂໍສົ່ງຄຳຊົມເຊີຍດ້ວຍຄວາມຍິນດີຢ່າງສຸດໃຈມາຍັງສະຫາຍ. ຂໍອວຍພອນໃຫ້ພັກກອມມູນິດ ຫວຽດນາມ ແລະ ປະຊາຊົນ ຫວຽດນາມ ທັງປວງ, ພາຍໃຕ້ການຊີ້ນຳນຳພາຂອງສະຫາຍ ຈະບັນລຸໄດ້ໝາກຜົນອັນຍິ່ງໃຫຍ່ກວ່າອີກໃນພາລະກິດແຫ່ງສ້າງສາສັງຄົມນິຍົມ”.
ໂທລະເລກຊົມເຊີຍຂອງ ທ່ານນາຍົກລັດຖະມົນຕີ ຍີ່ປຸ່ນ Kishida Fumio ຂຽນວ່າ: “ຂ້າພະເຈົ້າຂໍສົ່ງຄຳຊົມເຊີຍດ້ວຍຄວາມຍິນດີຢ່າງສຸດໃຈມາຍັງທ່ານ ເນື່ອງໃນໂອກາດທີ່ທ່ານໄດ້ຮັບເລືອກຕັ້ງເປັນເລຂາທິການໃຫຍ່ ຄະນະບໍລິຫານງານສູນກາງ ພັກກອມມູນິດ ຫວຽດນາມ... ຂ້າພະເຈົ້າເຊື່ອໝັ້ນວ່າ ປະຊາຊົນ ຫວຽດນາມ ຈະນັບມື້ນັບເຂັ້ມແຂງພາຍໃຕ້ການນໍາພາທີ່ດີເລີດຂອງທ່ານ. ຍີ່ປຸ່ນ ແລະ ຫວຽດນາມ ໄດ້ ແລະ ພວມເພີ່ມທະວີການຮ່ວມມືຢ່າງແໜ້ນແຟ້ນໃນທຸກຂົງເຂດ.
ໃນຈົດໝາຍຊົມເຊີຍ ສະຫາຍເລຂາທິການໃຫຍ່, ປະທານປະເທດ ໂຕເລີມ, ທ່ານປະທານາທິບໍດີ ສາທາລະນະລັດ ເບລາຣຸດ Alexander Lukashenko ໄດ້ສະແດງຄວາມເຊື່ອໝັ້ນວ່າ ດ້ວຍປະສົບການ, ອິດທິພົນຊື່ສຽງສູງ ແລະ ຄຸນນະທາດສ່ວນຕົວ, ສະຫາຍເລຂາທິການໃຫຍ່, ປະທານປະເທດ ໂຕເລີມ ຈະປະສົບຜົນສຳເລັດທຸກໜ້າທີ່ຢ່າງດີເລີດ.
ທ່ານ Lukashenko ຢືນຢັນວ່າ: ເບລາຣຸດ ປາດຖະໜາຢາກພັດທະນາການພົວພັນກັບ ຫວຽດນາມ ກວ່າອີກບົນພື້ນຖານສາຍພົວພັນມິດຕະພາບທີ່ເປັນມູນເຊື້ອ, ຄວາມໄວ້ເນື້ອເຊື່ອໃຈ ແລະ ຄວາມເຂົ້າໃຈເຊິ່ງກັນ ແລະ ກັນ; ປາດຖະໜາວ່າ 2 ປະເທດຈະສືບຕໍ່ສົມທົບກັນ, ປະຕິບັດບັນດາຂໍ້ຕົກລົງທີ່ບັນລຸໄດ້ ແລະ ກຳນົດທິດການຮ່ວມມືສອງຝ່າຍໃນຫຼາຍຂົງເຂດຢ່າງມີປະສິດທິຜົນໃນໄລຍະຈະມາເຖິງ.
 |
| ສະຫາຍເລຂາທິການໃຫຍ່, ປະທານປະເທດ ໂຕເລີມ. |
ສະຫາຍເລຂາທິການທົ່ວປະເທດ ພັກກອມມູນິດ ຝລັ່ງ Fabien Roussel ຕີລາຄາວ່າ: ເຫດການຈະແມ່ນໜ້າໃໝ່ໃນການພົວພັນໃນຫຼາຍສະຕະວັດລະຫວ່າງ 2 ພັກ, ພ້ອມທັງສະແດງຄວາມເຊື່ອໝັ້ນວ່າ 2 ຝ່າຍຈະສືບຕໍ່ເພີ່ມທະວີການຮ່ວມມືເພື່ອຜົນປະໂຫຍດຂອງປະເທດຊາດ, ໃນຂະນະນັ້ນ ກໍ່ຊຸກຍູ້ບັນດາອຸດົມຄະຕິຂອງຂະບວນການຄອມມູນິດ ແລະ ກຳມະກອນ; ເຊື່ອໝັ້ນວ່າ ພາຍໃຕ້ການຊີ້ນຳນຳພາຂອງສະຫາຍເລຂາທິການໃຫຍ່, ປະທານປະເທດ ໂຕເລີມ, ຫວຽດນາມ ຈະສືບຕໍ່ພັດທະນາເສດຖະກິດ, ສັງຄົມ ກໍ່ຄືສືບຕໍ່ປະຕິບັດເພື່ອສັນຕິພາບ ແລະ ສະຖຽນລະພາບຢູ່ພາກພື້ນ ແລະ ໃນໂລກ.
ຄະນະບໍລິຫານງານສູນກາງພັກກອມມູນິດ ເມັກຊິໂກ ເຊື່ອໝັ້ນວ່າ ພາຍໃຕ້ການຊີ້ນຳນຳພາຂອງສະຫາຍເລຂາທິການໃຫຍ່, ປະທານປະເທດ ໂຕເລີມ, ພັກກອມມູນິດ ຫວຽດນາມ ແລະ ປະຊາຊົນ ຫວຽດນາມ ຈະສືບຕໍ່ກ້າວໄປໜ້າ ແລະ ບັນລຸໄດ້ໄຊຊະນະໃນບັນດາໜ້າທີ່ທີ່ໄດ້ວາງອອກ, ປາດຖະໜາຢາກສືບຕໍ່ພັດທະນາການພົວພັນລະຫວ່າງ ພັກກອມມູນິດ ເມັກຊິໂກ ແລະ ພັກກອມມູນິດ ຫວຽດນາມ.
 | ທ່ານພົນເອກ ໂຕເລີມ ຕ້ອນຮັບ ທ່ານລັດຖະມົນຕີກະຊວງຍຸຕິທຳ ຍີ່ປຸ່ນ ຍສໝ-ຕອນບ່າຍວັນທີ 30 ມິຖຸນາ, ທີ່ຮ່າໂນ້ຍ, ທ່ານພົນເອກໂຕເລີມ, ລັດຖະມົນຕີກະຊວງຕຳຫຼວດ ໄດ້ຕ້ອນຮັບທ່ານ Furukawa Yoshihisa, ລັດຖະມົນຕີກະຊວງຍຸຕິທຳ ຍີ່ປຸ່ນ ທີ່ພວມມີການຢ້ຽມຢາມ, ເຮັດວຽກຢູ່ ຫວຽດນາມ. |
 | ທ່ານລັດຖະມົນຕີ ໂຕເລີມ ຕ້ອນຮັບ ທ່ານເອກອັກຄະລັດຖະທູດ ອິດສະລາແອນ ປະຈໍາ ຫວຽດນາມ ຍສໝ-ຫວ່າງແລ້ວນີ້, ທ່ານລັດຖະມົນຕີກະຊວງຕຳຫຼວດ ຫວຽດນາມ ໂຕເລີມ ໄດ້ຕ້ອນຮັບ ທ່ານເອກອັກຄະລັດຖະທູດ ຜູ້ມີອຳນາດເຕັມ ອິດສະລາແອນ ປະຈຳ ຫວຽດນາມ Nadav Eshcar, ມາຢ້ຽມອຳລາ ເນື່ອງໃນໂອກາດສິ້ນສຸດອາຍຸການເຮັດວຽກຢູ່ຫວຽດນາມ. |
ມິງດຶກ
