| ຂີດໝາຍຂອງ ຫວຽດນາມ ໃນປີທຳອິດທີ່ຮັບດຳລົງຖານະເປັນສະມາຊິກສະພາສິດທິມະນຸດ ສະຫະປະຊາຊາດ | |
| ຫວຽດນາມ ໄດ້ຮັບການເລືອກຕັ້ງຄືນໃໝ່ເຂົ້າໃນສະພາສິດທິມະນຸດຂອງສະຫະປະຊາຊາດ |
ໃນວັນທີ 21 ມີນານີ້, ຢູ່ກົມການຕ່າງປະເທດ, ກະຊວງຕຳຫຼວດ ໄດ້ຈັດການສົນທະນາປຶກສາຫາລື ກ່ຽວກັບກົນໄກການທົບທວນທົ່ວໂລກກ່ຽວກັບສິດທິມະນຸດ (UPR). ການສົນທະນາ ມີການເຂົ້າຮ່ວມຂອງຜູ້ແທນ 80 ກວ່າຫົວໜ່ວຍ, ທ້ອງຖິ່ນໃນກະຊວງຕຳຫຼວດ, ໂດຍທ່ານພົນຈັດຕະວາ ຫງວຽນວັນກີ, ຮອງຫົວໜ້າກົມການຕ່າງປະເທດເປັນປະທານ.
ທີ່ກອງປະຊຸມສຳມະນາ, ບັນດາຜູ້ແທນໄດ້ຮັບຟັງບັນດານັກຊ່ຽວຊານ, ນັກຮຽນຮູ້ດ້ານສິດທິມະນຸດຄື: ຮອງສາດສະດາຈານ, ດຣ ຫງວຽນທິແທ່ງຫາຍ, ຮອງຜູ້ອຳນວຍການສະຖາບັນສິດທິມະນຸດ; ປະລິນຍາໂທ ຫງວຽນລິງຄາ, ຮອງຫົວໜ້າກົມຮ່ວມມືສາກົນ, ກະຊວງຍຸຕິທຳ; ປະລິນຍາໂທ ຫງວຽນວູມິນ, ຮອງຫົວໜ້າກົມອົງການຈັດຕັ້ງສາກົນ, ກະຊວງຍຸຕິທຳ, ໄດ້ແນະນຳກ່ຽວກັບສະພາບລວມຂອງກົນໄກ UPR; ຜົນກະທົບ ແລະ ອິດທິພົນຂອງກົນໄກຕໍ່ຫວຽດນາມ; ຂະບວນການສ້າງ ແລະ ນໍາສະເຫນີບົດລາຍງານຢູ່ສະພາສິດທິມະນຸດສະຫະປະຊາຊາດ.
 |
ພົນຈັດຕະວາ ຫງວຽນວັນກີ, ຮອງຫົວໜ້າກົມການຕ່າງປະເທດ, ກະຊວງຕຳຫຼວດໄດ້ກ່າວຄຳເຫັນທີ່ກອງປະຊຸມ. |
UPR ເປັນກົນໄກໜຶ່ງທີ່ສຳຄັນຂອງສະພາສິດທິມະນຸດຂອງສະຫະປະຊາຊາດ ໂດຍມີໜ້າທີ່ກວດກາຄືນສະພາບສິດທິມະນຸດໃນທຸກປະເທດສະມາຊິກຂອງສະຫະປະຊາຊາດ. ຜ່ານນັ້ນ ຊຸກຍູ້ໃຫ້ບັນດາປະເທດປະຕິບັດພັນທະ ແລະ ຄຳໝັ້ນສັນຍາກ່ຽວກັບສິດທິມະນຸດຢ່າງຄົບຖ້ວນ ດ້ວຍຫຼັກການເຈລະຈາ, ການຮ່ວມມື, ສະເໝີພາບ, ມີຈຸດປະສົງ ແລະ ຄວາມໂປ່ງໃສ.
ບົນຈິດໃຈນັ້ນ, ຫວຽດນາມ ຍາມໃດກໍ່ເຂົ້າຮ່ວມຢ່າງຕັ້ງໜ້າເຂົ້າໃນຮອບວຽນ UPR ໃນ 18 ປີຜ່ານມາ ນັບແຕ່ກົນໄກ UPR ໄດ້ຮັບການສ້າງຕັ້ງ ແລະ ປະຕິບັດບັນດາຂໍ້ສະເໜີແນະທີ່ຫວຽດນາມ ໄດ້ຮັບເອົາຢ່າງຄົບຖ້ວນ.
ຮັບຮູ້ເຖິງຄວາມສຳຄັນຂອງກົນໄກ UPR, ກະຊວງຕຳຫຼວດ ຍາມໃດກໍ່ຖືເປັນສຳຄັນຂະບວນການຈັດຕັ້ງປະຕິບັດບັນດາຂໍ້ສະເໜີແນະ. ນີ້ບໍ່ພຽງແຕ່ແມ່ນການປະຕິບັດໜ້າທີ່, ພັນທະໃນການຄຸ້ມຄອງລັດໃນຂົງເຂດຄວາມໝັ້ນຄົງແຫ່ງຊາດ ແລະ ຄວາມເປັນລະບຽບຮຽບຮ້ອຍທາງສັງຄົມ, ເພີ່ມທະວີການຮ່ວມມືສາກົນໃນຂົງເຂດປະຊາທິປະໄຕ ແລະ ສິດທິມະນຸດເທົ່ານັ້ນ, ຫາກຍັງແມ່ນໂອກາດໃຫ້ບັນດາອົງການ, ຫົວໜ່ວຍໃນກະຊວງຕຳຫຼວດ, ແລະ ຕຳຫຼວດທ້ອງຖິ່ນ ເພື່ອກວດກາຄືນບັນດານະໂຍບາຍ, ກົດໝາຍເປັນຕົ້ນແມ່ນຂະບວນການປະຕິບັດການຮັບປະກັນສິດທິມະນຸດໃນວຽກງານຕຳຫຼວດ. ຈາກນັ້ນ, ພວກເຮົາສາມາດດຶງດູດປະສົບການ ແລະ ຄົ້ນພົບຊ່ອງຫວ່າງ ແລະ ຂໍ້ບົກຜ່ອງໃນລະບົບນະໂຍບາຍ ແລະ ກົດໝາຍຂອງລັດ, ແລະ ຄວາມບໍ່ພຽງພໍໃນການປະຕິບັດທີ່ສາມາດກະທົບເຖິງສິດທິມະນຸດຂອງພົນລະເມືອງ. ບົນພື້ນຖານນັ້ນ, ພວກຂ້າພະເຈົ້າສະເໜີໃຫ້ລັດຖະບານແກ້ໄຂ ແລະ ເພີ່ມເຕີມລະບົບກົດໝາຍກ່ຽວກັບສິດທິມະນຸດໃຫ້ສົມບູນແບບ.
ຄຳຮຸ່ງ
