 |
| ເຈົ້າໜ້າທີ່ຕຳຫຼວດເມືອງ ບາວເລີມ (ແຂວງ ກາວບັງ) ໄດ້ໂຄສະນາເຜີຍແຜ່, ປຸກລະດົມປະຊາຊົນປະຕິບັດວິຖີຊີວິດທີ່ສີວິໄລ ແລະ ເຄົາລົບກົດໝາຍໃນການດຳເນີນຊີວິດ ທີ່ຈຸດກຸ່ມຂາວປະເສີດເຜົ່າ ມົ້ງ ຢູ່ໝູ່ບ້ານ ນາກ່າ, ເທສະບານເມືອງ ປາກມ້ຽວ. |
ແຕ່ຕົ້ນປີ 2024, ເນື່ອງໃນໂອກາດກອງປະຊຸມສຸດຍອດເສລີພາບທາງສາສະໜາສາກົນ (IRF - ກອງປະຊຸມປະຈຳປີຂອງບັນດາອົງການຈັດຕັ້ງສັງຄົມພົນລະເຮືອນ) ທີ່ໄດ້ຈັດຂຶ້ນໃນວັນທີ 30-31 ມັງກອນ ຢູ່ນະຄອນຫຼວງ Washington - ອາເມລິກາ, ເຊິ່ງນັບເປັນສິບຄົນໄດ້ເອີ້ນຕົນເອງເປັນ “ນັກເຄື່ອນໄຫວເພື່ອຄວາມເສລີທາງສາສະໜາໃຫ້ ຫວຽດນາມ” ໄດ້ສວຍໃຊ້ກາລະໂອກາດເຂົ້າໃກ້ ແລະ ຂົນຂວາຍແລວສຳລັບບັນດານັກນິຕິບັນຍັດ, ບໍລິຫານ ແລະ ບັນດາອົງການຈັດຕັ້ງສາກົນ ເພື່ອແນໃສ່ສ້າງຄວາມກົດດັນຕໍ່ອຳນາດການປົກຄອງຂອງ ຫວຽດນາມ.
ຕາມການເປີດເຜີຍຂອງໜື່ງໃນສະມາຊິກຜູ້ເຂົ້າຮ່ວມກອງປະຊຸມ ໄດ້ມີສ່ວນໃດໜຶ່ງໄດ້ຊີ້ແຈ້ງວ່າ: “ພວກຂ້າພະເຈົ້າໄດ້ແບ່ງອອກເປັນຫຼາຍກຸ່ມເພື່ອພົບປະກັບບັນດາຜູ້ແທນປະຊາຊົນ ແລະ ສະມາຊິກສະພາສູງ ເພື່ອຍົກໃຫ້ເຫັນບັນດາກໍລະນີພົ້ນເດັ່ນກ່ຽວກັບການປາບປາມສິດເສລີທາງສາສະໜາ ແລະ ສິດທິມະນຸດຢູ່ ຫວຽດນາມ”.
ໃນນັ້ນ, ເປັນບໍ່ອາດຈະບໍ່ເວົ້າເຖິງຄວາມຫ້າວຫັນຂອງ BPSOS (ຄະນະກຳມະການຊ່ວຍເຫຼືອປະຊາຊົນຂ້າມທະເລ, ໂດຍເປົ້າໝາຍ ຫງວຽນດິງຖັງ ເປັນປະທານ, ທັງເປັນຜູ້ອຳນວຍການ). ໂດຍສວຍໃຊ້ເວທີປາໄສ, BPSOS ໄດ້ຈັດຕັ້ງກອງປະຊຸມໂຕະມົນໃນນາມການປຶກສາຫາລືສິດເສລີທາງສາສະໜາ, ແຕ່ໂດຍເນື້ອແທ້ແລ້ວ ແມ່ນບິດເບືອນນະໂຍບາຍສາສະໜາຢູ່ ຫວຽດນາມ, ໃຫ້ຂໍ້ມູນຂ່າວທີ່ບິດເບືອນຄວາມຈິງກ່ຽວກັບອັນທີ່ເອີ້ນວ່າ “ບັນດາອົງການຈັດຕັ້ງສາສະໜາທີ່ຖືກຄວບຄຸມໂດຍລັດຖະບານ”, “ການປາບປາມຂອງລັດຖະບານສຳລັບປະຊາຄົມໃນບໍລິເວນຢູ່ ຫວຽດນາມ”.
ຫົວໜ້າອົງການຈັດຕັ້ງ ຫງວຽນດິງຖັງ ໄດ້ສວຍໃຊ້ກາລະໂອກາດຂຶ້ນເວທີດ້ວຍຖານະເປັນນັກປາຖະກະຖາ. ແລະບໍ່ແປກໃຈທີ່ຜູ້ນີ້ຍັງສືບຕໍ່ເສກສັນປັ້ນແຕ່ງ ແລະ ໃສ່ຮ້າຍປ້າຍສີ ຫວຽດນາມ ຢ່າງອຸກອາດໃນບັນຫາ “ການຄວບຄຸມສາສະໜາ”; ພ້ອມກັນນັ້ນ, ກໍໄດ້ສ້າງຄວາມຂຸ່ນແຄ້ນໃຫ້ປະຊາຊົນຢ່າງໜັກໜ່ວງ ໂດຍບິດເບືອນການປະສານງານລະຫວ່າງຄະນະກຳມາທິການສາສະໜາຂອງລັດຖະບານ ແລະ ກະຊວງຕຳຫຼວດວ່າ “ເພື່ອໜີບຂົ່ມ ແລະ ປາບປາມສາສະໜາ”, ກໍ່ຄືໃຫ້ຂໍ້ມູນທີ່ບໍ່ຖືກຕ້ອງກ່ຽວກັບອັນທີ່ເອີ້ນວ່າ “ບັນດາຮູບແບບການປາບປາມຂ້າມຊາດຂອງຄອມມູນິດ ຫວຽດນາມ".
ໃນເວລາທີ່ຜ່ານມາ, ພາຍໃຕ້ການບໍລິຫານຂອງ ຫງວຽນດິງຖັງ, BPSOS ໄດ້ສືບຕໍ່ຍູ້ແຮງການປະຕິບັດອັນທີ່ເອີ້ນວ່າ “ໂຄງການສິດທິພົນລະເມືອງ ຫວຽດນາມ”, ໂດຍຮຽກຮ້ອງໃຫ້ “ຮັບປະກັນການປະຕິບັດບັນດາຂໍ້ກຳນົດການປົກປ້ອງສິດທິພົນລະເມືອງໃນກົດໝາຍແຫ່ງຊາດຢ່າງຖືກຕ້ອງ ແລະ ຊຸກຍູ້ການປະຕິບັດບັນດາມາດຖານສິດທິມະນຸດຕາມກົດໝາຍສາກົນ”.
ແຕ່ໃນສະພາບຕົວຈິງ, ອົງການນີ້ມັກເຜີຍແຜ່ຂໍ້ມູນຂ່າວສານທີ່ຜິດກັບຄວາມຈິງ ແລະ ເສກສັນປັ້ນແຕ່ງກ່ຽວກັບແນວທາງນະໂຍບາຍຂອງພັກ ແລະ ກົດໝາຍຂອງລັດກ່ຽວກັບບັນຫາສາສະໜາ, ຍຸແຍ່ ແລະ ກໍ່ໃຫ້ເກີດຄວາມແຕກແຍກຂອງກຸ່ມມະຫາສາມັກຄີທົ່ວປວງຊົນ, ເຮັດໃຫ້ຫຼຸດຜ່ອນຄວາມໄວ້ເນື້ອເຊື່ອໃຈຂອງປະຊາຊົນໃນການນຳພາຂອງພັກ, ເປັນການກີດຂວາງເສັ້ນທາງກ້າວໄປເຖິງສັງຄົມນິຍົມຢູ່ ຫວຽດນາມ, ຫຼຸດຜ່ອນບົດບາດ ແລະ ອິດທິພົນຊື່ສຽງຂອງ ຫວຽດນາມ ໃນເວທີສາກົນ.
ບັນດາການກະທໍາຂອງ BPSOS ບໍ່ໄດ້ສ້າງຄວາມແປກໃຈສໍາລັບຜູ້ທີ່ເຂົ້າໃຈບັນຫາ, ເພາະວ່າແຕ່ໃດໆມາພວກເຂົາບໍ່ໄດ້ແປກກັບວິທີການເຄື່ອນໄຫວຂອງອົງການນີ້. ເນື້ອແທ້ຂອງ BPSOS ແມ່ນອົງການປະຕິການທີ່ພັດຖິ່ນດ້ວຍວິທີການ ແລະ ເລ່ລ່ຽມການຕ້ານຄືນຢ່າງດຸເດືອດທັງຢູ່ພາຍໃນ ແລະ ຕ່າງປະເທດ, ໄດ້ລະເມີດຄວາມໝັ້ນຄົງແຫ່ງຊາດຂອງ ຫວຽດນາມ ໂດຍກົງ.
ບົດລາຍງານຂອງເຈົ້າໜ້າທີ່ສະແດງໃຫ້ເຫັນວ່າ ແຕ່ປີ 2016 ຮອດປະຈຸບັນ, BPSOS ໄດ້ຈັດຕັ້ງຫຼາຍຊຸດອົບຮົມໃຫ້ບັນດາເປົ້າໝາຍຢູ່ພາຍໃນປະເທດ, ຕົ້ນຕໍແມ່ນປັນຍາຊົນ ແລະ ສະມາຊິກທີ່ມີຄວາມຄິດຜິດພາດດ້ານການເມືອງ ແລະ ກົດໝາຍ, ຈຳນວນເປົ້າໝາຍທາງການເມືອງຫົວຮຸນແຮງໃນສາສະໜາ ແລະ ຊົນເຜົ່າ.
ຜ່ານການຝຶກອົບຮົມ, BPSOS ໄດ້ຊີ້ນຳບັນດາເປົ້າໝາຍນີ້ຂຽນບົດລາຍງານກ່ຽວກັບບັນຫາປະຊາທິປະໄຕ ແລະ ສິດທິມະນຸດ ດ້ວຍເປົ້າໝາຍໂຄສະນາຕ້ານຄືນ ຫວຽດນາມ. ອົງການນີ້ກໍ່ຕັ້ງໜ້າຍຸແຍ່, ຍຸຍົງສົ່ງເສີມເປົ້າໝາຍຈຳນວນໜຶ່ງພາຍໃນປະເທດ ເພື່ອສ້າງຕັ້ງບັນດາກຸ່ມທີ່ປອມຕົວໃນນາມການເຄື່ອນໄຫວ “ປະຊາທິປະໄຕ” “ສິດທິມະນຸດ” ເພື່ອເຕົ້າໂຮມກຳລັງດຳເນີນບັນດາການເຄື່ອນໄຫວຕ້ານ ແລະ ທຳລາຍ ຫວຽດນາມ.
ຕ້ອງຢືນຢັນວ່າ ຫວຽດນາມ ຍາມໃດກໍ່ປະຕິບັດນະໂຍບາຍເຄົາລົບ ແລະ ຮັບປະກັນສິດເສລີໃນການເຊື່ອຖື, ສາສະໜາຢ່າງສະເໝີຕົ້ນສະເໝີປາຍ. ບົດລາຍງານທີ່ກອງປະຊຸມສະຫຼຸບເບື້ອງຕົ້ນ 6 ເດືອນຕົ້ນປີ ແລະ ຜັນຂະຫຍາຍວຽກງານ 6 ເດືອນທ້າຍປີ 2024 ກ່ຽວກັບວຽກງານສາສະໜາທີ່ຈັດຂຶ້ນໃນວັນທີ 18 ກໍລະກົດ ປີ 2024 ຢູ່ນະຄອນ ຫ້າລວງ, ແຂວງ ກວາງນິງ ຊີ້ແຈ້ງວ່າ:
ວຽກງານການບໍລິຫານລັດກ່ຽວກັບຄວາມເຊື່ອຖື, ສາສະໜາຮັບປະກັນຜົນສັກສິດ, ປະສິດທິຜົນ, ປະກອບສ່ວນຮັກສາສະຖຽນລະພາບດ້ານຄວາມເຊື່ອຖື, ສາສະໜາໃນທົ່ວປະເທດ. ອຳນາດການປົກຄອງທຸກຂັ້ນເອົາໃຈໃສ່ຊີ້ນຳ ແລະ ຊ່ວຍເຫຼືອບັນດາອົງການສາສະໜາດຳເນີນງານຕາມລະບຽບກົດໝາຍ; ຮັບປະກັນການເຄື່ອນໄຫວທາງສາສະໜາໃຫ້ໝັ້ນຄົງ, ປະຕິບັດຕາມກົດໝາຍ, ຕິດພັນກັບປະເທດຊາດ.
ວຽກງານກວດກາການປະຕິບັດຕາມກົດໝາຍວ່າດ້ວຍຄວາມເຊື່ອ ແລະ ສາສະໜາ ແມ່ນໄດ້ດຳເນີນໄປຕາມຂໍ້ກຳນົດຂອງກົດໝາຍ. ວຽກງານການຕ່າງປະເທດທາງສາສະໜາ ແລະ ການຕໍ່ສູ້ສິດທິມະນຸດສືບຕໍ່ໄດ້ຮັບການຮັກສາ ແລະ ເສີມຂະຫຍາຍ; ເປັນເຈົ້າການໃນການສະໜອງຂໍ້ມູນຂ່າວສານ ແລະ ປະຕິເສດຖ້ອຍທຳນອງການບິດເບືອນຂອງກຳລັງສັດຕູ, ປະກອບສ່ວນຢ່າງຕັ້ງໜ້າເຂົ້າໃນແນວທາງການຕ່າງປະເທດທີ່ເປີດກ້ວາງຂອງພັກ ແລະ ລັດ ຫວຽດນາມ.
ບັນດາໝາກຜົນທີ່ກ່າວມາຂ້າງເທິງນີ້ ສືບຕໍ່ສະແດງໃຫ້ເຫັນວ່າ, ນະໂຍບາຍທີ່ຖືກຕ້ອງ ແລະ ມີປະສິດທິຜົນຂອງພັກ ແລະ ລັດ ຫວຽດນາມ ໄດ້ປະກອບສ່ວນຢ່າງແທດຈິງເພື່ອຮັບປະກັນສິດເສລີໃນການເຊື່ອຖື ແລະ ສາສະໜາຢູ່ ຫວຽດນາມ ໂດຍບໍ່ມີກຳລັງໃດໆສາມາດບິດເບືອນ, ໃສ່ຮ້າຍປ້າຍສີໄດ້.
 | ກວາງບິ່ງ: ໄວ້ອາໄລ ແລະ ເຮັດພິທີທາງສາສະໜາ 16 ອັດຖິນັກຮົບຜູ້ເສຍສະຫຼະຊີວິດເພື່ອຊາດຢູ່ລາວ ຍສໝ - ຕອນເຊົ້າວັນທີ 23 ພຶດສະພາ, ຄະນະພັກແຂວງ, ສະພາປະຊາຊົນ, ຄະນະກຳມະການປະຊາຊົນ ແລະ ຄະນະກຳມະການແນວໂຮມປະເທດຊາດ ຫວຽດນາມ ແຂວງ ກວາງບິ່ງ ໄດ້ຈັດພິທີມອບຮັບ, ໄວ້ອາໄລ ແລະ ເຮັດພິທີທາງສາສະໜາ 16 ອັດຖິນັກຮົບອາສາສະໝັກ ແລະ ນັກຊ່ຽວຊານ ຫວຽດນາມ ທີ່ເສຍສະຫຼະຊີວິດເພື່ອຊາດຢູ່ລາວ ໄດ້ກັບຄືນບ້ານເກີດ ແລະ ... |
 | ຫວຽດນາມ ປະຕິເສດ ສໍຳລັບບົດລາຍງານສິດເສລີທາງສາສະໜາສາກົນປີ 2024 ຂອງຄະນະກຳມະການເສລີທາງສາສະໜາສາກົນ ຍສໝ - ວັນທີ 9 ພຶດສະພາ 2024, ຢູ່ທີ່ກອງປະຊຸມຂ່າວປະຈຳກະຊວງການຕ່າງປະເທດ, ໃນການຕອບຄຳຖາມຂອງນັກຂ່າວສະເໜີໃຫ້ຮູ້ວ່າ ກ່ຽວກັບວິຈານຂອງ ຫວຽດນາມ ກ່ຽວກັບບົດລາຍງານສິດເສລີທາງສາສະໜາປີ 2024 ຂອງກຳມາທິການການເສລີທາງສາສະໜາສາກົນ (USCIRF), ທ່ານນາງ ໂຄສົກກະຊວງການຕ່າງປະເທດ ຟ້າມທູຮັ່ງ ເນັ້ນໜັກວ່າ: |
ມິງດຶກ
