| ສື່ມວນຊົນສາກົນຍ້ອງຍໍໄຊຊະນະ ດ້ຽນບຽນຝູ ຂອງ ຫວຽດນາມ | |
| ຫວຽດນາມ ນອນໃນ top 2 ຂອງຈຳນວນນັກທ່ອງທ່ຽວສາກົນມາລາວ |
ຫວຽດນາມ ຍາມໃດກໍ່ປະຕິບັດນະໂຍບາຍເຄົາລົບ ແລະ ຮັບປະກັນສິດເສລີໃນການເຊື່ອຖື, ສາສະໜາ, ສິດໃນການເຊື່ອຖື ຫຼື ບໍ່ເຊື່ອຖືສາສະໜາຂອງປະຊາຊົນ. ຢູ່ ຫວຽດນາມ, ບໍ່ມີຜູ້ໃດຖືກຈຳແນກເພາະສາສະໜາ, ຄວາມເຊື່ອຖື ແລະ ການເຄື່ອນໄຫວຂອງບັນດາອົງການສາສະໜາ ລ້ວນແຕ່ໄດ້ຮັບການຮັບປະກັນຕາມຂໍ້ກຳນົດຂອງກົດໝາຍ. ສິ່ງນີ້ ໄດ້ສະແດງອອກຢ່າງຈະແຈ້ງໃນລັດຖະທຳມະນູນປີ 2013, ລະບົບກົດໝາຍຂອງຫວຽດນາມ ແລະ ໄດ້ຮັບການເຄົາລົບບົນຕົວຈິງ.
 |
| ທ່ານນາງໂຄສົກກະຊວງການຕ່າງປະເທດ ຟ້າມທູຮັ່ງ ເນັ້ນໜັກ. |
ບັນດານະໂຍບາຍ, ຄວາມມານະພະຍາຍາມ ແລະ ບັນດາຜົນງານຂອງ ຫວຽດນາມ ໃນການຮັບປະກັນສິດທິມະນຸດ, ໃນນັ້ນມີສິດເສລີສາສະໜາ, ເສລີການເຊື່ອຖື ທີ່ໄດ້ຮັບການຮັບຮູ້ ແລະ ຕີລາຄາສູງຈາກຫຼາຍປະເທດ. ນີ້ກໍແມ່ນການຕີລາຄາ, ພິຈາລະນາຂອງບັນດາປະເທດທີ່ກອງປະຊຸມປຶກສາຫາລືກ່ຽວກັບບົດລາຍງານແຫ່ງຊາດຂອງ ຫວຽດນາມ ຕາມກົນໄກກວດກາຄືນປະຈຳໄລຍະໄປທົ່ວ (UPR) ຮອບທີ 4 ຂອງສະພາສິດທິມະນຸດສະຫະປະຊາຊາດ ຫາກໍຈັດຕັ້ງຢູ່ Geneva, ສະວິດ.
ຫວຽດນາມ ປະຕິເສດບັນດາໃຫ້ຂໍ້ສັງເກດທີ່ບໍ່ພາວະວິໄສ, ມີລັກສະນະເປັນຄວາມຄິດຕາຍຕົວ ແລະ ບໍ່ຖືກຕ້ອງກ່ຽວກັບສະພາບຕົວຈິງຢູ່ ຫວຽດນາມ ໃນບົດລາຍງານສິດເສລີທາງສາສະໜາສາກົນປີ 2024 ຂອງກຳມາທິການການເສລີທາງສາສະໜາສາກົນ ອາເມລິກາ (USCIRF). ພວກຂ້າພະເຈົ້າ ໄດ້, ພວມ ແລະ ຈະສືບຕໍ່ປຶກສາຫາລືກັບ ອາເມລິກາ ກ່ຽວກັບບັນດາບັນຫາທີ່ຕ່າງຝ່າຍຕ່າງມີຄວາມສົນໃຈບົນຈິດໃຈກົງໄປກົງມາ, ເປີດເຜີຍ ແລະ ເຄົາລົບເຊິ່ງກັນແລະກັນ, ປະກອບສ່ວນເຂົ້າໃນການຊຸກຍູ້ການພົວພັນຄູ່ຮ່ວມມືຍຸດທະສາດຮອບດ້ານ ເພື່ອສັນຕິພາບ, ການຮ່ວມມື ແລະ ການພັດທະນາແບບຍືນຍົງລະຫວ່າງ ຫວຽດນາມ ແລະ ອາເມລິກາ.
ມິງດຶກ
