| 4 ບຸກທະລຸ ແລະ 5 ໜ້າທີ່ຂອງ VUFO ໃນປີ 2024 | |
| ຄະນະປະຕິບັດງານ VUFO ຢ້ຽມຢາມ ແລະ ເຮັດວຽກຢູ່ ຍີ່ປຸ່ນ |
ວັນທີ 23 ກໍລະກົດ, ທ່ານ ຟານແອງເຊີນ ປະທານສະຫະພັນບັນດາອົງການຈັດຕັ້ງມິດຕະພາບຫວຽດນາມ (VUFO) ໄດ້ໃຫ້ການຕ້ອນຮັບຄະນະຜູ້ແທນສະມາຄົມມິດຕະພາບ ແລະຮ່ວມມືວັດທະນະທໍາອິນເດຍ (ISCUF) ນໍາໂດຍທ່ານ Kagitala Raja Sekhar, ເລຂາທິການໃຫຍ່ ISCUF ລັດ Andhra Pradesh ມາຢ້ຽມຢາມ ແລະເຮັດວຽກຢູ່ຫວຽດນາມ ແຕ່ວັນທີ 22 – 25 ກໍລະກົດ.
 |
| ບັນຍາກາດທີ່ການເຮັດວຽກ. ພາບ: thoidai.com.vn |
ກ່າວຄຳເຫັນທີ່ການຕ້ອນຮັບ, ທ່ານປະທານ VUFO ຟານແອງເຊີນ ໃຫ້ຮູ້ວ່າ: ຫວຽດນາມ ຍາມໃດກໍ່ຖືອິນເດຍ ແມ່ນຄູ່ຮ່ວມມືສຳຄັນແຖວໜ້າ, ເປັນເພື່ອນມິດທີ່ໄວ້ເນື້ອເຊື່ອໃຈ, ຖືເປັນສຳຄັນການພັດທະນາການພົວພັນຄູ່ຮ່ວມມືຍຸດທະສາດຮອບດ້ານກັບ ອິນເດຍ. VUFO, ສະມາຄົມມິດຕະພາບ ຫວຽດນາມ - ອິນເດຍ ຍາມໃດກໍ່ພ້ອມແລ້ວທີ່ຈະສົມທົບກັບບັນດາ ຄູ່ຮ່ວມມືຢູ່ອິນເດຍ ໃນນັ້ນມີ ISCUF ຈັດຕັ້ງການເຄື່ອນໄຫວຫຼາຍຢ່າງ ເພື່ອແນໃສ່ເພີ່ມທະວີຄວາມສາມັກຄີ, ມິດຕະພາບ ແລະການຮ່ວມມື ລະຫວ່າງ ປະຊາຊົນ 2 ປະເທດ.
ທ່ານ Kagitala Raja Sekhar, ເລຂາທິການໃຫຍ່ ISCUF ລັດ Andhra Pradesh, ເນັ້ນໜັກວ່າ, ນໍ້າໃຈມິດຕະພາບທີ່ເປັນມູນເຊື້ອລະຫວ່າງ 2 ປະເທດແມ່ນພະຍານຫຼັກຖານໃຫ້ແກ່ການພົວພັນໄລຍະຍາວທີ່ສ້າງຂຶ້ນ ຜ່ານບັນດາຄຸນຄ່າລວມ, ຄວາມເຄົາລົບເຊິ່ງກັນ ແລະກັນ ແລະການຮ່ວມມືຍຸດທະສາດ. ນອກຈາກການອັບເດດບັນດາຜົນງານໃນການພັດທະນາເສດຖະກິດ - ສັງຄົມ ແລະແນະນຳມູນເຊື້ອວັດທະນະທຳຫວຽດນາມແລ້ວ, ທ່ານປະທານ VUFO ແລະ ທ່ານເລຂາທິການໃຫຍ່ ISCUF ລັດ Andhra Pradesh ໄດ້ປຶກສາຫາລື ແລະເຫັນດີຊອກຫາກາລະໂອກາດຮ່ວມມື ແລະຜັນຂະຫຍາຍບັນດາຮູບການ ແລະວຽກງານສົມທົບກັນເພີ່ມທະວີການຈັດຕັ້ງບັນດາການເຄື່ອນໄຫວພົບປະແລກປ່ຽນປະຊາຊົນປະກອບສ່ວນປັບປຸງການພົວພັນມິດຕະພາບ.
ສົມເພັດ
