| ນັກສຶກສາລາວ ຢູ່ມະຫາວິທະຍາໄລ ຫງວຽນເຕິດແທັ່ງ (ນະຄອນ ໂຮ່ຈີມິນ) ສະເຫຼີມສະຫຼອງບຸນປີໃຫມ່ | |
| ນະຄອນ ໂຮ່ຈີມິນ ໃຕ້ໄຟ LED 500,000 ດອກ ຢູ່ສວນສາທາລະນະ ເບັ້ນແບກດັ່ງ |
ຕອນບ່າຍວັນທີ 17 ພະຈິກ, ຢູ່ນອກກອງປະຊຸມ “ເວທີປາໄສວິສາຫະກິດຊາວຫວຽດນາມ ຢູ່ຕ່າງປະເທດ ໄທ - ຫວຽດນາມ - ລາວ - ກຳປູເຈຍ - ມຽນມາ”, ທ່ານນາງ ຫວູທິຮວິ່ງມາຍ, ຫົວໜ້າຄະນະກຳມະການຊາວຫວຽດນາມ ອາໄສຢູ່ຕ່າງປະເທດ ນະຄອນ ໂຮ່ຈິມິນ ໄດ້ມີການພົບປະກັບຜູ້ຕາງໜ້າບັນດາວິສາຫະກິດ, ສະມາຄົມວິສາຫະກິດ ແລະ ຜູ້ຕາງໜ້າອົງການການທູດຫວຽດນາມ ປະຈຳ ໄທ, ລາວ ແລະ ກຳປູເຈຍ.
 |
| ພາບບັນຍາກາດຂອງການພົບປະ. |
ທີ່ການພົບປະ, ທ່ານນາງ ຫວູທິຮວິ່ງມາຍ ໄດ້ແຈ້ງບັນດາຂະແໜງການ, ອາຊີບທີ່ນະຄອນ ໂຮ່ຈີມິນ ບຸລິມະສິດດຶງດູດບັນດານັກລົງທຶນຕາມມະຕິເລກທີ 98/2023/QH15 ກ່ຽວກັບທົດລອງກົນໄກ, ນະໂຍບາຍສະເພາະເພື່ອພັດທະນານະຄອນໂຮ່ຈິມິນ ຄື: ລົງທຶນກໍ່ສ້າງສູນນະວັດຕະກຳ, ສູນຄົ້ນຄວ້າ ແລະ ພັດທະນາ; ການລົງທຶນພັດທະນາບັນດາພາຫະນະຄົມມະນາຄົມໂດຍໃຊ້ພະລັງງານສະອາດ...
ທ່ານນາງ ຫວູທິຮວິ່ງມາຍ ສະເໜີວ່າ: “ສະຖານທູດ ຫວຽດນາມ ປະຈຳ ບັນດາປະເທດ, ຜູ້ຕາງໜ້າບັນດາສະມາຄົມນັກທຸລະກິດ, ສະໂມສອນວິສາຫະກິດ ໄດ້ມີການແບ່ງປັນບັນດາຂໍ້ມູນຂ່າວສານລະອຽດກ່ຽວກັບການຊຸກຍູ້ການຄ້າ ແລະ ການລົງທຶນໃນຫຼາຍຂົງເຂດ ທັງກ່າວເຖິງປະຊາຄົມນັກທຸລະກິດ ແລະ ວິສາຫະກິດຫວຽດນາມ ຢູ່ຕ່າງປະເທດ ທີ່ມີຄວາມຕ້ອງການເຊື່ອມຕໍ່. ຜ່ານນັ້ນ, ກໍ່ສ້າງເງື່ອນໄຂສະດວກ ແລະ ເສີມຂະຫຍາຍບົດບາດ ແລະ ແຫຼ່ງກຳລັງຂອງປະຊາຄົມຊາວຫວຽດນາມ ຢູ່ຕ່າງປະເທດ ປະກອບສ່ວນເຂົ້າໃນການພັດທະນາລວມຂອງນະຄອນ ໂຮ່ຈີມິນ ແລະ ປະເທດຊາດໃຫ້ຫຼາຍກວ່າອີກ”. ນອກຈາກນັ້ນ, ທ່ານຍັງໄດ້ສະແດງໃຫ້ເຫັນຄວາມຕັ້ງໃຈທີ່ຈະຮັບຟັງຜູ້ຕາງຫນ້າຂອງສະມາຄົມ ແລະ ຄະນະຜູ້ແທນວິສາຫະກິດ ແບ່ງປັນກ່ຽວກັບບັນດາວິທີການແກ້ໄຂບັນຫາເພື່ອສ້າງຕັ້ງລະບົບແຈກຢາຍ ແລະ ຈຳໜ່າຍສິນຄ້າຂອງວິສາຫະກິດຢູ່ນະຄອນ ໂຮ່ຈີມິນເຖິງຜູ້ບໍລິໂພກບັນດາປະເທດ.
ມີບັນດາຜູ້ຕາງໜ້າທຸລະກິດ, ວິສາຫະກິດປະມານ 15 ຄົນເຂົ້າຮ່ວມກອງປະຊຸມພ້ອມກັບຜູ້ຕາງໜ້າບັນດາອົງການການທູດຢູ່ປະເທດຕ່າງໆ.
ດີງເລື້ອງ
