ເພີ່ມທະວີການຮ່ວມມືກັບຕ່າງປະເທດເພື່ອຍົກສູງບົດບາດຂອງອົງການກຳມະບານ | |
ນໍາການພົວພັນ ຫວຽດນາມ-ລາວ-ກໍາປູເຈຍ ເຂົ້າສູ່ໄລຍະພັດທະນາໃໝ່ |
|
ທີ່ກອງປະຊຸມໄດ້ດຳເນີນການຝຶກອົບ ແລະ ບຳລຸງວິຊາສະເພາະໃຫ້ແກ່ພະນັກງານອົງການກາແດງລາວ; ສະຫຼຸບຕີລາຄາເບື້ອງຕົ້ນ 02 ປີແຫ່ງການປະຕິບັດບົດບັນທຶກຄວາມເຂົ້າໃຈການຮ່ວມມືໄລຍະ 2022 – 2027, ບົດບັນທຶກຄວາມເຂົ້າໃຈການຮ່ວມມືລະຫວ່າງອົງການກາແດງລາວ ແລະ ສະພາກາແດງຫວຽດນາມ.
ຜູ້ລາຍງານຂອງສະພາກາແດງຫວຽດນາມ ກໍ່ໄດ້ແລກປ່ຽນຂໍ້ມູນຂ່າວສານກ່ຽວກັບວຽກງານວິຊາສະເພາະຂອງສະມາຄົມ, ແບ່ງປັນປະສົບການກ່ຽວກັບວິທີການລະດົມ ແລະ ຜັນຂະຫຍາຍບັນດາໂຄງການທີ່ເໝາະສົມກັບການປ່ຽນແປງຂອງດິນຟ້າອາກາດ, ບັນດາການເຄື່ອນໄຫວກ່ຽວກັບການປະຖົມພະຍາບານເບື້ອງຕົ້ນ ແລະ ການປ້ອງກັນ ການຮັບມືກັບໄພພິບັດ; ຢ້ຽມຢາມຮູບແບບການເຄື່ອນໄຫວທົ່ວໄປຂອງສະພາກາແດງນະຄອນດ່າໜັງ.
ສອງຝ່າຍໄດ້ສຸມໃສ່ປຶກສາຫາລືກ່ຽວກັບການຊ່ວຍເຫຼືອດ້ານມະນຸດສະທຳສາກົນ. ສະມາຄົມແຫ່ງຊາດທັງ 2 ເຫັນດີສະໜັບສະໜູນເຊິ່ງກັນ ແລະ ກັນເມື່ອເກີດໄພທຳມະຊາດ ຫຼື ໄພພິບັດ, ຜ່ານການເຄື່ອນໄຫວຊ່ວຍເຫຼືອດ້ານມະນຸດສະທຳລະຫວ່າງ 2 ສະມາຄົມ. ກິດຈະກຳການຊ່ວຍເຫຼືອຊຸມຊົນ, ການປັບຕົວໃຫ້ແທດເໝາະກັບການປ່ຽນແປງດິນຟ້າອາກາດ. ການຊ່ວຍເຫຼືອໂດຍຜ່ານບັນດາການເຄື່ອນໄຫວແລກປ່ຽນປະສົບການກ່ຽວກັບບັນດາການເຄື່ອນໄຫວຄື: ການເບິ່ງແຍງສຸຂະພາບ, ການປະຖົມພະຍາບານເບື້ອງຕົ້ນ ແລະ ການສະກັດກັ້ນການຮັບມືກັບໄພພິບັດ, ຈັດຕັ້ງການພົບປະແລກປ່ຽນຄະນະຜູ້ແທນລະຫວ່າງບັນດາແຂວງຊາຍແດນ. ເພີ່ມທະວີການພົບປະແລກປ່ຽນລະຫວ່າງບັນດາແຂວງທີ່ມີຊາຍແດນຮ່ວມ ລາວ - ຫວຽດນາມ, ຊຸກຍູ້ບັນດາສະມາຄົມຂອງແຂວງມີການແລກປ່ຽນ, ແຮກສ່ຽວ, ລົງນາມໃນສັນຍາຮ່ວມມື, ເພີ່ມທະວີການແລກປ່ຽນບົດຮຽນປະສົບການໃນການເຄື່ອນໄຫວມະນຸດສະທຳ.
ຕາມ ທ່ານນາງ ບຸ່ຍທິຮ່ວາ, ປະທານສູນກາງສະພາກາແດງຫວຽດນາມ ກ່າວວ່າ, ອົງການາກາແດງລາວ ແລະສະພາກາແດງຫວຽດນາມ ໄດ້ຜັນຂະຫຍາຍບັນດາການເຄື່ອນໄຫວແລກປ່ຽນ, ການຮ່ວມມື ແລະ ການຊ່ວຍເຫຼືອຢູ່ຂັ້ນສູນກາງ ແລະ ບັນດາສະພາແຂວງ/ສະພາເມືອງ ທີ່ມີຊາຍແດນຮ່ວມ. ບັນດາການເຄື່ອນໄຫວຮ່ວມມືດ້ານມະນຸດສະທຳກໍ່ຄືກັບການພົບປະແລກປ່ຽນ, ພົບປະແບ່ງປັນ, ຮໍ່າຮຽນປະສົບການ, ໃຫ້ການຊ່ອຍເຫຼືອໃນກໍລະນີເກີດໄພທຳມະຊາດ, ຈັດຕັ້ງບັນດາການເຄື່ອນໄຫວເບິ່ງແຍງສຸຂະພາບໃຫ້ປະຊາຊົນຢູ່ເຂດຊາຍແດນໄດ້ດໍາເນີນໄປເປັນປົກກະຕິເປັນປະຈຳ ແລະ ນັບມື້ນັບແທດຈິງ.
ສູນກາງສະມາຄົມໄດ້ຊີ້ນຳບັນດາອົງການກາແດງທ້ອງຖິ່ນ, ໂດຍສະເພາະແມ່ນບັນດາແຂວງເຂດຊາຍແດນ, ສະພາກາແດງແຂວງ/ນະຄອນ ທີ່ມີຄວາມສາມາດບົ່ມຊ້ອນ ລົງນາມໃນສັນຍາຮ່ວມມື ແລະ ຜັນຂະຫຍາຍການເຄື່ອນໄຫວມະນຸດສະທຳທີ່ເໝາະສົມຢູ່ບັນດາແຂວງຂອງເພື່ອນລາວ. ສູນກາງສະພາກາແດງຫວຽດນາມ ໄດ້ຈັດຕັ້ງຊຸດຝຶກອົບຮົມໃຫ້ແກ່ການນໍາ ແລະ ພະນັກງານຂອງອົງການກາແດງລາວ ຢູ່ຫວຽດນາມ; ຈັດຕັ້ງຊ່ວຍເຫລືອປະຊາຊົນທີ່ປະສົບໄພພິບັດເຂື່ອນແຕກຢູ່ແຂວງອັດຕະປື.
ຜ່ານການເຄື່ອນໄຫວທາງດ້ານມະນຸດສະທຳຂອງສະພາກາແດງຫວຽດນາມ, ໄດ້ສະແດງໃຫ້ເຫັນເຖິງນ້ຳໃຈຈົງຮັກພັກດີຂອງປະຊາຊົນຫວຽດນາມ, ຊ່ວຍເຫຼືອເພື່ອນຄືກັບຊ່ວຍຕົນເອງຂອງປະຊາຊົນຫວຽດນາມ, ເໝາະສົມຕາມ 7 ຫຼັກການຂອງຂະບວນການກາແດງ, ຊີກວົງເດືອນແດງສາກົນ. ຜ່ານສິ່ງເຫຼົ່ານັ້ນ, ກໍ່ປະກອບສ່ວນເພີ່ມທະວີ ແລະ ຮັດແໜ້ນນ້ຳໃຈມິດຕະພາບພິເສດທີ່ລ້ຳຄ່າ ລະຫວ່າງປະຊາຊົນລາວ ແລະ ປະຊາຊົນຫວຽດນາມ ອ້າຍນ້ອງ, ພ້ອມກັນນັ້ນ, ກໍ່ປະກອບສ່ວນຫລຸດຜ່ອນຄວາມຫຍຸ້ງຍາກໃນຊີວິດການເປັນຢູ່ຂອງປະຊາຊົນທີ່ຕ້ອງການຄວາມຊ່ວຍເຫຼືອຈາກສະພາກາແດງ.
![]() |
ສະພາກາແດງຫວຽດນາມ ແລະ ຜູ້ອຸປະຖຳໄດ້ມອບເຄື່ອງໝາຍເປັນສັນຍາລັກສະຫຼັບສະໜູນການກໍ່ສ້າງຮາກຖານສາທາລະນາສຸກ Little ນາແພງ 1 ແຫ່ງທີ່ ແຂວງວຽງຈັນ (ລາວ) ມູນຄ່າ 150.000 USD - (ພາບ: ກົງເຕີມ/danang.gov.vn). |
ເນື່ອງໃນໂອກາດນີ້, ສະພາກາແດງຫວຽດນາມ ແລະ ຜູ້ອຸປະຖຳໄດ້ມອບເຄື່ອງໝາຍສັນຍາເປັນລັກສະໜັບສະໜູນການກໍ່ສ້າງຮາກຖານສາທາລະນາສຸກ Little ນາແພງ 01 ແຫ່ງທີ່ ແຂວງວຽງຈັນ (ລາວ) ເປັນມູນຄ່າ 150.000 USD. ການກໍ່ສ້າງໄດ້ເລີ່ມຢ່າງເປັນທາງການໃນກາງເດືອນມິຖຸນາ 2024 ແລະ ຄາດວ່າຈະສໍາເລັດໃນທ້າຍເດືອນກັນຍາ 2024.
ທອງມີ ສີຫາວົງ