 | ອົງການກຳມະບານ ຫວຽດນາມ ແລະ ລາວ: ເພີ່ມທະວີປະສິດທິຜົນຂອງການຮ່ວມມືໄລຍະຍາວຕື່ມອີກ |
| ອົງການກຳມະບານກວາງນາມ ມີຄວາມສົນໃຈຕໍ່ວຽກງານການຕ່າງປະເທດ |
ເປັນມືອາຊີບ ແລະມີປະສິດທິຜົນ
ໃນຖານະທີ່ເປັນອົງການກຳມະບານຂອງຂະແໜງການທີ່ເຕົ້າໂຮມຫຼາຍວິຊາອາຊີບ, ຂົງເຂດການຜະລິດ ແລະ ດຳເນີນທຸລະກິດ, ອົງການກຳມະບານ ອຸດສາຫະກຳ ແລະ ການຄ້າ ຫວຽດນາມ ພວມມີການພົວພັນຮ່ວມມືກັບ 30 ອົງການກຳມະບານຂອງຂະແໜງການ ແລະ ບັນດາອົງການສາກົນໃນທົ່ວໂລກ.
 |
| ຄະນະຜູ້ແທນຂັ້ນສູງສະຫະພັນອົງການກຳມະບານສູນກາງ ລາວ ໄດ້ໄປຢ້ຽມຢາມ ແລະ ເຮັດວຽກກັບອົງການກຳມະບານ ອຸດສາຫະກຳ ແລະ ການຄ້າ ຫວຽດນາມ. |
ໃນຊຸມປີທີ່ຜ່ານມາ, ການເຄື່ອນໄຫວວຽກງານການຕ່າງປະເທດຂອງອົງການກຳມະບານ ອຸດສາຫະກຳ ແລະ ການຄ້າ ຫວຽດນາມ ໄດ້ຮັບການຕີລາຄາວ່າມີປະສິດທິຜົນ, ມີແບບວິທີການ, ແລະ ມີວິຊາສະເພາະສູງ. ຫຼາຍສາຍພົວພັນທີ່ເປັນມູນເຊື້ອແມ່ນສືບທອດມາຈາກບັນດາອົງການກຳມະບານຂອງຂະແໜງການເກົ່າເຊັ່ນ: ການພົວພັນກັບອົງການກຳມະບານ ເຢລະມັນ, ອົງການກຳມະບານຂະແໜງການຂອງ ຍີ່ປຸ່ນ, ລາວ...
ຫວ່າງມໍ່ໆມານີ້, ໂດຍປະຕິບັດຂໍ້ຕົກລົງເລກທີ 963/QD-TLD ຂອງຄະນະປະທານສະຫະພັນໃຫຍ່ແຮງງານ ຫວຽດນາມ ກ່ຽວກັບການສົ່ງພະນັກງານໄປເຮັດວຽກຢູ່ຕ່າງປະເທດ; ໂດຍໄດ້ຮັບຄຳເຊື້ອເຊີນຂອງອົງການກຳມະບານ ອຸດສາຫະກຳ ແລະ ການຜະລິດທົ່ວໂລກ (IndustriALL) - ອົງການທີ່ຕາງໜ້າໃຫ້ກຳມະກອນ 50 ລ້ານຄົນຢູ່ 140 ປະເທດທົ່ວໂລກ, ຄະນະຜູ້ແທນອົງການກຳມະບານ ກະຊວງອຸດສາຫະກຳ ແລະ ການຄ້າ ຫວຽດນາມ ໄດ້ເຂົ້າຮ່ວມກອງປະຊຸມ ໄຟຟ້າ, ເອເລັກໂຕນິກ ແລະ ເຕັກໂນໂລຊີການສື່ສານ.
ກ່ອນໜ້ານັ້ນ, ຄະນະຜູ້ແທນອົງການກຳມະບານ ອຸດສາຫະກຳ ແລະ ການຄ້າ ຫວຽດນາມ ກໍໄດ້ເຂົ້າຮ່ວມກອງປະຊຸມຄັ້ງທີ 5 ຂອງອົງການກຳມະບານສະຫະສະມາຄົມລົດໂອໂຕ້ ພາກພື້ນ ອາຊີ.
ນອກຈາກນັ້ນ, ອົງການກຳມະບານ ອຸດສາຫະກຳ ແລະ ການຄ້າ ຫວຽດນາມ ຍັງໄດ້ສົມທົບກັບອົງການກຳມະບານເຄື່ອງໂລຫະ Flender - ແບນຊິກ (ABVV-Metaal) ຈັດຕັ້ງຊຸດຝຶກອົບຮົມພື້ນຖານທັກສະການຕໍ່ລອງ, ເຈລະຈາ ແລະ ການລົງນາມໃນສັນຍາແຮງງານລວມໝູ່.
ອົງການກຳມະບານ ອຸດສາຫະກຳ ແລະ ການຄ້າ ຫວຽດນາມ ແລະ ອົງການກຳມະບານ ABVV-Metaal ໄດ້ສ້າງຕັ້ງການພົວພັນການຝຶກອົບຮົມຢ່າງເປັນທາງການໃນປີ 2008. ນັບແຕ່ນັ້ນມາ, ແຕ່ລະປີ, ອົງການກຳມະບານອຸດສາຫະກຳ ແລະ ການຄ້າ ຫວຽດນາມ ກໍ່ໄດ້ສົມທົບກັບບັນດານັກຊ່ຽວຊານ, ອາຈານຈາກອົງການກຳມະບານ ABVV-Metaal ຈັດຕັ້ງຫຼາຍຊຸດຝຶກອົບຮົມພື້ນຖານ ແລະ ຂັ້ນສູງກ່ຽວກັບທັກສະການຕໍ່ລອງ, ການເຈລະຈາ, ການລົງນາມໃນສັນຍາແຮງງານລວມໝູ່ໃຫ້ແກ່ພະນັກງານຂອງອົງການກຳມະບານຂະແໜງການອຸດສາຫະກຳ ແລະ ການຄ້ານັບຮ້ອຍຄົນ.
ໂດຍຜ່ານການຝຶກອົບຮົມ, ພະນັກງານອົງການກຳມະບານຂັ້ນຮາກຖານ, ໂດຍສະເພາະແມ່ນພາກວິສາຫະກິດໄດ້ມີຄວາມຮູ້ ແລະ ທັກສະໃນການຈັດຕັ້ງ, ປຶກສາຫາລື, ເຈລະຈາ ແລະ ເຊັນສັນຍາແຮງງານລວມໝູ່ກັບຜູ້ໃຊ້ແຮງງານ. ໂດຍຜ່ານນັ້ນ ກໍ່ປະກອບສ່ວນສ້າງການພົວພັນດ້ານແຮງງານຢ່າງກົມກຽວ, ໝັ້ນຄົງ ແລະ ກ້າວໜ້າໃນວິສາຫະກິດ.
ປັບປຸງຄວາມສາມັກຄີ ແລະມິດຕະພາບ
ໂດຍຜ່ານການຢ້ຽມຢາມ ແລະ ເຮັດວຽກ, ແລກປ່ຽນປະສົບການ, ຊຸດຝຶກອົບຮົມກັບນັກຊ່ຽວຊານຕ່າງປະເທດ, ພະນັກງານອົງການກຳມະບານຂະແໜງການອຸດສາຫະກຳ ແລະ ການຄ້າ ໄດ້ມີຄວາມເຂົ້າໃຈຫຼາຍຂຶ້ນກ່ຽວກັບຮູບແບບການຈັດຕັ້ງ ແລະ ການເຄື່ອນໄຫວຂອງອົງການກຳມະບານບັນດາປະເທດ; ໄດ້ພົບປະແລກປ່ຽນ, ຮຽນຮູ້ກ່ຽວກັບການສື່ສານ, ທັກສະການເຈລະຈາ, ການຕໍ່ລອງລວມ, ການຫັນເປັນໂລກາພິວັດ ແລະ ບົດບາດຂອງອົງການກຳມະບານ; ວິທີການຝຶກອົບຮົມ, ຄວາມປອດໄພຫຼັກອະນາໄມແຮງງານ, ວຽກງານຂອງແມ່ຍິງ, ການເງິນ, ການໂຄສະນາການຮັບເຂົ້າເປັນສະມາຊິກໃນຄະນະ...
ຕາມທ່ານ ຟານວັນບ້ານ - ປະທານອົງການກຳມະບານ ອຸດສາຫະກຳ ແລະ ການຄ້າ ຫວຽດນາມ ແລ້ວ: ບັນດາໝາກຜົນຂອງການເຄື່ອນໄຫວວຽກງານການຕ່າງປະເທດໄດ້ປະກອບສ່ວນເພີ່ມທະວີຄວາມສາມັກຄີ, ມິດຕະພາບກັບຜູ້ອອກແຮງງານ ແລະ ປະຊາຊົນບັນດາປະເທດ; ຍາດແຍ່ງເອົາການໜູນຊ່ວຍທາງດ້ານວັດຖຸ ແລະ ຈິດໃຈຂອງບັນດາອົງການກຳມະບານຂະແໜງການ ແລະ ບັນດາອົງການຈັດຕັ້ງສາກົນ, ເພີ່ມທະວີຄວາມເຂົ້າໃຈ ແລະ ຍົກສູງອິດທິພົນຂອງອົງການກຳມະບານ ຫວຽດນາມ ເວົ້າລວມ ແລະ ອົງການກຳມະບານ ອຸດສາຫະກຳ ແລະ ການຄ້າ ຫວຽດນາມ ເວົ້າສະເພາະ.
ໂດຍສືບຕໍ່ສະແດງໃຫ້ເຫັນການຮ່ວມມືອັນດີງາມໃນການເຄື່ອນໄຫວວຽກງານການຕ່າງປະເທດຂອງອົງການກຳມະບານ ອຸດສາຫະກຳ ແລະ ການຄ້າ ຫວຽດນາມ ກັບບັນດາປະເທດ ແລະ ອົງການຈັດຕັ້ງສາກົນ, ໃນຕົ້ນເດືອນ ກໍລະກົດ ປີ 2024, ອົງການກຳມະບານ ອຸດສາຫະກຳ ແລະ ການຄ້າ ຫວຽດນາມ ແລະ ບັນດາຫົວໜ່ວຍທີ່ຂຶ້ນກັບຂະແໜງການອຸດສາຫະກຳ ແລະ ການຄ້າ ຫວຽດນາມ ໄດ້ໃຫ້ການຕ້ອນຮັບ ຄະນະຜູ້ແທນຂັ້ນສູງ ສູນກາງສະຫະພັນກຳມະບານ ລາວ.
ຄຽງຄູ່ກັບການພົວພັນມິດຕະພາບທີ່ເປັນມູນເຊື້ອ, ຄວາມສາມັກຄີແບບພິເສດລະຫວ່າງສອງປະເທດ, ການພົວພັນມິດຕະພາບ ແລະ ການຮ່ວມມືລະຫວ່າງສະຫະພັນໃຫຍ່ແຮງງານ ຫວຽດນາມ ແລະ ສູນກາງສະຫະພັນກຳມະບານ ລາວ ເວົ້າລວມ ແລະ ລະຫວ່າງອົງການກຳມະບານ ອຸດສາຫະກຳ ແລະ ການຄ້າ ຫວຽດນາມ ແລະ ຄະນະໂຄສະນາອົບຮົມ ສູນກາງສະຫະພັນກຳມະບານ ລາວ ເວົ້າສະເພາະ ກໍ່ນັບມື້ນັບໄດ້ຮັບການປັບປຸງໃຫ້ດີຂຶ້ນ.
ເພື່ອເສີມຂະຫຍາຍບັນດາໝາກຜົນທີ່ບັນລຸໄດ້, ອົງການກຳມະບານ ອຸດສາຫະກຳ ແລະ ການຄ້າ ຫວຽດນາມ ໄດ້ຮຽກຮ້ອງໃຫ້ຄະນະປະທານສະຫະພັນໃຫຍ່ ແລະ ຄະນະພົວພັນຕ່າງປະເທດ ສະຫະພັນໃຫຍ່ ສືບຕໍ່ເອົາໃຈໃສ່, ໜູນຊ່ວຍອົງການກຳມະບານ ອຸດສາຫະກຳ ແລະ ການຄ້າ ຫວຽດນາມ, ຄະນະໂຄສະນາອົບຮົມ ແລະ ບັນດາອົງການຈັດຕັ້ງ, ໜ່ວຍງານຂອງ ສູນກາງສະຫະພັນກຳມະບານ ລາວ ສືບຕໍ່ຈັດຕັ້ງປະຕິບັດໂຄງການຮ່ວມມືເພື່ອບຳລຸງສ້າງຄູສອນໃຫ້ແກ່ອົງການກຳມະບານ ລາວ; ຮັກສາ, ຕິດພັນກັນ ແລະ ພັດທະນາການພົວພັນຮ່ວມມືໃນຕໍ່ໜ້າ ໂດຍຜ່ານການແລກປ່ຽນຄະນະຜູ້ແທນປະຈຳປີ, ເຂົ້າຮ່ວມບັນດາກອງປະຊຸມທີ່ສຳຄັນ, ເພີ່ມທະວີການແລກປ່ຽນຂໍ້ມູນຂ່າວສານ.
ອົງການກຳມະບານ ອຸດສາຫະກຳ ແລະ ການຄ້າ ຫວຽດນາມ ກໍ່ຮຽກຮ້ອງໃຫ້ສູນກາງສະຫະພັນກຳມະບານ ລາວ ແລະ ສະຫະພັນກຳມະບານບັນດາທ້ອງຖິ່ນຢູ່ ລາວ ສ້າງເງື່ອນໄຂ ແລະ ໜູນຊ່ວຍບັນດາວິສາຫະກິດ, ກຳມະກອນ, ສະມາຊິກຂອງຂະແໜງການອຸດສາຫະກຳ ແລະ ການຄ້າ ຫວຽດນາມ ຢູ່ ລາວ ໄດ້ດໍາເນີນທຸລະກິດ ແລະ ດໍາລົງຊີວິດຢູ່ໃນສາທາລະນະລັດ ປະຊາທິປະໄຕ ປະຊາຊົນ ລາວ ຢ່າງສະດວກກວ່າອີກ.
 | ໜັງສືພິມ ຈະສືບຕໍ່ພ້ອມຮ່ວມເດີນທາງກັບຊົນຊັ້ນກຳມະກອນ ແລະ ອົງການກຳມະບານ ຍສໝ - ວັນທີ 3 ທັນວາ, ຢູ່ຮ່າໂນ້ຍ, ທ່ານ ຫງວຽນດິ່ງຂ່າງ - ປະທານສູນກາງສະຫະພັນແຮງງານ ຫວຽດນາມ - ໄດ້ເປັນປະທານຂອງກອງປະຊຸມຂ່າວປະກາດເປັນທາງການກ່ຽວກັບໝາກຜົນຂອງກອງປະຊຸມໃຫຍ່ອົງການກຳມະບານ ຫວຽດນາມ ຄັ້ງທີ 13. |
 | 8 ບັນຫາຂອງສະມາຊິກໃນຄະນະ, ຄົນງານ ແລະ ອົງການກຳມະບານໃດ້ສະເໜີຕໍ່ພັກ ແລະ ລັດ ຍສໝ - ໃນກອງປະຊຸມໃຫຍ່ຄັ້ງທີ 13 ຂອງອົງການກຳມະບານ ຫວຽດນາມ ວັນທີ 2 ທັນວາ, ຢູ່ ຮ່າໂນ້ຍ ຄະນະປະຕິບັດສູນກາງສະຫະພັນແຮງງານ ຫວຽດນາມ ໄດ້ສັງລວມ, ຄັດເລືອກ 8 ບັນຫາໃຫຍ່ເພື່ອລາຍງານຕໍ່ການນຳພັກ ແລະ ລັດ. |
ມິງດຶກ (ແປຕາມ baomoi.com)
