 | ສະຖາບັນການທູດ ສ້າງຄວາມເຂັ້ມແຂງໃຫ້ແກ່ບັນດາກະຊວງ, ສາຂາ, ທ້ອງຖິ່ນ ແລະ ອົງການການທູດປະຊາຊົນ |
| ແຂວງຕວຽນກວາງ: ນັກສຶກສາ 150 ຄົນໄດ້ຮັບການຝຶກອົບຮົມການທູດປະຊາຊົນ |
ເລື່ອງ “ການໄປປະຕິບັດພາລະກິດການທູດ” ໃນໄລຍະເຊື່ອມໂຍງ: ປະສົບການທີ່ເປັນປະໂຫຍດໃຫ້ແກ່ນັກການທູດລຸ້ນໜຸ່ມ
ວັນທີ 8 ທັນວາ ນີ້ ຢູ່ທີ່ຮ່າໂນ້ຍ, ກ່າວຄຳເຫັນທີ່ພິທີເປີດຕົວປຶ້ມ “ເລື່ອງ “ການໄປປະຕິບັດພາລະກິດການທູດໃນໄລຍະເຊື່ອມໂຍງ” (ຫວນຄືນຄວາມຫຼັງຂອງບັນດາເອກອັກຄະລັກຖະທູດ), ບັນດາເອກອັກຄະລັດຖະທູດ - ນັກການທູດອາຊີບ ທັງເປັນຜູ້ປະພັນປຶ້ມໃຫ້ຮູ້ວ່າ: "ກໍລະນີສຶກສາ" (case study) ທີ່ລະອຽດໃນປຶ້ມຈະເປັນແຫຼ່ງອ້າງອີງ ທີ່ເປັນປະໂຫຍດ ສໍາລັບນັກສຶກສາ ສາຂາວິຊາພົວພັນສາກົນ ພາຍໃນ ແລະ ຕ່າງປະເທດ.
 |
| ພິທີເປີດຕົວປຶ້ມ ເລື່ອງ"ການໄປປະຕິບັດພາລະກິດການທູດ" ໃນໄລຍະເຊື່ອມໂຍງ. (ພາບ: Mai Anh) |
“ເລື່ອງ “ການໄປປະຕິບັດພາລະກິດການທູດ” ໃນໄລຍະເຊື່ອມໂຍງ” (ຫວນຄືນຄວາມຫຼັງຂອງບັນດາເອກອັກຄະລັກຖະທູດ), ເຊິ່ງຂຽນໂດຍ ທ່ານເອກອັກຄະລັດຖະທູດ ໂງກວາງຊວນ. "ປຶ້ມດັ່ງກ່າວລວມມີເລື່ອງລາວ ແລະ ສະພາບການທີ່ພົ້ນເດັ່ນ ໃນລະຫວ່າງການໄປປະຕິບັດໜ້າທີ່ການທູດຢູ່ຕ່າງປະເທດ, ເກັບກ່ຽວກັບປະສົບການອັນລ້ຳຄ່າໃນການເຄື່ອນໄຫວໜ້າທີ່ຕົວຈິງຂອງ ທ່ານເອກອັກຄະລັດຖະທູດ-ນັກການທູດອາຊີບ 17 ທ່ານ". ນີ້ແມ່ນບັນດາເລື່ອງທີ່ບໍ່ເຄີຍເລົ່າມາກ່ອນ ແລະເຮັດໃຫ້ຜູ້ອ່ານມີທັດສະນະໃນມູມມອງອັນໃໝ່ ກ່ຽວກັບເອກອັກຄະລັດຖະທູດ. ທ່ານເອກອັກຄະລັດຖະທູດ ໂງກວາງຊວນ ໃຫ້ຮູ້ວ່າ: ນັນແມ່ນປະສົບການຕົວຈິງ ແລະ ຄວາມຮູ້ທີ່ເປັນປະໂຫຍດໃຫ້ແກ່ຜູ້ທີ່ມີຄວາມສົນໃຈໃນວຽກງານການຕ່າງປະເທດ ແລະ ນັກການທູດໜຸ່ມໃນອະນາຄົດ”.
|
ທ່ານ ເອກອັກຄະລັດຖະທູດ ຫງວຽນທາກຢິ້ງ ໃຫ້ຮູ້ວ່າ: “ປະຈຸບັນ ປຶ້ມດັ່ງກ່າວໄດ້ພິມຈຳໜ່າຍເປັນຄັ້ງທຳອິດ ດ້ວຍການແບ່ງປັນ ຈາກບັນດາເອກອັກຄະລັດຖະທູດ 17 ທ່ານ. ເຖິງຢ່າງໃດກໍຕາມ, ຂ້າພະເຈົ້າຮູ້ວ່າ ມີບັນດາເອກອັກຄະລັດຖະທູດອີກຫຼາຍທ່ານ ທີ່ຢາກເຂົ້າຮ່ວມ. ຫວັງວ່າໃນອະນາຄົດ ປຶ້ມນີ້ ຈະມີອີກເຫຼັ້ມໃໝ່, ມ່ວນກວ່າເກົ່າ ແລະ ແທດຈິງຫຼາຍກວ່າເກົ່າ”.
|
ຕາມທ່ານຮອງລັດຖະມົນຕີ ກະຊວງການຕ່າງປະເທດ ຫງວຽນມິງຫວູ ແລ້ວ, ບັນດາບົດເລື່ອງຄື: “ກູ້ຊ່ວຍການຢ້ຽມຢາມຂັ້ນສູງ” ຂອງທ່ານເອກອັກຄະລັດຖະທູດ ຫງວຽນບ໋າເຊີນ; “ຕັ້ງຮູບປັ້ນລຸງໂຮ່ ຢູ່ ໂຄໂລມເບຍ (Colombo)” ໂດຍທ່ານເອກອັກຄະລັດຖະທູດ ໂຕນຊິງແທ່ງ; “ການກະແຈກກະຈາຍກ່ຽວກັບການຕີກ໊ອຟການຕ່າງປະເທດ” ຂອງທ່ານເອກອັກຄະລັດຖະທູດ ຫງວຽນຢຸຍຮຸ່ງ… ລ້ວນແຕ່ໄດ້ດຶງດູດຜູ້ອ່ານຍ້ອນວ່າມັນແມ່ນບັນດາເລື່ອງຈິງ ແລະ ຄວາມຮູ້ສຶກຕົວຈິງທີ່ໄດ້ຮັບການຖ່າຍທອດ ໃນໄລຍະໄປເຮັດວຽກງານການທູດ.
|
ທ່ານ ຫງວຽນມິງຫວູ ຢືນຢັນວ່າ ປຶ້ມດັ່ງກ່າວ ແມ່ນຂອງຂວັນທີ່ມີຄວາມໝາຍ ເພື່ອຕ້ອນຮັບກອງປະຊຸມການຕ່າງປະເທດ ຄັ້ງທີ 32 ທີ່ຈະຈັດຂຶ້ນໃນເດືອນ ທັນວາ 2023 ແລະ ເພື່ອແນໃສ່ສະເຫຼີມສະຫຼອງ 80 ປີແຫ່ງວັນສ້າງຕັ້ງ ກະຊວງການຕ່າງປະເທດ ຫວຽດນາມ ໃນປີ 2025. ອ່ານປຶ້ມເພື່ອເຫັນວ່າ ບັນດາທ່ານເອກອັກຄະລັດຖະທູດ ແມ່ນຜູ້ປະກອບສ່ວນອັນສຳຄັນເຂົ້າໃນຂະບວນການເຊື່ອມໂຍງ, ພັດທະນາ, ຍົກສູງຄວາມເຊື່ອຖືຂອງປະເທດຊາດ. ເຖິງວ່າຈະເປັນຫົວຂໍ້ ກ່ຽວກັບການຢ້ຽມຢາມລະດັບສູງ ອງການນຳສອງປະເທດ ຫຼືຫົວຂໍ້ການບັນເທິງ ແລະ ຕີກ໊ອຟ, ບັນດາທ່ານເອກອັກຄະລັດຖະທູດ ລ້ວນແຕ່ມຸ່ງໄປເຖິງຈຸດໝາຍດຽວກັນຄື: ບັນລຸຜົນປະໂຫຍດອັນດີທີ່ສຸດໃຫ້ແກ່ປະເທດ ແລະ ຊາດຂອງພວກເຮົາ.
ປຶ້ມ “ເລື່ອງ “ການໄປປະຕິບັດພາລະກິດການທູດ” ໃນໄລຍະເຊື່ອມໂຍງ ມີລາຄາ 142.000 ດົ່ງ. ປຶ້ມດັ່ງກ່າວລວມມີ 361 ໜ້າ, ມີ 69 ເລື່ອງຂອງເອກອັກຄະລັດຖະທູດ ຫວຽດນາມ ຢູ່ 17 ປະເທດ. ປຶ້ມໄດ້ຈຳໜ່າຍຢ່າງເປັນທາງການ ຢູ່ຮ້ານປື້ມ ຊືເທີດ ແລະ ຮ້ານປຶ້ມຂອງສະຖາບັນພົວພັນຕ່າງປະເທດ.
ຊ ສະຫວັດ
