| ຫວຽດນາມ-ລາວ ຊຸກຍູ້ການພົວພັນສາມັກຄີແບບພິເສດ | |
| ຫວຽດນາມ - ອີຣານ ຮ່ວມກັນຂຸດຄົ້ນຄວາມສາມາດບົ່ມຊ້ອນ, ກາລະໂອກາດພັດທະນາການທ່ອງທ່ຽວ |
ຕອນບ່າຍວັນທີ 4 ກໍລະກົດ, ຢູ່ຮ່າໂນ້ຍ, ສະຫະພັນບັນດາອົງການມິດຕະພາບຮ່າໂນ້ຍ (HAUFO) ໄດ້ຈັດຕັ້ງກອງປະຊຸມສະຫຼຸບວຽກງານການທູດປະຊາຊົນໃນ 6 ເດືອນຕົ້ນປີ ແລະ ຜັນຂະຫຍາຍທິດທາງ, ໜ້າທີ່ວຽກງານ 6 ເດືອນທ້າຍປີ ຂອງປີ 2024. ໃນນີ້ນີ້ HAUFO ໄດ້ສະເໜີ 3 ວຽກງານຈຸດສຸມໃນທ້າຍປີ.
3 ຈຸດສຸມວຽກງານ
 |
| ກອງປະຊຸມສະຫຼຸບວຽກງານການທູດປະຊາຊົນໃນ 6 ເດືອນຕົ້ນປີ ແລະ ຜັນຂະຫຍາຍທິດທາງ ແລະ ໜ້າທີ່ 6 ເດືອນທ້າຍປີ 2024 ຂອງສະຫະພັນບັນດາອົງການມິດຕະພາບຮ່າໂນ້ຍ. ພາບ: Dinh Hoa |
ກ່າວຄຳເຫັນທີ່ກອງປະຊຸມ, ທ່ານນາງ ເຈີ່ນທິເຟື່ຶອງ, ຮອງປະທານຜູ້ປະຈໍາການຂອງ HAUFO ໃຫ້ຮູ້ວ່າ: ໃນ 6 ເດືອນທ້າຍປີ 2024, HAUFO ໄດ້ສະເໜີ 3 ວຽກງານຈຸດສຸມຄື: ເຂົ້າຮ່ວມກໍ່ສ້າງກົນໄກນະໂຍບາຍໃນຂົງເຂດການຕ່າງປະເທດ, ການທູດປະຊາຊົນ; ຈັດຕັ້ງການເຄື່ອນໄຫວສັນຕິພາບ, ຄວາມສາມັກຄີ, ມິດຕະພາບ, ເພີ່ມທະວີການໂຄສະນາເຜີຍແຜ່ວຽກງານການທູດປະຊາຊົນນະຄອນຫຼວງ.
ລະອຽດ, ດ້ານວຽກງານການວາງແຜນການ, ກໍ່ສ້າງກົນໄກ, ນະໂຍບາຍ, HAUFO ຈະເຂົ້າຮ່ວມກໍ່ສ້າງກົນໄກນະໂຍບາຍໃນຂົງເຂດການຕ່າງປະເທດ ແລະ ການທູດປະຊາຊົນ ເພື່ອປະຕິບັດກົດໝາຍວ່າດ້ວຍນະຄອນຫຼວງ (ສະບັບປັບປຸງ); ຜັນຂະຫຍາຍມະຕິກ່ຽວກັບວຽກງານການທູດປະຊາຊົນນະຄອນຫຼວງຮອດປີ 2030, ວິໄສທັດຮອດປີ 2045.
ສຳລັບວຽກງານສັນຕິພາບ, ຄວາມສາມັກຄີ, ມິດຕະພາບ, ການຮ່ວມມືພັດທະນາ, HAUFO ຈະສືບຕໍ່ຜັນຂະຫຍາຍບັນດາໂຄງການການທູດຢ່າງມີຄຸນນະພາບ ແລະ ມີປະສິດທິຜົນເຂົ້າໃນບັນດາໂຄງການປະຈຳປີ ເພື່ອແນໃສ່ຜັນຂະຫຍາຍຢ່າງເລິກເຊິ່ງ, ປະກອບສ່ວນເຂົ້າໃນວຽກງານການຕ່າງປະເທດຂອງນະຄອນ ຮ່າໂນ້ຍ. ບາງໂຄງການທີ່ພົ້ນເດັ່ນລວມມີ: ງານບຸນດອກບົວ ຮ່າໂນ້ຍ 2024; ຄ່ຳຄືນດົນຕີອາເມລິກາລາຕິນ; ວັນບຸນວັດທະນະທຳມິດຕະພາບ “ສີສັນອາຊຽນ”; ງານແຂ່ງຂັນແຕ້ມຮູບ ສຳລັບເດັກນ້ອຍສາກົນ “ຂ້ອຍຮັກຮ່າໂນ້ຍ - ນະຄອນເພື່ອສັນຕິພາບ”...
ກ່ຽວກັບວຽກງານຂໍ້ມູນຂ່າວສານຕ່າງປະເທດ, HAUFO ຈະສືບຕໍ່ກໍ່ສ້າງ ແລະ ຍົກລະດັບປະຕູຖານຂໍ້ມູນຂ່າວສານເອເລັກໂຕນິກຂອງສະຫະພັນບັນດາອົງການມິດຕະພາບຮ່າໂນ້ຍ. ພ້ອມກັນນັ້ນ, ກໍ່ເພີ່ມທະວີການໂຄສະນາເຜີຍແຜ່ກ່ຽວກັບໝາກຜົນຂອງວຽກງານການທູດປະຊາຊົນນະຄອນຫຼວງ ແລະ ຂໍ້ມູນຂ່າວສານການທູດຂອງພັກ ແລະ ລັດ ໃນເວັບໄຊ; ຜະລິດຂ່າວ "ມິດຕະພາບ ແລະ ການຮ່ວມມື" ສອງພາສາ ສະບັບລາຍເດືອນ.
|
ຕາມບົດລາຍງານທີ່ກອງປະຊຸມ, ໃນ 6 ເດືອນຕົ້ນປີ 2024, HAUFO ໄດ້ຈັດສຳເລັດຫຼາຍກິດຈະກຳການທູດ ປະຊາຊົນທີ່ສຳຄັນຄື: ລາຍການແລກປ່ຽນສິລະປະສາກົນ “ຕ້ອນຮັບບຸນປີໃໝ່ 2024”; ກອງປະຊຸມສະເຫຼີມສະຫຼອງ 45 ປີແຫ່ງວັນຊະນະສົງຄາມປົກປັກຮັກສາຊາຍແດນຕາເວັນຕົກສຽງໃຕ້ ພ້ອມກັບທະຫານປະຊາຊົນກໍາປູເຈຍ ເອົາຊະນະລະບອບດັບສູນເຜົ່າພັນ; ລາຍການແລກປ່ຽນມິດຕະພາບສະເຫຼີມສະຫຼອງບຸນປີໃຫມ່ປະເພນີຂອງປະເທດອາຊີ ຈຳນວນໜຶ່ງ...
ຜ່ານຫລາຍຮູບການທີ່ຫຼາກຫຼາຍ, ການເຄື່ອນໄຫວການທູດລະຫວ່າງປະຊາຊົນນະຄອນຫຼວງ ກໍ່ໄດ້ສ້າງຄວາມປະທັບໃຈຢ່າງເລິກເຊິ່ງ, ປະກອບສ່ວນແນະນຳໃນການໂຄສະນາໃຫ້ແກ່ເພື່ອນມິດສາກົນຢ່າງກວ້າງຂວາງ ສະແດງໃຫ້ເຫັນພາບພົດອັນດີງາມຂອງປະເທດຊາດ, ປະຊາຊົນຊາວຫວຽດນາມ, ກ່ຽວກັບນະຄອນຫຼວງຮ່າໂນ້ຍ ແຫ່ງອະລິຍະທຳ ແລະ ວິລະຊົນ ນັບພັນປີ. ບັນດາອົງການສະມາຊິກ HAUFO ຍາມໃດກໍ່ປະຕິບັດຄຳຂວັນ “ເປັນເຈົ້າການ, ມີຫົວຄິດປະດິດສ້າງ, ມີໄຫວພິບ, ມີປະສິດທິຜົນ”, ປ່ຽນແປງໃໝ່, ຍົກສູງຄຸນນະພາບການເຄື່ອນໄຫວໍການທູດປະຊາຊົນ, ປະກອບສ່ວນຢ່າງຕັ້ງໜ້າເຂົ້າໃນການພັດທະນາເສດຖະກິດສັງຄົມ.
ເສີມຂະຫຍາຍບົດບາດຂອງຊາວໜຸ່ມໃນການທູດປະຊາຊົນ
ກ່າວຄຳເຫັນທີ່ກອງປະຊຸມ, ທ່ານນາງ ຟາມງອກເຈີ່ມ, ຮອງຫົວໜ້າຄະນະວຽກງານອະນຸຊົນເຍົາວະຊົນ ຂອງຄະນະຊາວໜຸ່ມ, ເລຂາທິການສະມາຄົມມິດຕະພາບຫວຽດນາມ - ລາວ ນະຄອນຮ່າໂນ້ຍ ຢືນຢັນວ່າ: ໄວໜຸ່ມແມ່ນກຳລັງ ນໍາໜ້າຂອງວຽກງານການທູດປະຊາຊົນ. ວຽກງານການຕ່າງປະເທດ, ໂດຍສະເພາະແມ່ນການທູດປະຊາຊົນ, ແມ່ນຕ້ອງການກຳລັງໜຸ່ມເປັນເສົາຄ້ຳ ແລະ ຂົວຕໍ່ການຕ່າງປະເທດກັບຊາວໜຸ່ມບັນດາປະເທດ, ເສີມຂະຫຍາຍວິຊາສະເພາະໃນຂົງເຂດວັດທະນະທຳ, ການສຶກສາ, ສາທາລະນະສຸກ, ເສດຖະກິດການຄ້າ…
ບັນດາຄົນລຸ້ນກ່ອນຕ້ອງແບ່ງປັນປະສົບການ, ເສີມຂະຫຍາຍບັນດາເນື້ອໃນກ່ຽວພັນກັບປັດໄຈປະຫວັດສາດທີ່ເປັນມູນເຊື້ອ ເພື່ອຊ່ວຍໃຫ້ລຸ້ນໜຸ່ມມີຄວາມຮັບຮູ້ຢ່າງເລິກເຊິ່ງກ່ຽວກັບການພົວພັນມິດຕະພາບທີ່ເປັນມູນເຊື້ອລະຫວ່າງ ຫວຽດນາມ ແລະ ບັນດາປະເທດໃນໂລກ. ຈາກນັ້ນ, ກໍ່ສືບທອດ ແລະ ພັດທະນາຕາມຂະບວນການເຊື່ອມໂຍງເຂົ້າກັບສາກົນ.
 |
| ທ່ານນາງ ຟ້າມງອກເຈີ່ມ. (ພາບ: Dinh Hoa) |
ທ່ານນາງ ຟ້າມງອກເຈິ່ມ ໄດ້ສະເໜີວ່າ ໃນ 6 ເດືອນທ້າຍປີ 2024, ບັນດາສະມາຄົມມິດຕະພາບໃນບໍລິເວນ ນະຄອນ ຮ່າໂນ້ຍ ຕ້ອງຜັນຂະຫຍາຍເປີດກວ້າງສະມາຊິກ ສຸມໃສ່ເປົ້າໝາຍອະນຸຊົນເຍົາວະຊົນ, ພ້ອມທັງຍົກສູງບົດບາດຂອງໄວໜຸ່ມໃນວຽກງານການທູດປະຊາຊົນ. ເພື່ອເຮັດໄດ້ແນວນັ້ນ, ແຕ່ລະສະມາຄົມມິດຕະພາບຕ້ອງໜູນໃຊ້ທ່າແຮງຂອງຕົນ. ສະມາຄົມມິດຕະພາບ ຫວຽດນາມ - ລາວ ແລະ ສະມາຄົມມິດຕະພາບ ຫວຽດນາມ - ກຳປູເຈຍ ມີນັກສຶກສາຕ່າງປະເທດທີ່ພວມຮຽນຢູ່ ຫວຽດນາມ; ສະມາຄົມມິດຕະພາບຫວຽດນາມ-ຈີນ ມີກຳລັງຊາວໜຸ່ມທີ່ເປັນນັກກິລາ, ນັກສິລະປິນຂຶ້ນກັບພະແນກວັດທະນະທໍາ ຮ່າໂນ້ຍ; ສະມາຄົມມິດຕະພາບ ຫວຽດນາມ - ສເກົາຫຼີ ມີໄວໜຸ່ມທີ່ຮັກວັດທະນະທຳ ແລະ ສິລະປ ະສ.ເກົາຫຼີ...
ບັນດາສະມາຄົມມິດຕະພາບທີ່ຍັງບໍ່ທັນສາມາດເຂົ້າເຖິງບັນດາຖັນແຖວຊາວໜຸ່ມ ທີ່ມີຄວາມສາມາດເຂົ້າຮ່ວມຢ່າງຕັ້ງໜ້າໃນການປະສານງານເພື່ອໜູນໃຊ້ກຳລັງແຮງ ແລະ ຖັນແຖວຊາວໜຸ່ມຂອງສະມາຄົມ, ອົງການ ແລະ ອົງການຈັດຕັ້ງຕ່າງໆ. ມີການເຄື່ອນໄຫວຫຼາຍຢ່າງໄດ້ຮັບການຈັດຕັ້ງເປັນປະຈຳປີ ເຊັ່ນ: ງານບຸນຊາວໜຸ່ມສາກົນຈັດຕັ້ງໂດຍຄະນະຊາວໜຸ່ມ ຮ່າໂນ້ຍ; ງານແຂ່ງຂັນແຕ້ມຮູບ ສຳລັບເດັກນ້ອຍສາກົນ, ການແລກປ່ຽນວັດທະນະທຳ ແລະ ສິລະປະສາກົນ...
ທີ່ກອງປະຊຸມ, ທ່ານ ເຈືອງມິງຕ໋ຽນ, ປະທານສະມາຄົມ UNESCO ຮ່າໂນ້ຍ ຫວັງວ່າ HAUFO ຈະຈັດຕັ້ງບັນດາການເຄື່ອນໄຫວເຜີຍແຜ່, ສະໜອງຂໍ້ມູນຂ່າວສານໃນທຸກໆໄຕມາດກ່ຽວກັບສະພາບການຢູ່ພາຍໃນ ແລະ ຕ່າງປະເທດ, ການເຄື່ອນໄຫວວຽກງານການທູດປະຊາຊົນຂອງຊາວນະຄອນ. ພ້ອມກັນນັ້ນ, ກໍ່ສະໜອງບັນດາເອກະສານໂຄສະນາເຜີຍແຜ່ໃຫ້ແກ່ບັນດາເຫດການສຳຄັນຄື: ສະເຫຼີມສະຫຼອງ 25 ປີແຫ່ງວັນຮ່າໂນ້ຍ ໄດ້ຮັບກຽດເປັນນະຄອນເພື່ອສັນຕິພາບ; ສະເຫຼີມສະຫຼອງ 70 ປີແຫ່ງວັນປົດປ່ອຍນະຄອນຫຼວງ... ເພື່ອເຜີຍແຜ່ໃຫ້ສະມາຊິກໃນບັ້ນການເຄື່ອນໄຫວຕ່າງໆ.
 |
| ທ່ານ ຫງວຽນງອກກີ, ປະທານສະຫະພັນບັນດາອົງການຈັດຕັ້ງມິດຕະພາບ ຮ່າໂນ້ຍ. (ພາບ: Dinh Hoa) |
ໂດຍຕີລາຄາສູງບັນດາຄຳເຫັນ ແລະ ຄຳສະເໜີຂອງບັນດາຜູ້ແທນ, ທ່ານ ຫງວຽນຫງອກກີ, ປະທານ HAUFO ໃຫ້ຮູ້ວ່າ: ໂດຍອີງໃສ່ຄຳເຫັນດັ່ງກ່າວ, ຄະນະປະຈຳສະຫະພັນນະຄອນ ຮ່າໂນ້ຍ ຈະຮັບເອົາ ແລະ ເຮັດສຳເລັດບົດລາຍງານ 6 ເດືອນ.
ເພື່ອຜັນຂະຫຍາຍແຜນການເຮັດວຽກປີ 2024, ໃນ 6 ເດືອນທ້າຍປີ, ທ່ານ ຫງວຽນງອກກີ ໄດ້ສະເໜີໃຫ້ HAUFO ແລະ ບັນດາສະມາຊິກບັນດາສະມາຄົມ, ອົງການຈັດຕັ້ງຕ້ອງສືບຕໍ່ຄິດ, ປະດິດສ້າງວິທີດຳເນີນງານ, ປະຕິບັດບາງເນື້ອໃນຄື: ຜັນຂະຫຍາຍຢ່າງລະອຽດເນື້ອໃນຂອງກົດໝາຍວ່າດ້ວຍນະຄອນຫຼວງ (ສະບັບປັບປຸງ), ສະເພາະ ມາດຕາ 2, ມາດຕາ 52 ວ່າດ້ວຍການເພີ່ມທະວີການທູດປະຊາຊົນ; ສຸມໃສ່ສ້າງຄວາມເຂັ້ມແຂງ ແລະ ພັດທະນາອົງການຈັດຕັ້ງ; ຊຸກຍູ້ບົດບາດເປັນຂົວຕໍ່ ແລະ ລະດົມບັນດາອົງການບໍ່ຂຶ້ນກັບລັດຖະບານຕ່າງປະເທດ ເພື່ອໃຫ້ການສະໜັບສະໜູນວຽກງານການກຸສົນ; ເພີ່ມທະວີວຽກງານຖະແຫຼງຂ່າວ ແລະ ໂຄສະນາເຜີຍແຜ່ໝາກຜົນວຽກງານການທູດປະຊາຊົນນະຄອນຫຼວງ.
 | HAUFO, ສະຖານທູດປານາມາ ປະຈຳຫວຽດນາມ ມອບເສື້ອກັນໜາວໃຫ້ບ້ານເດັກ Birla ຮ່າໂນ້ຍ |
| HAUFO ມອບຂອງຂວັນ 108 ພູດ ເພື່ອໜູນຊ່ວຍຊາວຕ່າງປະເທດທີ່ປະສົບກັບຄວາມຫຍຸ້ງຍາກເນື່ອງຈາກ Covid-19 |
ຊ ສະຫວັດ
