| ຄະນະປະຕິບັດງານກະຊວງປ້ອງກັນປະເທດລາວ ຢ້ຽມຢາມທະຫານເຂດ 4 | |
| ພະນັກງານ ແຂວງ ຫຼວງນ້ຳທາ (ລາວ) ຈຳນວນ 175 ຄົນ ໄດ້ຮັບໃບຢັ້ງຢືນພາສາ ຫວຽດນາມ |
ກ່າວຄຳເຫັນທີ່ພີທີເປີດ, ທ່ານພົນຈັດຕະວາ ຫງວຽນວັນຈິ້ງ, ຮອງຫົວໜ້າຫ້ອງວ່າການຄະນະພັກການທະຫານສູນກາງ,ຫ້ອງວ່າການກະຊວງປ້ອງກັນປະເທດ ຢືນຢັນວ່າ: ການຮ່ວມມືດ້ານປ້ອງກັນປະເທດແມ່ນເສົາຄ້ຳສຳຄັນໃນການພົວພັນສອງປະເທດ ຫວຽດນາມ - ລາວ. ໃນຊຸມປີຜ່ານມາ, ກອງທັບສອງປະເທດໄດ້ສົມທົບກັນຢ່າງແໜ້ນແຟ້ນ, ຊ່ວຍເຫຼືອເຊິ່ງກັນ ແລະ ກັນໃນຫຼາຍດ້ານ, ບັນລຸໄດ້ໝາກຜົນສຳຄັນ, ຮອບດ້ານ, ພິເສດແມ່ນໃນບັນດາຂົງເຂດຄື: ການແລກປ່ຽນຄະນະຜູ້ແທນ, ວຽກງານພັກ, ວຽກງານການເມືອງ, ການສຶກສາ, ຊຸດຝຶກອົບຮົມ, ຄຸ້ມຄອງ, ປ້ອງກັນຊາຍແດນ ...
 |
| ບັນດາຜູ້ແທນເຂົ້າຮ່ວມພິນທີເປີດ. ພາບ: qdnd.vn |
ທ່ານພົນຈັດຕະວາ ຫງວຽນວັນຈິ້ງ ຊີ້ແຈ້ງວ່າ: ຊຸດຝຶກອົບຮົມຄັ້ງນີ້ແມ່ນເນື້ອໃນ ແລະ ການເຄື່ອນໄຫວເພື່ອສືບຕໍ່ຢັ້ງຢືນ ແລະ ປະກອບສ່ວນເຂົ້າໃນການຮັດແໜ້ນສາຍພົວພັນອັນສະໜິດສະໜົມ, ຄວາມຈົ່ງຮັກພັກດີ, ຄວາມສາມັກຄີແບບພິເສດຫວຽດນາມ - ລາວ, ກໍ່ຄືສາຍພົວພັນມິດຕະພາບອັນແໜ້ນແຟ້ນລະຫວ່າງກອງທັບສອງປະເທດ.
 |
| ທ່ານພົນຈັດຕະວາ ຫງວຽນວັນຈິ້ງ ຢືນຢັນວ່າ, ການຮ່ວມມືດ້ານປ້ອງກັນຊາດແມ່ນເສົາຄ້ຳສຳຄັນໃນການພົວພັນສອງຝ່າຍ ຫວຽດນາມ - ລາວ. ພາບ: qdnd.vn |
ທ່ານນາງພັນໂທ ບົວທອງ ໄຊຍະແສງ, ຮອງຫົວໜ້າຄະນະເກັບມ້ຽນເອກະສານ, ຫ້ອງການກະຊວງປ້ອງກັນປະເທດລາວ ຢືນຢັນວ່າ: ຫວຽດນາມ ແລະ ລາວ ແມ່ນສອງປະເທດທີ່ມີຊາຍແດນຕິດຈອດກັນແຕ່ເໜືອຮອດໃຕ້, ມີມູນເຊື້ອສາມັກຄີ ຊ່ວຍເຫຼືອເຊິ່ງກັນ ແລະ ກັນ. ເຄີຍລຳບາກແບບດຽວກັນ, ຢືນຄຽງບ່າຄຽງໄຫລ່, ສູ້ຮົບຮ່ວມກັນໃນການຕ້ານການຮຸກຮານຂອງຕ່າງຊາດ. ໃນອະດິດ ກໍ່ຄືປະຈຸບັນ, ພາຍໃຕ້ການຊີ້ນຳນຳພາຂອງພັກ, ລັດ, ກອງທັບ ແລະ ປະຊາຊົນຫວຽດນາມ - ລາວ, ການພົວພັນຄູ່ຮ່ວມມືຍຸດທະສາດນີ້ນັບມື້ນັບພັດທະນາ ຢ່າງບໍ່ຢຸດຢັ້ງ.
ຕາມທ່ານນາງພັນໂທ ບົວທອງ ໄຊຍະແສງ ໃຫ້ຮູ້ວ່າ: ໃນໄລຍະຜ່ານມາ, ກະຊວງປ້ອງກັນປະເທດຫວຽດນາມ ໄດ້ໃຫ້ການສະໜັບສະໜູນຫຼາຍດ້ານໃຫ້ແກ່ກະຊວງປ້ອງກັນປະເທດລາວ, ພິເສດແມ່ນວຽກງານວິຊາສະເພາະ ແລະ ວຽກງານເກັບມ້ຽນເອກະສານ, ເປັນຕົ້ນແມ່ນໄດ້ໃຫ້ການສະໜັບສະໜູນດ້ານວັດຖຸ ແລະ ອຸປະກອນຮັບໃຊ້ເອກະສານ; ການບໍລິການຄຸ້ມຄອງເອກະສານ, ເປີດຊຸດຝຶກອົບຮົມວິຊາຊີບໃຫ້ພະນັກງານກະຊວງປ້ອງກັນປະເທດລາວ. ນັ້ນເປັນການຢັ້ງຢືນວ່າການພົວພັນຮ່ວມມືແບບດັ້ງເດີມນັບມື້ນັບແໜ້ນແຟ້ນ ແລະ ເລິກເຊິ່ງ, ແລະ ໃນການຝຶກອົບຮົມຄັ້ງນີ້ກໍ່ແມ່ນເນື້ອໃນເພື່ອສືບຕໍ່ປະກອບສ່ວນມູນເຊື້ອດັ່ງກ່າວ.
 |
| ບັນດາຜູ້ແທນຫວຽດນາມ ແລະລາວຖ່າຍຮູບລວມ. ພາບ: qdnd.vn |
ເຂົ້າຮ່ວມຊຸດຝຶກອົບຮົມມີພະນັກງານ-ລັດຖະກອນ ກະຊວງປ້ອງກັນປະເທດລາວ ຈຳນວນ 20 ທ່ານ. ໃນໄລຍະການຝຶກອົບຮົມ 1 ເດືອນຢູ່ຫວຽດນາມ, ເຂົາເຈົ້າຈະໄດ້ຮັບການນຳເອົາຄວາມຮູ້ພື້ນຖານກ່ຽວກັບວຽກງານເກັບກຳຂໍ້ມູນຂ່າວສານ ແລະ ການນຳໃຊ້ເຕັກໂນໂລຊີຂໍ້ມູນຂ່າວສານເຂົ້າໃນການເຄື່ອນໄຫວຈັດຕັ້ງປະຕິບັດ, ຍົກສູງຄຸນນະພາບ ແລະ ປະສິດທິຜົນ ດ້ານວຽກງານວິຊາການ ແລະ ເກັບມ້ຽນເອກະສານ, ຮັບໃຊ້ການນຳພາ, ການບັນຊາ ແລະ ບໍລິຫານຂອງບັນດາອົງການ, ຫົວໜ່ວຍ.
ນອກຈາກນັ້ນ, ພະນັກງານ-ລັດຖະກອນ ກະຊວງປ້ອງກັນປະເທດລາວ ຍັງໄດ້ຮຽນຮູ້ກ່ຽວກັບການສ້າງເອກະສານດິຈິຕອນ, ວິທີການຂ້າເຊື້ອ, ຂ້າເຊື້ອອາຊິດ, ຂັ້ນຕອນການສ້ອມແປງ ແລະ ບູລະນະຄັງເອກະສານ; ປະສົບການໃນການເຄື່ອນເກັບຂໍ້ມູນ ແລະ ເກັບມ້ຽນເອກະສານຢູ່ກອງບັນຊາການນະຄອນຫຼວງຮ່າໂນ້ຍ, ປະສົບການໃນການເກັບກຳ ແລະ ຄຸ້ມຄອງເອກະສານຢູ່ສູນເກັບມ້ຽນເອກະສານກະຊວງປ້ອງກັນປະເທດ, ເປັນຕົ້ນແມ່ນວຽກງານຫັນເປັນດິຈິຕອນຢູ່ກຸ່ມອຸດສາຫະກຳ - ໂທລະຄົມທະຫານ (Viettel).
 | ຄະນະປະຕິບັດງານກະຊວງປ້ອງກັນປະເທດລາວ ຢ້ຽມຢາມທະຫານເຂດ 4 |
| ຝຶກອົບຮົມວຽກງານປ້ອງກັນຊາຍແດນໃຫ້ແກ່ພະນັກງານກອງບັນຊາການທະຫານ ແຂວງສາລະວັນ, ປະເທດລາວ |
ຊ ສະຫວັດ
