| ຮັດແໜ້ນນ້ຳໃຈສາມັກຄີແບບພິເສດລະຫວ່າງສອງກະຊວງປ້ອງກັນປະເທດແລະກອງທັບຫວຽດນາມ - ລາວ | |
| ການຮ່ວມມືວຽກງານປ້ອງກັນຊາດ ແມ່ນໜຶ່ງໃນບັນດາເສົາຄ້ຳສຳຄັນຂອງການພົວພັນ ຫວຽດນາມ - ລາວ |
ວັນທີ 3 ຕຸລາ, ທີ່ກອງພັນຝຶກແອບ-ເຄື່ອນທີ່, ກອງບັນຊາການທະຫານຊາຍແດນແຂວງ ເທື່ອທຽນເຫວ້ ສສ.ຫວຽດນາມ ໄດ້ຈັດ ພິທີເປີດຊຸດຝຶກອົບຮົມວຽກງານປ້ອງກັນຊາຍແດນ ໃຫ້ແກ່ພະນັກງານ, ນັກຮົບ ຂຶ້ນກັບກອງບັນຊາການທະຫານ ແຂວງສາລະວັນ, ປະເທດລາວ.
ໃນໄລຍະ 1 ເດືອນ, ນັກສຳມະນາກອນລາວຈະໄດ້ຮັບການຝຶກອົບຮົມກ່ຽວກັບເນື້ອໃນຄື: ປະຫວັດສາດການພົວພັນມິດຕະພາບທີ່ເປັນມູນເຊື້ອແບບພິເສດ ຫວຽດນາມ-ລາວ; ຄວາມຮັບຮູ້ລວມກ່ຽວກັບ ອະທິປະໄຕຜືນແຜ່ນດິນ, ຊາຍແດນແຫ່ງຊາດຈຳນວນໜຶ່ງ; ສັນຍາວ່າດ້ວຍລະບຽບການຄຸ້ມຄອງຊາຍແດນ ແລະ ດ່ານຊາຍແດນທາງບົກ ຫວຽດນາມ - ລາວ; ຝຶກແອບກ່ຽວກັບວຽກງານການທະຫານ, ການເມືອງ, ການສືບສວນ, ຢາເສບຕິດ, ການຮັບປະກັນພະລາທິການດ້ານເຕັກນິກ...
ນອກຈາກນັ້ນ, ບັນດານັກສຳມະນາກອນລາວ ຍັງໄດ້ໄປທັດສະນະສຶກສາ, ເຂົ້າຮ່ວມການພົບປະ ແລກປ່ຽນບົດຮຽນກັບບັນດາກົມກອງ ຂຶ້ນກັບກອງບັນຊາການທະຫານຊາຍແດນແຂວງເທື່ອທຽນເຫວ້; ຢ້ຽມຢາມເຂດປູຊະນີຍະສະຖານປະຫວັດສາດຂອງແຂວງເທື່ອທຽນເຫ້ວ.
 |
| ການນໍາກອງບັນຊາການທະຫານຊາຍແດນແຂວງ ເທື່ອທຽນເຫວ້ ແລກປ່ຽນກັບບັນດານັກສຳມະນາກອນລາວ. ພາບ: ຫວໍຕ໊ຽນ |
ກ່າວຄຳເຫັນທີ່ພິທີເປີດ, ສະຫາຍ ພັນເອກພິເສດ ຟ້າມຕຸ່ງເລິມ, ຫົວໜ້າດ້ານການເມືອງກອງບັນຊາການທະຫານຊາຍແດນແຂວງເທື່ອທຽນເຫ້ວ ຮຽກຮ້ອງໃຫ້ຄະນະຈັດຕັ້ງຮັບປະກັນທຸກດ້ານຂອງຊຸດຝຶກອົບຮົມໃຫ້ເປັນຢ່າງດີທີ່ສຸດ; ບັນດານັກສຳມະນາກອນ ປະຕິບັດຕາມຂໍ້ກໍານົດຢ່າງເຂັ້ມງວດ, ຍົກສູງບົດບາດ, ຄວາມຮັບຜິດຊອບຂອງຕົນ, ຜ່ານຜ່າຄວາມຫຍຸ້ງຍາກ, ໂດຍສະເພາະແມ່ນບັນຫາດ້ານພາສາທີ່ນຳໃຊ້ໃນຊີວິດປະຈຳວັນ ແລະ ການຮ່ຳຮຽນ; ຕັ້ງໜ້າຄົ້ນຄວ້າ, ຮໍ່າຮຽນ, ກໍາແໜ້ນດ້ານວິຊາການ, ວິຊາສະເພາະໃນການຄຸ້ມຄອງ, ປົກປັກຮັກສາຊາຍແດນ, ຕອບສະໜອງຄວາມຮຽກຮ້ອງຕ້ອງການ ແລະ ໜ້າທີ່ວຽກງານໃນສະພາບການໃໝ່.
ນີ້ແມ່ນການເຄື່ອນໄຫວປະຈຳປີ ໂດຍກອງບັນຊາການທະຫານຊາຍແດນແຂວງເທື່ອທຽນເຫວ້ ຈັດຕັ້ງ ເພື່ອແນໃສ່ຍົກສູງຄວາມຮູ້ດ້ານວິຊາການ, ວິຊາສະເພາະ ແລະ ບົດຮຽນປະສົບການໃນການຄຸ້ມຄອງ ແລະ ປົກປັກຮັກສາຊາຍແດນໃຫ້ປະເທດເພື່ອນ, ປະກອບສ່ວນຮັກສາຄວາມໝັ້ນຄົງດ້ານການເມືອງ, ຄວາມເປັນລະບຽບຮຽບຮ້ອຍ, ຄວາມປອດໄພຂອງສັງຄົມຢູ່ເຂດຊາຍແດນ; ປັບປຸງ, ເພີ່ມທະວີນໍ້າໃຈສາມັກຄີມິດຕະພາບ ລະຫວ່າງສອງປະເທດ, ສອງແຂວງ, ໂດຍສະເພາະແມ່ນກອງບັນຊາການທະຫານຊາຍແດນແຂວງ ເທື່ອທຽນເຫວ້ ແລະ ກອງບັນຊາການທະຫານແຂວງສາລະວັນ.
ບູນມີ
