 | ເຜີຍແພ່ບັນດາຄຸນຄ່າວັດທະນະທຳຂອງ ຫວຽດນາມ ເຖິງເພື່ອນມິດສາກົນ ແລະ ຊາວ ບຣາຊິນ |
| ນຳການພົວພັນ ຫວຽດນາມ - ການາ ກ້າວເຂົ້າສູ່ລວງເລິກ, ແທດຈິງ |
ທີ່ການພົບປະ, ບັນດາຜູ້ແທນຂອງຄະນະກຳມະການຊາວ ຫວຽດນາມ ອາໄສຢູ່ຕ່າງປະເທດ ນະຄອນ ໂຮ່ຈິມິນ (ຄະນະ) ໄດ້ຊົມຮູບເງົາມູນເຊື້ອກ່ຽວກັບຂະບວນການກໍ່ສ້າງ, ສູ້ຮົບ, ການເຕີບໂຕ ແລະ ພັດທະນາຂອງກອງບັນຊາການທະຫານເຮືອເຂດ 5; ຮັບຟັງການແນະນຳບາງຈຸດຫຼັກຂອງເຂດທະເລຕາເວັນຕົກສ່ຽງໃຕ້ ແລະ ຜົນສຳເລັດອັນພົ້ນເດັ່ນຂອງກອງບັນຊາການທະຫານເຮືອເຂດ 5 ໃນການປະຕິບັດໜ້າທີ່ການເມືອງທີ່ໄດ້ຮັບການມອບໝາຍ.
 |
| ບັນດາຜູ້ແທນເຂົ້າຮ່ວມກອງປະຊຸມ. |
ກ່າວຄຳປາໄສທີ່ການພົບປະ, ທ່ານພັນເອກ ເລືອງກວັກແອງ ໄດ້ສະແດງຄວາມຍິນດີຕ້ອນຮັບຄະນະທີ່ມາຢ້ຽມຢາມກົມກອງ. ຕາມທ່ານພັນເອກ ເລືອງກວັກແອງ ແລ້ວ: “ການເດີນທາງຂອງຊາວ ຫວຽດນາມ ທີ່ອາໄສຢູ່ຕ່າງປະເທດ ກັບທະເລ, ໝູ່ເກາະ” ຂອງຄະນະແມ່ນການເຄື່ອນໄຫວທີ່ແທດຈິງ, ຊ່ວຍໃຫ້ຊາວ ຫວຽດນາມ ອາໄສຢູ່ຕ່າງປະເທດ ມີຄວາມເຂົ້າໃຈກ່ຽວກັບທະເລ, ໝູ່ເກາະບ້ານເກີດເມືອງນອນ ກໍ່ຄືເງື່ອນໄຂຊີວິດການເປັນຢູ່, ການສຶກສາ, ວຽກງານຂອງພະນັກງານ, ນັກຮົບກອງບັນຊາການທະຫານເຮືອເຂດ 5 ແລະ ໜ້າທີ່ປົກປັກຮັກສາອະທິປະໄຕທະເລ, ໝູ່ເກາະຂອງກົມກອງໄດ້ຈະແຈ້ງກວ່າອີກ.
 |
| ທ່ານພັນເອກ ເລືອງກວັກແອງ ໄດ້ແນະນຳບາງຈຸດຫຼັກຂອງເຂດທະເລຕາເວັນຕົກສ່ຽງໃຕ້. |
ທ່ານຮອງຜູ້ບັນຊາການທະຫານເຮືອເຂດ 5 ໄດ້ສະແດງຄວາມປາດຖະໜາວ່າ: ພາຍຫຼັງການເດີນທາງໄປຍັງເຂດທະເລຕາເວັນຕົກສ່ຽງໃຕ້, ບັນດາຜູ້ແທນຈະເຄື່ອນໄຫວໂຄສະນາກ່ຽວກັບທະເລ, ໝູ່ເກາະ ແລະ ການເຄື່ອນໄຫວປົກປັກຮັກສາອະທິປະໄຕທະເລ, ໝູ່ເກາະຂອງພະນັກງານ, ນັກຮົບໃນເຂດ ມາຍັງປະຊາຊົນທຸກຊັ້ນຄົນ ແລະ ຊາວ ຫວຽດນາມ ທີ່ອາໄສຢູ່ຕ່າງປະເທດຢ່າງຕັ້ງໜ້າ. ໂດຍຜ່ານນັ້ນ ກໍປະກອບສ່ວນຮັດແໜ້ນນ້ຳໃຈຮັກແພງທະເລ, ໝູ່ເກາະ, ເຮັດໃຫ້ຂະບວນການ “ເພື່ອທະເລ, ໝູ່ເກາະບ້ານເກີດເມືອງນອນ - ເພື່ອແນວໜ້າຂອງປະເທດຊາດ” ສືບຕໍ່ໄດ້ຮັບການແຜ່ກະຈາຍຢ່າງເລິກເຊິ່ງກ້ວາງຂວາງ, ບັນລຸໝາກຜົນທີ່ແທດຈິງ, ພ້ອມທັງໃຫ້ກຳລັງໃຈແກ່ພະນັກງານ, ນັກຮົບຂອງກົມກອງ ປະສົບຜົນສຳເລັດໜ້າທີ່ວຽກງານທີ່ໄດ້ຮັບມອບຫມາຍ.
 |
| ທ່ານນາງ ຫວູທິຮວິ່ງມາຍ, ຫົວໜ້າຄະນະກຳມະການຊາວ ຫວຽດນາມ ອາໄສຢູ່ຕ່າງປະເທດ ນະຄອນ ໂຮ່ຈີມິນ ກ່າວຄຳປາໄສທີ່ການຢ້ຽມຢາມ ແລະ ໃຫ້ກຳລັງໃຈພະນັກງານ, ນັກຮົບກອງບັນຊາການທະຫານເຮືອເຂດ 5. |
ຕາງໜ້າຄະນະ, ທ່ານນາງ ຫວູທິຮວິ່ງມາຍ ໄດ້ສະແດງຄວາມຂອບໃຈຕໍ່ຄວາມຮັກແພງ ແລະ ໃຫ້ການຕ້ອນຮັບຢ່າງລອບຄອບ ແລະ ອົບອຸ່ນຂອງພະນັກງານ, ນັກຮົບກອງບັນຊາການທະຫານເຮືອເຂດ 5 ໃຫ້ແກ່ຄະນະ. ທ່ານນາງໃຫ້ຮູ້ວ່າ: ການເດີນທາງຄັ້ງນີ້ ແມ່ນເພື່ອແນໃສ່ຍົກສູງຄວາມຮັບຜິດຊອບ, ຄວາມຮັກແພງ, ປຸກລະດົມຈິດໃຈຮັກຊາດຂອງປະຊາຊົນບັນດາເຜົ່າຢູ່ນະຄອນ ໂຮ່ຈີມິນ ແລະ ພີ່ນ້ອງຮ່ວມຊາດຢູ່ຕ່າງປະເທດກ່ຽວກັບພາລະກິດແຫ່ງການສ້າງສາ ແລະ ປົກປັກຮັກສາປະເທດຊາດໃນສະພາບການໃໝ່.
 |
| ທ່ານນາງ ຫວູທິຮວິ່ງມາຍ, ຕາງໜ້າຄະນະກຳມະການຊາວ ຫວຽດນາມ ອາໄສຢູ່ຕ່າງປະເທດ ນະຄອນ ໂຮ່ຈີມິນ ໄດ້ມອບຂອງຂວັນທີ່ລະນຶກໃຫ້ກອງບັນຊາການທະຫານເຮືອເຂດ 5. |
ທ່ານນາງ ຫວູທິຮວິ່ງມາຍ ໄດ້ກ່າວຄຳປາໄສທີ່ການພົບປະວ່າ “ດ້ວຍຄວາມຮັກແພງ ແລະ ຄວາມຮັບຜິດຊອບຂອງຕົນ, ພວກຂ້າພະເຈົ້າຈະສືບຕໍ່ເປັນເສນາທິການ ແລະ ສະເໜີໃຫ້ບັນດາການນຳທຸກຂັ້ນ ແລະ ຊາວ ຫວຽດນາມ ທີ່ອາໄສຢູ່ຕ່າງປະເທດ ຊຸກຍູ້ບັນດາການເຄື່ອນໄຫວມຸ່ງໄປເຖິງເຂດທະເລ, ໝູ່ເກາະບ້ານເກີດເມືອງນອນ ດ້ວຍບັນດາການກະທຳທີ່ລະອຽດ, ແທດຈິງ ແລະ ມີຄວາມໝາຍເພື່ອລະດົມສົ່ງເສີມ ແລະ ໃຫ້ກຳລັງໃຈພະນັກງານ, ນັກຮົບ, ປະຊາຊົນ ແລະ ບັນດາກຳລັງທີ່ຕິດພັນກັບທະເລ, ໝູ່ເກາະ, ປະຕິບັດໜ້າທີ່ທີ່ໄດ້ຮັບມອບໝາຍໃຫ້ເປັນຢ່າງດີ, ປະກອບສ່ວນປົກປັກຮັກສາອະທິປະໄຕທາງທະເລ, ໝູ່ເກາະທີ່ສັກກະລະບູຊາຂອງປະເທດຊາດໃຫ້ໝັ້ນຄົງຂະນົງແກ່ນ”.
 |
| ທ່ານນາງ ຫວູທິຮວິ່ງມາຍ ໄດ້ມອບຂອງຂວັນໃຫ້ບັນດາອົງການ, ກົມກອງຢູ່ກອງບັນຊາການທະຫານເຮືອເຂດ 5. |
ເນື່ອງໃນໂອກາດນີ້, ຄະນະຜູ້ແທນຄະນະກຳມະການຊາວ ຫວຽດນາມ ອາໄສຢູ່ຕ່າງປະເທດ ນະຄອນ ໂຮ່ຈີມິນ ໄດ້ມອບຂອງຂວັນໃຫ້ພະນັກງານ, ນັກຮົບກອງບັນຊາການທະຫານເຮືອເຂດ 5 ດ້ວຍຂອງຂວັນທີ່ແທດຈິງ ແລະ ມີຄວາມໝາຍຫຼາຍຢ່າງ.
 |
| ຄະນະຜູ້ແທນຄະນະກຳມະການຊາວ ຫວຽດນາມ ອາໄສຢູ່ຕ່າງປະເທດ ນະຄອນ ໂຮ່ຈີມິນ ໄດ້ຖ່າຍຮູບທີ່ລະນຶກກັບພະນັກງານ, ນັກຮົບກອງບັນຊາການທະຫານເຮືອເຂດ 5. |
 | ສ້າງເງື່ອນໄຂ ເພື່ອຊາວຫວຽດນາມ ອາໄສຢູ່ຕ່າງປະເທດລົງທຶນຢ່າງແຮງກວ່າອີກໃນຂົງເຂດເຮືອນຢູ່ ແລະ ອະສັງຫາລິມະຊັບຢູ່ ຫວຽດນາມ ຍສໝ - ວັນທີ 26 ມີນາ 2024, ຄະນະກຳມະການແຫ່ງລັດກ່ຽວກັບຊາວ ຫວຽດນາມ ອາໄສຢູ່ຕ່າງປະເທດ - ກະຊວງການຕ່າງປະເທດ ຫວຽດນາມ ໄດ້ສົມທົບກັບກຳມາທິການເສດຖະກິດ ສະພາແຫ່ງຊາດ, ກະຊວງກໍ່ສ້າງ ແລະ ກະຊວງຊັບພະຍາກອນ ແລະ ສິ່ງແວດລ້ອມ ຫວຽດນາມ ເປັນປະທານຮ່ວມຈັດຕັ້ງກອງປະຊຸມໂຄສະນາ, ເຜີຍແຜ່ເນື້ອໃນທີ່ກ່ຽວຂ້ອງເຖິງຊາວ ຫວຽດນາມ ອາໄສຢູ່ຕ່າງປະເທດໃນກົດໝາຍວ່າດ້ວຍທີ່ດິນ, ກົດໝາຍວ່າດ້ວຍເຮືອນຢູ່ ... |
 | ສະຫະພັນຊາວໜຸ່ມແຂວງ: ງານບຸນວັດທະນະທຳ ແລະ ກິລາ “ຊາວໜຸ່ມຫວຽດນາມ - ລາວ ສືບຕໍ່ພາກພູມໃຈ” ປີ 2023 ຍສໝ - ປະຕິບັດການຕ້ອນຮັບກອງປະຊຸມໃຫຍ່ຄັ້ງທີ 3 ຂອງສະມາຄົມນັກສຶກສາຫວຽດນາມ ແຂວງ ບິ່ງດິ້ງ ໄລຍະ 2023 - 2028 ແລະ ເນື່ອງໃນໂອກາດສະເຫຼີມສະຫຼອງ 61 ປີແຫ່ງວັນສ້າງຕັ້ງການພົວພັນທາງການທູດ ຫວຽດນາມ - ລາວ (5/9/1962 - 5/9/2023), ວັນທີ 24/9/2023, ຢູ່ນະຄອນ Van. ... |
ມິງດຶກ
