| ປະຊາຄົມຊາວຫວຽດນາມ ອາໄສຢູ່ອີສານ ໄທ ຕ້ອນຮັບລະດູບານໃໝ່ແຫ່ງບ້ານເກີດເມືອງນອນ | |
| ນະຄອນໂຮ້ຍອານຈັດຕັ້ງບັນດາການເຄື່ອນໄຫວວັດທະນະທຳທີ່ພົ້ນເດັ່ນຕ້ອນຮັບປີໃໝ່ 2023 |
 |
| ພາບປະກອບ: VGP |
ກວາງນາມ ຕ້ອນຮັບນາມມະຍົດມໍລະດົກວັດທະນະທຳນາມມະທຳແຫ່ງຊາດ ໃຫ້ສຳລັບວັນບຸນໂຄມໄຟ ໂຮ້ຍອາຍ
ວັນທີ 5 ກຸມພາ, ນະຄອນໂຮ້ຍອານ, ແຂວງ ກ໋ວາງນາມ ໄດ້ຈັດຕັ້ງພິທີຕ້ອນຮັບນາມມະຍົດມໍລະດົກວັດທະນະທຳນາມມະທຳແຫ່ງຊາດໃຫ້ສຳລັບງານບຸນໂຄມໄຟ ໂຮ້ຍອານ.
ທ່ານ ຮອງລັດຖະມົນຕີກະຊວງວັດທະນະທຳ ກິລາ ແລະ ທ່ອງທ່ຽວ ຫວຽດນາມ ຮ່ວາງດ້າວເກືອງ ເຂົ້າຮ່ວມ ແລະ ມອບໃບຢັ້ງຢືນມໍລະດົກວັດນະທະທຳນາມມະທຳແຫ່ງຊາດໃຫ້ສຳລັບວັນບຸນໂຄມໄຟ ໂຮ້ຍອານ.
ທ່ານປະທານຄະນະກຳມະການປະຊາຊົນນະຄອນ ໂຮ້ຍອານ ຫງວຽນວັນເຊີນ ໄດ້ແບ່ງປັນບັນດາມຸນຄ່າທີ່ເປັນເອກະລັກສະເພາະຂອງວັນບຸນໂຄມໄຟຢູ່ ໂຮ້ຍອານ ແມ່ນໝາກຜົນຂອງວິວັດການປະສົມປະສານລະຫວ່າງບັນດາພື້ນຖານວັດທະນະທຳ ຫວຽດນາມ, ຍີ່ປຸ່ນ ແລະ ຈີນ ຢູ່ທ່າກຳປັ່ນສາກົນ ໂຮ້ຍອານ ເຊິ່ງປະຊາຊົນຫຼາຍລຸ້ນຄົນຢູ່ແຫ່ງນີ້ໄດ້ຮັກສາ ແລະ ປັດຈຸບັນໄດ້ກາຍເປັນມໍລະດົກວັດນະທະນະທຳນາມມະທຳແຫ່ງຊາດ.
ແຕ່ດົນນາມມາແລ້ວ, ວັນບຸນໂຄມໄຟຢູ່ໂຮ້ຍອານ ບໍ່ມີແຕ່ປະຊາຄົມຊາວຫວຽດນາມເຂົ້າຮ່ວມຈັດງານເທົ່ານັ້ນ ຫາກຍັງມີປະຊາຄົມຊົນເຜົ່າຮວາ ເຂົ້າຮ່ວມຈັດດ້ວຍຫຼາຍພິທີກຳ, ການເຫຼື້ອມໄສເຊື່ອຖືສາສະໜາ, ການດຳລົງຊີວິດລະຫຼິ້ນບັນເທີງຂອງທົ່ວປະຊາຄົມອີກດ້ວຍ ມັນສ້າງເປັນວັນບຸນມູນເຊື້ອ, ຮີດຄອງປະເພນີສັງຄົມທີ່ເປັນເອກະລັກສະເພາະຂອງປະຊາຊົນໂຮ້ຍອານ.
ຕາມປະທານຄະນະກຳມະການປະຊາຊົນນະຄອນ ໂຮ້ຍອານ ແລ້ວ, ແຕ່ລະປະຊາຄົມຊາວທ້ອງຖິ່ນມີຮີດຄອບປະເພນີບູຊາວັນບຸນໂຄມໄຟຕາມວິທີການສະເພາະ ແຕ່ມີຈຸດລວມແມ່ນເນື່ອງໃນໂອກາດວັນເພງເດືອນຈຽງຂອງປີ, ປະຊາຊົນສະແດງຄວາມເຄົາລົບນັບຖືຕໍ່ພະພຸດທະເຈົ້າ, ເທວະດາຟ້າແຖນ ແລະ ບັນພະບູລຸດ. ປະຊາຊົນພາວະນາຂໍຄວາມຢູ່ເຢັນເປັນສຸກ, ພ້ອມທັງຈັດຕັ້ງວັນບຸນຕ້ອນຮັບລະດູບານໃໝ່ເພື່ອກ້າວເຂົ້າສູ່ປີໃໝ່ດ້ວຍຄວາມຫວັງທີ່ດີງາມ. ນີ້ທັງແມ່ນກາລະໂອກາດ, ວັນບູຊາຂໍຄວາມປອດໄພ, ຂໍໂຊກຂໍລາບຍາມຕົ້ນປີໃໝ່ຢູ່ຫຼາຍສະຖານທີ່ເຊື່ອຖືສາສະໜາໃນບໍລິເວນນະຄອນ ແລະ ບັນດາສະມາຄົມຢູ່ເຂດເມືອງເກົ່າ ໂຮ້ຍອານ. ນີ້ຈະແມ່ນຜະລິດຕະພັນການທ່ອງທ່ຽວທີ່ເປັນເອກະລັກສະເພາະໃນອະນາຄົດ.
ກ່າວຄຳເຫັນທີ່ພິທີຕ້ອນຮັບນາມມະຍົດມໍລະດົກວັດນະທະນຳນາມມະທຳແຫ່ງຊາດ ວັນບຸນໂຄມໄຟ ໂຮ້ຍອານ, ທ່ານຮອງປະທານຄະນະກຳມະການປະຊາຊົນແຂວງ ກ໋ວາງນາມ ໂຮ່ກວາງບຶວ ເນັ້ນໜັກວ່າ ວັນບຸນໂຄມໄຟ ໂຮ້ຍອານ ເປັນກຽດໄດ້ຮັບນາມມະຍົດມໍລະດົກວັດທະນະທຳນາມມະທຳແຫ່ງຊາດ ແມ່ນການເຄົາລົບ ແລະ ຮັບຮູ້ຂອງລັດຕໍ່ກັບມໍລະດົກນີ້.
ວັນບຸນໂຄມໄຟຢູ່ໂຮ້ຍອານ ໄດ້ຮັບຮອງເປັນມໍລະດົກວັດທະນະທຳນາມມະທຳແຫ່ງຊາດ ທັງແມ່ນຄວາມພູມໃຈ, ຄວາມເອກອ້າງທະນົງໃຈຂອງອຳນາດການປົກຄອງ ແລະ ປະຊາຊົນນະຄອນໂຮ້ຍອານ, ພິເສດແມ່ນປະຊາຊົນທຸກຊັ້ນຄົນ - ເຈົ້າຂອງມໍລະດົກ ໄດ້ປະກອບສ່ວນສຳຄັນເຂົ້າໃນການຮັກສາຄວາມອຸດົມສົມບູນ, ຄວາມເປັນຫຼາຍຮູບແບບຂອງສາງມໍລະດົກວັດທະນະທຳນາມມະທຳ ຫວຽດນາມ.
ບຸນຄົງ
