 | ສະເໜີໃຫ້ພັດທະນາ “ໝູ່ບ້ານ ຫວຽດນາມ” ຢູ່ Bonghwa (ແຂວງ Kyungsang ເໜືອ, ສ.ເກົາຫຼີ) ກາຍເປັນໂຄງການຮ່ວມມືແລກປ່ຽນວັດທະນະທຳລະດັບຊາດ |
| ພະນັກງານ ແຂວງ ຫຼວງນ້ຳທາ (ລາວ) ຈຳນວນ 175 ຄົນ ໄດ້ຮັບໃບຢັ້ງຢືນພາສາ ຫວຽດນາມ |
ກ່າວຄຳປາໄສທີ່ພິທີ, ຫົວໜ້າຕຳຫຼວດແຂວງອຸດົມໄຊ, ທ່ານ ພົນຈັດຕະວາ ສີວອນ ໄຊຍະວົງ ຢືນຢັນວ່າ ການເສຍສະຫຼະຊີວິດເພື່ອຊາດຂອງບັນດານັກຮົບອາສາສະໝັກ ແລະ ນັກຊ່ຽວຊານການທະຫານ ຫວຽດນາມ ໄດ້ປະກອບສ່ວນຢ່າງໃຫຍ່ຫຼວງເຂົ້າໃນການຊ່ວຍເຫຼືອປະຊາຊົນບັນດາເຜົ່າ ລາວ ໃຫ້ໄດ້ຮັບຄວາມເສລີພາບ, ປະເທດລາວ ໄດ້ຮັບການປົດປ່ອຍ ແລະ ສາທາລະນະລັດ ປະຊາທິປະໄຕ ປະຊາຊົນລາວ ໄດ້ຮັບການສ້າງຕັ້ງຂຶ້ນ...
 |
| ຄະນະຜູ້ແທນຫວຽດນາມ ແລະ ລາວ ໄປສົ່ງອັດຖິບັນດານັກຮົບວິລະຊົນທີ່ເສຍສະຫຼະຊີວິດເພື່ອຊາດ ກັບຄືນເມືອບ້ານເກີດເມືອງນອນ (ພາບ: VOV). |
ທ່ານ ພົນຈັດຕະວາ ສີວອນ ເຊື່ອໝັ້ນວ່າ ໃນໄລຍະຈະມາເຖິງ, 2 ຝ່າຍຈະສືບຕໍ່ມານະພະຍາຍາມຢ່າງບໍ່ຢຸດຢັ້ງ ເພື່ອປັບປຸງ, ເພີ່ມພູນຄູນສ້າງ, ເຮັດໃຫ້ສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະ ການຮ່ວມມືຮອບດ້ານລະຫວ່າງສອງພັກ, ລັດ ນັບມື້ນັບແໜ້ນແຟ້ນ.
ຫົວໜ້າຄະນະຊີ້ນຳ 515 ທະຫານເຂດ 2 - ທ່ານ ພົນຈັດຕະວາ ຫງວຽນຮົ່ງທ໋າຍ ໃຫ້ຮູ້ວ່າ ການປະຕິບັດແຜນນະໂຍບາຍຂອງພັກ ແລະ ລັດ ຫວຽດນາມ, ໃນເດືອນ ມີຖຸນາ 1994, ໜ່ວຍຊອກຫາ, ທ້ອນໂຮມອັດຖິນັກຮົບເສຍສະຫຼະຊີວິດທະຫານເຂດ 2 ໄດ້ຮັບການສ້າງຕັ້ງຂຶ້ນເພື່ອເຮັດໜ້າທີ່ຊອກຫາ, ຝັງອັດຖິນັກຮົບເສຍສະຫຼະຊີວິດເພື່ອຊາດຢູ່ 6 ແຂວງພາກເໜືອຂອງລາວຄື: ອຸດົມໄຊ, ໄຊຍະບູລີ, ຫຼວງນ້ຳທາ, ຫຼວງພະບາງ, ບໍ່ແກ້ວ ແລະ ຜົ້ງສາລີ. ມາຮອດປະຈຸບັນ, ໜ່ວຍທ້ອນໂຮມໄດ້ອັດຖິນັກຮົບເສຍສະຫຼະຊີວິດເພື່ອຊາດ 1.836 ອັດຖິນຳກັບຄືນບ້ານເກີດ ແລະ ມອບໃຫ້ 25 ແຂວງ, ນະຄອນໃນທົ່ວປະເທດ ຫວຽດນາມ, ໃນນັ້ນມີອັດຖິນັກຮົບເສຍສະຫຼະຊີວິດເພື່ອຊາດ 387 ອັດຖິທີ່ສາມາດລະບຸຊື່ແລະນາມສະກຸນ.
ສະເພາະແຕ່ສອງໄລຍະລະດູແລ້ງ 2023 – 2024, ໜ່ວຍປະຕິບັດງານພິເສດທະຫານເຂດ 2 ໄດ້ຄົ້ນຫາ ແລະ ຝັງອັດຖິໄດ້ 12 ອັດຖິ ຢູ່ເມືອງງອຍ, ແຂວງຫຼວງພະບາງ.
ທ່ານ ພົນຈັດຕະວາ ຫງວຽນຮົ່ງທ໋າຍ ຢັ້ງຢືນວ່າ ດ້ວຍຫຼັກສິນທຳ ກິນເຂົ້າຄິດຮອດຄຸນນາ ກິນປາຄິດຮອດຄຸນນ້ຳ, ທົດແທນບຸນຄຸນຂອງປະຊາຊົນ ຫວຽດນາມ, ດ້ວຍການຊ່ວຍເຫຼືອອັນໃຫຍ່ຫຼວງຂອງລັດຖະບານ ແລະ ປະຊາຊົນລາວ, ວຽກງານຊອກຫາອັດຖິນັກຮົບເສຍສະຫຼະຊີວິດເພື່ອຊາດ ໄດ້ຮັບການປະຕິບັດຢ່າງມີປະສິດທິຜົນໃນໄລຍະມໍ່ໆມານີ້.
ທີ່ພິທີ, ບັນດາຄະນະຜູ້ແທນໄດ້ໄປຖະຫວາຍທູບທຽນ, ດອກໄມ້ເພື່ອລະນຶກເຖິງຄຸນງາມຄວາມດີຂອງນັກຮົບອາສາສະໝັກ ແລະ ນັກຊ່ຽວຊານ ຫວຽດນາມ 12 ຄົນທີ່ເສຍສະຫຼະຊີວິດເມື່ອເຮັດໜ້າທີ່ສາກົນຢູ່ ລາວ. ພາຍຫຼັງພິທີໄວ້ອາໄລ, ພະນັກງານ, ນັກຮົບ, ນັກຮຽນ ແລະ ປະຊາຊົນແຂວງອຸດົມໄຊ ເປັນຈໍານວນຫຼວງຫຼາຍກໍ່ໄດ້ເຕົ້າໂຮມກັນຢູ່ສອງຟາກທາງເພື່ອໄປສົ່ງອັດຖິນັກຮົບອາສາສະໝັກ ແລະ ນັກຊ່ຽວຊານ ຫວຽດນາມ 12 ຄົນທີ່ເສຍສະຫຼະຊີວິດຢູ່ລາວ ກັບຄືນສູ່ບ້ານເກີດເມືອງນອນ.
ຕາມແຜນການແລ້ວ, ພິທີໄວ້ອາໄລ ແລະ ເຮັດພິທີທາງສາສະໜາໃຫ້ນັກຮົບເສຍສະຫຼະຊີວິດເພື່ອຊາດ 12 ຄົນ ໄດ້ດຳເນີນໃນວັນທີ 19 ມິຖຸນານີ້ ຢູ່ສຸສານນັກຮົບເສຍສະຫຼະຊີວິດເພື່ອຊາດ ຕົງຄາວ (ແຂວງ ດ້ຽນບຽນ).
 | ອົດສະຕາລີ ໜູນຊ່ວຍແມ່ຍິງ 30.000 ຄົນຢູ່ແຂວງ ລາວກາຍ, ເຊີນລາ ເພື່ອຍົກສູງປະສິດທິຜົນດ້ານເສດຖະກິດ ຍສໝ - ວັນທີ 9 ພຶດສະພາ 2024, ແຂວງ ລາວກາຍ, ແຂວງ ເຊີນລາ ພ້ອມກັນກັບສະຖານທູດ ອົດສະຕາລີ ປະຈຳ ຫວຽດນາມ ໄດ້ເລີ່ມປະຕິບັດໄລຍະທີ 2 ຂອງໂຄງການຊຸກຍູ້ຄວາມສະເໝີພາບລະຫວ່າງຍິງ - ຊາຍ ໂດຍຜ່ານການຍົກສູງປະສິດທິຜົນດ້ານເສດຖະກິດໃນກະສິກຳ ແລະ ການທ່ອງທ່ຽວ (GREAT). |
 | ເຊື່ອມຕໍ່ຊາວຕ່າງປະເທດທີ່ດຳລົງຊີວິດ ແລະ ເຮັດວຽກຢູ່ແຂວງ ດົ່ງນາຍ ຍສໝ - ຢູ່ແຂວງ ດົ່ງນາຍ, ປະຈຸບັນ ມີຊາວຕ່າງປະເທດປະມານ 32.000 ຄົນ ທີ່ພວມດຳລົງຊີວິດ ແລະ ເຮັດວຽກຢູ່ບັນດາປະເທດ, ເຂດແຄວ້ນໃນທົ່ວໂລກ ແລະ ເກືອບ 18.000 ຄອບຄົວຍາດພີ່ນ້ອງຊາວຫວຽດນາມ ອາໄສຢູ່ຕ່າງປະເທດ ທີ່ພວມດຳລົງຊີວິດຢູ່ທ້ອງຖິ່ນ. ພ້ອມກັນນັ້ນ, ແຂວງກໍ່ແມ່ນບ່ອນທີ່ເຕົ້າໂຮມນັກສຶກສາຕ່າງປະເທດເປັນຈຳນວນຫຼວງຫຼາຍ ພ້ອມກັບຄົນງານຕ່າງປະເທດທີ່ເຮັດວຽກໃນອາຊີບຕ່າງໆ. |
ມິງດຶກ
