 | ບໍາລຸງຄວາມຮູ້, ວິຊາສະເພາະ ແລະ ທັກສະວິຊາຊີບໃຫ້ແກ່ຖັນແຖວຜູ້ເຮັດວຽກການທູດປະຊາຊົນ ນະຄອນຫຼວງ |
| ຊຸກຍູ້ການແລກປ່ຽນວັດທະນະທຳ ຈີນ-ຫວຽດນາມ ໂດຍຜ່ານການຮ່ວມມື, ການພົບປະແລກປ່ຽນການທ່ອງທ່ຽວ |
ຕອນບ່າຍວັນທີ 5 ມິຖຸນາ, ທ່ານຮອງເລຂາຄະນະພັກນະຄອນ, ປະທານຄະນະກຳມະການປະຊາຊົນນະຄອນ ດານັງ ເລຈຸ່ງຈິງ ໄດ້ຕ້ອນຮັບ, ເຮັດວຽກກັບຄະນະປະຕິບັດງານຂອງສານປະຊາຊົນພາກກາງລາວ, ໂດຍທ່ານປະທານສານປະຊາຊົນພາກກາງ ພົມສຸວັນ ພິລາຈັນ ເປັນຫົວໜ້າຄະນະ.
ທີ່ການພົບປະເຮັກວຽກ, ທ່ານປະທານຄະນະກຳມະການປະຊາຊົນນະຄອນ ດານັງ ເລຈຸ່ງຈິງ ເນັ້ນໜັກວ່າ ພັກ, ລັດ ແລະ ປະຊາຊົນ ຫວຽດນາມ ເວົ້າລວມ, ອົງຄະນະພັກ ແລະ ປະຊາຊົນນະຄອນ ເວົ້າສະເພາະ ຍາມໃດກໍ່ຖືເປັນສຳຄັນ ແລະ ເພີ່ມພູນຄູນສ້າງນ້ຳໃຈການພົວພັນມິດຕະພາບທີ່ເປັນມູນເຊື້ອແບບພິເສດລະຫວ່າງສອງປະເທດ ກໍ່ຄືການພົວພັນມິດຕະພາບ, ການຮ່ວມມືຢ່າງມີປະສິດທິຜົນລະຫວ່າງ ດານັງ ກັບບັນດາແຂວງພາກໃຕ້, ພາກກາງຂອງລາວ.
 |
| ທ່ານຮອງເລຂາຄະນະພັກນະຄອນ, ປະທານຄະນະກຳມະການປະຊາຊົນນະຄອນ ດານັງ ເລຈຸ່ງຈິງ (ຂວາ) ໃນການພົບປະກັບທ່ານ ພົົມສຸວັນ ພິລາຈັນ, ປະທານສານປະຊາຊົນພາກກາງ ລາວ. (ພາບ: Quoc Dung/TTXVN) |
ທ່ານ ເລຈຸ່ງຈິງ ໃຫ້ຮູ້ວ່າ ການພົບປະແລກປ່ຽນ, ການຮ່ວມມື, ແບ່ງປັນປະສົບການກ່ຽວກັບວຽກງານວິຊາສະເພາະລະຫວ່າງສານປະຊາຊົນຂັ້ນສູງຢູ່ ດານັງ ແລະ ສານປະຊາຊົນພາກກາງ ລາວ ຈະປະກອບສ່ວນເພີ່ມທະວີການຮ່ວມມືຮອບດ້ານລະຫວ່າງພັກ, ລັດ ແລະ ປະຊາຊົນ ຫວຽດນາມ - ລາວ.
ຕາມທ່ານ ພົົມສຸວັນ ພິລາຈັນ, ປະທານສານປະຊາຊົນພາກກາງ ລາວ ແລ້ວ, ເປົ້າໝາຍຂອງການໄປປະຕິບັດງານຄັ້ງນີ້ ແມ່ນພົບປະແລກປ່ຽນວິຊາສະເພາະ, ຮຽນຮູ້ປະສົບການຕົວຈິງລະຫວ່າງສານປະຊາຊົນຂັ້ນສູງ ດານັງ ແລະ ສານປະຊາຊົນພາກກາງຂອງລາວ; ພ້ອມກັນນັ້ນ ກໍ່ໄດ້ຕີລາຄາສູງບັນດາໝາກຜົນຂອງວຽກງານສານປະຊາຊົນຂັ້ນສູງຢູ່ ດານັງ ທີ່ບັນລຸໄດ້ໃນໄລຍະມໍ່ໆມານີ້, ພິເສດ ແມ່ນວຽກງານພິພາກສາອອນໄລທີ່ໄດ້ຮັບການຜັນຂະຫຍາຍຢ່າງມີມີແບບມີແຜນ, ມີປະສິດທິຜົນ.
ຄະນະປະຕິບັດງານ ໄດ້ເຫັນວ່າ ດານັງ ແມ່ນທ້ອງຖິ່ນຕົວແບບ, ເປັນຕົວເມືອງທີ່ໜ້າຢູ່, , ປະຕິບັດຢ່າງມີປະສິດຜົນບັນດາເປົ້າໝາຍທີ່ໄດ້ຮັບການມອບໝາຍຈາກສູນກາງ; ຫວັງວ່າໃນໄລຍະຈະມາເຖິງ, ນະຄອນ ຈະພ້ອມກັນກັບ 5 ແຂວງພາກກາງ, ພາກໃຕ້ຂອງລາວ ຈະສືບຕໍ່ຍູ້ແຮງການຮ່ວມມື, ພັດທະນາ, ເກັບກ່ຽວຫຼາຍຜົນສຳເລັດຕື່ມອີກ.
ກ່ອນໜ້ານັ້ນ, ຕອນເຊົ້າວັນດຽວກັນ, ຄະນະຜູ້ແທນສານປະຊາຊົນພາກກາງລາວ ກໍ່ໄດ້ມີການໂອ້ລົມແລກປ່ຽນປະສົບການຢູ່ສານປະຊາຊົນຂັ້ນສູງ ດານັງ. ສອງຝ່າຍ ໄດ້ລົງນາມໃນບົດບັນທຶກຊ່ວຍຈຳ, ເຫັນດີເປັນເອກະພາບສືບຕໍ່ເສີມຂະຫຍາຍສາຍພົວພັນການຮ່ວມມື, ແລກປ່ຽນປະສົບການ, ຍົກສູງຄຸນນະພາບການພິພາກສາ.
ປະຈຸບັນ, ນະຄອນ ດານັງ ໄດ້ລົງນາມໃນຂໍ້ຕົກລົງ ແລະ ບົດບັນທຶກຊ່ວຍຈຳ 37 ສະບັບກັບ 7 ທ້ອງຖິ່ນຂອງລາວ. ການພົວພັນຮ່ວມມືລະຫວ່າງນະຄອນ ດານັງ ກັບ 5 ແຂວງພາກໃຕ້, ພາກກາງຂອງລາວ ໄດ້ຮັບການຜັນຂະຫຍາຍຢ່າງມີປະສິດທິຜົນ.
ຫຼາຍລາຍການ, ໂຄງການຮ່ວມມື ໄດ້ຮັບການຜັນຂະຫຍາຍໃນບັນດາຂົງເຂດຄື: ການກໍ່ສ້າງ ແລະ ຍົກລະດັບບັນດາໂຮງຮຽນ, ກິດຈະການສາທາລະນະ, ບັນດາສູນສອນພາສາຫວຽດນາມ; ສະໜອງທຶນການສຶກສາໃຫ້ແກ່ນັກສຶກສາທີ່ຮຽນຢູ່ ດານັງ; ສົ່ງຄູອາຈານໄປສອນຢູ່ບັນດາສູນພາສາ ຫວຽດນາມ; ຮັບພະນັກງານພະແນກ, ຂະແໜງການຝຶກອົບຮົມ ແລະ ຮ່ຳຮຽນປະສົບການຢູ່ນະຄອນ ດານັງ; ໜູນຊ່ວຍກ່ຽວກັບການປູກຝັງ, ລ້ຽງສັດ; ໜູນຊ່ວຍການຄົ້ນຄວ້າວາງແຜນພັດທະນາເສດຖະກິດ-ສັງຄົມທ້ອງຖິ່ນ...
ແຕ່ປີ 2018 ຮອດປະຈຸບັນ, ຍອດຈຳນວນທຶນປະຕິບັດໂຄງການຮ່ວມມືແມ່ນປະມານ 200 ຕື້ດົ່ງ.
ນອກຈາກນັ້ນ, ໃນແຕ່ລະປີ, ນະຄອນ ດານັງ ກໍ່ໃຫ້ຄຳໝັ້ນສັນຍາໃນການຮັບສະໝັກ ແລະ ອຸປະຖຳທຶນການສຶກສາ, ຄ່າໃຊ້ຈ່າຍດໍາລົງຊີວິດໃຫ້ແກ່ນັກສຶກສາລາວ ປະມານ 100-120 ຄົນ ທີ່ຮຽນບັນດຂະແໜງການ, ໂຄງການຝຶກອົບຮົມຢູ່ມະຫາວິທະຍາໄລ ດານັງ, ໂດຍຜ່ານນັ້ນ ກໍ່ໄດ້ໜູນຊ່ວຍບຳລຸງສ້າງແຫຼ່ງຊັບພະຍາກອນມະນຸດທີ່ມີຄຸນນະພາບສູງເໝາະສົມກັບຄວາມຕ້ອງການພັດທະນາຂອງລາວ.
ປະຈຸບັນ, ມີນັກສຶກສາຕ່າງປະເທດ 279 ຄົນນອນໃນເປົ້າໝາຍຮັບທຶນສຶກສາຂອງຄະນະກຳມະການປະຊາຊົນນະຄອນ ທີ່ພວມສຶກສາຢູ່ມະຫາວິທະຍາໄລ ດານັງ.
 | ການພົບປະແລກປ່ຽນວັດທະນະທຳເຊື່ອມຕໍ່ການຄ້າລະຫວ່າງ ຫວຽດນາມ - ລາວ ຍສໝ - ຕອນເຊົ້າວັນທີ 17 ເມສາ, ທີ່ສູນວັດທະນະທຳ ຫວຽດນາມ ຢູ່ນະຄອນຫຼວງວຽງຈັນ ໄດ້ດຳເນີນວັນບຸນວັດທະນະທຳ-ເຊື່ອມຕໍ່ການຄ້າ ໂດຍສະມາຄົມຕິດຕໍ່ພົວພັນກັບຄົນ ຫວຽດນາມ ທີ່ອາໄສຢູ່ຕ່າງປະເທດ ສົມທົບກັບສະມາຄົມວິສາຫະກິດ ຫວຽດນາມ ຢູ່ນະຄອນຫຼວງວຽງຈັນ ແລະ ສູນວັດທະນະທຳ ຫວຽດນາມ ປະຈຳ ລາວ ຈັດຕັ້ງ. |
 | ການພົບປະແລກປ່ຽນວັດທະນະທຳຕິດພັນປະຊາຄົມ ແລະ ປັບປຸງການພົວພັນມິດຕະພາບ ຫວຽດນາມ - ຍີ່ປຸ່ນ ຍສໝ - ລາຍການດົນຕີບ້ານເກີດເມືອງນອນ 2024 ແມ່ນເຫດການທີ່ມີຄວາມໝາຍອັນໃຫຍ່ຫຼວງສຳລັບປະຊາຄົມຊາວ ຫວຽດນາມ ຢູ່ເຂດ Kansai ເພາະວ່າສະຖານທີ່ແຫ່ງນີ້ ບໍ່ຄ່ອຍໄດ້ດຳເນີນບັນດາເຫດການວັດທະນະທຳໃຫຍ່ສຳລັບປະຊາຄົມຊາວ ຫວຽດນາມ ຫຼາຍປານໃດ. |
ມິງດຶກ
