ເກີນເທີ: ອະນຸມັດກອງທຶນການຊ່ວຍເຫຼືອທີ່ບໍ່ເປັນໂຄງການ “ຫົວໃຈໃຫ້ເດັກ” ໂດຍການໜູນຊ່ວຍຈາກອົງການ MHF

10:45 | 31/05/2024

ຍສໝ - ຄະນະກຳມະການປະຊາຊົນນະຄອນ ເກີນເທີ ຫາກໍ່ຕົກລົງອະນຸມັດບ້ວງກອງທຶນການຊ່ວຍເຫຼືອທີ່ບໍ່ເປັນໂຄງການ “ຫົວໃຈໃຫ້ເດັກ” ໂດຍການໜູນຊ່ວຍຈາກອົງການ Milal Heart Foundation (MHF).

	ນະຄອນ ເກີນເທີ ໄດ້ພົບປະເພື່ອສະເຫຼີມສະຫຼອງ 65 ປີແຫ່ງວັນຊາດສາທາລະນະລັດ ກູບາ, ໄຊຊະນະການປະຕິວັດ ກູບາ.
	ກົງສຸນໃຫຍ່ ການາດາ ປະຈຳນະຄອນ ໂຮ່ຈີມິນ ເຂົ້າຮ່ວມປູກຕົ້ນໄມ້ມິດຕະພາບຢູ່ ເກີນເທີ

ການຊ່ວຍເຫຼືອທີ່ບໍ່ແມ່ນໂຄງການ ມີເປົ້າຫມາຍເພື່ອການຜ່າຕັດສໍາລັບເດັກນ້ອຍ ແລະ ຫນູນຊ່ວຍການປັບປຸງຊີວິດຂອງເດັກນ້ອຍຫຼັງຈາກການຜ່າຕັດຫົວໃຈ. ລະອຽດ, ໂຄງການຈະໜູນຊ່ວຍການຜ່າຕັດຫົວໃຈໃຫ້ແກ່ເດັກນ້ອຍທີ່ທຸກຍາກ; ໜູນຊ່ວຍເງິນສ້າງເຮືອນແຫ່ງຄວາມຮັກແພງໃຫ້ເດັກນ້ອຍຫຼັງຜ່າຕັດຫົວໃຈ; ມອບທຶນການສຶກສາໃຫ້ເດັກນ້ອຍຫຼັງການຜ່າຕັດຫົວໃຈ; ພົບປະເດັກນ້ອຍຫຼັງຈາກການຜ່າຕັດຫົວໃຈ.

ໂດຍໄດ້ຮູ້ວ່າ, ຍອດຈຳນວນທຶນຊ່ວຍເຫຼືອແມ່ນ 433.500 USD, ເທົ່າກັບ 12.327.219.000 ດົ່ງ, ປະຕິບັດໂດຍສະມາຄົມອຸປະຖຳຄົນເຈັບທີ່ທຸກຍາກນະຄອນ ເກີນເທີ. ເວລາຈັດຕັ້ງປະຕິບັດແມ່ນແຕ່ເດືອນ ພຶດສະພາ ປີ 2024 ຫາເດືອນ ທັນວາ ປີ 2026.

ເກີນເທີ: ອະນຸມັດກອງທຶນການຊ່ວຍເຫຼືອທີ່ບໍ່ເປັນໂຄງການ “ຫົວໃຈໃຫ້ເດັກ” ໂດຍການໜູນຊ່ວຍຈາກອົງການ MHF

ກວດພະຍາດໃຫ້ເດັກນ້ອຍຢູ່ໂຮງໝໍ ຮວ່ານໝີ ກຶວລອງ, ນະຄອນ ເກີນເທີ.

ຄຽງຂ້າງນັ້ນ, ຄະນະກຳມະການປະຊາຊົນນະຄອນ ເກີນເທີ ຍັງໄດ້ຕົກລົງຮັບຮອງເອົາການໜູນຊ່ວຍ “ໂຄງການມະນຸດສະທຳສຳລັບເດັກນ້ອຍ ແລະ ຜູ້ເຖົ້າຜູ້ແກ່ທີ່ປະສົບກັບຄວາມຫຍຸ້ງຍາກຢູ່ນະຄອນ ເກີນເທີ” ໂດຍການໜູນຊ່ວຍຈາກອົງການ Social Assistance Program for Vietnam (SAP-VN).

ກອງທຶນຂອງການຊ່ວຍເຫຼືອດັ່ງກ່າວແມ່ນ ເພື່ອແນໃສ່ຍົກສູງສຸຂະພາບຂອງເດັກນ້ອຍທີ່ເຈັບປ່ວຍຢູ່ໃນສະພາບການທີ່ຫຍຸ້ງຍາກ ໃຫ້ໄດ້ຮັບການປິ່ນປົວໂດຍບໍ່ເສຍຄ່າ ແລະ ຜູ້ອາຍຸສູງທີ່ເປັນຕາຕໍ້ໃຫ້ມີສາຍຕາທີ່ແຈ້ງຂຶ້ນ, ປະກອບສ່ວນປັບປຸງຊີວິດການເປັນຢູ່ຂອງຄົນທຸກຍາກໃຫ້ດີຂຶ້ນ. ໂດຍລະອຽດ, ໂຄງການດ້ານມະນຸດສະທຳຈະໃຫ້ການໜູນຊ່ວຍການປິ່ນປົວເດັກພິການລະບົບການເຄື່ອນໄຫວ 50 ຄົນ; ມອບລົດຖີບໃຫ້ເດັກທຸກຍາກ 50 ຄັນ; ມອບທຶນການສຶກສາໃຫ້ນັກຮຽນທີ່ທຸກຍາກ 10 ຄົນ; ໜູນຊ່ວຍການຜ່າຕັດຫົວໃຈໃຫ້ເດັກນ້ອຍຜູ້ທຸກຍາກ 5 ຄົນ; ໜູນຊ່ວຍການຜ່າຕັດຕາໃຫ້ຜູ້ເຖົ້າ 50 ຄົນ ທີ່ປະສົບກັບຄວາມຫຍຸ້ງຍາກ.

ໂດຍໄດ້ຮູ້ວ່າ, ຍອດຈຳນວນທຶນຊ່ວຍເຫຼືອແມ່ນ 36.443.73 USD, ເທົ່າກັບປະມານ 910.000.000 ດົ່ງ, ປະຕິບັດໂດຍສະມາຄົມອຸປະຖຳຄົນເຈັບທີ່ທຸກຍາກນະຄອນ ເກີນເທີ. ເວລາຈັດຕັ້ງປະຕິບັດແມ່ນໃນປີ 2024.

ຄະນະກຳມະການປະຊາຊົນນະຄອນ ເກີນເທີ ໄດ້ມອບໝາຍໃຫ້ສະມາຄົມອຸປະຖໍາຄົນເຈັບທີ່ທຸກຍາກນະຄອນ (ເຈົ້າຂອງບ້ວງກອງທຶນການຊ່ວຍເຫຼືອ) ຮັບຜິດຊອບຮອບດ້ານກ່ຽວກັບເນື້ອໃນທີ່ສະເໜີ ແລະ ປະຕິບັດຕາມກົດໝາຍວ່າດ້ວຍສຳເນົາເອກະສານການຊ່ວຍເຫຼືອ; ຜັນຂະຫຍາຍ ແລະ ປະຕິບັດການຊ່ວຍເຫຼືອຕາມກຳນົດເວລາ ແລະ ມີປະສິດທິຜົນ; ປະສານສົມທົບກັບສອງອົງການດັ່ງກ່າວ ແລະ ບັນດາອົງການ, ໜ່ວຍງານທີ່ກ່ຽວຂ້ອງ ເພື່ອຜັນຂະຫຍາຍການຊ່ວຍເຫຼືອຕາມດຳລັດສະບັບເລກທີ 80/2020/ND-CP ລົງວັນທີ 8 ກໍລະກົດ 2020 ຂອງລັດຖະບານ.

ແຂວງ ເກີນເທີ ພົບປະແລກປ່ຽນມິດຕະພາບຢູ່ລາວ, ຊຸກຍູ້ການຮ່ວມມືໃນຫຼາຍຂົງເຂດ

ຍສໝ - ສະມາຄົມມິດຕະພາບ ຫວຽດນາມ - ລາວ ນະຄອນເກີນເທີ ແລະ ສະຫະພັນບັນດາອົງການຈັດຕັ້ງມິດຕະພາບນະຄອນເກີນເທີ ຫາກໍ່ຈັດຕັ້ງຄະນະເຂົ້າຮ່ວມການເຄື່ອນໄຫວພົບປະແລກປ່ຽນມິດຕະພາບຢູ່ ສາທາລະນະລັດ ປະຊາທິປະໄຕ ປະຊາຊົນລາວ.