ແຂວງ ເກີນເທີ ພົບປະແລກປ່ຽນມິດຕະພາບຢູ່ລາວ, ຊຸກຍູ້ການຮ່ວມມືໃນຫຼາຍຂົງເຂດ
	ງານຕະຫຼາດນັດການທ່ອງທ່ຽວ ແລະບໍລິການຈັດຈອງສາກົນຢູ່ ການາດາ ແລະ “ຈຸດພົ້ນເດັ່ນ” ຫວຽດນາມ

ນີ້ແມ່ນການເຄື່ອນໄຫວທີ່ມີຄວາມໝາຍເພື່ອສະເຫຼີມສະຫຼອງ 50 ປີແຫ່ງວັນສ້າງຕັ້ງການພົວພັນທາງການທູດ ຫວຽດນາມ ແລະ ການາດາ.

ທີ່ພິທີ, ທ່ານ ຫງວຽນທຶກຮ້ຽນ, ຮອງປະທານຄະນະກຳມະການປະຊາຊົນນະຄອນ ເກີນເທີ ໄດ້ຂອບໃຈທ່ານນາງ Annie Dubé ທີ່ໄດ້ເຂົ້າຮ່ວມບັນດາການເຄື່ອນໄຫວທີ່ມີຄວາມໝາຍນີ້ ເພື່ອເຜີຍແຜ່ຂ່າວສານການຮ່ວມມືແນໃສ່ເຮັດໃຫ້ທັດສະນີຍະພາບສິ່ງແວດລ້ອມມີຄວາມສວຍງາມ, ປະກອບສ່ວນເຮັດໃຫ້ອາກາດສົດໃສ. ທ່ານ​ກໍ່​ສະເໜີ​ໃຫ້​ຄະນະ​ກຳມະການ​ປະຊາຊົນ​ເມືອງ​ນິງ​ກຽວ ​ຄຸ້ມຄອງຮັກສາ ​ແລະ ເບິ່ງແຍງດູແລ​ຕົ້ນ​ໄມ້​ຢ່າງ​ລະມັດລະວັງ​ເພື່ອ​ໃຫ້​ຕົ້ນ​ໄມ້​ເຕີບ​ໃຫຍ່​ເປັນ​ຢ່າງ​ດີ.

ທ່ານນາງ Annie Dubé, ກົງສຸນໃຫຍ່ການາດາ ປະຈຳນະຄອນ ໂຮ່ຈີມິນ, ພ້ອມກັນກັບການນຳນະຄອນ ເກີນເທີ ໄດ້ເຂົ້າຮ່ວມກິດຈະກຳປູກຕົ້ນໄມ້ມິດຕະພາບ ຢູ່ສວນສາທາລະນະ ຊົງເຮົ້າ (ເມືອງ ນິງກຽວ, ນະຄອນ ເກີນເທີ).

ກໍ່​ໃນ​ວັນ​ດຽວ​ກັນ, ການ​ນຳ​ຄະນະ​ກຳມະການ​ປະຊາຊົນ​ນະຄອນ ​ເກີນ​ເທີ ​ແລະ ຜູ້ຕາງໜ້າ​ບັນດາ​ພະ​ແນ​ກ, ຂະແໜງການ​ທີ່​ກ່ຽວຂ້ອງ​ໄດ້​ມີ​ການ​ພົບ​ປະ​ຢ່າງ​ສະໜິດສະໜົມ​ກັບ​ທ່ານ​ນາງ Annie Dubé, ກົງ​ສຸນ​ໃຫຍ່ ກາ​ນາ​ດາ ປະຈຳ​ນະຄອນ ​ໂຮ່ຈີ​ມິນ.

ກ່າວ​ຄຳ​ເຫັນ​ທີ່​ການ​ພົບ​ປະ, ທ່ານ ຫງວຽນທຶກຮ້ຽນ ​ໃຫ້​ຮູ້​ວ່າ: ​ໃນ​ໄລຍະ​ມໍ່ໆ​ມາ​ນີ້, ນະຄອນ​ເກີນ​ເທີ ​ໄດ້​ມີ​ການ​ພົວພັນ​ຮ່ວມ​ມື​ຢ່າງ​ແໜ້ນ​ແຟ້ນກັບ​ອົງການ​ຜູ້ຕາງໜ້າ​ການ​ທູດ​ກາ​ນາ​ດາ ປະຈຳ ຫວຽດນາມ. ນະຄອນ​ໄດ້​ໃຫ້ການ​ຕ້ອນຮັບ​ທ່ານ​ເອກ​ອັກຄະ​ລັດຖະທູດ ​ແລະ ກົງສຸນໃຫຍ່ ​ກາ​ນາ​ດາ ມາ​ຢ້ຽມຢາມ ​ແລະ ​ເຮັດ​ວຽກ​ກັບ​ນະຄອນ​ເກີນ​ເທີເປັນຫຼາຍຄັ້ງ. 2 ຝ່າຍໄດ້​ສົມທົບ​ກັນ​ຈັດ​ຕັ້ງ​ບັນດາ​ການ​ເຄື່ອນ​ໄຫວ​ສະ​ເຫຼີ​ມສະຫຼອງ 40, 45 ປີ ເເລະ ປີນີ້ເເມ່ນ 50 ປີ​ແຫ່ງ​ວັນ​ສ້າງ​ຕັ້ງ​ການ​ພົວພັນ​ທາງ​ການ​ທູດ ຫວຽດນາມ - ກາ​ນາ​ດາ ຢູ່​ນະຄອນ ​ເກີນ​ເທີ. ນອກຈາກ​ນັ້ນ, ​ໃນ​ໄລຍະ 2017 – 2020, ນະຄອນ​ ເກີນ​ເທີ ກໍ່​ໄດ້​ເຂົ້າ​ຮ່ວມ​ໂຄງການ “ຄູ່​ຮ່ວມ​ມື​ຕົວ​ເມືອງ​ໃໝ່​ກ່ຽວກັບການພັດທະນາ​ເສດຖະກິດ​ທ້ອງ​ຖິ່ນ” (PMI LED) ​ໃນ​ຂອບ​ເຂດ​ການ​ຮ່ວມ​ມື​ລະຫວ່າງ​ສະຫະພັນ​ຕົວເມືອງ ກາ​ນາ​ດາ ​ແລະ ສະຫະພັນ​ຕົວເມືອງ ຫວຽດນາມ.

ທ່ານ​ຮອງ​ປະທານ​ຄະນະ​ກຳມະການ​ປະຊາຊົນ​ນະຄອນ ປາດ​ຖະໜາ​ວ່າ: ​ໃນ​ວາລະ​ດຳລົງ​ຕຳ​ແໜ່​ງຢູ່ ຫວຽດນາມ, ນະຄອນ ເກີນເທີ ຈະ​ມີ​ບັນດາ​ການ​ເຄື່ອນ​ໄຫວ​ຮ່ວມ​ມື​ກັບ​​ກົງສຸນ​ໃຫຍ່​ກາ​ນາ​ດາ ປະຈຳ​ນະຄອນ ​ໂຮ່ຈີ​ມິນ ​ໃນ​ຫຼາຍ​ຂົງ​ເຂດ, ພິ​ເສດ​ແມ່ນ​ການ​ຄ້າ, ການ​ສຶກສາ, ຄວາມ​ສະ​ເໝີ​ພາບ​ລະຫວ່າງ​ຍິງ​ຊາຍ, ພັດທະນາ​ຊຸມ​ຊົນ. ...

ໂດຍຂອບ​ໃຈ​ການ​ນຳ​ຄະ​ນະ​ກຳ​ມະ​ການ​ປະ​ຊາ​ຊົນ​ນະ​ຄອນ ທີ່​ໄດ້​ໃຫ້​ການ​ຕ້ອນ​ຮັບ​ຢ່າງ​ສົມ​ກຽດ, ທ່ານ​ນາງ Annie Dubé ສະ​ແດງ​ຄວາມດີໃຈ​ທີ່​ການ​ພົວ​ພັນ​ລະ​ຫວ່າງ ກາ​ນາ​ດາ ແລະ ຫວຽດນາມ ນັບ​ມື້​ນັບ​ພັດ​ທະ​ນາ​ເປັນ​ຢ່າງ​ດີ. ຫວຽດນາມ ກໍ່ແມ່ນຄູ່ຮ່ວມມືການຄ້າອັນດັບ 1 ຂອງ ການາດາ ໃນອາຊຽນ.