 | ເພື່ອໃຫ້ສາຍນ້ຳໃຕ້ດິນຫຼໍ່ລ້ຽງນໍ້າໃຈມິດຕະພາບ ຫວຽດນາມ- ລາວ ຕະຫຼອດໄປ |
| ຈະມີເສັ້ນທາງຄວາມໄວສູງ ຈາກ ລາວ - ໄທ ໄປ ຫວຽດນາມ |
ໂຄງການກໍ່ສ້າງລະບົບລໍາລຽງເພື່ອຂົນສົ່ງຖ່ານຫີນຈາກ ລາວ ໄປ ຫວຽດນາມ ຢູ່ບໍລິເວນເຂດແຄວ້ນ ຫວຽດນາມ ຕາແສງ ອາງໍ່, ເມືອງດັກຣົງ, ແຂວງກວາງຈິ, ໂດຍ ບໍລິສັດ ນາມຕ໋ຽນ ຈຳກັດ ໄດ້ຍື່ນສະເໜີສຳເນົາເອກະສານ ໃນວັນທີ 26 ມີນາ ທີ່ຜ່ານມານີ້. ເປົ້າໝາຍຂອງໂຄງການແມ່ນຊ່ວຍຫຼຸດເວລາ ແລະ ເພີ່ມທະວີປະລິມານຂອງຖ່ານຫີນທີ່ຜ່ານດ່ານ; ຫຼຸດຜ່ອນຄວາມແອອັດຂອງການສັນຈອນ ແລະ ມົນລະພິດສິ່ງແວດລ້ອມຢູ່ເຂດຊາຍແດນ. ຕາມການສະເໜີ, ສາຍຂົນສົ່ງຖ່ານຫີນຂອງໂຄງການຈະຂ້າມເສັ້ນທາງຊາຍແດນຢູ່ດ່ານສາກົນ ລາໄລ (ກວາງຈີ, ຫວຽດນາມ)-ລາໄລ (ສາລະວັນ, ລາວ) ຍາວປະມານ 5,5 ກິໂລແມັດ; ຄາດຄະເນສະມັດຕະພາບ 6,000 ໂຕນ/ຊົ່ວໂມງ. ຈຸດເລີ່ມຕົ້ນຂອງສາຍສົ່ງແມ່ນຢູ່ສາງໃນ ລາວ, ຫ່າງຈາກດ່ານຊາຍແດນ ລາໄລ ປະມານ 200 ແມັດ; ຈຸດສຸດທ້າຍແມ່ນຢູ່ທີ່ສາງໃນຕາແສງ ອາງໍ່, ເມືອງດັກຣົງ, ຫ່າງຈາກດ່ານຊາຍແດນ ລາໄລ 4,4 ກິໂລແມັດ. ໂຄງການດັ່ງກ່າວມີຍອດຈຳນວນເງິນລົງທຶນ 1.489,2 ຕື້ດົ່ງ, ມີຄວາມຕ້ອງການນຳໃຊ້ທີ່ດິນ 23,82 ເຮັກຕາ; ຄາດວ່າການກໍ່ສ້າງຈະດຳເນີນໃນກາງປີ 2024 ແລະ ເລີ່ມນຳເຂົ້າເຄື່ອນໄຫວໃນປີ 2025.
ບົດລາຍງານການສຶກສາຄວາມເປັນໄປໄດ້ຂອງໂຄງການລົງທຶນກໍ່ສ້າງເສັ້ນທາງຫຼວງແຫ່ງຊາດ 15D ແຕ່ທາງຫຼວງແຫ່ງຊາດ ເລກ 1 ຫາ ເສັ້ນທາງ ໂຮ່ຈິມິນ ສາຂາທິດຕາເວັນຕົກ ໃນຮູບແບບການຮ່ວມທຸລະກິດ ພາກລັດ - ເອກະຊົນ - PPP ໂດຍບໍລິສັດຫຸ້ນສ່ວນກຸ່ມຮ່ວມທຸລະກິດ ຮວ່າງເຊີນ - ບໍລິສັດ Phonesack ຫວຽດນາມ ຈຳກັດ - ບໍລິສັດ ນາມຕ໋ຽນ ຈຳກັດ. ຄວາມຍາວຂອງເສັ້ນທາງແມ່ນປະມານ 42.53 ກິໂລແມັດ.
 |
| ປະທານຄະນະກຳມະການປະຊາຊົນແຂວງ ທ່ານ ຫວໍວັນຮຶງ ກ່າວຄຳປາໄສທີ່ກອງປະຊຸມ. |
ກ່າວຄຳປາໄສສະຫຼຸບທີ່ກອງປະຊຸມ, ທ່ານ ຫວໍວັນຮຶງ ຢືນຢັນວ່າ: ໂຄງການກໍ່ສ້າງລະບົບລຳລຽງຂົນສົ່ງຖ່ານຫີນຈາກ ລາວ ໄປ ຫວຽດນາມ ແມ່ນໂຄງການສຳຄັນຂອງແຂວງດ້ວຍຮູບການຄົມມະນາຄົມໃໝ່ໃນທົ່ວປະເທດກໍ່ຄືທົ່ວພາກພື້ນ ແລະ ໄດ້ຮັບຄວາມເອົາໃຈໃສ່ຈາກລັດຖະບານ, ກະຊວງ ແລະ ຂະແໜງການສູນກາງ. ເມື່ອໂຄງການດັ່ງກ່າວໄດ້ຮັບການນຳເຂົ້າເຄື່ອນໄຫວ ຈະສ້າງການເຕີບໂຕໃໝ່ດ້ານເສດຖະກິດ-ສັງຄົມ, ພ້ອມກັນນັ້ນ ກໍ່ສ້າງເງື່ອນໄຂສະດວກ ແລະ ຊຸກຍູ້ໃຫ້ບັນດາວິສາຫະກິດລົງທຶນຜະລິດ ແລະ ດຳເນີນທຸລະກິດຢູ່ພາກຕາເວັນຕົກຂອງແຂວງ.
ເພື່ອໃຫ້ໂຄງການຜັນຂະຫຍາຍການລົງທຶນ ແລະ ເຄື່ອນໄຫວຢ່ງໄວວາ, ທ່ານໄດ້ຊີ້ນຳ ແລະ ມອບໜ້າທີ່ຮັບຜິດຊອບລະອຽດໃຫ້ບັນດາຂະແໜງການ ແລະ ຫົວໜ່ວຍທີ່ກ່ຽວຂ້ອງ ສືບຕໍ່ດຳເນີນບັນດາຂັ້ນຕອນໃຫ້ສົມບູນແບບ ພ້ອມທັງແກ້ໄຂບັນຫາຫຍຸ້ງຍາກ ແລະ ເກີດຂຶ້ນໃໝ່ ເພື່ອໃຫ້ຜູ້ລົງທຶນມີພື້ນຖານເພື່ອຜັນຂະຫຍາຍໄດ້ໂດຍໄວ.
ສຳລັບໂຄງການລົງທຶນກໍ່ສ້າງທາງຫຼວງແຫ່ງຊາດ 15D, ແຕ່ທາງຫຼວງແຫ່ງຊາດ ເລກ 1 ຫາເສັ້ນທາງ ໂຮ່ຈີມິນ ສາຂາຕາເວັນຕົກ, ປະທານຄະນະກຳມະການປະຊາຊົນແຂວງ ທ່ານ ຫວໍວັນຮຶງ ໃຫ້ຮູ້ວ່າ: ການລົງທຶນກໍ່ສ້າງທາງຫຼວງແຫ່ງຊາດ 15D ໄດ້ປະກອບສ່ວນສ້າງເສັ້ນທາງຂະໜານກັນກັບແລວເສດຖະກິດຕາເວັນຕົກ-ຕາເວັນອອກ ແນໃສ່ເພື່ອເພີ່ມທະວີການຄ້າສິນຄ້າຜ່ານດ່ານຊາຍແດນ ລາໄລ, ນີ້ແມ່ນດ່ານຊາຍແດນສາກົນແຫ່ງທີ 2 ຂອງແຂວງ ກວາງຈີ ເຊື່ອມຕໍ່ເຂດພາກກາງຕອນເໜືອ ແລະ ເຂດແຄມທະເລພາກກາງກັບພາກໃຕ້ຂອງ ລາວ, ພາກຕາເວັນອອກຂອງ ໄທ ແລະ ສ້າງເປັນສາມຫຼ່ຽມພັດທະນາ ຫວຽດນາມ-ລາວ-ກຳປູເຈຍ. ເພີ່ມທະວີການເຄື່ອນໄຫວຂົນສົ່ງສິນຄ້າຄ່ຽນຖ່າຍສາກົນຜ່ານບັນດາທ່າກຳປັ່ນທະເລພາກກາງ ຫວຽດນາມ ຂອງບັນດາແຂວງພາກໃຕ້ຂອງ ລາວ, ພາກຕາເວັນອອກຂອງ ໄທ ແລະ ພາກຕາເວັນອອກສ່ຽງເໜືອຂອງ ກຳປູເຈຍ, ປະກອບສ່ວນພັດທະນາເສດຖະກິດ - ສັງຄົມ ແລະ ຮັກສາການປ້ອງກັນປະເທດ, ຄວາມໝັ້ນຄົງ, ຕອບສະໜອງຄວາມຮຽກຮ້ອງຕ້ອງການຂອງການພົບປະແລກປ່ຽນກໍຄືການຮ່ວມມືດ້ານການຄ້າ, ການນໍາເຂົ້າ ແລະ ສົ່ງອອກ. ທ່ານໄດ້ມອບໃຫ້ຄະນະຄຸ້ມຄອງໂຄງການລົງທຶນກໍ່ສ້າງຂັ້ນແຂວງ ເປັນຈຸດປະສານງານ ເພື່ອຊ່ວຍຜູ້ລົງທຶນ ໄດ້ດຳເນີນບັນດາຂັ້ນຕອນ, ສຳເນົາເອກະສານ ແລະ ບັນດາບັນຫາທີ່ກ່ຽວຂ້ອງໃຫ້ສົມບູນແບບ ເພື່ອຈັດຕັ້ງປະຕິບັດໂຄງການເສັ້ນທາງຫຼວງແຫ່ງຊາດ 15D ຢ່າງໄວວາ.
 | ຊາວຫວຽດນາມ ອາໄສຢູ່ ລາວ ຮ່ວມແຮງຮ່ວມໃຈກັບຊາວລາວ ຍູ້ໂລກລະບາດໂຄວິດ - 19 ໃຫ້ຖອຍໄປ ຍສໝ - ເພື່ອຮັບມືກັບສະພາບການໂລກລະບາດໂຄວິດ - 19, ໃນລະຫວ່າງວັນທີ 2 – 3 ພຶດສະພາ, ບັນດາພະນັກງານລາວ ໄດ້ສົມທົບກັບສະມາຄົມຊາວຫວຽດນາມ ອາໄສຢູ່ນະຄອນຫຼວງວຽງຈັນດຳເນີນການເອົາຕົວຢ່າງໄປວິໄຈໃຫ້ແກ່ຊາວຫວຽດນາມ ປະທານ 200 ຄົນ ທີ່ພວມດຳລົງຊີວິດ ແລະ ເຮັດວຽກຢູ່ ເມືອງ ທາດຫຼວງ, ນາໄຊ ແລະ ເຂດມະຫາວິທະຍາໄລແຫ່ງຊາດ ລາວ, ... |
 | ໃນໄລຍະ 3 ປີ ສປປ ລາວ ສົ່ງອອກສິນຄ້າພາຍໃຕ້ ສິດທິພິເສດ ໄປ ສປ ຈີນ 200 ກວ່າລ້ານໂດລາ ອີງຕາມຂໍ້ມູນຂອງສູນຂໍ້ມູນຂ່າວສານ ທາງດ້ານການຄ້າຂອງ ສປປ ລາວ ແຈ້ງໃຫ້ຮູ້ວ່າ ພາຍຫລັງມີການເປີດຕະຫລາດສິດທິພິເສດ ທາງດ້ານການຄ້າ ທີ່ ສປປ ລາວ ແລະ ສປ ຈີນ ເປັນພາຄີຮ່ວມກັນ ປະກອບມີ 3 ຂອບສັນຍາ ຄື: ສັນຍາການຄ້າເສລີ ອາຊຽນ - ສປ ຈີນ ຟອມ E, ... |
ມິງດຶກ
