| ການຮ່ວມມືວຽກງານປ້ອງກັນຊາດ ແມ່ນໜຶ່ງໃນບັນດາເສົາຄ້ຳສຳຄັນຂອງການພົວພັນ ຫວຽດນາມ - ລາວ | |
| ຊຸກຍູ້ການຮ່ວມມືລະຫວ່າງກຳລັງປ້ອງກັນຄວາມສະຫງົບ ຫວຽດນາມ - ລາວ |
ເພື່ອໃຫ້ສາຍນ້ຳໃຕ້ດິນຫຼໍ່ລ້ຽງນໍ້າໃຈມິດຕະພາບ ຫວຽດນາມ- ລາວ ຕະຫຼອດໄປ
ການເບິ່ງແຍງນັກສຶກສາລາວ ທີ່ສຶກສາຮໍ່າຮຽນຢູ່ຫວຽດນາມ ດ້ວຍບັນດາກິດຈະກໍາທີ່ແທດຈິງເຊັ່ນ: ມອບທຶນການສຶກສາ, ໄປຢູ່ເຮືອນປະຊາຊົນ; ເຕົ້າໂຮມປະຊາຊົນທຸກຊັ້ນວັນນະເຂົ້າຮ່ວມບັນດາການເຄື່ອນໄຫວມິດຕະພາບ ຫວຽດນາມ - ລາວ; ຂົນຂວາຍໃຫ້ພັກ ແລະ ລັດ ລາວ ຮັບຮອງເອົສບັນດາຮ່ອງຮອຍປະຫວັດສາດເສັ້ນທາງໂຮ່ຈິມິນ ທາງທິດຕາເວັນຕົກ ສາຍພູຫຼວງ (ສາຍພູເຈື່ອງເຊີນ) ເປັນມໍລະດົກຂອງຊາດລາວ... ນັ້ນແມ່ນຄວາມມຸ່ງມາດປາດຖະໜາ ແລະ ຂໍ້ສະເໜີຂອງບັນດາສະມາຊິກ ສະມາຄົມມິດຕະພາບ ຫວຽດນາມ - ລາວ ເພື່ອໃຫ້ສາຍນ້ຳໃຕ້ດິນຫຼໍ່ລ້ຽງນໍ້າໃຈມິດຕະພາບ ຫວຽດນາມ- ລາວ ຕະຫຼອດໄປ.
ທ່ານນາງ ດິ່ງທິແທ່ງຈຸກ, ຮອງປະທານສະມາຄົມມິດຕະພາບ ຫວຽດນາມ - ລາວ ນະຄອນ ດ່ານັ້ງ:
ການຊ່ວຍເຫຼືອທີ່ແທດຈິງ, ເໝາະສົມກັບຄວາມຮຽກຮ້ອງຕ້ອງການຂອງປະຊາຊົນປະເທດເພື່ອນລາວ
ນັກສຶກສາລາວ ທີ່ມາຮ່ຳຮຽນຢູ່ນະຄອນ ດ່ານັ້ງ, ສະມາຄົມມິດຕະພາບ ຫວຽດນາມ - ລາວ ນະຄອນ ດ່ານັ້ງ (ສະມາຄົມ) ແມ່ນໜ່ວຍງານທີ່ຕ້ອນຮັບ ແລະ ຊ່ວຍເຫຼືອເຂົາເຈົ້າທາງດ້ານການກິນຢູ່ພັກເຊົາ ແລະ ການດຳລົງຊີວິດຢູ່ ດ່ານັ້ງ. ສະມາຄົມໄດ້ຍູ້ແຮງໂຄງການໄປຢູ່ເຮືອນນຳປະຊາຊົນ ເພື່ອດູແລນ້ອງໆ. ໃນແຕ່ລະປີມີນັກຮຽນລາວ ປະມານ 100 ຄົນໄປຢູ່ກັບແຕ່ລະຄອບຄົວຊາວຫວຽດນາມ ເປັນເວລາ 2-3 ອາທິດ ແລະ ໃນໄລຍະຈະມາເຖິງນີ້ແມ່ນ 4-6 ອາທິດ ເພື່ອມີໂອກາດແລກປ່ຽນ, ຮ່ຳຮຽນກ່ຽວກັບວັດທະນະທຳ ຫວຽດນາມ, ແລະ ເຊື່ອມໂຍງກັບຄອບຄົວຊາວຫວຽດນາມ. ຈາກນັ້ນ, ກໍ່ຈະສ້າງສາຍພົວພັນມິດຕະພາບທີ່ເປັນມູນເຊື້ອອັນສະໜິດສະໜົມ ລະຫວ່າງຄົນລຸ້ນຫຼັງຂອງລາວ ແລະ ປະຊາຊົນ ຫວຽດນາມ.
ສະມາຄົມຍັງຈັດຕັ້ງຫຼາຍໂຄງການໃຫ້ແກ່ນ້ອງໆເຊັ່ນ: ຮຽກຮ້ອງ ແລະ ປຸກລະດົມການໃຫ້ທຶນການສຶກສາຈາກມະຫາວິທະຍາໄລ; ມອບທຶນການສຶກສາ 100% ໃຫ້ແກ່ນັກສຶກສາ ໂດຍສະເພາະແມ່ນນັກສຶກສາລາວ ທີ່ປະສົບກັບຄວາມຫຍຸ້ງຍາກ.
|
ພວກຂ້າພະເຈົ້າ ຫວັງວ່າ ໃນໄລຍະຕໍ່ໜ້ານີ້, ນອກຈາກບັນດາການເຄື່ອນໄຫວເບິ່ງແຍງດູແລນ້ອງໆນັກຮຽນລາວ ທີ່ຮ່ຳຮຽນຢູ່ ຫວຽດນາມ ເວົ້າລວມ ແລະ ນະຄອນ ດ່ານັ້ງ ເວົ້າສະເພາະ, ສະມາຄົມມິດຕະພາບ ຫວຽດນາມ - ລາວ ຈະມີຫລາຍລາຍການກິດຈະກໍາ, ການເຄື່ອນໄຫວແບ່ງປັນຄວາມຫຍຸ້ງຍາກກັບປະຊາຊົນລາວ ຕື່ມອີກ.
ປະຈຸບັນ, ນະຄອນດ່ານັ້ງ ໄດ້ແຮກສ່ຽວກັບ 5 ທ້ອງຖິ່ນຂອງລາວ ເຊິ່ງໄດ້ມາຢ້ຽມຢາມ ແລະ ຊ່ວຍເຫຼືອເປັນປະຈຳ. ດ່ານັ້ງ ຍັງມີໂຄງການ ເພີ່ມທະວີການພົວພັນກັບບັນດາທ້ອງຖິ່ນຂອງລາວ, ໂດຍມອບໃຫ້ບັນດາກົມ, ຂະແໜງການ, ອົງການຈັດຕັ້ງໄດ້ລົງນາມໃນບົດບັນທຶກຊ່ວຍຈຳ (MOU) ກັບທ້ອງຖິ່ນລາວໂດຍກົງ, ເພື່ອໃຫ້ແຕ່ລະອົງການມີການຊ່ວຍເຫຼືອກັນສະເພາະ. ເມື່ອເຂົ້າໃຈເຖິງຄວາມຕ້ອງການສະເພາະຂອງປະຊາຊົນປະເທດລາວ ໃນແຕ່ລະຂົງເຂດ, ເປົ້າໝາຍສະເພາະ , ຈາກນັ້ນ ບັນດາອົງການຈັດຕັ້ງ ກໍ່ຈະສາມາດສະຫນອງການໜູນຊ່ວຍໃຫ້ເຫມາະສົມ ແລະ ແທດຈິງ.
ສະມາຄົມມິດຕະພາບ ຫວຽດນາມ - ລາວ ນະຄອນ ດ່ານັ້ງ ກໍ່ແມ່ນຊ່ອງທາງເຊື່ອມຕໍ່ ລະຫວ່າງບັນດາພະແນກ, ຂະແໜງການຂອງນະຄອນ ແລະ ທ້ອງຖິ່ນຂອງລາວ. ພວກເຮົາມີຄວາມໃກ້ຊິດກັບສະຖານກົງສຸນໃຫຍ່ລາວ ເພື່ອກຳໄດ້ສະຖານະການໃນປະເທດລາວຢ່າງທັນການ ແລະ ຖຶກເປົ້າໝາຍ. ຫວັງວ່າ ໃນໄລຍະຕໍ່ໜ້າ ບັນດາແຂວງ, ນະຄອນ ກໍ່ຈະມີບັນດາການເຄື່ອນໄຫວທີ່ຄ້າຍຄືກັນ ເພື່ອແບ່ງປັນ ແລະ ຊ່ວຍເຫຼືອເພື່ອນຢ່າງທັນການ.
ທ່ານ ຫງວ້ຽນຢ້ວນກິ່ງ, ປະທານສະມາຄົມມິດຕະພາບ ຫວຽດນາມ - ລາວ, ແຂວງ ໄທງວຽນ:
ດຶງດູດທຸກຄົນ ພ້ອມກັນເຂົ້າຮ່ວມກິດຈະກຳການເຄື່ອນໄຫວມິດຕະພາບປະຊາຊົນ ຫວຽດນາມ - ລາວ
ຫ່າງຈາກນີ້ 15 ປີກ່ອນ, ສະມາຄົມມິດຕະພາບ ຫວຽດນາມ - ລາວ ແຂວງ ໄທງວຽນ ໄດ້ຮັບການສ້າງຕັ້ງທຳອິດ ມີສະມາຊິກເກືອບ 800 ຄົນ, ໃນນັ້ນ 80% ແມ່ນນັກຮົບເກົ່າຂອງບັນດາກົມກອງທະຫານ ເຈືອງເຊີ່ນ, ທະຫານອາສາສະໝັກ, ນັກຊ່ຽວຊານການທະຫານ, ຊາວໜຸ່ມທີ່ເຮັດວຽກ ແລະ ຕໍ່ສູ້ຢູ່ ລາວ.
ແຕ່ປີ 2010 ເຖິງປະຈຸບັນ, ສະມາຄົມໄດ້ມີການພັດທະນາ ແລະ ສ້າງຕັ້ງໄດ້ 6 ສະມາຄົມຂັ້ນເມືອງ ແລະ 20 ສະມາຊິກລວມໝູ່, ໃນນັ້ນມີ 70 ກວ່າສາຂາສະມາຄົມ ທີ່ຂຶ້ນກັບຂັ້ນເມືອງ. ລວມຈໍານວນສະມາຊິກທັງໝົດມີເຖິງ 10.000 ກວ່າຄົນ, ໃນນັ້ນ ມີສະມາຊິກ 3.000 ກວ່າຄົນ ຮ່ວມຊີວິດຢູ່ໃນ 6 ສະມາຄົມຂັ້ນເມືອງ, ສ່ວນທີ່ເຫຼືອແມ່ນສະມາຊິກຮ່ວມສຳພັນໃນບັນດາສະມາຊິກລວມໝູ່. ບັນດາສະມາຊິກທີ່ມີຈຳນວນສະມາຊິກຮ່ວມສຳພັນເປັນຈຳນວນຫຼວງຫຼາຍເຊັ່ນ: ມະຫາວິທະຍາໄລ ໄທງວຽນ ມີສະມາຊິກເກືອບ 80.000 ຄົນ; ບໍລິສັດຫຸ້ນສ່ວນການລົງທຶນ ແລະ ການຄ້າ (TNG) ມີສະມາຊິກ 1.500 ກວ່າຄົນ; ບໍລິສັດຫຸ້ນສ່ວນ Gang ເຫຼັກເສັ້ນ ໄທງວຽນ ມີສະມາຊິກ 6.000 ກວ່າຄົນ; ສະມາຄົມມູນເຊື້ອ ເຈື່ອງເຊີນ ເສັ້ນທາງໂຮ່ຈີມິນ ມີສະມາຊິກ 1.500 ກວ່າຄົນ. ມາຮອດປະຈຸບັນ, ສະມາຄົມໄດ້ມີການພັດທະນາ ແຕ່ຂັ້ນຮາກຖານຮອດແຕ່ລະຕາແສງ.
|
ໂດຍໄດ້ມີຖັນແຖວສະມາຊິກສະມາຄົມຢູ່ໃນທຸກເປົ້າໝາຍ, ຂະແໜງການຕ່າງໆໃນສັງຄົມ ກ່ອນອື່ນໝົດແມ່ນເລີ່ມຈາກຄວາມຮັບຮູ້ທີ່ຖືກຕ້ອງກ່ຽວກັບສາຍພົວພັນແບບພິເສດ ຫວຽດນາມ - ລາວ ຂອງບັນດາການນຳແຕ່ລະຂັ້ນຂອງແຂວງ ໄທງວຽນ, ບັນດາພະແນກ, ຂະແໜງການ, ໝູ່ຄະນະ ແລະ ໄດ້ຮັບການສະໜັບສະໜູນ, ຮ່ວມມືຈາກອົງການຈັດຕັ້ງ, ມະຫາວິທະຍາໄລ, ວິສາຫະກິດ… ໃນທົ່ວແຂວງ.
ສະມາຄົມໄດ້ເຄື່ອນໄຫວໂຄສະນາປະຫວັດສາດກ່ຽວກັບສາຍພົວພັນແບບພິເສດ ຫວຽດນາມ - ລາວ ຢ່າງຕັ້ງໜ້າ, ແນະນຳປະເທດຊາດ, ປະຊາຊົນ, ວັດທະນະທຳລາວ ໃຫ້ແກ່ປະຊາຊົນແຂວງ ໄທງວຽນ, ໃນນັ້ນ ມີບັນດາເນື້ອໃນກ່ຽວກັບມູນເຊື້ອນ້ຳໃຈສາມັກຄີ, ມິດຕະພາບຂອງອົງຄະນະພັກ ແລະ ປະຊາຊົນໄທງວຽນ ກັບ ລາວ. ສະມາຄົມໄດ້ປະສົມທົບກັບຄະນະໂຄສະນາສຶກສາແຂວງ ແລະ ພະແນກວັດທະນະທໍາ, ກິລາ ແລະ ທ່ອງທ່ຽວ ຈັດຕັ້ງການເຄື່ອນໄຫວຫຼາຍຢ່າງເຊັ່ນ: ໂຮມມິດຕິງ ແລະ ພົບປະມິດຕະພາບ ເນື່ອງໃນໂອກາດວັນຊາດ ແລະ ວັນບຸນປີໃໝ່ຕາມປະເພນີຂອງສອງປະເທດ; ພິມຈຳໜ່າຍປຶ້ມກ່ຽວກັບສາຍພົວພັນແບບພິເສດ ຫວຽດນາມ - ລາວ ແລະ ບັນດາການເຄື່ອນໄຫວຂອງສະມາຄົມ; ລົງພິມຂ່າວໃນພາຫະນະການສື່ສານ; ປຸກລະດົມສະມາຊິກ ແລະ ນັກສຶກສາລາວ ເຂົ້າຮ່ວມແຂ່ງຂັນ ເພື່ອຊອກຮູ້ປະຫວັດຄວາມເປັນມາຂອງສາຍພົວພັນພິເສດລະຫວ່າງສອງປະເທດ; ຈັດຕັ້ງການພົບປະແລກປ່ຽນສິລະປະ, ວັດທະນະທຳ ແລະ ກິລາລະຫວ່າງນັກສຶກສາລາວ ແລະ ຫວຽດນາມ...
ໃນຂົງເຂດເສດຖະກິດ, ສະມາຄົມໄດ້ປະສານສົມທົບກັບບັນດາອົງການ, ວິສາຫະກິດ, ສະຖານທູດລາວ ຈັດຕັ້ງກອງປະຊຸມສຳມະນາກ່ຽວກັບຄວາມສາມາດບົ່ມຊ້ອນ, ສະພາບແວດລ້ອມຂອງການລົງທຶນ, ການຜະລິດ, ດຳເນີນທຸລະກິດ, ການທ່ອງທ່ຽວ; ຊຸກຍູ້ໃຫ້ບັນດາທຸລະກິດ, ຜູ້ອອກແຮງງານຢູ່ໃນແຂວງ ໃຫ້ການຮ່ວມມື ແລະ ພັດທະນາບັນດາໂຄງການເສດຖະກິດ ແລະ ທ່ອງທ່ຽວ ລະຫວ່າງ ແຂວງ ໄທງວຽນ ແລະ ລາວ.
ໃນໄລຍະຈະມາເຖິງ, ສະມາຄົມຈະສືບຕໍ່ ເປີດກວ້າງທົ່ວສັງຄົມ, ຫັນເປັນການຈັດຕັ້ງ ແລະ ການເຄື່ອນໄຫວຂອງສະມາຄົມເປັນຫຼາຍຮູບຫລາຍແບບ, ລະດົມກຳລັງແຮງຄວາມສາມັກຄີຂອງປະຊາຊົນໃນແຂວງ, ປະກອບສ່ວນປົກປັກຮັກສາ ແລະ ພັດທະນາສາຍພົວພັນແບບພິເສດຫວຽດນາມ - ລາວ ໃຫ້ນັບມື້ນັບໝັ້ນຄົງແລະ ເຂັ້ມແຂງ.
ພຣະອາຈານໃຫຍ່ ທິກຟາບຮ້ຽວ, ເຈົ້າອະທິການ ວັດຕາມບາວ, ສະມາຊິກສະມາຄົມມິດຕະພາບ ຫວຽດນາມ - ລາວ ຢູ່ນະຄອນ ດ່ານັ້ງ, ຮອງຫົວໜ້າຫ້ອງການ ຄະນະຖະແຫຼງຂ່າວ ແລະ ການສື່ສານ ສູນກາງອົງການພຸດທະສາສະໜາ ຫວຽດນາມ:
ເປີດຫ້ອງຮຽນພາສາຫວຽດໃຫ້ນັກສຶກສາ ແລະ ພຣະສົງລາວ
ເປັນເວລາຫຼາຍປີຜ່ານມາ, ວັດຕາມບາວ ໄດ້ຮັບພຣະສົງລາວມາຫວຽດນາມ ເຂົ້າຮ່ຳຮຽນຢູ່ມະຫາວິທະຍາໄລດ່ານັ້ງ. ປະຈຸບັນ, ນະຄອນ ດ່ານັ້ງ ມີນັກສຶກສາລາວເກືອບ 500 ຄົນທີ່ພວມຮໍ່າຮຽນຢູ່ນະຄອນ ດ່ານັ້ງ ແລະ ວັດຕາມບາວ ແມ່ນສະຖານທີ່ຈັດພິທີກໍາທາງພຸດທະສາສະໜາ ຄືກັບບ້ານເກີດເມືອງນອນຂອງພວກນ້ອງຢູ່ລາວ.
|
ຂ້າພະເຈົ້າຫວັງວ່າ 2 ປະເທດຈະເພີ່ມທະວີການຮ່ວມມື, ພິເສດແມ່ນໃນຂົງເຂດການສຶກສາ. ທາງວັດຍັງຈະຊຸກຍູ້ວຽກງານການສຶກສາ ແລະ ໜູນຊ່ວຍໃຫ້ພະສົງລາວ ໄປຮ່ຳຮຽນຢູ່ຫວຽດນາມ.
ຫ້ອງຮຽນພາສາຫວຽດນາມ ສຳລັບພະສົງ ແລະ ນັກສຶກສາລາວ ຢູ່ວັດຕາມບາວ ເລີ່ມມີແຕ່ປີ 2019. ຫ້ອງຮຽນດັ່ງກ່າວ ແນໃສ່ບຳລຸງພາສາຫວຽດນາມ ແລະ ໄວຍາກອນຫວຽດນາມ, ຟັງ-ເວົ້າ-ອ່ານ-ຂຽນ ພາສາຫວຽດນາມ ໃຫ້ແກ່ພະສົງ ແລະ ນັກສຶກສາລາວ ເພື່ອໄປທັນກັບບັນດາຫລັກສູດໃນມະຫາວິທະຍາໄລ.
ໃນໄລຍະຈະມາເຖິງ, ວັດຕາມບາວ ຈະສືບຕໍ່ຮັບພຣະສົງລາວຈຳນວນໜຶ່ງ ໄປຮຽນຕໍ່ໃນແຕ່ລະປີ. ວັດຈະຊ່ວຍດ້ານທຶນຮອນ, ຄ່າຮຽນ, ທີ່ພັກ, ສ້າງເງື່ອນໄຂສະດວກໃຫ້ຄູອາຈານໄປຮ່ຳຮຽນຢູ່ຫວຽດນາມ.
ຫວັງວ່າຮູບແບບນີ້ຈະໄດ້ຮັບການພັດທະນາ ແລະ ຜັນຂະຫຍາຍຢູ່ບັນດາແຂວງ, ນະຄອນຂອງຫວຽດນາມ. ຜ່ານຊ່ອງທາງພຸດທະສາສະໜາ, ພະສົງລາວຈະຮູ້ກ່ຽວກັບຫວຽດນາມຫຼາຍກວ່າ, ມາຢ້ຽມຢາມ ແລະ ສຶກສາຢູ່ຫວຽດນາມຕື່ມອີກ, ຈາກນັ້ນ ກໍ່ປະກອບສ່ວນຊຸກຍູ້ການພົວພັນລະຫວ່າງສອງປະເທດໃຫ້ເລິກເຊິ່ງກ່ວາເກົ່າ.
ພົນຈັດຕະວາ ໂຮ່ສີເຮົ້າ, ຮອງປະທານສະມາຄົມມູນເຊື້ອ ເຈື່ອງເຊີນ ໂຮ່ຈີມິນ (ສະມາຄົມ ເຈື່ອງເຊີນ ຫວຽດນາມ):
ສະເໜີໃຫ້ຮັບຮອງເອົາບັນດາເຂດຮ່ອງຮອຍ ເສັ້ນທາງໂຮ່ຈີມິນ ຢູ່ດິນແດນລາວ ເປັນມໍລະດົກຂອງຊາດລາວ
ເສັ້ນທາງໂຮ່ຈີມິນຢູ່ທາງທິດຕາເວັນຕົກ ເຈື່ອງເຊີນ ແມ່ນເຂດອະນຸສອນສະຖານແຫ່ງສາຍພົວພັນສາມັກຄີແບບພິເສດ, ສາຍພົວພັນຮ່ວມມືຍຸດທະສາດ ຫວຽດນາມ - ລາວ, ປະກອບສ່ວນເພີ່ມພູນຄູນສ້າງມິດຕະພາບອັນເປັນມູນເຊື້ອຂອງສອງປະເທດ. ລະບົບຮ່ອງຮອຍທາງປະຫວັດສາດນີ້ ໄດ້ແຜ່ລາມໄປທົ່ວ 7 ແຂວງພາກກາງ ແລະ ໃຕ້ຂອງລາວ, ມີຄວາມຫຼາກຫຼາຍ ແລະ ຍາວນານ. ແຕ່ໃນຊຸມປີຜ່ານມາ, ບັນດາຮອງຮ່ອຍປະຫວັດສາດ ໄດ້ຖືກປົກຄຸມດ້ວຍພູປ່າ, ຄ່ອຍໆຂາງຫາຍໄປຈາກພື້ນດິນ, ເຫລືອພຽງແຕ່ຈໍານວນຫນ້ອຍຫນຶ່ງເທົ່ານັ້ນ.
|
ສະມາຄົມ ເຈື່ອງເຊີນ ຫວຽດນາມ ໄດ້ເດີນທາງໄປສຳຫຼວດຮ່ອງຮອຍປະຫວັດສາດ ຢູ່ແຂວງສະຫວັນນະເຂດ, ສາລະວັນ, ອັດຕະປື (ລາວ)... ເປັນຫຼາຍຄັ້ງ, ຄັ້ງຫລ້າສຸດແມ່ນໃນເດືອນ ມີນາ 2023. ສະມາຄົມໄດ້ສົມທົບກັບ ອຳນາດການປົກຄອງຂອງບັນດາແຂວງ ແລະ ເມືອງຂອງລາວ ກ່ຽວກັບການອະນຸລັກຮັກສາຮ່ອງຮອຍປະຫວັດສາດ ທາງຕາເວັນຕົກ ເຈື່ອງເຊິ່ນ (Truong Son). ສະມາຄົມຍັງໄດ້ສົ່ງໜັງສືທາງການເຖິງບັນດາອົງການລັດຂອງຫວຽດນາມ ແລະ ສະຖານທູດຫວຽດນາມ ປະຈຳນະຄອນຫຼວງວຽງຈັນ ກ່ຽວກັບຄຳແນະນຳ ແລະ ຄວາມມຸ່ງມາດປາດຖະໜາຂອງສະມາຄົມ ເຈື່ອງເຊີນ ຫວຽດນາມ. ບັນດາການນຳພັກ ແລະ ລັດ ຂອງລາວ ແລະ ຫວຽດນາມ ລ້ວນແຕ່ເປັນເອກະພາບສະໜັບສະໜູນ.
ສະມາຄົມມິດຕະພາບ ເຈື່ອງເຊີນ ຫວຽດນາມ ຫວັງວ່າໃນໄລຍະໃໝ່, ຄະນະບໍລິຫານງານສະມາຄົມມິດຕະພາບຫວຽດນາມ - ລາວ ສືບຕໍ່ໂຄສະນາໃຫ້ບັນດາຮ່ອງຮອຍເສັ້ນທາງໂຮ່ຈິມິນ ຢູ່ລາວ ໄດ້ຮັບການຮັບຮອງ ແລະ ຈັດອັນດັບເປັນມໍລະດົກແຫ່ງຊາດລາວ - ມໍລະດົກວັດທະນະທຳຂອງລາວ - ມໍລະດົກຂອງນໍ້າໃຈສາມັກຄີຕໍ່ສູ້ ຫງຍດນາມ - ລາວ.
ອານຸໄຊ ສະຫວັດ
