| ລາວ ແລະ ຣັດເຊຍ ເພີ່ມທະວີການຮ່ວມມື | |
| ຮ່າໂນ້ຍ-ວຽງຈັນ (ລາວ) ເພີ່ມທະວີການຮ່ວມມື |
ທີ່ການຕ້ອນຮັບ, ທ່ານ ຫງວຽນເຝືອກຫຼົກ, ຮອງເລຂາຄະນະພັກນະຄອນ ໂຮ່ຈີມິນ ໃຫ້ຮູ້ວ່າ ບົນພື້ນຖານສາຍພົວພັນມິດຕະພາບແບບພິເສດຫວຽດນາມ - ລາວ, ໃນຊຸມປີຜ່ານມາ, ນະຄອນໂຮ່ຈິມິນ ແລະ ບັນດາທ້ອງຖິ່ນຂອງລາວ, ພິເສດແມ່ນບັນດາທ້ອງຖິ່ນທີ່ນະຄອນ ໄດ້ສ້າງຕັ້ງການພົວພັນຮ່ວມມືມິດຕະພາບຄື ນະຄອນຫຼວງວຽງຈັນ, ແຂວງຈຳປາສັກ ແລະ ແຂວງສະຫວັນນະເຂດ ໄດ້ມີການແລກປ່ຽນຄະນະປະຕິບັດງານຢ່າງເປັນປະຈຳ, ມີການເຄື່ອນໄຫວຮ່ວມມືມິດຕະພາບຫຼາຍຢ່າງ; ລົງນາມໃນບັນດາບົດບັນທຶກຊ່ວຍຈຳການຮ່ວມມື. ສາຍພົວພັນລະຫວ່າງນະຄອນໂຮ່ຈິມິນ ແລະ ບັນດາທ້ອງຖິ່ນຂອງລາວ ໄດ້ຮັບການຜັນຂະຫຍາຍຢ່າງກວ້າງຂວາງໃນບັນດາພະແນກ, ຂະແໜງການ, ລະບົບແນວໂຮມ, ກຳລັງປະກອບອາວຸດ... ນຳມາເຊິ່ງບັນດາຜົນສຳເລັດຢ່າງຕັ້ງໜ້າ ແລະ ຜົນປະໂຫຍດມາໃຫ້ແກ່ທັງສອງທ້ອງຖິ່ນ.
 |
| ທ່ານ ຫງວຽນເຝືອກຫຼົກ (ຂວາ), ຮອງເລຂາຄະນະພັກນະຄອນ ໂຮ່ຈີມິນ ໄດ້ຕ້ອນຮັບທ່ານ ຄຳແພງ ໄຊສົມແພງ, ເລຂາຄະນະພັກ, ເຈົ້າແຂວງຫົວພັນ. |
ໂດຍແບ່ງປັນສະພາບການພັດທະນາເສດຖະກິດ-ສັງຄົມຂອງນະຄອນ, ທ່ານ ຮອງເລຂາຄະນະພັກນະຄອນ ຫງວຽນເຝືອກຫຼົກ ຢືນຢັນວ່າ ນະຄອນ ໂຮ່ຈີມິນ ຍາມໃດກໍ່ເຄົາລົບ ແລະ ຈະເຮັດຈົນສຸດຄວາມສາມາດຂອງຕົນ ເພື່ອປົກປັກຮັກສາ, ປັບປຸງ ແລະ ພັດທະນາສາຍພົວພັນມິດຕະພາບອັນຍິ່ງໃຫຍ່ກັບລາວ ເວົ້າລວມ, ກັບບັນດາທ້ອງຖິ່ນຂອງລາວ ເວົ້າສະເພາະ, ໃນນັ້ນ ມີແຂວງຫົວພັນ, ໄດ້ປະກອບສ່ວນປັບປຸງ, ພັດທະນາສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ, ການຮ່ວມມືຮອບດ້ານລະຫວ່າງ ລາວ - ຫວຽດນາມ ໃຫ້ “ຂຽວສົດງົດງາມຕະຫຼອດໄປ, ໝັ້ນຄົງຂະໜົງແກ່ນໄປຊົ່ວກາລະນານ”.
ໂດຍສະແດງຄວາມຂອບໃຈຕໍ່ການຕ້ອນຮັບທີ່ເຕັມໄປດ້ວຍສາຍຈິດມິດໃຈຂອງນະຄອນ ໂຮ່ຈີມິນ, ທ່ານ ຄຳແພງ ໄຊສົມແພງ ກໍ່ໄດ້ສະແດງຄວາມປິຕິຊົມຊື່ນຕໍ່ການພັດທະນາອັນດີງາມຂອງສາຍພົວພັນມິດຕະພາບແບບພິເສດ ລາວ-ຫວຽດນາມ ເວົ້າລວມ, ລະຫວ່າງ ແຂວງຫົວພັນ ແລະ ນະຄອນໂຮ່ຈິມິນ ເວົ້າສະເພາະ; ພ້ອມກັນນັ້ນ, ກໍຂໍຂອບໃຈບັນດາການໜຸນຊ່ວຍ, ຊ່ວຍເຫຼືອຂອງນະຄອນ ໂຮ່ຈີມິນ ໃນໄລຍະມໍ່ໆມານີ້, ພິເສດ ແມ່ນໃນການໜູນຊ່ວຍກໍ່ສ້າງພື້ນຖານໂຄງລ່າງ, ກໍ່ສ້າງສຳນັກງານຂອງອຳນາດການປົກຄອງແຂວງ.
ແບ່ງປັນຄວາມສາມາດບົ່ມຊ້ອນພັດທະນາຂອງແຂວງຫົວພັນ, ທ່ານ ຄຳແພງ ໄຊສົມແພງ ໄດ້ສະແດງຄວາມປາດຖະໜາວ່າ ໃນໄລຍະຈະມາເຖິງ, ແຂວງຫົວພັນ ແລະ ນະຄອນ ໂຮ່ຈີມິນ ຈະສືບຕໍ່ຊຸກຍູ້ສາຍພົວພັນຮ່ວມມືຮອບດ້ານລະຫວ່າງສອງທ້ອງຖິ່ນໃນຫຼາຍຂົງເຂດໃຫ້ກ້າວເຂົ້າສູ່ລວງເລິກ, ແທດຈິງ; ສະເໜີໃຫ້ການນຳນະຄອນ ສົ່ງເສີມໃຫ້ບັນດາວິສາຫະກິດນະຄອນມາລົງທຶນເຂົ້າໃນແຂວງຫົວພັນ, ພິເສດ ແມ່ນໃນບັນດາຂົງເຂດທີ່ແຂວງຫົວພັນ ມີຄວາມຕ້ອງການ ແລະ ນະຄອນມີທ່າແຮງຄື ການພັດທະນາກະສິກຳ, ກໍ່ສ້າງພື້ນຖານໂຄງລ່າງ, ພັດທະນາແຫຼ່ງຊັບພະຍາກອນມະນຸດ.
ມິງດຶກ
