| ເຊື່ອມຕໍ່ 96 ຄອບຄົວຊາວຫວຽດນາມ ກັບນັກສຶກສາລາວ ແລະ ກຳປູເຈຍ 162 ຄົນ ທີ່ພວມຮໍ່າຮຽນຢູ່ຫວຽດນາມ | |
| ຄະນະເຮັດວຽກພິເສດແຂວງເທື່ອທຽນເຫ້ວ ໄດ້ພົບປະກັບຄະນະສະເພາະແຂວງເຊກອງ - ລາວ |
ກ່າວຄຳປາໃສທີ່ພິທີ, ພະອາຈານ ທິກມິນກວ່າງ ໄດ້ສົ່ງສານຂອງພະນາຍົກສັງຄະສະມາຄົມພຸດທະສາສະໜາ ຫວຽດນາມເຖິງພະສົງ, ແມ່ຊີ, ພຸດທະສາສະນິກກະຊົນ ແລະ ປະຊາຄົມຊາວ ຫວຽດນາມ. ຮຽກຮ້ອງໃຫ້ພຸດທະສາສະນິກກະຊົນ ແລະ ປະຊາຄົມຊາວ ຫວຽດນາມ ຢູ່ ລາວ ສືບຕໍ່ເສີມຂະຫຍາຍມູນເຊື້ອປົກປັກຮັກສາປະເທດຊາດ ແລະ ເຮັດໃຫ້ປະຊາຊົນຢູ່ເຢັນເປັນສຸກ, ຮ່ວມເດີນທາງພ້ອມກັນຊາດ, ພະອາຈານ ທິກມິນກວ່າງ ເນັ້ນໜັກວ່າ: ພະສົງ, ແມ່ຊີ, ພຸດທະສາສະນິກກະຊົນແຕ່ລະຄົນ ຕ້ອງເຊີດຊູຄວາມຮັບຜິດຊອບ ແລະ ປະຕິບັດໜ້າທີ່ຂອງຕົນ ບົນຈິດໃຈມີລະບຽບວິໄນ - ມີຄວາມຮັບຜິດຊອບ - ມີຄວາມສາມັກຄີ - ພັດທະນາ, ມານະພະຍາຍາມເຮັດໃຫ້ພຸດທະສາສະໜາຮຸ່ງເຮືອງຢ່າງບໍ່ຢຸດຢັ້ງ, ສ້າງສັງຄະສະມາຄົມໃຫ້ເຂັ້ມແຂງ, ສືບຕໍ່ເສີມຂະຫຍາຍບົດບາດປົກປັກຮັກສາ ແລະ ເສີມຂະຫຍາຍການພົວພັນແບບພິເສດ ຫວຽດນາມ ແລະ ລາວ ເວົ້າສະເພາະ ແລະ ໃນພະລະກິດປຫ່ງການສ້າງສາ ແລະ ປົກປັກຮັກສາປະເທດຊາດ ຫວຽດນາມ ເວົ້າລວມ.
 |
| ວົງຄະນະຍາດຊາວ ຫວຽດນາມ ທີ່ກຳລັງທຳມາຫາກິນ ດຳລົງຊີວິດຢູ່ ລາວ ເປັນຈຳນວນຫຼວງຫຼາຍໄດ້ເຂົ້າຮ່ວມພິທີສົງພະພຸດທະເຈົ້າ ໃນງານບຸນໃຫຍ່ວັນວິສາຂະບູຊາ ຕາມພຸດທະສັກກະຫຼາດປີ 2568. ພາບ: ຟ້າມກ່ຽນ/ນັກຂ່າວ ສຳນັກຂ່າວສານ ຫວຽດນາມ ປະຈຳ ລາວ |
ໃນພິທີ, ບັນດາພະສົງສາມະເນນຫວຽດນາມ, ລາວ ກໍຄືວົງຄະນະຍາດຊາວ ຫວຽດນາມ ທີ່ອາໄສຢູ່ນະຄອນຫຼວງ ວຽງຈັນ ໄດ້ດຳເນີນພິທີແຫ່ຂະບວນແຫ່ທຽນບູຊາ ແລະ ໄຫວ້ອາໄລ ແລະ ສົງພະພຸດທະເຈົ້າ ເພື່ອພາວະນາຂໍຄວາມສັນຕິພາບ, ສຸກສຳລານ ແລະ ຜາສຸກຂອງທົ່ວປວງຊົນທັງຊາດ ໂດຍສະເພາະປະຊາຄົມຊາວ ຫວຽດນາມ ຢູ່ລາວ, ໃນຂະນະນັ້ນ ກໍສະແດງຄວາມເຄົາລົບ ແລະ ຊົມເຊີຍຕໍ່ການປະກົດຕົວຂອງພະ ຢາກໂງະ - ພຣະພຸດທະເຈົ້າ ທິກກາເມົານີ.
ທ່ານນາງ ເຈີ່ນທິເຫ້ວ, ພີ່ນ້ອງຊາວ ຫວຽດນາມ ຢູ່ຕ່າງປະເທດ, ຢູ່ນະຄອນຫຼວງ ວຽງຈັນ, ໃຫ້ຮູ້ວ່າ: ທຸກໆປີ ຕົນເອງຈະໄປວັດເພື່ອເຂົ້າຮ່ວມງານບຸນໃຫຍ່ວັນວິສາຂະບູຊາເພື່ອລ້າງສິ່ງທີ່ບໍ່ດີ, ພາວະນາຂໍໃຫ້ມີສຸຂະພາບເຂັ້ມແຂງ ແລະ ມີຄວາມສະຫງົບສຸກ ເພາະທຸກໆຄັ້ງທີ່ໄດ້ເອົານ້ຳສົງພະພຸດທະເຈົ້າ, ທ່ານນາງຮູ້ສຶກຄືກັບວ່າ ກີເລດທັງໝົດຂອງທ່ານນາງໄດ້ລອຍໄປກັບກະແສນ້ຳນັ້ນ.
ໃນຖານະທີ່ເປັນພະພຸດທະສາສະນິກະຊົນຂອງວັດ ເຝີດຕິກ ທີ່ນະຄອນຫຼວງວຽງຈັນ, ທ່ານນາງ ຫງວຽນທິຮວາ ອາຍຸ 68 ປີ ຍັງຮູ້ສຶກດີໃຈຫຼາຍໃນທຸກຄັ້ງທີ່ໄດ້ຕ້ອນຮັບວັນວິສາຂະບູຊາຂອງພະພຸດທະເຈົ້າ.. ຕາມທ່ານນາງແລ້ວ, ງານບຸນໃຫຍ່ບໍ່ພຽງແຕ່ແມ່ນໂອກາດເພື່ອໃຫ້ວົງຄະນະຍາດໄດ້ພົບປະ, ຊ່ວຍເຫຼືອເຊິ່ງກັນແລະກັນເທົ່ານັ້ນ, ຫາກຍັງແມ່ນໂອກາດເພື່ອໃຫ້ທຸກຄົນລ້າງສ່ວຍກີເລດທັງປວງ ແລະ ອະທິຖານເພື່ອໃຫ້ຊາວຫວຽດນາມ ທຸກຄົນໃນທົ່ວໂລກຈົ່ງສາມັກຄີເປັນຈິດໜຶ່ງໃຈດຽວ ແລະ ຮັກແພງກັນ.
ເນື່ອງໃນໂອກາດງານບຸນໃຫຍ່ວັນວິສາຂະບູຊາ ພຸດທະສັກກະຫຼາດປີ 2568, ວັດ ເຝີດຕິກ ທີ່ນະຄອນຫຼວງ ວຽງຈັນ - ລາວ ໄດ້ສົມທົບກັບບັນດາຜູ້ມີໃຈສັດທາ ມອບຂອງຂວັນ 150 ພູດ ໃຫ້ແກ່ຄົນພິການ, ຄົນທຸກຍາກ, ປະຊາຊົນຜູ້ປະສົບກັບຄວາມຫຍຸ້ງຍາກຢູ່ນະຄອນຫຼວງ ວຽງຈັນ, ຜ່ານນັ້ນ ກໍ່ປະກອບສ່ວນເພີ່ມທະວີການເພີ່ມພູນຄູນສ້າງນ້ຳໃຈສາມັກຄີ, ຕິດພັນກັນ ແບ່ງປັນເຊິ່ງກັນແລະກັນໃນວົງຄະນະຍາດຊາວ ຫວຽດນາມ ຢູ່ ລາວ ເວົ້າສະເພາະ ແລະ ຈິດໃຈສາມັກຄີມິດຕະພາບທີ່ຍິ່ງໃຫຍ່ລະຫວ່າງສອງປະເທດ ຫວຽດນາມ - ລາວ ເວົ້າລວມ.
ມິງດຶກ
