ວັນບຸນເກັບໝາກໝັ້ນຂອງປະຊາຊົນຕາແສງ ເມື່ອງຫຼົງ (ເມືອງ ກີເຊີນ, ແຂວງ ເງ້ອານ) ໄດ້ຈັດຂຶ້ນໃນວັນຄ້າຍວັນເກີດປະທານ ໂຮ່ຈິມິນ, ວັນທີ 19 ພຶດສະພາ. ຕໍ່ກັບປະຊາຊົນຢູ່ທີ່ນີ້ ກໍຄືນັກທ່ອງທ່ຽວ, ນີ້ແມ່ນໂອກາດທີ່ມີຄວາມໝາຍທີ່ສຸດ ເພື່ອສະແດງຄວາມຮູ້ບຸນຄຸນຕໍ່ກົກເຄົ້າເຫງົ້າກໍ, ລຸງໂຮ່, ທັງແມ່ນວັນທີ່ມີຫຼາຍຄວາມໝາຍຂອງຊາວເຜົ່າມົ້ງ, ຜູ້ໄທ...
ວັນບຸນເກັບໝາກໝັ້ນປີ 2024 ໄດ້ດຳເນີນໄປດ້ວຍຫຼາຍການເຄື່ອນໄຫວທີ່ຟົດຟື້ນເຊັ່ນ ການສະແດງ, ການແຂ່ງຂັນເກັບໝາກໝັ້ນ, ກິນໝາກໝັ້ນ, ຊົນຄວາຍ, ງົວ,… ບໍ່ພຽງແຕ່ເທົ່ານັ້ນ, ມາຮອດວັນບຸນເກັບໝາກໝັ້ນນີ້ ນັກທ່ອງທ່ຽວຍັງສາມາດສຳຜັດ, ຢ້ຽມຢາມ, ຖ່າຍຮູບ, ເກັງໝາກໝັ້ນ, ພ້ອມທັງເຂົ້າຮ່ວມການເຄື່ອນໄຫວວັດທະນະທຳທີ່ເປັນເອກະລັກສະເພາະຂອງຊາວເຜົ່າມົ້ງ ຢູ່ຕາແສງ ເມື່ອງຫຼົງ.
 |
| ນັກທ່ອງທ່ຽວນັບພັນຄົນມີຄວາມຕື່ນເຕັ້ນ, ມາເພື່ອສຳຜັດກັບວັນບຸນເກັບໝາກໝັ້ນ. |
ທ່ານປະທານຄະນະກຳມະການປະຊາຊົນເມືອງ ກີເຊີນ ຫງວຽນຫວຽດຮຸ່ງ ໃຫ້ຮູ້ວ່າ ວັນບຸນເກັບໝາກໝັ້ນ ໄດ້ກາຍເປັນຈຸດວັດທະນະທຳທີ່ເປັນເອກະລັກສະເພາະຂອງຊາວ ເມື່ອງຫຼົງ ແລະ ຊາວເມືອງ ກີເຊີນ. ວັນບຸນ ຍັງແມ່ນໂອກາດເພື່ອໃຫ້ນັກທ່ອງທ່ຽວທັງຢູ່ໃກ້ ແລະ ໄກໄດ້ສຳຜັດ, ປະສານເຂົ້າກັນກັບວັດທະນະທຳ, ອາຫານທີ່ເປັນເອກະລັກສະເພາະຂອງຊາວທ້ອງຖິ່ນ.
ໂດຍຜ່ານວັນບຸນນີ້ ເພື່ອເຜີຍແຜ່ສີສັນຂອງເຂດຊາຍແດນ, ນັກທ່ອງທ່ຽວສາມາດຮູ້ສຶກໄດ້ເຖິງອາກາດສົດ, ເຢັນສະບາຍຢູ່ເຂດຕາເວັນຕົກ ເງ້ອານ, ໄດ້ຮັບຊິມອາຫານ, ວັດທະນະທຳທີ່ເປັນເອກະລັກສະເພາະຂອງຊາວເຜົ່າຜູ້ໄທ, ມົ້ງ...
ເປັນທີ່ຮູ້ກັນວ່າ, ບໍລິເວັນຕາແສງ ເມື່ອງຫຼົງ ນັບແຕ່ຊຸມປີ 1990 ເປັນຕົ້ນມາ ໄດ້ຮັບຖືວ່າແມ່ນເມືອງເອກແຫ່ງການປູກຝິ່ນ. ເພື່ອໜູນຊ່ວຍປະຊາຊົນໃນການລົບລ້າງດອກຢາຝິ່ນ, ຕົ້ນໝາກໝັ້ນ ຕ່າມຮວາ ໄດ້ນຳເຂົ້າໃນການທົດລອງປູກ. ດ້ວຍເນື້ອທີ່ປູກຕົ້ນໝາກໝັ້ນກວ່າ 30 ເຮັກຕາ, ຊາວເຜົ່າ ເມື່ອງຫຼົງ ໄດ້ຫຼຸດພົ້ນອອກຈາກຄວາມທຸກຍາກເທື່ອລະກ້າວ.
ໃນຊຸມປີມໍ່ໆມານີ້, ເມືອງ ກີເຊີນ ເວົ້າລວມ ແລະ ຕາແສງ ເມື່ອງຫຼົງ ເວົ້າສະເພາະ ໄດ້ຈັດຕັ້ງການປັບປຸງ ແລະ ຟື້ນຟູເນື້ອທີ່ໝາກໝັ້ນຫຼາຍແຫ່ງ ດ້ວຍເປົ້າໝາຍພັດທະນາເສດຖະກິດ ຕິດພັນກັບການພັດທະນາການທ່ອງທ່ຽວຊຸມຊົນ. ເມືອງ ກີເຊີນ ໄດ້ຊີ້ນຳປະຊາຊົນປູກຕົ້ນໝາກໝັ້ນດ້ວຍວິທີປອດໄພ, ອົງຄະທາດ, ຍົກສູງຄຸນນະພາບຕິດພັນກັບການຍູ້ແຮງການເຊື່ອມຕໍ່ການບໍລິໂພກຜະລິດຕະພັນກະເສດ ແລະ ຂຸດຄົ້ນບັນດາຜະລິດຕະພັນທ່ອງທ່ຽວທ້ອງຖິ່ນ.
ມິງດຶກ
