 |
ທົ່ວໂລກຜະລິດຂີ້ເຫຍື້ອເອເລັກໂຕຣນິກ 48,5 ລ້ານໂຕນ ໃນປີກາຍນີ້
ຕາມການລາຍງານຂອງສະຫະປະຊາຊາດ (ສປຊ) ເມື່ອບໍ່ດົນມານີ້, ທົ່ວໂລກຜະລິດຂີ້ເຫຍື້ອເອເລັກໂຕຣນິກ 48,5 ລ້ານໂຕນ ໃນປີກາຍນີ້. ໃນນີ້ມີພຽງ 20% ທີ່ຖືກນຳໄປຜະລິດນຳໃຊ້ຄືນໃໝ່ (ຣີໄຊເຄີລ) ແລະ ຄາດວ່າຈະເພີ່ມຂຶ້ນ 120 ໂຕນ ພາຍໃນປີ 2050. ແຕ່ຖ້າປຽບທຽບເທົ່າກັບການນຳໂທລະສັບມືຖື, ຄອມພິວເຕີ ແລະ ອຸປະກອນຕ່າງໆ ທີ່ໃຊ້ໃນຄົວເຮືອນທີ່ຖືກຖິ້ມທົ່ວໂລກແລ້ວມາກອງລວມກັນຈະມີນ້ຳໜັກເທົ່າກັບພີຣະມິດແຫ່ງກີຊາຂອງເອຢິບ 9 ແຫ່ງ ລວມກັນ ແລະ ມີມູນຄ່າມະຫາສານອາດສູງກວ່າຍອດລວມຜະລິດຕະພັນພາຍໃນປະເທດ(ຈີດີພີ) ຂອງໂກສະຕາຣິກາ, ກຣົວຊີ ຫລື ຕັງຊານີ. ດັ່ງນັ້ນຈຶ່ງເປັນບັນຫາທີ່ທ້າທາຍຕໍ່ຫລາຍປະເທດໃນການກຳຈັດຂີ້ເຫຍື້ອເຫລົ່ານີ້ໃຫ້ໝົດໄປໃນຕໍ່ໜ້າ.
（ແຫຼ່ງຂໍ້ມູນ： ຂປລ）
