| ຫວຽດນາມ - ສິງກະໂປ ເພີ່ມທະວີຮ່ວມມືເຊື່ອມຕໍ່ເສດຖະກິດ | |
| ສະເຫຼີມສະຫຼອງ 50 ປີແຫ່ງວັນສ້າງຕັ້ງສາຍພົວພັນທາງການທູດ ຫວຽດນາມ - ສິງກະໂປ |
ທ່ານປະທານຄະນະກຳມະການຫຼັກຊັບແຫ່ງລັດ ນາງ ຫວູທິເຈີ່ນເຟືອງ ໃຫ້ຮູ້ວ່າ ໃນເດືອນກໍລະກົດ, ກະຊວງການເງິນ ຈະເປັນປະທານກອງປະຊຸມສົ່ງເສີມການລົງທຶນຢູ່ ສິງກະໂປ ເພື່ອແນະນຳບັນດາແງ່ຫວັງຂອງທ້ອງຕະຫຼາດຫຼັກຊັບ ຫວຽດນາມ.
 |
| ອົງການຄຸຸ້ມຄອງເງິນຕາ ສິງກະໂປ ໄດ້ຕີລາຄາສູງບັນດານະໂຍບາຍທີ່ບັນດາອົງການຄຸ້ມຄອງ ຫວຽດນາມ ໄດ້ຜັນຂະຫຍາຍໃນໄລຍະຜ່ານມາ ເພື່ອບັນລຸເປົ້າໝາຍຍົກອັນດັບທ້ອງຕະຫຼາດຫຼັກຊັບຫວຽດນາມ ໂດຍໄວ. (ພາບ: ຫວຽດນາມ+). |
ຂໍ້ມູນຂ້າງເທິງນີ້ ໂໍດຍການນຳແບ່ງປັນທີ່ການເຮັດວຽກກັບ ທ່ານນາງ Abigail Ng, ຜູ້ອໍານວຍການຝ່າຍບໍລິຫານຂັ້ນສູງຂຶ້ນກັບຄະນະນະໂຍບາຍທ້ອງຕະຫຼາດ ແລະ ຜູ້ບໍລິໂພກ, ອົງການຄຸຸ້ນຄອງເງິນຕາ ສິງກະໂປ (MAS), ພ້ອມກັນກັບ ຜູ້ຕາງໜ້າຈຳນວນໜຶ່ງຂອງ MAS ແລະ ພະແນກທຸລະກຳຫຼັກຊັບ ສິງກະໂປ (SGX) ໃນວັນທີ 9 ພຶດສະພາ.
ທ່ານ ບຸ່ຍຮວ່າງຫາຍ ໄດ້ເຂົ້າຮ່ວມ, ຕິດພັນກັບທ້ອງຕະຫຼາດຫຼັກຊັບນັບແຕ່ເວລາຕົ້ນມາຮອດປະຈຸບັນ, ເຄີຍຮັບຫຼາຍຕຳແໜ່ງຢູ່ຄະນະກຳມະການຫຼັກຊັບແຫ່ງລັດ, ນັບແຕ່ວຽກງານວິຊາສະເພາະເຖິງວຽກງານຄຸ້ມຄອງ, ການນຳ.
ໂດຍແບ່ງປັນກັບຜູ້ຕາງໜ້າອົງການເງິນຕາ ສິງກະໂປ, ການນຳຂອງຄະນະກຳມະການຫຼັກຊັບແຫ່ງລັດ ໄດ້ແຈ້ງກ່ຽວກັບໝາກຜົນທີ່ບັນລຸໄດ້ຂອງທ້ອງຕະຫຼາດຫຼັກຊັບ ຫວຽດນາມ ໃນໄລຍະມໍ່ໆມານີ້ ແລະ ທິດທາງພັດທະນາ, ມຸ່ງໄປສູ່ຂະບວນວິວັດຍົກອັນດັບທ້ອງຕະຫຼາດໃນໄລຍະຈະມາເຖິງ.
ທ່ານນາງ ຫວູທິເຈີ່ນເຟືອງ ປາດຖະໜາວ່າ ຈະໄດ້ຮັບການໜູນຊ່ວຍຈາກອົງການຄຸຸ້ນຄອງເງິນຕາ ສິງກະໂປ ເພື່ອຈັດຕັ້ງກອງປະຊຸມຢ່າງສຳເລັດຜົນ ແລະ ພ້ອມແລ້ວທີ່ຈະຮັບຟັງຄຳເຫັນຈາກບັນດານັກຊ່ຽວຊານ, ອົງການຈັດຕັ້ງ, ນັກລົງທຶນຕ່າງປະເທດ ເພື່ອນັບມື້ນັບເຮັດໃຫ້ບັນດາລະບຽບການພັດທະນາທ້ອງຕະຫຼາດຫຼັກຊັບ ຫວຽດນາມສຳເລັດກ່ວາອີກ.
ທ່ານນາງ Abigail Ng, ຜູ້ອໍານວຍການຝ່າຍບໍລິຫານຂັ້ນສູງຂຶ້ນກັບຄະນະນະໂຍບາຍທ້ອງຕະຫຼາດ ແລະ ຜູ້ບໍລິໂພກ, ອົງການຄຸຸ້ນຄອງເງິນຕາ ສິງກະໂປ ໄດ້ຕີລາຄາສູງບັນດານະໂຍບາຍທີ່ບັນດາອົງການຄຸ້ມຄອງ ຫວຽດນາມ ໄດ້ຜັນຂະຫຍາຍໃນໄລຍະຜ່ານມາ ເພື່ອບັນລຸເປົ້າໝາຍຍົກອັນດັບທ້ອງຕະຫຼາດຫຼັກຊັບຫວຽດນາມ ໂດຍໄວ.
ທ່ານນາງ Abigail Ng ເນັ້ນໜັກວ່າ MAS ແລະ SGX ຍາມໃດກໍ່ພ້ອມແລ້ວທີ່ ຈະໜູນຊ່ວຍ, ແບ່ງປັນປະສົບການໃນການຄຸ້ມຄອງທ້ອງຕະຫຼາດຫຼັກຊັບໃຫ້ແກ່ຄະນະກຳມະການຫຼັກຊັບແຫ່ງລັດ, ບັນດາພະແນກທຸລະກຳຫຼັກຊັບ ຫວຽດນາມ.
ບົນພື້ນຖານນັ້ນ, ທ່ານນາງ Abigail Ng ປາດຖະໜາວ່າ 2 ຝ່າຍ ຈະເພີ່ມທະວີການພົວພັນຮ່ວມມືໃນໄລຍະຈະມາເຖິງ ແລະ MAS ຈະໜູນຊ່ວຍການເຊື່ອມຕໍ່, ແນະນຳຂໍ້ມູນກ່ຽວກັບທ້ອງຕະຫຼາດຫຼັກຊັບ ຫວຽດນາມ ກັບບັນດາຄູ່ຮ່ວມມື, ວິສາຫະກິດຢູ່ ສິງກະໂປ. ຕາມນັ້ນແລ້ວ, ຜູ້ຕາງໜ້າອົງການຄຸຸ້ມຄອງເງິນຕາ ສິງກະໂປ ກໍ່ຫວັງວ່າກອງປະຊຸມສົ່ງເສີມການລົງທຶນຂອງ ຫວຽດນາມ ໃນໄລຍະຈະມາເຖິງ ຈະປະສົບຜົນສຳເລັດອັນດີງາມ, ດຶງດູດນັກລົງທຶນເຂົ້າທ້ອງຕະຫຼາດຫຼັກຊັບ ຫວຽດນາມ ເປັນຈຳນວນຫຼວງຫຼາຍ.
ພາຍຫຼັງການພົບປະ, ບັນດາໜ່ວຍງານວິຊາສະເພາະຂອງຄະນະກຳມະການຫຼັກຊັບແຫ່ງລັດ ແລະ ຄະນະປະຕິບັດງານ MAS ແລະ SGX ໄດ້ປຶກສາຫາລືກ່ຽວກັບນະໂຍບາຍພັດທະນາທ້ອງຕະຫຼາດຫຼັກຊັບ, ບັນດາເນື້ອໃນທີ່ກ່ຽວຂ້ອງເຖິງການບໍ່ລົງນາມກອງທຶນກ່ອນທຸລະກຳ, ຄູ່ຮ່ວມມືຊົດເຊີຍສູນກາງ (CCP) ແລະ ຊຳລະຊົດເຊີຍ.
ມິງດຶກ
