| ນັກຮຽນຮູ້ ອາກຊັງຕິນ ຍ້ອງຍໍຊົມເຊີຍໄຊນະນະວັນທີ 30 ເມສາ ຂອງ ຫວຽດນາມ | |
| ຄູອາຈານ ແລະ ນັກສຶກສາຂອງໂຮງຮຽນສອງພາສາຫງວຽນຢູ ລາວ-ຫວຽດນາມ ສະເຫຼີມສະຫຼອງປີໃໝ່ຕາມປະເພນີ ຫວຽດນາມ 2024 |
ຫວ່າງມໍ່ໆມານີ້, ຢູ່ໂຮງແຮມ Serena, ນະຄອນຫຼວງ Islamabad ຂອງປາກິດສະຖານ, ສະມາຄົມບັນດາພັນລະຍາຄະນະນັກການທຸດ (IFWA) ໄດ້ຈັດຕັ້ງເຫດການ "Taste the World".
 |
|
|
ເຫດການດັ່ງກ່າວ ແມ່ນໂອກາດເພື່ອໃຫ້ບັນດາປະເທດແນະນຳ, ໂຄສະນາຮີດຄອງປະເພນີ, ວັດທະນະທຳ, ອາຫານການກິນໃຫ້ແກ່ເພື່ອນມິດສາກົນ ແລະ ປະຈຳຖິ່ນ ໂດຍຜ່ານນັ້ນ ແມ່ນເພື່ອສ້າງກອງທຶນໜູນຊ່ວຍປະຊາຊົນທຸກຍາກ, ຜູ້ດ້ອຍໂອກາດໃນ ປາກິດສະຖານ.
ສະຖານທູດ ຫວຽດນາມ ໄດ້ເຂົ້າຮ່ວມເຫດການຢ່າງຕັ້ງໜ້າ, ເປັນເຈົ້າການ, ສົມທົບກັນແນະນຳວັດທະນະທຳ ແລະ ອາຫານ ຫວຽດນາມ, ພິເສດ ແມ່ນ ເຝີງົວ ແລະ ກາເຟ ຫວຽດນາມ. ບັນດາແຂກລ້ວນແຕ່ມີຄວາມປະທັບໃຈ ແລະ ຈັບໃຈທີ່ໄດ້ຊິມອາຫານພື້ນເມືອງຂອງຫວຽດນາມ ຢູ່ ປາກິດສະຖານ.
ນ້ຳຊຸບສຳລັບເຝີ ໄດ້ປຸງແຕ່ງຢ່າງລະອຽດລະອໍຈາກທ່ານນາງ ພັນລະຍາເອກອັກຄະລັດຖະທູດ ແລະ ເອື້ອຍນ້ອງໃນສະຖານທູດ. ທ່ານເອກອັກຄະລັດຖະທູດ, ແຂກຖືກເຊີນຫລາຍຄົນໄດ້ປະຫລາດໃຈ, ສະແດງຄວາມຊົມເຊີຍຕໍ່ຄວາມຄ່ອງແຄ້ວຂອງອາຫານຫວຽດນາມ ເມື່ອໄດ້ແນະນຳກ່ຽວກັບຂະບວນການ, ວິທີການປຸງແຕ່ງ ແລະ ວີທີຮັບປະທານອາຫານ.
ໂດຍຜ່ານເຫດການຄັ້ງນີ້, ເຝີຫວຽດນາມ ຄາດວ່າຈະໄດ້ນຳເຂົ້າໃນລາຍການອາຫານຂອງບັນດາໂຮງແຮມ, ຮ້ານອາຫານໃນທົ່ວນະຄອນຫຼວງ Islamabad.
ສະຖານທູດ ຈະສືບຕໍ່ຜັນຂະຫຍາຍການແນະນຳບັນດາວິທີປຸງແຕ່ງ ເຝີ ໃຫ້ບັນດາໂຮງແຮມໃຫຍ່ ເພື່ອເຜີຍແຜ່, ໂຄສະນາອາຫານ ຫວຽດນາມ, ພິເສດແມ່ນ ເຝີຫວຽດນາມ ຢູ່ ປາກິດສະຖານ.
ມິງດຶກ
