ວັນທີ 27 ມີນາ 2024, ໂດຍຕອບຄຳຖາມຂອງນັກຂ່າວທີ່ສະເໜີຢາກໃຫ້ຮູ້ກ່ຽວກັບປະຕິກິລິຍາຂອງ ຫວຽດນາມ ຕໍ່ເລື່ອງສະພາຄວາມໝັ້ນຄົງສະຫະປະຊາຊາດ ຮັບຮອງເອົາມະຕິເລກທີ 2728 ກ່ຽວກັບການຢຸດຍິງຢູ່ເຂດ Gaza, ທ່ານໂຄສົກກະຊວງການຕ່າງປະເທດ ຫວຽດນາມ ນາງ ຟ້າມທູຮັ່ງ ຢືນຢັນວ່າ:
 |
| ທ່ານໂຄສົກກະຊວງການຕ່າງປະເທດ ຫວຽດນາມ ນາງ ຟ້າມທູຮັ່ງ. |
ຫວຽດນາມ ຊົມເຊີຍມະຕິເລກທີ 2728 ກ່ຽວກັບການຢຸດຍິງຢູ່ເຂດ Gaza ໂດຍສະພາຄວາມໝັ້ນຄົງສະຫະປະຊາຊາດ ຮັບຮອງເອົາໃນວັນທີ 25 ມີນາ 2024 ແລະ ຮຽກຮ້ອງບັນດາຝ່າຍທີ່ກ່ຽວຂ້ອງປະຕິບັດມະຕິຢ່າງທັນທີ ເພື່ອມຸງໄປເຖິງຄຳສັ່ງຢຸດຍິງໃນໄລຍະຍາວ ແລະ ຍືນຍົງໃນຂົງເຂດ, ຊຸກຍູ້ການຊ່ວຍເຫຼືອດ້ານມະນຸດສະທໍາ, ການປົກປ້ອງພົນລະເຮືອນ ແລະ ພື້ນຖານໂຄງລ່າງພົນລະເຮືອນ.
ຫວຽດນາມ ສະໜັບສະໜູນບັນດາຄວາມມານະພະຍາຍາມຂອງປະຊາຄົມສາກົນໃນການຊຸກຍູ້ໃຫ້ທຸກຝ່າຍລະງັບໃຈ, ປຶກສາຫາລື, ແກ້ໄຂບັນດາຄວາມບໍ່ລົງລອຍກັນໂດຍມາດຕະການສັນຕິວິທີ, ບົນພື້ນຖານເຄົາລົບກົດໝາຍສາກົນ ແລະ ມະຕິທີ່ກ່ຽວຂ້ອງຂອງສະພາຄວາມໝັ້ນຄົງ ເພື່ອບັນລຸໄດ້ການແກ້ໄຂຢ່າງຍຸຕິທຳ, ສົມເຫດສົມຜົນ ແລະ ຍາວນານໃຫ້ແກ່ຂະບວນການສັນຕິພາບຕາເວັນອອກກາງ ໂດຍໄວ.
ມິງດຶກ
