| ລັດຖະມົນຕີກະຊວງປ້ອງກັນປະເທດຫວຽດນາມ ຕ້ອນຮັບເອກອັກຄະລັດຖະທູດ ຝຣັ່ງ Olivier Brochet | |
| ເປີດຕົວສະໂມສອນຮັກແພງທະເລ ແລະ ໝູ່ເກາະຫວຽດນາມ ຢູ່ ຝຣັ່ງ |
ພາຍຫຼັງສຳເລັດເອກະສານ, ຂັ້ນຕອນ ແລະ ຂໍອະນຸຍາດຈາກທຸກຂັ້ນທີ່ມີສິດອຳນາດແລ້ວ, ວັນທີ 20 ມັງກອນ 2024, ປະທານສູນກາງສະມາຄົມມິດຕະພາບ ແລະ ການຮ່ວມມື ຫວຽດນາມ - ຝລັ່ງ ກໍໄດ້ເຊັນຂໍ້ຕົກລົງວ່າດ້ວຍການສ້າງຕັ້ງສາຂາສະມາຄົມມິດຕະພາບ ແລະ ການຮ່ວມມື ຫວຽດນາມ - ຝລັ່ງ ມະຫາວິທະຍາໄລທຸລະກິດ ແລະ ເຕັກໂນໂລຢີ ຮ່າໂນ້ຍ.
ທີ່ພິທີ, ທ່ານ ຫງວຽນທຽບ, ຮອງປະທານສະມາຄົມ ໄດ້ອ່ານ ແລະ ມອບຂໍ້ຕົກລົງນີ້. ທ່ານ ທຽບ ໃຫ້ຮູ້ວ່າ ການສ້າງຕັ້ງສາຂາສະມາຄົມໃໝ່ ແມ່ນສິ່ງທີ່ດີ ແລະ ທັນການ, ຕອບສະໜອງບັນດາບູລິມະສິດການເຄື່ອນໄຫວຂອງສະມາຄົມ ແລະ ເໝາະສົມກັບຈຸດສຸມວຽກງານຂອງໂຮງຮຽນ. ສິ່ງນີ້ ກໍໄດ້ຮັບການສະຫນັບສະຫນູນບໍ່ພຽງແຕ່ຂອງສູນກາງສະມາຄົມເທົ່ານັ້ນ ຫາກຍັງແມ່ນຂອງສາຂາສະມາຄົມຢູ່ມະຫາວິທະຍາໄລອື່ນໆນຳອີກ, ພິເສດ ແມ່ນບັນດາໂຮງຮຽນທີ່ມີຂະແໜງການບຳລຸງສ້າງພາສາ ຝຣັ່ງ ແລະ ການແພດ.
ຕາມທ່ານ ເຈີ່ນດຶກມິງ, ຮອງອຳນວຍການໂຮງຮຽນມະຫາວິທະຍາໄລທຸລະກິດ ແລະ ເຕັກໂນໂລຢີ ຮ່າໂນ້ຍ ແລ້ວ, ໃນໄລຍະທີ່ຜ່ານມາ, ໂຮງຮຽນ ຍາມໃດກໍ່ມານະພະຍາຍາມໃນການເພີ່ມທະວີການພົວພັນມິດຕະພາບການຮ່ວມມື ຫວຽດນາມ - ຝລັ່ງ ຜ່ານການເຂົ້າຮ່ວມທຸກການເຄື່ອນໄຫວຂອງຫ້ອງການຜູ້ຕາງໜ້າຂະແໜງພາສາ ຝລັ່ງ ຢູ່ ຫວຽດນາມ (BRAP) ແລະ ອົງການຜູ້ຕາງໜ້າບັນດາມະຫາວິທະຍາໄລຂອງຂະແໜງພາສາຝລັ່ງ ຢູ່ ຮ່າໂນ້ຍ (AUF).
 |
| ພິທີປະກາດຂໍ້ກຳນົດການສ້າງຕັ້ງສາຂາສະມາຄົມມິດຕະພາບ ແລະ ການຮ່ວມມື ຫວຽດນາມ - ຝລັ່ງ ຢູ່ມະຫາວິທະຍາໄລທຸລະກິດ ແລະ ເຕັກໂນໂລຢີ ຮ່າໂນ້ຍ. |
ການສ້າງຕັ້ງສາຂາສະມາຄົມໃໝ່ຢູ່ໂຮງຮຽນ ຈະສ້າງກາລະໂອກາດເພື່ອໂຮງຮຽນສືບຕໍ່ບັນດາການເຄື່ອນໄຫວ ເພື່ອປັບປຸງ ແລະ ພັດທະນາການພົວພັນລະຫວ່າງສອງປະເທດ ເພື່ອສັນຕິພາບ, ການຮ່ວມມື ແລະ ພັດທະນາເສດຖະກິດ-ສັງຄົມ .ໃນອະນາຄົດອັນໃກ້ນີ້, ໂຮງຮຽນ ຈະເປີດຊຸດຮຽນບຳລຸງພາສາ ຝຣັ່ງ ໃຫ້ແກ່ນັກຮຽນເພື່ອສົ່ງເສີມ, ເປີດກ້ວາງການຮຽນພາສາ ຝຣັ່ງ ໃນໂຮງຮຽນ. ພ້ອມກັນນັ້ນ, ກໍສ້າງແຜນການເປີດຊຸດອົບຮົມພາສາ ຫວຽດນາມ ໃຫ້ຊາວ ຝລັ່ງ ຢູ່ ຫວຽດນາມ.
“ໃນແຕ່ລະປີ, ໂຮງຮຽນ ຍັງໄດ້ສົ່ງນັກສຶກສານັບຮ້ອຍຄົນ ໄປຮຽນຢູ່ບັນດາມະຫາວິທະຍາໄລຕ່າງປະເທດຄື ໄຕ້ຫວັນ, ສິງກະໂປ, ອາເມລິກາ… ຫວັງວ່າ ໃນຊຸມປີຈະມາເຖິງ, ນັກສຶກສາ ແລະ ຄູອາຈານຫຼາຍຄົນຂອງໂຮງຮຽນ ຈະໄດ້ສົ່ງໄປ ຝຣັ່ງ ເພື່ອບຳລຸງສ້າງປະກອບສ່ວນໃຫ້ແກ່ການພັດທະນາ, ເປີດກ້ວາງການພົວພັນລະຫວ່າງ 2 ປະເທດ”. ທ່ານ ເຈີ່ນດຶກມິງ ກ່າວ.
ກ່າວຄຳປາໄສທີ່ພິທີ, ທ່ານ Olivier Brochet, ເອກອັກຄະລັດຖະທູດຝລັ່ງ ປະຈຳ ຫວຽດນາມ ໃຫ້ຮູ້ວ່າ ການຮ່ວມມືໃນການຄົ້ນຄ້ວາວິທະຍາສາດ ກໍຄືການບຳລຸງສ້າງມລະດັບປະລິນຍາຕີລະຫວ່າງ ຫວຽດນາມ ແລະ ຝລັ່ງ ແມ່ນສຳຄັນທີ່ສຸດ ເພາະວ່າຜ່ານການບຳລຸງສ້າງນັກສຶກສາ - ຜູ້ທີ່ຈະກາຍເປັນຫົວເງື່ອນເຊື່ອມຕໍ່ ໃນອະນາຄົດລະຫວ່າງປະຊາຊົນສອງປະເທດໃນທຸກຂົງເຂດ.
ປະຈຸບັນມີ 54 ລາຍການບຳລຸງສ້າງຕາມແບບ ຝລັ່ງ, ໂດຍໄດ້ອອກໃບປະກາດຂອງ ຝະລັ່ງ ທີ່ໄດ້ອອກໃບປະກາດໃນການບຳລຸງສ້າງຢູ່ ຫວຽດນາມ. ດ້ວຍທ່າແຮງຄຸນນະພາບການບຳລຸງສ້າງທີ່ດີ, ຄ່າໃຊ້ຈ່າຍໃນການບຳລຸງສ້າງຖືກກວ່າບັນດາປະເທດໃນພາກພື້ນ, ໃນແຕ່ລະປີ ມີນັກສຶກສາ ຫວຽດນາມ ປະມານ 1.500 ຄົນໄປຮຽນຢູ່ ຝລັ່ງ. ທ່ານເອກອັກຄະລັດຖະທູດ Olivier Broche ໄດ້ຕີລາຄາວ່າ ການເປີດບັນດາຊຸດຮຽນບຳລຸງສ້າງພາສາ ຝຣັ່ງ ຂອງໂຮງຮຽນ ຈະເປັນການປະກອບດ້ານພາສາ ເພື່ອໃຫ້ບັນດານັກສຶກສາເຂົ້າເຖິງບັນດາຫຼັກສູດການບຳລຸງສ້າງຊັ້ນສູງກ່ວາຢູ່ ຝລັ່ງ ໃນອະນາຄົດ.
“ສະຖານທູດ ຈະຈັດຕັ້ງການໂອ້ລົມເຈລະຈາເພື່ອແນະນຳ, ໃຫ້ຄຳປຶກສາແກ່ບັນດາພະນັກງານ, ລັດຖະກອນ, ຄູອາຈານ ກໍຄືບັນດານັກສຶກສາໃນໂຮງຮຽນກ່ຽວກັບໂອກາດໄປຮຽນຢູ່ ຝລັ່ງ ໂດຍຜ່ານຫຼາຍໂຄງການໃຫ້ທຶນການສຶກສາ. ພ້ອມກັນນັ້ນ ກໍແນະນຳບັນດາໂອກາດຝຶກງານແບບຢູ່ກິນນອນ ໃຫ້ນັກສຶກສາຂະແໜງການການແພດທີ່ພວມຮຽນຢູ່ໂຮງຮຽນ. ຫວັງວ່າ ບັນດາການເຄື່ອນໄຫວຈະດຳເນີນຢ່າງແທດຈິງ, ມີປະສິດທິຜົນ ເພື່ອໜູນຊ່ວຍສາຂາສະມາຄົມພັດທະນາຢ່າງເຂັ້ມແຂງ". ທ່ານເອກອັກຄະລັດຖະທູດ Olivier Broche ຢືນຢັນ.
ມິງດຶກ
