| 9 ແຂວງຂອງ 3 ປະເທດ ຫວຽດນາມ - ລາວ - ໄທ ສືບຕໍ່ຮ່ວມມືຮອບດ້ານ | |
| ການຢ້ຽມຢາມ ລາວ - ໄທ ຂອງທ່ານປະທານສະພາແຫ່ງຊາດ ເວືອງດິ່ງເຫວະ ບັນລຸໄດ້ບັນດາຄາດໝາຍ, ຂໍ້ກຳນົດທີ່ວາງອອກທັງສອງຝ່າຍ ແລະ ຫຼາຍຝ່າຍ. |
ທີ່ເຫດການ, ເຂົ້າຮ່ວມພິທີດັ່ງກ່າວມີ ທ່ານ ບຸນເຫຼືອ ສິນໄຊວໍລະວົງ ຜູ້ວ່າການທະນາຄານແຫ່ງ ສປປ ລາວ; ທ່ານ ເສດຖະພຸດສຸທິວາດນະຣຸພຸດ, ຜູ້ວ່າການທະນາຄານແຫ່ງປະເທດໄທ, ພ້ອມກັບພະນັກງານ - ລັດຖະກອນຂອງຂະແໜງການທະນາຄານສອງປະເທດ ລາວ - ໄທ ເປັນຈຳນວນຫຼວງຫຼາຍ.
 |
| ພິທີເປີດຕົວລະບົບຊຳລະຂ້າມຊາຍແດນດ້ວຍລະຫັດ QR ລະຫວ່າງສອງປະເທດ. ພາບ: ຟ້າມກຽນ/ນັກຂ່າວ TTXVN ປະຈຳ ລາວ |
ກ່າວຄຳປາໄສທີ່ພິທີ, ທ່ານ ບຸນເຫຼືອ ສິນໄຊວໍລະວົງ ຜູ້ວ່າການທະນາຄານແຫ່ງ ສປປ ລາວ ຢືນຢັນວ່າ ການນຳໃຊ້ລະບົບຊຳລະຂ້າມຊາຍແດນດ້ວຍເງິນພາຍໃນປະເທດ ລາວ - ໄທ ໂດຍຜ່ານລະຫັດ QR ແມ່ນບາດກ້າວສຳຄັນໃນການພັດທະນາຂອງຂະແໜງການເງິນຂອງລາວ ເພາະວ່າ ໄທເປັນຄູ່ຮ່ວມມືການຄ້າອັນດັບ 1 ຂອງປະເທດນີ້. ສິ່ງນີ້ບໍ່ພຽງແຕ່ຊ່ວຍປະຕິບັດບັນດາການເຮັດທຸລະກຳດ້ານການເງິນຂ້າມຊາຍແດນ, ພິເສດ ສຳລັບບັນດາວິສາຫະກິດ, ນັກທຸລະກິດ (MSMEs) ແລະ ຜູ້ບໍລິໂພກ ປະຕິບັດໄດ້ຢ່າງວ່ອງໄວ, ມີປະສິດທິຜົນ, ປອດໄພ, ປະຢັດຄ່າໃຊ້ຈ່າຍ ແລະ ເຂົ້າເຖິງໄດ້ງ່າຍເທົ່ານັ້ນ, ແຕ່ຍັງຊ່ວຍໃຫ້ຜູ້ອອກແຮງງານທີ່ເຮັດວຽກຢູ່ 2 ປະເທດໄດ້ມີຄວາມສະດວກໃນການໂອນເງິນກັບບ້ານ, ພ້ອມກັນນັ້ນ ກໍ່ຊ່ວຍຊຸກຍູ້ການນຳໃຊ້ເງິນສົດໃນສັງຄົມ ແລະ ການຄ້າລະຫວ່າງສອງປະເທດໃຫ້ໜ້ອຍລົງ.
ຕາມທ່ານຜູ້ວ່າການທະນາຄານແຫ່ງ ສປປ ລາວ ແລ້ວ, ການຊຳລະຂ້າມຊາຍແດນໃນປັດຈຸບັນຖືວ່າເປັນການເປີດກ້ວາງທີ່ຈຳເປັນຂອງນະວັດຕະກໍາທາງດ້ານການເງິນແບບດິຈິຕອນ ເພື່ອໃຫ້ທັນກັບຄວາມຕ້ອງການຂອງການເຮັດທຸລະກຳ, ຊຳລະຂອງປະຊາຊົນ ແລະ ພື້ນຖານເສດຖະກິດ. ລະບົບຊຳລະຂ້າມຊາຍແດນດ້ວຍລະຫັດ QR ບໍ່ພຽງແຕ່ສອດຄ່ອງກັບຄວາມພະຍາຍາມຂອງ ອາຊຽນ ໃນການເຂົ້າເຖິງບັນດາບໍລິການດ້ານການເງິນ ເພື່ອຫຼຸດຜ່ອນຄວາມຜິດດ່ຽງລະຫວ່າງຂົງເຂດຕົວເມືອງ ແລະ ຊົນນະບົດເທົ່ານັ້ນ, ຫາກຍັງຕີລາຄາວ່າ ແມ່ນບາດກ້າວໃຫຍ່ໃນຂະບວນການເຊື່ອມໂຍງເສດຖະກິດສາກົນຂອງພາກພື້ນ ອາຊຽນ, ສອດຄ່ອງກັບທ່າອ່ຽງຍູ້ແຍງການເຊື່ອມຕໍ່ການຊຳລະຂ້າມຊາຍແດນ.
ມາຮອດປະຈຸບັນ, ລາວ ໄດ້ຜັນຂະຫຍາຍການຊຳລະຂ້າມຊາຍແດນດ້ວຍການສະແກນລະຫັດ QR ກັບ 2 ປະເທດໃນພາກພື້ນຄື ໄທ ແລະ ກຳປູເຈຍ.
ມິງດຶກ
