| 9 ແຂວງຂອງ 3 ປະເທດ ຫວຽດນາມ - ລາວ - ໄທ ສືບຕໍ່ຮ່ວມມືຮອບດ້ານ | |
| ທ່ານປະທານສະພາແຫ່ງຊາດ ຫວຽດນາມ ເຫວືອງດິງເຫ້ວ ໄດ້ພົບປະກັບປະຊາຄົມຊາວ ຫວຽດນາມ ຢູ່ ໄທ |
ບຸນຄ້າຍພາສາ ແລະ ວັດທະນະທໍາ ຫວຽດນາມ ໄດ້ຈັດຕັ້ງໂດຍສູນຄົ້ນຄວ້າຫວຽດນາມວິທະຍາ ຢູ່ມະຫາວິທະຍາໄລ ລາດຊະພັດ ອຸດອນທານີ ສົມທົບກັບ ໂຮງຮຽນ ມັດທະຍົມສົມບູນ ປະທຸມເທບວິທະຍາຄານ ແຂວງ ໜອງຄາຍ ໃນວັນທີ 25 – 26 ມີນາ. ລາຍການ ໄດ້ດຶງດູດການເຂົ້າຮ່ວມຂອງຄູສອນພາສາຫວຽດນາມ ແລະ ນັກຮຽນທີ່ມາຈາກ 14 ໂຮງຮຽນມັດທະຍົມປາຍໃນ 10 ແຂວງ ແລະ ນະຄອນຫຼວງ ບາງກອກ ຂອງ ໄທ.
 |
| ໃນຂອບເຂດຄ້າຍພັກແລ້ງ, ບັນດານັກຮຽນ ໄທ ໄດ້ເຂົ້າຮ່ວມບັນດາຫົວຂໍ້ກ່ຽວກັບການຟັງ, ການເວົ້າ, ການອ່ານ, ການຂຽນພາສາ ຫວຽດນາມ |
ໃນຂອບເຂດຄ້າຍພັກແລ້ງ, ບັນດານັກຮຽນ ໄທ ໄດ້ເຂົ້າຮ່ວມບັນດາຫົວຂໍ້ກ່ຽວກັບການຟັງ, ການເວົ້າ, ການອ່ານ, ການຂຽນພາສາ ຫວຽດນາມ; ໄດ້ພົບພະແລກປ່ຽນ, ຮຽນຮູ້ປະສົບການຊີວິດ ແລະ ຮຽນຮູ້ເຊິ່ງກັນ ແລະ ກັນ.
ບັນດານັກຮຽນ ຍັງໄດ້ຊົມການສະແດງດົນຕີຫຼາຍຢ່າງເພື່ອຍ້ອງຍໍບ້ານເກີດເມືອງນອນ, ຍ້ອງຍໍສາຍພົວພັນມິດຕະພາບທີ່ນັບມື້ນັບພັດທະນາອັນດີງາມລະຫວ່າງສອງປະເທດ, ປະຊາຊົນ ຫວຽດນາມ - ໄທ ໂດຍຊາວ ຫວຽດນາມ ອາໄສຢູ່ຕ່າງປະເທດສະແດງ. ໂດຍຜ່ານການເຄື່ອນໄຫວ ກໍ່ຊ່ວຍໃຫ້ນັກຮຽນໄດ້ມີຄວາມຮູ້ຄວາມເຂົ້າໃຈກ່ຽວກັບຄວາມງາມຂອງວັດທະນະທຳ, ປະຫວັດສາດ, ປະເທດ ແລະ ປະຊາຊົນ ຫວຽດນາມ ຕື່ມອີກ.
ກ່າວຄຳປາໄສທີ່ພິທີເປີດ, ທ່ານ Chalieo Sorasith, ອຳນວຍການໂຮງຮຽນ ປະທຸມເທບວິທະຍາຄານ ເວົ້າວ່າ "ບຸນຄ້າຍແມ່ນໂອກາດເພື່ອໃຫ້ນັກຮຽນ ໄທ ຝຶກຝົນພາສາ ຫວຽດນາມ, ຮຽນຮູ້ວັດທະນະທຳ, ປະຫວັດສາດ ຫວຽດນາມ ໂດຍຜ່ານບັນດາການເຄື່ອນໄຫວແລກປ່ຽນ, ຫຼິ້ນເກມ, ແບ່ງປັນຄວາມຮູ້. ນີ້ກໍແມ່ນໂອກາດເພື່ອໃຫ້ນັກຮຽນສາມາດພົບປະ ແລະ ສື່ສານເຊິ່ງກັນ ແລະ ກັນ, ຜ່ານນັ້ນ ກໍ່ໄດ້ຮັບປະສົບການຕົວຈິງກ່ຽວກັບການນຳໃຊ້ພາສາ ຫວຽດນາມ ໃນການດຳລົງຊີວິດ. ຄະນະຈັດຕັ້ງຫວັງວ່າເຫດການນີ້ ຈະສ້າງກຳລັງຜັກດັນໃຫ້ບັນດານັກຮຽນ ໄທ ມີຄວາມຮັກໃນການຮຽນພາສາ ຫວຽດນາມ, ປະກອບສ່ວນເຂົ້າໃນການເຮັດວຽກງານໃນອະນາຄົດ”.
ເຂົ້າຮ່ວມ ແລະ ກ່າວຄຳປາໄສທີ່ເຫດການ, ທ່ານກົງສູນໃຫຍ່ ຫວຽດນາມ ປະຈຳ ຂອນແກ່ນ ຈຸ່ດຶກຢຸ່ງ ໄດ້ຕີລາຄາສູງຄຳຄິດຄຳເຫັນຂອງການຈັດຕັ້ງບຸນຄ້າຍພາສາ ແລະ ວັດທະນະທຳ ຫວຽດນາມ. ທ່ານ ຢຸ່ງ ກ່າວວ່າ ການກຳແໜ້ນພາສາ ແລະ ວັດທະນະທຳ ຫວຽດນາມ ຈະແມ່ນການປະກອບຄວາມຮູ້ທີ່ດີຫຼາຍສຳລັບນັກຮຽນໄທ ເມື່ອຊອກຫາວຽກເຮັດງານທຳກ່ຽວກັບ ຫວຽດນາມ.
ທ່ານກົງສຸນໃຫຍ່ ຈຸ່ດຶກຢຸ່ງ ປາດຖະໜາວ່າ ໃນຕໍ່ໜ້າ, ບັນດາລາຍການຄ້າຍພັກແລ້ງທີ່ຄ້າຍຄືກັນ ຈະໄດ້ຈັດຕັ້ງເປັນເວລາຍາວກ່ວາ ເພື່ອໃຫ້ນັກຮຽນໄທ ມີເວລາມາໄປຢ້ຽມຢາມ ຫວຽດນາມ, ແລກປ່ຽນພາສາ ຫວຽດນາມ ໂດຍກົງກັບເພື່ອນມິດ ຫວຽດນາມ. ສະຖານກົງສູນໃຫຍ່ ຫວຽດນາມ ປະຈຳ ແຂວງ ຂອນແກ່ນ ພ້ອມແລ້ວທີ່ຈະຮ່ວມເດີນທາງ, ໜູນຊ່ວຍໃນບັນດາການເຄື່ອນໄຫວຝຶກອົບຮົມ, ສຶກສາພາສາ ຫວຽດນາມ ເປັນທີ່ສຸດ ກໍຄືບັນດາລາຍການເພື່ອເພີ່ມທະວີຄວາມເຂົ້າໃຈເຊິ່ງກັນ ແລະ ກັນລະຫວ່າງຊາວໜຸ່ມສອງປະເທດ ຫວຽດນາມ ແລະ ໄທ.
ມິງດຶກ
