| Vietjet ເປີດສາຍການບິນເຊື່ອມຕໍ່ນະຄອນ ໂຮ່ຈີມິນ (ຫວຽດນາມ) ກັບນະຄອນຫຼວງ ວຽງຈັນ (ສປປ ລາວ) | |
| ນໍາ ຮວ່ານນກຽມ-ຈັນທະບູລີ ກາຍເປັນແບບຢ່າງການຮ່ວມມືລະຫວ່າງຮ່າໂນ້ຍ ແລະ ວຽງຈັນ (ລາວ) ໂດຍໄວ |
ຕອນບ່າຍວັນທີ 12 ມີນາ, ຢູ່ນະຄອນຫຼວງວຽງຈັນ, ສະຫາຍ ທອງລຸນ ສີສຸລິດ, ເລຂາທິການໃຫຍ່, ປະທານປະເທດລາວ ໄດ້ໃຫ້ການຕ້ອນຮັບຄະນະຜູ້ແທນນະຄອນຫຼວງຮ່າໂນ້ຍ ນໍາໂດຍສະຫາຍ ດິງຕ໊ຽນຢຸງ, ກຳມະການກົມການເມືອງ, ເລຂາພັກນະຄອນຮ່າໂນ້ຍ ເຂົ້າຢ້ຽມຂໍ່ານັບ.
 |
| ສະຫາຍ ທອງລຸນ ສີສຸລິດ ເລຂາທິການໃຫຍ່, ປະທານປະເທດລາວ ຕ້ອນຮັບສະຫາຍ ດິງຕ໊ຽນຢຸງ, ກຳມະການກົມການເມືອງ, ເລຂາພັກນະຄອນຮ່າໂນ້ຍ. ພາບ: laodongthudo.vn. |
ທີ່ການຕ້ອນຮັບ, ສະຫາຍ ເລຂາພັກນະຄອນຮ່າໂນ້ຍ ດິງຕ໊ຽນຢຸງ ໄດ້ລາຍງານຕໍ່ສະຫາຍເລຂາທິການໃຫຍ່, ປະທານປະເທດລາວ ກ່ຽວກັບໝາກຜົນການພົບປະເຈລະຈາລະຫວ່າງຄະນະຜູ້ແທນຂັ້ນສູງຂອງສອງນະຄອນຫຼວງທີ່ໄດ້ດຳເນີນໄປກ່ອນໜ້ານັ້ນ. ພ້ອມທັງເນັ້ນໜັກວ່າ ໝາກຜົນອັນດີງາມຂອງການຮ່ວມມືລະຫວ່າງ ຮ່າໂນ້ຍ-ວຽງຈັນ ສືບຕໍ່ແມ່ນໜຶ່ງໃນບັນດາພະຍານຫຼັກຖານທີ່ພິສູດໃຫ້ເຫັນສາຍພົວພັນມິດຕະພາບທີ່ເປັນມູນເຊື້ອແບບພິເສດ ຫວຽດນາມ-ລາວ ຈາກແງ່ມູມການຮ່ວມມືທ້ອງຖິ່ນ; ຢັ້ງຢືນວ່າ ໃນໄລຍະຈະມາເຖິງ, ຮ່າໂນ້ຍ ຈະສືບຕໍ່ສົມທົບກັນຢ່າງແໜ້ນແຟ້ນກັບນະຄອນຫຼວງວຽງຈັນ ເພື່ອຜັນຂະຫຍາຍບັນດາຂໍ້ຕົກລົງລະຫວ່າງການນຳຂັ້ນສູງຂອງສອງພັກ, ສອງລັດ ແລະຂໍ້ຕົກລົງລະຫວ່າງສອງນະຄອນຫຼວງຢ່າງມີປະສິດທິຜົນ.
 |
| ບັນຍາກາດທີ່ການຕ້ອນຮັບ. ພາບ: laodongthudo.vn |
ສ່ວນສະຫາຍເລຂາທິການໃຫຍ່, ປະທານປະເທດລາວ ທອງລຸນ ສີສຸລິດ ກໍ່ໄດ້ຕີລາຄາສູງຕໍ່ໝາກຜົນການພົບປະເຈລະຈາລະຫວ່າງສະຫາຍເລຂາພັກນະຄອນຮ່າໂນ້ຍ ດິງຕ໊ຽນຢຸງ ແລະສະຫາຍເລຂາພັກນະຄອນຫຼວງວຽງຈັນ ອະນຸພາບ ຕຸນາລົມ; ຮັບຮູ້ ແລະຕີລາຄາສູງຕໍ່ໝາກຜົນການຮ່ວມມືໃນໄລຍະຜ່ານມາຂອງສອງນະຄອນຫຼວງ ຕາມບົດບັນທຶກຂໍ້ຕົກລົງການຮ່ວມມືລະຫວ່າງສອງນະຄອນຫຼວງ ໃນໄລຍະ 2022-2025, ເປັນຕົ້ນແມ່ນການໜູນຊ່ວຍທີ່ແທດຈິງຂອງນະຄອນຫຼວງຮ່າໂນ້ຍ ທີ່ສະຫງວນໃຫ້ນະຄອນຫຼວງວຽງຈັນ; ສະຫາຍສະແດງຄວາມເຊື່ອໝັ້ນວ່າ ຮ່າໂນ້ຍ ແລະວຽງຈັນ ຈະສືບຕໍ່ປະຕິບັດບົດບັນທຶກຂໍ້ຕົກລົງການຮ່ວມມືໄລຍະ 2022-2025 ຢ່າງມີປະສິດທິຜົນ, ຜັນຂະຫຍາຍເນື້ອໃນການຮ່ວມມືໃໝ່ໃຫ້ນັບມື້ນັບແທດຈິງ ແລະມີປະສິດທິຜົນ.
ສະຫາຍເລຂາທິການໃຫຍ່, ປະທານປະເທດລາວ ເຊື່ອໝັ້ນວ່າ ສອງນະຄອນຫຼວງຈະນໍາການພົວພັນຮ່ວມມືມິດຕະພາບໃຫ້ກາຍເປັນແບບຢ່າງໃນການຮ່ວມມືຂັ້ນທ້ອງຖິ່ນຫວຽດນາມ-ລາວ, ປະກອບສ່ວນເພີ່ມພູນຄູນສ້າງຄວາມສະໜິດຕິດພັນທີ່ບໍລິສຸດຜຸດຜ່ອງ, ຫາຍາກ, ຍິ່ງໃຫຍ່, ຄວາມສາມັກຄີແບບພິເສດ, ການຮ່ວມມືຮອບດ້ານ, ໄດ້ຮັບການເພີ່ມພູນຄູນສ້າງຈາກບັນດາສະຫາຍການນໍາສອງພັກ, ສອງລັດ.
* ກ່ອນໜ້ານັ້ນໃນວັນດຽວກັນ, ສະຫາຍ ດິງຕ໊ຽນຢຸງ ພ້ອມດ້ວຍຄະນະໄດ້ເຂົ້າຮ່ວມລາຍການສົ່ງເສີມການທ່ອງທ່ຽວ, ການຄ້າ ຮ່າໂນ້ຍ-ວຽງຈັນ 2024 ທີ່ຈັດຢູ່ນະຄອນຫຼວງວຽງຈັນ.
ບູນມີ
