ເປີດຕົວສະໂມສອນຮັກແພງທະເລ ແລະ ໝູ່ເກາະຫວຽດນາມ ຢູ່ ຝຣັ່ງ

06:00 | 21/03/2023

ຍສໝ - ໂດຍຕອບສະໜອງການເຄື່ອນໄຫວ “ທັງໝົດເພື່ອທະເລ ແລະ ໝູ່ເກາະຂອງຫວຽດນາມ” ເຊິ່ງປະຈຸບັນພວມແຜ່ຂະຫຍາຍຢ່າງເຂັ້ມແຂງຢູ່ເອີລົບ, ໃນວັນທີ 19 ມີນາ, ຢູ່ນະຄອນຫຼວງ ປາຣີ, ໄດ້ຈັດຕັ້ງພິທີເປີດຕົວ ສະໂມສອນຮັກແພງສາທະເລ ແລະ ໝູ່ເກາະຫວຽດນາມ ຢູ່ ຝຣັ່ງ.

	ມອບລາງວັນການເສັງຂຽນຊອກຮູ້ຄວາມຮູ້ກ່ຽວກັບທະເລ, ໝູ່ເກາະຫວຽດນາມ ປີ 2022
	AFD ແລະ ບັນດາອົງການຈັດຕັ້ງທີ່ບໍ່ສັງກັດລັດຖະບານ ຝຣັ່ງ ມີຄວາມສົນໃຈໜູນຊ່ວຍ ຫວຽດນາມ

ກ່າວຄຳເຫັນທີ່ພິທີເປີດຕົວ, ທ່ານເອກອັກຄະລັດຖະທູດ ຫວຽດນາມ ປະຈຳ ຝະລັ່ງ ດີງຕ່ວນຖັງ ໄດ້ຕີລາຄາສູງຂໍ້ລິເລີ່ມສ້າງຕັ້ງສະໂມສອນ, ຖືວ່ານີ້ແມ່ນເຫດການທີ່ມີຄວາມໝາຍສຳຄັນ, ໄດ້ສະແດງໃຫ້ເຫັນນ້ຳໃຈທີ່ຊື່ສັດຂອງພໍ່ແມ່ພີ່ນ້ອງຝລັ່ງ ຕໍ່ກັບບ້ານເກີດເມືອງນອນ. ທ່ານເອກອັກຄະລັດຖະທູດ ຫວັງວ່າ ສະໂມສອນຈະເຕົ້າໂຮມສະມາຊິກຫຼາຍຄົນ, ຈັດຕັ້ງການເຄື່ອນໄຫວທີ່ເປັນປະໂຫຍດ ແລະ ມີຄວາມໝາຍທີ່ຈັບໃຈ, ມູ່ງໄປເຖີງປະເທດຊາດ, ບ້ານເກີດເມືອງນອນ, ກໍ່ຄື ມີການປະກອບສ່ວນໃຫ້ປະເທດຊາດຫຼາຍກ່ວາອີກໃນໄລຍະຈະມາເຖິງ.

ເປີດຕົວສະໂມສອນຮັກແພງທະເລ ແລະ ໝູ່ເກາະຫວຽດນາມ ຢູ່ ຝຣັ່ງ

ທ່ານນາງ ເຈີ່ນທູຢຸງ ແມ່ນໜຶ່ງໃນບັນດາຜູ້ກໍ່ຕັ້ງອົງການນີ້ ໃຫ້ຮູ້ວ່າ: ເພື່ອແນໃສ່ເຊື່ອມຕໍ່ປະຊາຄົມ ແລະ ບັນດາເພື່ອນມິດຝະລັ່ງ ທີ່ຮັກແພງຫວຽດນາມ ເວົ້້າລວມ ແລະ ຄວາມຮັກແພງທະເລ, ໝູ່ເກາະເວົ້າສະເພາະ, ສະໂມສອນ ປາດຖະໜາຢາກແນະນຳ ແລະ ໂຄສະນາບັນດາຮູບພາບທຳມະຊາດທີ່ສວຍງາມຂອງປະເທດຊາດ ແລະ ປະຊາຊົນ, ກໍ່ຄືແມ່ນວັດທະນະທຳ, ຜະລິດຕະພັນພິເສດຂອງເຂດທະເລ, ໝູ່ເກາະບ້ານເກີດເມືອງນອນ, ເພື່ອດຶງດູດຜູ້ທີ່ຮັກແພງການທ່ອງທ່ຽວ ແລະ ວັດທະນະທຳທະເລ ຫວຽດນາມ.

ທ່ານນາງ ເຈີ່ນທູຢຸງ ແບ່ງປັນວ່າ ນອກຈາກການແຜ່ກະຈາຍຄວາມຮັກແພງເຖິງທະເລ, ໝູ່ເກາະບ້ານເກີດເມືອງນອນ, ສະໂມສອນ ກໍ່ມີຄວາມສົນໃຈເປັນພິເສດ ໃນການບໍລິຈາກ ແລະ ລະດົມທຶນໜູນຊ່ວຍເດັກນ້ອຍ, ຄູອາຈານ, ໂຮງຮຽນ ແລະ ຫໍສະໝຸດຢູ່ໝູ່ເກາະ ເຈື່ອງຊາ, ປະກອບສ່ວນພັດທະນາເສດຖະກິດ - ສັງຄົມ ແລະ ປົກປັກຮັກສາອະທິປະໄຕຂອງຫວຽດນາມກ່ຽວກັບທະເລ, ຫມູ່ເກາະ.

ເນື່ອງໃນໂອກາດເປີດຕົວ, ສະໂມສອນໄດ້ແນະນຳບັນດາບົດເພງ ແລະ ຮູບເງົາເອກະສານກ່ຽວກັບເຈື່ອງຊາ, ຊາວຫວຽດນາມ ອາໄສຢູ່ ຝະລັ່ງ ໄດ້ລົງນາມມອບປຶ້ມກ່ຽວກັບທະເລ ແລະ ໝູ່ເກາະຂອງຫວຽດນາມໃນໂອກາດມາຢ້ຽມຢາມ ເຈື່ອງຊາ, ພ້ອມທັງສົມທົບກັນຈັດຕັ້ງການບໍລິຈາກ ເພື່ອລະດົມທຶນສ້າງໂຮງຮຽນໃຫ້ເດັກນ້ອຍຢູ່ໝູ່ເກາະທີ່ຫ່າງໄກສອກຫຼີກນີ້.