| ວຽກງານການຕ່າງປະເທດຂອງ ຫວຽດນາມ ແລະ ອົດສະຕາລີ | |
| ການນໍາແຂວງກວາງບິ່ງ ເຮັດວຽກກັບຄະນະຜູ້ແທນລາວ ແລະ ອົດສະຕາລີ ປະຈຳຫວຽດນາມ |
ຕາມຂໍ້ມູນສື່ມວນຊົນຂອງຫ້ອງວ່າການລັດຖະບານ ອົດສະຕາລີ ໃນວັນທີ 6 ມີນານີ້ ແລ້ວ, ຢູ່ນອກກອງປະຊຸມສຸດຍອດ ອາຊຽນ - ອົດສະຕາລີ ປີ 2024, ທ່ານນາຍົກລັດຖະມົນຕີ ອົດສະຕາລີ Anthony Albanese ແລະ ທ່ານນາຍົກລັດຖະມົນຕີ ລາວ ສອນໄຊ ສີພັນດອນ ໄດ້ລົງນາມໃນຂໍ້ຕົກລົງຍົກລະດັບການພົວພັນລະຫວ່າງ ອົດສະຕາລີ ແລະ ລາວ ຂຶ້ນເປັນຄູ່ຮ່ວມມືຮອບດ້ານ.
ຕາມນັ້ນແລ້ວ, ການພົວພັນຄູ່ຮ່ວມມືຮອບດ້ານ ອົດສະຕາລີ - ລາວ ຈະຊຸກຍູ້ການຮ່ວມມືສອງຝ່າຍໃນ 4 ເສົາຄ້ຳບຸລິມະສິດລວມ ທີ່ເໝາະສົມກັບຜົນປະໂຫຍດແຫ່ງຊາດຂອງທັງສອງປະເທດລວມມີ: ປະຊາຊົນ, ການສຶກສາ ແລະ ພັດທະນາແຫຼ່ງຊັບພະຍາກອນມະນຸດ; ເສດຖະກິດ, ການຄ້າ ແລະ ການລົງທຶນ; ດິນຟ້າອາກາດ, ສິ່ງແວດລ້ອມ ແລະພະລັງງານ; ການປ້ອງກັນຊາດ ແລະ ການປະຕິບັດກົດຫມາຍ.
 |
| ທ່ານນາຍົກລັດຖະມົນຕີ ອົດສະຕາລີ Anthony Albanese ພົບພະກັບ ທ່ານນາຍົກລັດຖະມົນຕີ ລາວ ສອນໄຊ ສີພັນດອນ ຢູ່ກອງປະຊຸມສຸດຍອດພິເສດ ອາຊຽນ - ອົດສະຕາລີ ທີ່ດຳເນີນຢູ່ Melbourne |
ກ່າວຄຳປາໄສຕໍ່ໜ້າກັບສື່ມວນຊົນ, ທ່ານນາຍົກລັດຖະມົນຕີ ອົດສະຕາລີ Anthony Albanese ເນັ້ນໜັກວ່າ ອົດສະຕາລີ ມີຄວາມພາກພູມໃຈທີ່ເປັນໜຶ່ງໃນບັນດາຄູ່ຮ່ວມມືຍາວນານທີ່ສຸດຂອງລາວ, ສາຍພົວພັນທີ່ໄດ້ສ້າງຂຶ້ນບົນພື້ນຖານຄວາມເຄົາລົບ, ຄວາມເຂົ້າໃຈເຊິ່ງກັນ ແລະກັນ ແລະ ຮ່ວມມືຢ່າງແໜ້ນແຟ້ນ. ການຮ່ວມມືຮອບດ້ານທີ່ມີລັກສະນະເປັນຫຼັກໝາຍນີ້ ທີ່ໄດ້ສ່ອງແສງຄຳໝັ້ນໝາຍຂອງ ອົດສະຕາລີ ໃນການນຳເອົາການພົວພັນ ອົດສະຕາລີ ແລະ ລາວ ຫຍັບເຂົ້າໃກ້ກັນກວ່າອີກ.
ຍຸດທະສາດເສດຖະກິດ ອາຊີຕາເວັນອອກສ່ຽງໃຕ້ ຂອງ ອົດສະຕາລີ ຮອດປີ 2040 ໄດ້ກຳນົດກະສິກຳ, ສະບຽງອາຫານ, ຊັບພະຍາກອນ ແລະ ພະລັງງານສີຂຽວແມ່ນບັນດາຂົງເຂດໂອກາດຫຼັກ ໃຫ້ແກ່ວິສາຫະກິດ ອົດສະຕາລີ ຢູ່ ລາວ. ການພົວພັນຮ່ວມມືຮອບດ້ານ ກໍຈະໜູນຊ່ວຍ ລາວ ຫັນການພັດທະນາແບບຍືນຍົງສູງສຸດໃນຂົງເຂດດັ່ງກ່າວ.
ທ່ານນາຍົກລັດຖະມົນຕີ Albanese ກໍປະກາດວ່າ ອົດສະຕາລີ ໄດ້ໃຫ້ຄຳໝັ້ນສັນຍາ 3 ລ້ານ AUD ໃຫ້ແກ່ໂຄງການ ຍຸງໂລກ ຂອງມະຫາວິທະຍາໄລ Monash ເພື່ອໜຸມຊ່ວຍລົບລ້າງພະຍາດໄຂ້ເລືອດອອກໃນ ລາວ. ໂຄງການດັ່ງກ່າວ ຈະອຸປະຖຳໃຫ້ແກ່ການຄົ້ນຄວ້າ ແລະ ອະນຸຍາດໃຫ້ ອົດສະຕາລີ ສາມາດແບ່ງປັນຄວາມຮູ້ ແລະ ແຫຼ່ງຊັບພະຍາກອນລະດັບໂລກ ເພື່ອຄຸ້ມຄອງການແຜ່ລະບາດຂອງພະຍາດໄຂ້ເລືອດອອກໃນ ລາວ.
ມິງດຶກ
