| 35 ປີແຫ່ງການຮ່ວມມືດ້ານໂທລະຄົມມະນາຄົມ ອົດສະຕາລີ - ຫວຽດນາມ | |
| ການນໍາແຂວງກວາງບິ່ງ ເຮັດວຽກກັບຄະນະຜູ້ແທນລາວ ແລະ ອົດສະຕາລີ ປະຈຳຫວຽດນາມ |
ກອງປະຊຸມຂັ້ນສູງພິເສດ ອາຊຽນ - ອົດສະຕາລີ ທີ່ໄດ້ດຳເນີນແຕ່ວັນທີ 4 ມີນານີ້ ບໍ່ພຽງແຕ່ແມ່ນໂອກາດເພື່ອເບິ່ງຄືນເຄິ່ງສະຕະວັດທີ່ຜ່ານມາເທົ່ານັ້ນ ຫາກຍັງເປີດກາລະໂອກາດຮ່ວມມືໃນຫຼາຍຂົງເຂດໃໝ່ຄື: ດິນຟ້າອາກາດ, ພະລັງງານສະອາດ ແລະ ເຕັກໂນໂລຢີສູງ.
 |
| ຫວຽດນາມ ແລະ 50 ປີ ອາຊຽນ - ອົດສະຕາລີ |
"ຄູ່ຮ່ວມມືໃຫ້ແກ່ອະນາຄົດ"
ເມື່ອເບິ່ງຄືນປະຫວັດສາດເຄິ່ງສະຕະວັດທີ່ຜ່ານມາ, ອົດສະຕາລີ ຍາມໃດກໍນອນໃນໜຶ່ງໃນບັນດາປະເທດປະຈັນບານໃນການພົວພັນກັບ ອາຊຽນ. ອົດສະຕາລີ ໄດ້ກາຍເປັນໜຶ່ງໃນຄູ່ຮ່ວມມືໂອ້ລົມເຈລະຈາທຳອິດຂອງ ອາຊຽນ ໃນປີ 1974, ເມື່ອນັ້ນ ອາຊຽນ ມີສະມາຊິກພຽງແຕ່ 5 ປະເທດ. ຮອດປີ 2021, Canberra ກາຍເປັນໜຶ່ງໃນສອງປະເທດທຳອິດທີ່ສ້າງການພົວພັນຄູ່ຮ່ວມມືຍຸດທະສາດຮອບດ້ານກັບ ອາຊຽນ ອີກເທື່ອໜຶ່ງ.
“ຄວາມໝັ້ນຄົງໃນການພົວພັນລະຫວ່າງ ອາຊຽນ ແລະ ອົດສະຕາລີ ໃນໄລຍະເຄິ່ງສະຕະວັດທີ່ຜ່ານມາ ແມ່ນຈຸດພົ້ນເດັ່ນທີ່ສຸດ”, ທ່ານ ປອ Troy Lee-Brown ມາຈາກສະຖາບັນປ້ອງກັນຊາດ ແລະ ຄວາມໝັ້ນຄົງ (ມະຫາວິທະຍາໄລຕາເວັນຕົກ ອົດສະຕາລີ) ໄດ້ໃຫ້ຄຳເຫັນຕໍ່ ໜັງສືພິມ ຕວຍແຈ.
ກອງປະຊຸມຂັ້ນສູງຢູ່ Melbourne ບໍ່ພຽງແຕ່ເພື່ອ ອາຊຽນ ແລະ ອົດສະຕາລີ ສະເຫຼີມສະຫຼອງ 50 ປີແຫ່ງວັນຄົບຮອບເທົ່ານັ້ນ, ຫາກຍັງແມ່ນຄວາມພະຍາຍາມຂອງ Canberra ເພື່ອເພີ່ມທະວີຄວາມເປັນໜ້າສົນໃຈໃນສາຍຕາຂອງບັນດາປະເທດ ອາຊີຕາເວັນອອກສ່ຽງໃຕ້ຕື່ມອີກ, ເຊິ່ງເປັນເຂດທີ່ຕິດກັບອົດສະຕາລີ ແລະ ດຶງດູດຄວາມສົນໃຈນັບມື້ນັບຫຼາຍຂຶ້ນຈາກບັນດາປະເທດມະຫາອຳນາດ ຍ້ອນຈຸດຢືນໃຈກາງໃນພາກພື້ນມະຫາສະໝຸດ ອິນເດຍ - ປາຊີຟິກ.
“ອາຊຽນ ແມ່ນຈຸດໃຈກາງໃນຍຸດທະສາດຂອງພາກພື້ນຂອງພວກຂ້າພະເຈົ້າ. ພວກຂ້າພະເຈົ້າຫວັງວ່າ ກອງປະຊຸມຂັ້ນສູງຄັ້ງນີ້ ຈະປັບປຸງບົດບາດຂອງ ອາຊຽນ ໃນການຮັກສາຄວາມໝັ້ນຄົງ, ສັນຕິພາບ ແລະ ການໂອ້ລົມເຈລະຈາຢູ່ພາກພື້ນ ກໍຄືໃນໂລກ ກ່ວາອີກ", ທ່ານເອກອັກຄະລັດຖະທູດ ອົດສະຕາລີ ປະຈຳ ຫວຽດນາມ Andrew Goledzinowski ຢືນຢັນໃນການສຳພາດກັບສື່ມວນຊົນຢູ່ ຮ່າໂນ້ຍ ເມື່ອວັນທີ 1 ມີນານີ້.
ປະຈຸບັນ, ອາຊຽນ ແມ່ນຄູ່ຮ່ວມມືດ້ານເສດຖະກິດໃຫຍ່ອັນດັບສອງຂອງ ອົສະຕາລີ, ຈັດຢູ່ອັນດັບສູງກວ່າ ອາເມລິກາ, ຍີ່ປຸ່ນ ຫຼື ສ.ເກົາຫຼີ. ໃນເດືອນກັນຍາ 2023, ອົດສະຕາລີ ໄດ້ປະກາດຍຸດທະສາດພັດທະນາເສດຖະກິດກັບຂົງເຂດ ອາຊີຕາເວັນອອກສ່ຽງໃຕ້ ຮອດປີ 2040 ດ້ວຍ 75 ຂໍ້ສະເໜີກ່ຽວກັບການເຮັດແນວໃດເພື່ອເພີ່ມທະວີການຄ້າສອງສົ້ນ ແລະ ການລົງທຶນລະຫວ່າງສອງຝ່າຍ.
ດ້ວຍຫົວຂໍ້ “ຄູ່ຮ່ວມມືໃຫ້ແກ່ອະນາຄົດ”, ອົດສະຕາລີ ໄດ້ກຳນົດວ່າ ກອງປະຊຸມປີນີ້ຈະມີ 4 ຂົງເຂດຈຸດສຸມຄື ດິນຟ້າອາກາດ, ພະລັງງານ, ການຮ່ວມມືທາງທະເລ ແລະ ການພົວພັນດ້ານເສດຖະກິດ.
ຫວຽດນາມ - ອົດສະຕາລີ ຂຶ້ນສູ່ລະດັບສູງໃໝ່
ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ກໍ່ແມ່ນໜຶ່ງໃນການນຳ 3 ທ່ານ ທີ່ໄດ້ຮັບເຊີນ - ພ້ອມກັບບັນດາການນຳຂອງປະເທດລາວ, ມາເລເຊຍ - ໃນການຢ້ຽມຢາມ ອົດສະຕາລີ ຢ່າງເປັນທາງການໃນອາທິດທີ່ດຳເນີນກອງປະຊຸມ ອາຊຽນ - ອົດສະຕາລີ. ນີ້ແມ່ນສິ່ງທີ່ຕາມທ່ານເອກອັກຄະລັດຖະທູດ ອົດສະຕາລີ ປະຈຳ ຫວຽດນາມ Andrew Goledzinowski ແລ້ວ, ໄດ້ສະແດງໃຫ້ເຫັນວ່າ ການຕີລາຄາສູງຂອງ ອົດສະຕາລີ ກ່ຽວກັບບົດບາດຂອງ ຫວຽດນາມ ຢູ່ພາກພື້ນ ແລະ ຄວາມຄາດຫວັງກ່ຽວກັບໝາກຜົນຂອງການຢ້ຽມຢາມຄັ້ງນີ້ ກັບການພົວພັນລະຫວ່າງ 2 ປະເທດ.
ໂດຍຕອບສຳພາດກັບສື່ມວນຊົນ ວັນທີ 1 ມີນານີ້, ທ່ານ Goledzinowski ໃຫ້ຮູ້ວ່າ ມີ 5 ຂົງເຂດພິເສດ ຈະແມ່ນຈຸດສຸມໃນການຢ້ຽມຢາມຂອງທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ. ນັ້ນແມ່ນການເພີ່ມທະວີການຮ່ວມມື, ຄວາມເຂົ້າໃຈດ້ານການເມືອງ ແລະ ຍຸດທະສາດ, ເພາະວ່າ 2 ປະເທດ ໄດ້ແປ່ງປັນຄຸນຄ່າທີ່ຄ້າຍຄືກັນຫຼາຍຢ່າງເຊັ່ນ ເອກະລາດ - ເປັນເຈົ້າຕົນເອງ, ເຄົາລົບກົດໝາຍສາກົນ ແລະ ສັນຕິພາບ, ຄວາມໝັ້ນຄົງ, ການຮ່ວມມືໃນພາກພື້ນ.
ທີສອງແມ່ນການຮ່ວມມືດ້ານເສດຖະກິດການຄ້າ, ທ່ານນາຍົກລັດຖະມົນຕີ ອົດສະຕາລີ Anthony Albanese ຄາດວ່າຈະປະກາດນະໂຍບາຍເສດຖະກິດຕໍ່ກັບ ຫວຽດນາມ ໃນໂອກາດນີ້ ເພື່ອເພີ່ມທະວີການລົງທຶນຂອງ ອົດສະຕາລີ ຢູ່ ຫວຽດນາມ. ຂົງເຂດທີ 3 ແມ່ນການສຶກສາ, ໃນນັ້ນ ອົດສະຕາລີ ກໍ່ແມ່ນຄູ່ຮ່ວມມືສຳຄັນຂອງ ຫວຽດນາມ ແລະ ຫວັງວ່າຈະສາມາດປະຕິບັດໄດ້ຫຼາຍກ່ວາອີກ.
"ພວກເຮົາຮູ້ວ່າ ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ມີຄວາມສົນໃຈຫຼາຍໃນດ້ານການສຶກສາ. ທ່ານຈະເຂົ້າຮ່ວມກອງປະຊຸມໂຕະມົນກ່ຽວກັບການສຶກສາຢູ່ Canberra, ບ່ອນທີ່ມະຫາວິທະຍາໄລ ອົດສະຕາລີ ທັງຫມົດຈະມາພົບປະທ່ານ", ທ່ານ Goledzinowski ເປີດເຜີຍຕື່ມອີກ.
ຂົງເຂດທີ 4 ແມ່ນການຫັນປ່ຽນພະລັງງານ ແລະ ການປ່ຽນແປງຂອງດິນຟ້າອາກາດ, ການນຳສອງປະເທດ ຈະມີຫຼາຍການປຶກສາຫາລືຢ່າງເລີກເຊິ່ງກ່ວາອີກ ພາຍຫຼັງ ອົດສະຕາລີ ປະກາດບ້ວງໜູນຊ່ວຍ 105 ລ້ານ AUD ໃຫ້ແກ່ການຫັນປ່ຽນພະລັງງານຢູ່ ຫວຽດນາມ ໃນການໄປຢ້ຽມຢາມ ຫວຽດນາມ ໃນເດືອນ ມິຖຸນາ 2023 ຂອງທ່ານນາຍົກລັດຖະມົນຕີ Albanese. ແລະສຸດທ້າຍ ແມ່ນການແລກປ່ຽນຄວາມຮູ້, ສົ່ງເສີມນະວັດຕະກຳ ແລະ ວິທະຍາສາດ.
“ຂ້າພະເຈົ້າຮູ້ວ່າ ບັນດາຄວາມເອົາໃຈໃສ່ໃຫຍ່ອັນໜຶ່ງຂອງທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ແມ່ນການຫັນປ່ຽນດີຈີຕອນ. ສະນັ້ນ, ຂ້າພະເຈົ້າຫວັງວ່າ ແນວຄວາມຄິດໃຫມ່ຈະປະກົດຂຶ້ນຫຼັງຈາກການຢ້ຽມຢາມທີ່ສໍາຄັນນັ້ນ ແລະ ໄດ້ຮັບການປະກາດໃນອາທິດນີ້", ທ່ານເອກອັກຄະລັດຖະທູດ Goledzinowski ກ່າວ.
ໃນຂະນະນັ້ນ, ທ່ານຮອງລັດຖະມົນຕີກະຊວງການຕ່າງປະເທດ ໂດ້ຫວຽດຮຸ່ງ ໃຫ້ຮູ້ວ່າ ໃນການຢ້ຽມຢາມ ອົດສະຕາລີ ຢ່າງເປັນທາງການ, ການນຳ 2 ຝ່າຍ ຈະກຳນົດທິດການຮ່ວມມືໃນໄລຍະຈະມາເຖິງ, ເນັ້ນໜັກເຖິງບັນດາເປົ້າໝາຍຮ່ວມມືດ້ານການຄ້າ, ຊຸກຍູ້ການລົງທຶນຈາກ ອົດສະຕາລີ ເຂົ້າ ຫວຽດນາມ ແລະ ຈາກ ຫວຽດນາມ ໄປຍັງ ອົດສະຕາລີ.
ຈຸດພົ້ນເດັ່ນຂອງການຢ້ຽມຢາມຄັ້ງນີ້ ຈະແມ່ນເປີດກ້ວາງການຮ່ວມມືດ້ານການສຶກສາ - ບຳລຸງສ້າງ, ໃນນັ້ນ ມີການບຳລຸງສ້າງວິຊາຊີບ ແລະ ເປີດກ້ວາງການຮ່ວມມືດ້ານວິທະຍາສາດເຕັກໂນໂລຢີ, ນະວັດຕະກຳ, ພິເສດແມ່ນເສດຖະກິດດີຈີຕອນ, ເສດຖະກິດສີຂຽວ ແລະ ຂະບວນການຫັນປ່ຽນພະລັງງານ, ພັດທະນາພະລັງງານທົດແທນຂອງ ຫວຽດນາມ. "ພ້ອມກັນນັ້ນ, ຫວຽດນາມ ແລະ ອົດສະຕາລີ ກໍຈະມຸ່ງໄປເຖິງການນຳການພົວພັນສອງຝ່າຍຂຶ້ນສູ່ລະດັບສູງໝ່". ທ່ານ ຫວຽດ ແບ່ງປັນ.
ມິງດຶກ
